أوراق شــــاعـــر

اوراق طيبه


صح لسانك


مدد بلاعدد



تقديري


:


:

اوراق طيبه


صح لسانك


مدد بلاعدد



تقديري


:


:

معاني الشوق
صح قلبك سيدتي
عطرتي اوراقي
تقديري

الورقة40
إهداء لاخي وصديقي يحيى الزهراني
على الطرق السائد عندهم في الجنوب

[poem=font="Simplified Arabic,6,#0005FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لي صاحب(ن)طول عمره منزله فالمشاريف=على شداد المروة والكرم مايحوّل
لابس ثياب الشهامة والشرف والمعاريف=طبيعة ابوه واعمامه وجدّه من اوّل
ان قوطرت به جماله ماتعوّد مناكيف=إلاّ بعد مايجيب المثمنات وينوّل
وانعم بظفر(ن)نماريبه ونفخر كما السيف=للطيب والجود والمعروف بنكٍ مموّل
ذخر لعوانيه واصحابه وللجار والضيف=كنّه نسيم بهماليل السحاب يتجوّل
أسْطع من سهيل كان سهيل يحتاج توصبف=على مباديه يحيى ثابت(ن)ماتزوّل
يفدونه اهل السخافة والرخوم الملاقيف=اهل الزلل والسماجة والكلام المتوّل
وانا مااحب امدح إلاّ محتمين المواقيف=مااحب اصفّ السوالف والكلام المقوّل
يآرب تجعل لابوفيصل عن الشر تصريف=وتكفيه غدر الليالي والزمان المهوّل
واجعل حياته على الطاعة والايام بالكيف=على التقى والنقى والخير عمره يطوّل[/poem]

الورقة 41
[poem=font="Simplified Arabic,6,#0052FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ورقا على اغصان المودّة تنوحي=على معازيف الوله تعزف من امس
اثآرت شجوني وصحّت جروحي=وادمت خفوقي واحمست خافقي حمس
ماذكّرتني غير باحْباب روحي=والكوكب اللي فوق عن مستوى اللمس
ياسيّدي تدري وش اكبر طموحي=أفهق ظلام الليل واعانق الشمس
واحقّق احلام الخيال الجموحي=اللي طمسها الوقت في مهدها طمس
واغرق نجوم الليل في بحر بوحي=واغرس نخيل الشوق في واحة الهمس
ليتك سمعت لصرختي كان توحي=لايحتويك الشك والهاجس العمس
وشلون طيفك صار مثلك شحوحي=ان زار مرّة عقبها يقطع الرمس[/poem]

الورقة 42
القلب يااهــل الملامــة لاتعذلــونــه
دعني على مااشتهي ياعاذلي دعني

ان هب برد الصبا لبيه يـــاعونـــه
وان ذعذع الغربي الغربي يولّعني

توهّجـت جمـرة الهـاجس وغليونه
وغنّيت حتى جميع الناس تسمعني

يـاهيــه مشاعري ماهيب ليمـونـه
ولا فيه شي عن قناعاتي يزعزعني

لاتستفــز الحشا وتهيّض شجــونــه
بالمنطق الإنتهازي صعب تقنعني

من يعشق النفخ عفواً صار بالونه
لسان حالــه يقول انا هنـــا يعني

يستجدي المدح بالْسانــه وبعيونــه
وانا سلومي عن الهفوات تمنعني

اللي بعينه يشوف الناس من دونه
اموت ولا ارتجي هالوجه ينفعني

الروح في صحبة الاجواد مرهونه
مــاعــاد يمديك تقلعني وتزرعني

روّضت حرفي ماعاد اطاوع جنونه
على هوى النفس والخاطريطاوعني

زمان كنت استشيره واتبع ظنونــه
كـــان يتدلّل ونــزواتــه تــروّعني

وهالحين صارالقلم يكتب على هونه
لــو ازهــم الابجديــه جــات تتبعني

اليا مدحـت امـدح اللي يستحقـونـه
اشـاور العقـل قبل القلـب يدفعنـي

ماكلّ زول انخدع في شكله ولونه
ولا كـلّ طيفٍ يشتتني ويجمعنـي

صح لسانك ياهلال على كل نص

والمفترض طالما راح يكون طرحك لقصائدك فقط بمتصفح واحد

ان يكون

بـ ◄███▓▒░ الــركـن الهــادىء ░▒▓█

دمت بحفظ الرحمن

هلال



من كل بستان زهره طيبه




للـــه درك ودر شعرك بتنوعه مبنى ومعنى وجزاله




دائماً حضورك مشرق

صح لسانك ياهلال على كل نص

والمفترض طالما راح يكون طرحك لقصائدك فقط بمتصفح واحد

ان يكون

بـ ◄███▓▒░ الــركـن الهــادىء ░▒▓█

دمت بحفظ الرحمن

هلا وغلا بشاعرتنا
صح قلبك سيدتي
أنرتي أوراقي
وفي الركن الهادي عندي
مسرح الجرح
دمتي ودام حضورك المشرق

[align=center]

المشاركة الأصلية كتبت بواسطة شجن
صح لسانك ياهلال على كل نص

والمفترض طالما راح يكون طرحك لقصائدك فقط بمتصفح واحد

ان يكون

بـ ◄███▓▒░ الــركـن الهــادىء ░▒▓█

دمت بحفظ الرحمن

هلا وغلا بشاعرتنا
صح قلبك سيدتي
أنرتي أوراقي
وفي الركن الهادي عندي
مسرح الجرح
دمتي ودام حضورك المشرق

^


صحت روحك ومشاعرك

والله يوفقك [/align]

هلال



من كل بستان زهره طيبه




للـــه درك ودر شعرك بتنوعه مبنى ومعنى وجزاله




دائماً حضورك مشرق

اخي عبدالله بن شايع الزهيري
حياك الله وانا اخوك
مرورك فخر ياأمير
مودتـــــــــــي

[align=center]


^


صحت روحك ومشاعرك

والله يوفقك [/align]

شجن مرحبا أوّل وتالي
عطرتي أوراقي

الورقة 43
[poem=font="Simplified Arabic,6,#001CFF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياكثر ماحثيتها صوبك خْطاي=ولاقدرت اوصل لخط النهاية
انصاك مير اضيع ويضيع ممشاي=سراب يركز فاشْهب اللال رايه
اتوه في صحراء الضما واطلب الماي=وسايلي تعْبت تبرّر لغاية
الريح تعزف كنّها عازف الناي=تزيد من همي وتردف عنايه
واشاور الطير المحلّق وش الراي=اكمل طريقي والآّ اعوّد ورايه
واسمع صدى صوتي من اقصى المدى جاي=يحمل تعب صوتي ويحمل شقايه
يقول من يشقى ورا حب نسّاي=يعوّد ادراجه لخط البدايه[/poem]

الورقة 44

[poem=font="Simplified Arabic,5,#3800FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
السحاب اللي من المنشا رفيّه=استباح الروح وعيوني سحرها
نوض برقه يخطف الابصارضيّه=شاقني واثّر على العين ونظرها
هلّي الما يالمزون العقربيه=غيمة الحرمان مانقّبل عذرها
احتويني في مجال الجاذبية=واحيي آمالٍ عثا القيظ بزهرها
كل غصن صابه الوقت بشظيّة=والجفاف اجتاح الاوراق وشجرها
مبطي ادعي خالقي وارفع يديّه=واترجّى نوّةٍ يهمي قطرها
مير حظّي ساق غيمة نرجسيّة=ساع ذيّرها الهوا واجهى مطرها
الهوى المجنون عاكسها شويّة=لين عكّر جوّها واعمى بصرها
واتركتني في سراب المهمهيّة=في صحاري طوّق احساسي خطرها
غيمة الحرمان راعدها قضيّة=صوته يزلزل ثرى البيد ومدرها
مير لا يمطر ولايصدق نويّه=مااغرق البيدا ولا سيله حدرها
من عذابه حط فالوجدان كيّة=مااحدن يسبر مداها من كبرها
من كبرها كنّها مقلع طميّة=تقْل نيزك طب من فوق وحفرها
ورغم هذا لوقسى وقتي عليّه=نفسي المولى على العزة فطرها
مارْجي المقفي ولااعاين نحيّه=والغيوم الذاهبة مامْشي فاثْرها[/poem]

الورقة 45

[poem=font="Simplified Arabic,5,#5C5AE9,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
جابك الحظ مدري كيف ومنين جيت=ياطبيب الخفوق وجرحه السرمدي

جيت مثل المطر شنّة ورنّة وصيت=في نواصيه برقٍ لامعٍ وبْردي

احسبنِّي نسيتك واثرني مانسيت=ساع شفتك وقلبي صار يعدي عدي

فز ماكنّ ودّه في ضلوعي يبيت=لولا انا ماسكن حدب الضلوع بيدي

قام يهبد بلا يمِّة وكنّه ونيت=سايقه ورعٍ اقشر والمرافق ردي

ذبّوا الريع والماطور مافيه زيت=وحطّموا كل شيٍّ فيه حتى البدي

مير ثبتّ في ميقافي ولا مشيت=وإلاّ انا لومعي حيلة لاجيك اجْهدي

ردّني عنْك مبدن راسخٍ به ربيت=ديني وعقلي وخوفي حدنّي حدي

ادري انّك بخير وفالحياة اهتنيت=كل هذا وربّي من دواع اسْعدي

فرحتي فرحة كويتي بنصر الكويت=يوم عاد لبلاده وادبر المعتدي

أنت نبراس في ضيّه كتبت وقريت=كلّ حرفٍ شجيّ وكلّ حرفٍ ندي

وانت بدرٍ على شلال نورك سريت=من ضياك استنير وفي سناك اقتدي

يارعى الله ليالٍ في سمانا بديت=مااعرف سهيل والزهرة ونجم الجدي

كلّما اشوفك ابدع لك من الشعر بيت=يوم كنتوا وكنّا والبساط احمدي

أذكر انّك على اقفال الضماير سطيت=واذكر انّك سرقت النوم من مرقدي[/poem]

الورقــــة46

[poem=font="Simplified Arabic,6,#4F00FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الغيم لو داعب جبال السراوات=الشعر ينبت من رباه ووهاده
ياللي تحرضني على بدع الابيات=ماعادلي فالشعر شفِّ وراده
احسن منه لو انّي اقرالي آيات=بعد الفريضة في بيوت العبادة
والاّ اركع اليا هوّد الليل ركعات=وقت السحر والليل مسدل سواده
وارفع يديني تالي الليل لحظات=لحظات ربّي يستجيب لعباده
اوقات فيها تستحب المناجاة=ومغادر فراش الدفى والوسادة
تجري بنا الدنيا بدون اتجاهات=احيان نغوى عن دروب الرشاده
واحيان نمشيها على كيف ماجات=ماهيب حسب المعرفة والارادة
ندلّها مرات ونضيع مرات=ولا كل مخلوقِ يحصّل مراده
بين الفرح والحزن نقطع مسافات=فيها ندوّر للونس والسعادة
احلامنا كالغيم غطّا مساحات=لكن مايصفى للارض بوداده
المسعد اللي ماغدا فالمتاهات=قدّم لنفسه قبل تبلى جداده
والشعر ماهو من عظيم الكرامات=هرج العرب والابجديّة مداده
مليون شاعر عانهم فالقناوات=شباب واطفال وبنات وعواده
كلَّ يقول انا زعيم المهمات=الفارس اللي ماتعثّر جواده
ثلثينه مهايط ورب السماوات=يحتاج جراح ودوا فالعيادة
الشعر يبقى حي لو شاعره مات=وبديوي الوقداني اصْدق شهادة
وفالحاضر الراهن رموز وعلامات=وكلِّ يدوّرله مثل من بلاده
اشعارهم تاريخ مجد وحضارات=تبقى على صدر الليالي قلادة[/poem]