أوراق شــــاعـــر

الورقــــــــة 8
[poem=font="Simplified Arabic,6,#0071FF,bold,italic" bkcolor="" bkimage="" border="none,4,#400000" type=3 line=0 align=center use=ex num="0,#400000"]
صباح الورد والفل وخزامى والنفـل والشيـح=صباحات الشعر واحلى الكلام اللـي يقولونـه
صباح الزيزفون ولهفـة التلميـح للتصريـح=صباح النور والعطر اللـي العشـاق يهدونـه
صباحٍ يحطب ضلوعي صباح الوجد والتبريـح=صباح يعطر أنفاس القصيد ويلهـب شجونـه
حبيبي والامل مركب عثا فيـه الالـم والريـح=وبحر الياس من خلفه وبحر الخوف من دونـه
وربانه غشاه المـوج لـولاه اكثـر التسبيـح=وسلَم للقدر روحـه وشـاف المـوت بعيونـه
على الله يالغصون اللي من اوجاع الزمان تطيح=يغربلها الزمان بعاصفـة هوجـاء ومجنونـة
وعلى الله يالغموض المرتمي في لجّة التوضيح=تدثَر في ثيابه وانصهـر فـي شكلـه ولونه
أبد محدٍ بجابرني بمكنون الفؤاد ابيح=ولا اخلف نيتي لو كان غيري يخلف اظنونه[/poem]

الورقــــــة9
[poem=font="Simplified Arabic,5,#0015FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
شكرا على الجرح !!ماقصَرت خيرك كثير=اثرالجمايـل كـذا العالـم يردونـهـا؟؟
اسواتك اسواةالاعمى اللي يقود البصيـر=قصتـك ياصعبهـا عنـدي وياهونـهـا
ليه الوفاء عند بعض الناس قطعة حصير؟=حسب الطلب تفرش وفي ساع يطوونها!!
ماني مجازيـك وابذكـرك دايـم بخيـر=مثلي يحافظ علـى الاسـرار ويصونهـا
كنت احسبك بحر ماله قاع واثرك غدير=خيّبت هقوات روحي فيك وظنونها
ودّعت سمومك المشؤم والزمهرير=وتركت بقعاءتحوش احلامك بشونها[/poem]

9 سبايك ذهبيه ياهلال


صح لسانك وصح فكرك وبدنك


تحياتي

هلال

صح السانك ولاهنت

كل ورقه بمثابة قصيده

لك تحياتي

9 سبايك ذهبيه ياهلال


صح لسانك وصح فكرك وبدنك


تحياتي

اخوي فهد
مرورك يضيفلي الكثير
صح كلك يالغالي
اخووووووك

الورقة10

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هبّت علينا اخبار ماهي سعيدة=لكن باللي قدّر الله راضين

مالوم قلبي لو تزايد وقيده=وماالومها لوهلّت ادموعها العين

يآرب ياللي يستجيب ل(عبيده)=احسن عزانااللهمّ ف(ابن جبرين)

ياشيخنا عزالله انّك فقيدة=واكبر خسارة في ضحى هذا الاثنين

نبراس ف/ادروب الهدى والعقيدة=تحارب الباطل وتحمي حمى الدين[/poem]

الورقة 11

[poem=font="Simplified Arabic,5,#0300FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
تعال مشتاقلك من جد مشتاقلك=يضج قلبي وله ويعج قلبي حنين
توجك قلبي على عرش المشاعر ملك=وزرعلك الفل واليشموم والياسمين
انت الهوا والكواكب والقمر والفلك=قوس المطر والشفق والطيف والفرقدين
جاوبني بلهفة الاشواق قبل اسألك=ياحرفي المرهف الحساس هل من ضنين
تعال واشعل فنار العشق قبل اشعلك=تعال بلسم يداوي من جروح السنين[/poem]

هلال

صح السانك ولاهنت

كل ورقه بمثابة قصيده

لك تحياتي

عميد النداوية
اخوي حسن الوطري
صح قلبك ونبضك يالغالي
مرورك وسام لاعدمتك

الورقة 12

[poem=font="Simplified Arabic,5,#1A12DA,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لو الاماني تجيبك يالغظي ساعة=من كل قلبي ووجداني تمنيتك

القلب ينبض غلا في مجمل اوضاعه=في داخله حيّك وشارعكم وبيتك

يانبض قلبي ومصيافه ومرباعه=تعال وإلاّ بلهفة خاطري جيتك

القلب مفتوح ماصكيت مصراعه=لاضير لو العمر كلّه تحرّيتك[/poem]

الورقة13

[poem=font="Simplified Arabic,5,#1830EE,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
الشيب اشوفه جاي منّا ومنّا=وين انت رايح ؟حسبي الله على الشيب!!
بدري: علامك جاي ؟!لاتمتحنّا=لازال فالخاطر جموح ومطاليب
خل الخفوق يحقق اللي تمنّا=احلام وآمال وطموح ومواجيب
آمـــآلنا فوق الكواكب تبنّا=وآجالنا عند الّذي يعلم الغيب[/poem]

الورقة14
[poem=font="Simplified Arabic,5,#0061FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
من دم جرحي شفني اكتب لك ابيات=ابشّـرك مافيـه للحـبـر داعــي
نزف الجروح اصبح بحجم المحيطات=يشيل اساطيـل الولـه والسواعـي
صارت رياحك عصف دون اتجاهات=من شان تغرق في بحورك شراعي
وصحّرت في قلبي جميع المساحـات=كانت بساتيـن وحقـول ومراعـي
مناخه اصبح قيض دايم وآهات=وصارت تضاريسه صخور وجراعي
من سبّتك صارت دروبي متاهات=وانته تبختر في مراسم ضياعي
لكن انااعرف مخرجي فالنهايات=بالمختصر صعب احد يلوي ذراعي
انا شموخي من شموخ السرارات=الكل يعرف هيبتي وارتفاعي[/poem]

الورقة 15
[poem=font="Simplified Arabic,5,#001CFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياسيّد القاف هذا القاف لك وحدك=ياباشة الحرف يانبضه ووجدانه
ياساكن القلب لاقبلك ولابعدك=أحدن سكن فالفؤاد وزلزل اركانه
ابطيت وانا اتحرّاى وانتظلر وعدك=وابدي لنو الحيا واخيّل امزانه
ياصاح لاورد فالدنبا سوى وردك=المختلف حيل ف/اشكاله وف/الوانه
اطلب نجوم الثريا وابشر بسعدك=ويمكن اجيب القمر واقولّك عانه
شاعرك مفتون في صيفك وفي بردك=لو تسكن الواق واق اوطانك اوطانه[/poem]

الورقة 16

[poem=font="Simplified Arabic,5,#2900FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
دخيل الدمعة اللي حولت بالكحلـة مـن العيـن=وصارالكحل فوق الخـد لوحـة فـن مرسومـة
سواد في بياض وزين زايد زيـن زايـد زيـن=ترى من ينتحر ف اهداب عينك محدن يلومـه
أبد مقوى البكا فـي ساعـة التوديـع لاتبكيـن=أنا وين اتذرّى عـن رمـاح الدمـع وسهومـه
إليا منّك بكيتي صـرت كلمـة تحتهـا خطيـن=وصرخة غير مسموعة وجملة غيـر مفهومـة
تجرعنا مرار الدهـر كـاس وبعدهـا كاسيـن=واخذنا من حلاهـا زاد طرقـي ليلـه ويومـه
تنازعنا الحلا والمر مدري كيف مـدري ويـن=لكـن المعركـة للمـر معروفـه ومحسـومـة
تقول اصبر واقول اصبر صبرنا!!!طيب وبعدين؟=غفا نجم الأمل فـي ليلـةٍ ظلمـا ومعسومـة !
أكيد العسر بعدة يسـر والشـدة عقبهـا ليـن=ترى الأعمار مكتوبة تـرى الأرزاق مقسومـة
وياحظ اللي تمسـك بالهدايـة والتـزم بالديـن=ويابخت النفوس اللي عـن الـزلات معصومـة[/poem]

الورقة 17

[poem=font="Simplified Arabic,6,#001CFF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
على رصيف الشوق واقف غرامي=محتاج لامواجك وروعة شواطيك
يابحر والله مانسيت الاسامي=تجتاحني ذكراك حتى وانا فيك
يابحر شاهد لهفتي واهتمامي=ودقات قلبي قربك الله يخليك
اجي وانا عطشان واروح ظامي=واغرق الم واغرق وله كان يرضيك
يابحر من شان اختصرلك كلامي=غير الغلا والحب لاعاد يطريك[/poem]

الورقة 18

[poem=font="Simplified Arabic,6,#3800FF,bold,italic" bkcolor="" bkimage="" border="none,4,#400000" type=3 line=0 align=center use=ex num="0,#400000"]
نفحات من نورٍ ومن إيمـان=ومواكب الأنوار في رمضان

أقبلت تزهو بالسكينة والهدى=متوشحاً حللاً من الرحمـن

متفائلاً بالخير بـل متفائـلاً=بالعتق بالرحمات بالغفـران

ياواحة النفس التي أرنو لها=شوقاً لشهر العفو والقـرآن

إني لألهج بالدعـاء مؤمّـلاً=صفو القلوب ولذة الإيمـان[/poem]