أوراق شــــاعـــر

تصمميم الرائع سعود العتيبي





[img][/img]

من دم جرحي شفني اكتب لـك ابيـات
ابــــشّــــرك مـــافـــيـــه لــلــحــبـــر داعـــــــــي



صدقت ماكتبت لم يكن بحبر عآدي


صح لسانك اخوي هلال العتيبي


رائع ماقرأت من نصوص


دمت بخير


تحياتي


اختك الزايديه

من دم جرحي شفني اكتب لـك ابيـات
ابــــشّــــرك مـــافـــيـــه لــلــحــبـــر داعـــــــــي



صدقت ماكتبت لم يكن بحبر عآدي


صح لسانك اخوي هلال العتيبي


رائع ماقرأت من نصوص


دمت بخير


تحياتي


اختك الزايديه

شاعرتنا الزايدية
صح قلبك ونبضك
نورتي اوراقي ياأميرة

[align=center]راجعت صفحـــــة هوانا مالقيت إلاّ
ابياتي اللي بعطـــــر الورد كاتبهــا
وانته على هامش الاوراق تتسلى
ترسم قلوب وسهم الحب صايبهــا
يانفحـــة الورد والريحــــان والفــــلا
ذكراك تلفي على النفس وترتبهـــا
لبيــــه لــو كنت تتبغــــدد وتتغــــلا
انا كذا اعشق نجوم الليل واطلبهــا
واهوى بروق السحاب وجاهز هــلا
والغيمة اللي همت وارخت ذوايبها
واطرب لروض زهاه الفجر والطـــــلا
وارض خيالية امشي في مناكبهــا
وان قلتلي شوف غيري قلتلك كـلا
ياجوهرة روحــي وغايــــة مطالبهــا
صحيح ياصاحبي عهـــد الجهـل ولا
صرت اجبرالنفس واردعهاواحاسبها
إلاّ قضيــــة غرامـــك مالهـــــاحـــلا
ف/اسمى مطالبي وفااعلى مراتبها[/align]

[align=center]البارق اللي ينوض ويخطف الشوف شرق
امسيت اخيله من المغرب الين الشروق
اساهره طول ليلي واحسبه برق بـرق
قلبي مولّع وانا مغرم بنوض البـروق
يابارق الشوق اغنّي لك على كل طرق
تليق فيك الخواطر والشعر والطـروق
يابرق بينك وبين بروق الامزان فـرق
هنا يبان التميّـز والوهـج والفـروق
يابرق بلّغ سلامي وارّتفـع فـوق ورق
هذا جوابي وتوقيعي ونبـض العـروق
قل للغظي لايحاول يسرق القلب سـرق
وين انت ساري بقلبي يالمزوح السروق
لازم تردّه ولـو دونـك عفاريـت زرق
والاّ نويت اعتزي واجيب برقـا وروق
وعاد انت تعرف عتيبة تحرق الجن حرق
عدوّهم ينكـوي من نارهـم والحـروق
وحليفهم يغرقونه بالكرامــات غــرق
بحر كراماتهم بحرن عظـيم وغـروق
وصلاة ربّي على الهادي كثر نوح ورْق
وكثر الزهر والثمر في وارفات الوروق[/align]

[align=center]بعض الغلا مثل الاسم وشم فالذات
يموت راع الاسم والاســـــم باقــــي
عاد انت ياوجــه السعــد والمسـرات
طرياك موطن لهفتي واشتيــــاقــــي
عليك طير القلب يكفـــــــخ مسافـات
من الحجـــاز اليا حدود العراقــــــــي[/align]

[align=center]تعــــال شـــرّف صفحتي ف الفيس بـوك
اكتب لك احساسي ب اسم ربان حـرف
اقلط على طيب وغــــلا مابـــه شكـــوك
واغرفلك من الــــود ومن الشوق غـرف
لو ناظـــروا في عينـــي العربـــان اروك
ازريت ادسّك بين رمش وبيـــن طــــرف[/align]

[align=center]هلا والمشاعـــر غيمـــة وبارق ورعـــاد
مطرها غرام وصدق واحساس ومــروة
وانا اقول ليه الطايف اشــرق ونـوره زاد
وليه ابتسم ثغره وليش استوى جـوّه؟؟
واثر نسمةٍ من شــرق هبّت بلا ميعــاد
تداعب جبال الطايـــف وعشبــه ونـــوّه
ألا ياغزال الريــــم لك فالحشـــــا ميراد
وجسر الوصـــل مافيه فجـــوة ولاهــوّة
هلابك هلابك مرحبا والهجـــوس جــداد
لك القلب صافي والحشا مشعلٍ ضــوّه
عزمتك على دلّة وصدق الشعــور قنــاد
سوات الذهـب فنجانهـا ماهــــو مـــــوّه
غلاكم عمرله فـي فسـوح الخفـوق بلاد
وهذا الغـــلا من عــام الاول مهــو تـــوّه[/align]

[align=center]اللهم بارك لنا في شعبان
وبلغنا رمضان
وكل عام وانتم بخير

جيت تغمرني اطياف الفـرح والسعـادة
والمشاعر نسايم والاحاسيس نااااوة
جيت اهنــي بوافــدنا وحـــي الوفــادة
واتنقّى من اسمــــان المعاني نقـــاوة
ليـش لا؟! لـــو تفرّغنـا شهــر للعبــــادة
في صيام وقيـــام وبين ذكْـــر وتــــلاوة
نترك الهرج ف الناس الذي صــار عـادة
بعضنا صايــر لسانـة ســـواة الهـــراوة
ناصل الرحـم لـو ان القطيعــــة مــراده
تبّت ايد القطيعـــة كـان صـارت ضـراوة
ليتنــا نلبس ثيــاب التقـــى والرشــادة
وانتعامـل مـع الجـار بوقـــار وهـــداوة
والتعصّب بغيض ولا سقى الله بـــلاده
والله انّــه نذيـــر التفرقـــة والعــــداوة[/align]

كل عام وانته بخير وعيدك مبــــــارك

يااللي بشوفك وقربـك يكتمــل عيــــدي

حبيت اهنيـــك قبـــــل الكــــــل وابارك

واهديـــــك ودّي وبيتٍ كاتبـــه ب ايدي

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلطان من لليتيم اللي يهـــــل العبـــــار؟=واللي على كبده همــــوم الليالي وطـن؟
من للمعاق الذي عافــــه زمانـــه وبـــــار؟=بعدالله إلا انت يالشهم الكريــــــم الفطــن
من للمساكيـــــن والمرضى كبــار وصغار؟=غيرانت ياللي عن انسانيتـــــه م انشطن
احييت مكــارمٍ توشـــــك علـــى الاندثــــار=هبّت بجــــودك نسانيس الصبا وانشطـن
بشاشتــك موطــــن آخر للمواطــــن ودار=في ضحكتك فجر ساطع وابتسامة وطــن
حنا فقدنا سنـــا بدر وشعـــــاع وفنـــــــار=إلاّ فقدنا السخـــا واكرم يديــــنٍ عطـــــــن
ياراس مال الشهامــة والكـــــرم والوقـــار=تفخربك الارض ياسلطـــان ظهـــــر وبطن
مير العزاء في حبيب الشعب حام الذمـــار=مليكنا بالعطــــــا الوافـــر يدينــــه سطــن
ونايف مغرّبــل الارهــــاب ليــــل ونهــــــار=شيخٍ بناله قصـــر في كـل قـلب وقطــــن
بين الملك واسرته والشعب جسرٍ عمـــار=مبني من الصلب والفولاذ ماهـــو قطــــن[/poem]

[poem=font="Simplified Arabic,5,#0043FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
فرقا من اصحــاب الخنا والتلابيـــــخ=مآوى الجهل مثوى العقـول العليلـة
(الناس تصنع طايرات وصواريـــــخ)!=والبعــــض منّــــا يفتخــــر بالقبيلـة!
يقول انا شيخٍ ولد شيـخ بن شيــخ!=وانا وريــــث المجــــد وانا سليلـــه!
ابوي كـــان منــوّخ المجــــد تنويـــخ!=وانا ملكتــــه مـن سنيـــنٍ طويلـــة!
وافخربجدي طاخ بن طوخ بن طيخ!=اكبــــر حرامـــي بين ربعـــه وجيله!
نهب حلال صميخ ومليـــخ وفريـــخ!=ومغربل الجيـــران فــي كــل ليلـــة!
وين الفخر في كل ماقلت يا(؟ـ؟ـ؟ـ)؟=ويكرمون اهـــل الفعـــول الجميلـــة
مثلك وشرواك الدلـــوخ المنافيـــــخ=ياجعلكـــم مظهـــــار ريـــع الفشيلـة
تلقى الجســم بالون والراس بطيـخ=مسكين ماغيـــر المهايـــط حصيلـــه
جماجـم فـرّخ بهــا الجهـــل تفريـــــخ=اثر التخلـــف شــــر مافيـــه حيلـــــه
طعم التعصّت طعم حنظل وزرنيــخ=ياحيـــف من كــان التعصــب دليلـــه
لو نفتخر ب المبدعين المطانيـــخ=اهل السمو واهل الكرم والفضيلـة
وعادات اهلنا النايفـات الشماريـــخ=الشامخـــات المثمنـــات الاصيلـــــة
نفخر بدين الله حضـــــارة وتاريــــــخ=والمصطفى الهادي وجنده وخيلــه[/poem]

هلال .. بيض الله وجهك على هذا الابداع


ولا هنت

هلال .. بيض الله وجهك على هذا الابداع


ولا هنت

ووجهك ابيض يامحمد
اسعدني مرورك طال عمرك

[align=center]لاحقيني بالنظـــر يانظـرة الطـــرف اللعوبـــه
عيدي النظرة على ماقالــــوا النظرة سلامـا
مزنةٍ ذعذع بها الغربــــي وجابتهــا هبوبـــــه
حولها شوقي يحوم ولجلها شوفي تسامــا
اقبلت مثل الربيــــع انوار وازهــــار وعذوبـــة
عطرها واحساسها وانفاسها ورد وخزامــى
كنهـــا بستـــان وردٍ ماحــدن يعرف دروبــــه
غير قطرات المطـــر لاحوّلت فوقـه تهامــــى
اشهداني جزت من درب الغرام وقلت توبـه
لين شفت اللي جبينه ناهبٍ بدر التمامـــــا
ادعجٍ كن العطر يصنع من انفاســه لثوبــــه
يستبيح قلوب خلانه ولا يخشى الملامــــا
ان تبسّم ماتشوف الاّ الشفق لحظةغروبه
وان تكلّم ودّي اغرق في ينابيـــع الكلامــــا
النسيم اليا تعـــداه استدار وعـــاد صوبــــه
يحضنه باحْساس ويضمّه بلهفة واهتمامــا
الله يبيحــه على تعذيبـــي ويغفـــر ذنوبــــه
كثر ماتصدر عن حياضــه معاليقــي حيامـــا
ان تغلّى تنخلق في خاطري مليون حوبـه
وان تخلّى راحت ضلوعي من الفرقاحطاما[/align]