أوراق شــــاعـــر

الورقة 26
إهـــداء آخر للوطن

[poem=font="Simplified Arabic,6,#38BB47,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
موطني يامهبط الوحي ياوهج الشموس=يافنار العلم مهد الرسالة والنبي
فيك بيت الله تهفو له اخيار النفوس=من بقاع الارض شرقيّها والمغربي
ديرتي يامنهل النور فالوقت العبوس=يازهور العشق في كل حرفٍ يعربي
لبّسوها آل السعود الحلي واغلى اللبوس=درعها الإسلام وسيوفها الشعب الأبي[/poem]

الورقة 27

[poem=font="Simplified Arabic,5,#4800FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياورود الطايف احساسي الليلة قصيد=والحروف اغصان يلعب بها ريح الصبا

كلّما ذعذع نسيم المشاعر من جديد=ذكّر المشتاق عهد المودّة والصبا

أنت ياللي شوفك وقربك وطاريك عيد=يالطيف الروح مسموح ياعذب النبا

أنت بس آمر تدلل وشتحب وتريد=لو طلبت سهيل والمشتري قلنا جبا

شوف كم لك في بنوك المحبة من رصيد=كنك أكبر تاجرٍ حط ماله فالربا[/poem]

الورقة 28

[poem=font="Simplified Arabic,6,#001CFF,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
تمهّل قبل ترحل اليا عالم النسيان=وتنسى الذي لاهو بناسي ولاداله
ولاعافك الخاطر ولاملّك الوجدان=هذ الهرج من قاله هذ الهرج من قاله
غلاك وهواك وكل شيٍّ على ماكان=على حطّة ايدك كل شيٍّ على حاله
هنا فوضويّتك وجنونك لها عنوان=وهنا الذكريات وصادق الحب واطلاله
وهداياك تملأ باحة الصدر والاركان=وينبّض لك الخفّاق ويبهّر ادلاله
سقى الله زمان الوصل ياسيّد الخلان=زمانٍ شربنا النبع من صافي ازلاله[/poem]

الورقة29
[poem=font="Simplified Arabic,6,#0043FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودي أزورك واشوفك يابعد حيـي= لكن بعـد المسافـة بيننـا حايـل
ياليتني في مرابـع حاتـم الطيـي= في مرقبٍ نايفٍ وابدي على حايـل
ياسلطنة خافقي وجنونـي وغيـي=الشوق لك من مشاريف الحشا سايل
ياشرقي وغربي وياشمسي وفيـي=شيّدت لك في فؤادي معلـمٍ طايل
ان قلت من نور وجهك يشرق الضيي=ردّيه عنّي اليا قالوا من القايل
وان قالوا انتي كما باقي البشر عيي=قولي انا البدر في مرقابه الهايل
أمّا أنا في غرامك ماحدن زيي=حتّى لوانّي من هموم الزمن شايل
إن قلت زانت وحلمي صار متهيي=كذا اعترضها الحقاف وحظّي المايل[/poem]

الورقة 30
[poem=font="Simplified Arabic,5,#1F31BE,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يازين شاب الامل في زحمة ظنونك=قتلت ود الشعور وعمر الاحلاما
سجنت حرفي وانا مفتون فعيونك=ياما تمنيت اصافح ودّها ياما
الله حسيبي على اللي حال من دونك=واقف على الدرب عثرة طول الاياما
ليتك تجمّل وتقبل عذر مفتونك=لاتشتكيني على (باراك اوباما)
وياورد عندي فضول اداعب غصونك=واخاف من شوكك وعثرات الاقداما
بادر بنفحة وصل واصير ممنونك=ارسمك وانا كفو شاعر ورساما
تعال نرسم شعاع الشمس من لونك=واكتبك حرف(ن) تعذّر عنه الاقلاما[/poem]

الورقة 31[poem=font="Simplified Arabic,5,#2C1DEA,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
حي الله اللي فوق هام الغلا فوق=اللي رماني في بحور المودّة
اتوق له واتوق واتوق واتوق=توق الغريق لمنقذ يمدّ يدّه
اليا قريت حروفه ارتاح واروق=تقول بحّار (ن) ولف بحر جدّة
وألاّ حجازي شايف(ن)نو وبروق=مع كل نوضة برق شوفه يلدّه
الله يفرج ضيقة الصدر ياذوق=يابلسم احساسي وعطره وندّه
ياللي عليك من الحلا والبها طوق=مثل طلوع النور ماعنك صدّه[/poem]

الورقة32
[poem=font="Simplified Arabic,5,#0A00FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
السحاب اللي على جوّي غطـا=شاقني نـوّه وبرقـه والرعـود
فز له قلبي بعـد طـول البطـا=وهبت رياحه جفا وامطر صدود
انتظرت ايام وصلـه والعطـا=قلت يمكن يذكر الـود ويجـود
كنت اهد النايـف لعينـه وطـا=وكان يغمرني رياحيـن وورود
ويوم حبّه في شراييني سطا=هجّر اشواقي على صحراء النفود
ياحبيب الروح ياكبر الخطا=أثرك ابيض قلب نواياك سود
مير انا فدروبك احث الخطا=ذكرياتك ياسمين ودهـن عـود
وارسل الاشواق مع طير القطا=وسأللك وين المودّة والعهـود[/poem]

الورقة 33
[poem=font="Simplified Arabic,5,#002CFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الدّرر وش الدّرر غير الحكي من فمّك=والجواهر مااعتبرها غير هرج لسانك
تسمح ارحل منك فيك ومن عذابك يمّك=تسمح ارحل من جنونك ف الهوى لجنانك.
تسمح ابعثرك واشتّتك ثم المّك=واجمع اسراب القصيد التايهة ف احضانك
تسمح أظما من رواك وتسمح اروى جمّك=سيدي شكّلني ولوّني بألوانك
تسمح اسكن في شرايينك واخالط دمّك=واتربّع فالحشا وابات في وجدانك
إن تعبت اتعب معك والقلب يحمل همّك=ودي اشاطرك لوعات الزمن واحزانك
انت ياورد الحجاز اهواك واعشق شمّك=ليتني ياورد نحل(ن) ساكن(ن)ف اغصانك[/poem]

مررت من هنا وارتويت شعر وسوف اكتفي وانصرف


صح لسانك


سجل اعجابي

مررت من هنا وارتويت شعر وسوف اكتفي وانصرف


صح لسانك


سجل اعجابي

أخي خالد سعد العبسي
صح قلبك ونبضك
مرور من نور طال عمرك

الورقة 34
[poem=font="Simplified Arabic,5,#1200FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يابخت نجد العذيّة بالذي زارها=زاد الخزامى خزامى والمشاتل ورود
عطرتي انفاسها واشعلتي انوارها=زينٍ على زين وانتي مال زينك حدود
حتى القلوب اقتحمتي عالي اسوارها=حبّك غزو مايردونه سريّة جنود
بعْدك دمار القلوب وقربك إعْمارها=شوفي سهر عيني ولهفةخفوقي شهود[/poem]

الورقة 35
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودّك تعـدّا حدّنـا ياحليـلـك!؟=ماعلمـوك انّاعرب دمّنـا حـار
لوتجلب بزيفك ورجلـك وخيلـك=قدّمك عذابٍ منْزل وسيف بتـار
نقدر من اطراف الجزيرة نزيلك=احدودنا موت وبراكين واعصار
هذا جبل دخـان ياطـول ليلـك=بعده تشوف اجبال واجبال من نار
هـذي رسالتنـا وعلّـم خليلـك=تبّت يداكم ياغريبيـن الاطـوار
اللي يحوشك حوش واعمى دليلك=رماك فدْروب المهالك والاخطار
يقول هذا دربك وشد حيلك=واللي يساق ويجري لحتفه0000[/poem]

الورقة 36
[poem=font="Simplified Arabic,5,#564BE8,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يامرحبا في بلادك وانت قلبك وطن=قلبك وطن يسكنه عشرين مليون قلب
من حد الاردن شمال اليا حدود اليمن=ومن الخبر شرق حتى ساحل الليث غرب
سلامتك ماتقدّر سيّدي بالثمن=يافارسٍ تعشقك دولة ويهواك شعب
من شاف بسمة شفاتك مايشوف الحزن=بشاشة الوجه تكفي عن طعامٍ وشرب
مدّت يمينك تشابه ساريات المزن=ولمساتك الحانية رحمة وبلْسم وطب
كأنّك البحر جودٍ ماتقفاه من=وكأنّك النود ساعة بالبشاير تهب[/poem]

الورقة 37
[poem=font="Simplified Arabic,5,#4729E4,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياللي على الخاطر لك ايام تطري=لبى الغلا والذكريات الجميلة
لازال طيفك ضيف نبضي وصدري=وان مرّ طيفك ماهي بأي ليلة
غلاك بلسم فالشرايين يسري=وذكراك وشم الطب يعجز يشيله
بدري عليّ انساك يازين بدري=يامستحلّ القلب فترة طويله
ألقاك فأوَل وآخركتاب عمري=ف اغلافه وفي محتواه ودليله
تاهت بنا الايامام ماعاد ندري=الحلم يجرفنا اليا وين سيله
مثل السحاب اشوف الايام تجري=ويابخت منهو طاعة الله حصيله[/poem]

الورقة 38
[poem=font="Simplified Arabic,6,#002CFF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
حي الله اللي محتفظ بالمودّة=ماغرّ منهايوم غيره نساها
حتى لوانّه ساكنٍ وسط جدّة=ماغيّره بحر العروس وهواها
الطيب ورث اعمامه وّورث جدّه=نعم الرجال اللي ينومس نباها
نفسه عن دروب العلا ماتردّه=يرقى لها لو انّها في سماها
لو تنتخي تلقاه في كل لدّه=درعٍ وسيف تفخربْه وتباها
فالمعضلات يسوق عمره وكدّه=طنخة عتيبي عاليٍ مستواها
راسي سواة طويق ماباح سدّه= تصفق به الريح وتعوّد وراها[/poem]