أوراق شــــاعـــر

الورقة 47

[poem=font="Simplified Arabic,5,#4F00FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الــورد للورد من يستاهله غيرك=مساك ورد وصباحك ورد يالغالي

ياكبر سطوتك في قلبي وتأثيرك=مزروع فاحْساسي وفي شرفة آمالي

الورد ينطق ب احاسيسك وتعبيرك=يسأل عن اوضاعي وينشد عن احوالي

نهب خفوقي وحلّق فالفضاء طيرك=ارجوك خلّه معك في برجك العالي

احلى مشاوير فالدنيا مشاويرك=لو في صحارى النفود وفالخلى الخالي

اشراقة الروح من فجرك وتنويرك=مع كل نبضة غلا تطري على بالي[/poem]

الورقة 48
[poem=font="Simplified Arabic,5,#619169,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
علامك تجر النوح ياطاير الاشجان= وانا اخْبرك لوضاقت عليك الوساع تطير

تسلّفني الجنحان يامطلق الجنحان=اخذ كلّ شيِّ واعطني كل شي ياطير

ولابيننا كاسب ولابيننا خسران=ترا السالفة تغيير لمجرّد التغيير

اليا كنت متميّز وتشْدو على الاغصان=تغرّد على خضر النوامي ضحى وعْصير

فأنْا افخر بنفسي وافخر بربعي العتبان=اخاوي هل الطالات واعشق نوايا الخير

واليا كنت ترقى فوق لمعانق الامزان=تسبّح بحمد المعتلي صاحب التدبير

ف انا اسجد لربي واعبده واقرأ القرآن=واصلّي على خير البشر مشعل التنوير

واحب الملك والشعب واموت فالاوطان=واقدّر رجال العلم واهل الفكر تقدير

واحب الرماية والشعر واخضر الالوان=تولّعت فالاهلي وتوّي وراع صغير[/poem]

الورقة 49

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
فـز ياهاجسـي جـو المدينـة عليـل=البحر فانْتظارك والقمـر فـي حـراك
وجّه الحرف وابحر في بحور الخليـل=قوم فل الشراع انكـان ذعـذع هـواك
سرّها في حـدود الممكـن المستحيـل=سرّها لين عنـد القـوم يُحْمـد سـراك
لايـردّك بحـر مايـج وظلمـات ليـل=شد حيلك ولاتخشى الغـرق والهـلاك
وانتبه مركب احلامـك حـذارى يميـل=يستفزّ النجـوم الساطعـة فـي سمـاك
وان طلع يـوم ثانـي لاتمنّـى المقيـل=ياعسى يومك المشـرق يعانـق مسـاك
بين شمس الشروق وبين شمس الاصيل=كلّ شيِّ تـراه العيـن وانـت بهـواك
لاتـردّد ولاتـركـن لـظـلَّ ظلـيـل=اعسف الصعب واحـذر لاتعـوّد وراك
قال هوّن علـى نفسـك وخلّـك ثقيـل=دوّن اجمل كلام يليـق فـي مستـواك
وش جنينا من الواحـة وطلـع النخيـل=وّش حصدنا من النرجس وعود الاراك
راجع ايام عمرك شوف وين الحصيـل=قبل ينصب لك الوقت المهـوّل شِـراك
قلت ياهاجسي خابـرك سيـفٍ صقيـل=ليه ماانته على خبري وش اللي دهـاك
ماخبرتـك كليـل ولا خبرتـك ذلـيـل=ليه يقْصر مداك وليـه تعثـر خُطـاك
كنت في ساحة الميدان تصهـل صهيـل=تُسْمِع الاصنج الابكم والاعمـى يـراك
قال لاتنخدع فـي كـلّ طـرفٍ كحيـل=كلمـا شفـت زولٍ تحسبنّـه مــلاك
واذكر الموت والقبر ونهـار الرحيـل=شوف وش تاركٍ لهلك وش آخذ معـاك
واذكرذنوبك ويـوم الحسـاب الطويـل=واذكر النـار واهـوال القيامـة هنـاك
واذكر الحور والفـردوس والسلسبيـل=والنعيم العظيـم انكـان ربّـك عطـاك
وانت واعـي واظنّـك ماتغـرّ الدليـل=وشتبي بالنشايب جعـل عمـري فـداك
قلت يالله طلبتك وانـت زبـن الدخيـل=ظلّني تحت عرشك واحمني في حمـاك
انت حسبي ومعبـودي ونعـم الوكيـل=خالقـي والله انـي ماسجـدت لسـواك[/poem]

الورقة 50
[poem=font="Simplified Arabic,5,#001CFF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياصاحبي مع طاري البن والهيل=طاريك يطـري ياكريـم السبالــي

والمعذره لو ماوفــن المراسيـل=مير انت تبخص صاحبك وانت غالي

قدرك رفيع وعندي اعلى من سهيل=نعم الخويّ ومنزلك فالعلالي

ان طرّوا اسمك كنّهم طرّوا النيل=بالطيب تجري ياحميد الخصالي

بينك وبين الثاني من البشر ميل=مركزك الاوّل والتوالي توالي

مثل القمر ينشاف لن عسعس الليل=وارقّ وانقى من نسيم العوالي

يوم انّ كلٍّ يفتخر بالمحاصيل=عند الجميع يقول هذا حلالي

انا افتخربك مع زحول الرياجيل=شوفوا خويي مكسبي راس مالي[/poem]

الورقة 51
[poem=font="Simplified Arabic,5,#001CFF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
متى الحظ يلمع بارقه والبخت ينقاد=تشرّف وتسكن فالمعاليق من جُوّه
الا تعلم انّ مشاهدك ثالث الاعياد=الاتعلم انّك ناهب الفكر بالقوّة
ازخرفلك جداد القصايد بحرف الضاد=ولابيني وبينك مسافة ولاهوّة
تجي ماتسلّم عاد هذي كبيرة عاد=وفجر الاماني مشرق بطلّتك توّه
وانا اقول ليه الطايف اشرق ونوره زاد؟=وليش ابتسم ثغره وليش استوى جوّه؟
واثر نسمةٍ من شرق هبّت بلاميعاد=تداعب جبال الطايف وبدره ونوّه
ألا ياغزال الريم لك فالحشا ميراد=وحرفي على طاري غلاكم سطع ضوّه
عطيتك مقاليد الحشا والهجوس جداد=خذ العلم وانت بكيفك اللي تبى سوّه[/poem]

الورقة 52

تسرق خيالـي وانا بين البشر سرقــه
واضيع في طيفك وفي صبحــه وليلـــه
غـــلاك عـــن كــل غالـــي بيّنٍ فرقـــــه
حلّيـــت روض الحشـــا يانافــلٍ جيلـــه
هـواك فالقلــب مـن غربـه الياشرقـــه
احتـلّ جــوّ الخفــوق ومامعـي حيلــــة
افرح اليا اخذتنـــي لديرتكــم الطرقــة
واحلم بفنجــال بنــه ضـاع في هيلـــه
نـو الجفـا فـي سمـانـا مالمــع برقـــه
لا ارْعدْ ولاامْطر ولايمّـك حــدر سيلـــه
حطيتلك من ضلوعي يالغظي درقـــة
ومـدّ الغــــلا والوفـا وفّيت لـك كيلــــه
أنتي روى اللي ظمــــاه معقّب حرقة
يافراتــــه ودجلتــــه يانبعـــه ونيلـــــه
مــاكلّ مــن قال بيتٍ شاقني طرقـــه
ياكــود خلٍ غزتنــــي بالغـــــلا خيلـــه
ولا شاقني كل غصنٍ ساجـع ورقــــه
إلاّ وليف اعشقه واعشـق تفاصيلـــه

الورقة 53
موجهة للشاعر (مشعان البراق)
لايعرفني ولااعرفه اللي يعرفه
يوصلها له وله جزيل الشكر

[poem=font="Simplified Arabic,6,#1A00FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أسمع قصايد واكتب اشكال والوان=عشرين عام اكتب واهوجس واغنّي
واقرا ل/نايف والرشيدي وضيدان=اشعارهم هيل ودلال(ن) وبنّي
والبدر والرمز الكبير ابن جدلان=اللي بيوته فوق حد التمنّي
والفيصل وعلوش وفلان وفلان=اهل البلاغة والادب حسب ظنّي
وفجأة وانا مرّار حصّلت بستان=فيه القطوف انواع من كلّ فنّي
صدفة قريت آخر مراسيل مشعان=إبداع شاعر ردّوا العلم عنّي[/poem]

الورقة 54
[poem=font="Simplified Arabic,6,#00FBFF,normal,normal" bkcolor="" bkimage="images/toolbox/backgrounds/21.gif" border="none,4,#400000" type=2 line=0 align=center use=ex num="0,#400000"]
ياطاري الورد والريحان والاقحوان=اذكرك من دون مااحلف كلما اطريتها
ذكراك فل وبساتين وحقول وجنان=وارضٍ بكر يطرب السامع على صيتها
مابين ظرف المكان وبين ظرف الزمان=المسألة لو صعيبت حل حليتها
دليتك دروب قلبي كلها من زمان=مير انته بقصد وإلاّدون غريتها
اعطيتك البوصله واربط حزام الامان=رحلتك رحلة عمر ياكم تمنيتها
وعندي على كل خطوة في طريقك أمآن=بحول من كوّر الارض وعمر بيتها
مبطي وانا اكتب بخطٍّ مايبى ترجمان=تلقى الغلا في حروفي لو تهجيتها[/poem]

[align=center]الورقة 55
ودّع الخوف واقطع للوصل تذكـــرة
عاند احزان عمرك وابتسم للحيــاة

غادر اجواءك اللي بالحزن ممطـــرة
من يدين الاماني هاك طوق النجاة

وشبقــى غير ودّك والغــلا نذكــــره
خالدٍ ف/الخيــال وعاليٍ مستــواه

أعطنا ليل من عهد الهوى نسهــره
ليلةٍ بدرها مايختفي من سمـــــاه

أدري ان الليال بطلّتــك مقمـــــرة
القمــر كلّما شافــك يعـــــوّد وراه

ذكرياتك كما الروض الخضر مزهرة
كل غصنٍ يميــل وينحنــي من رواه

ليه مااهديلك الحرف النفيس اسورة؟
نبض حرفي نهر واهل الهوى في رجاه

بين ضفّة وضفّة بالوصـــال اعبــــره
والامانــي رياح وبوصلـــة واتجـــاه

صــار قلبي دخــون وحبّك المبخـــرة
احرق احساسي الطاغي بجمرة غضاه

وكان طبعك تناسى الــود ماتذكــره
من تناسى تجاهلته وقلبي نســاه

من نساني ورى حدب الضلوع اقبره
واتلقّى التعازي وادفنه في غـــلاه

ايه انا فوضــوي واوراقـــي مبعثـــرة
ونبض قلبي قريّب من سهام الرُماة

مير مااخيل برق المزنــة المدبـــرة
رابي النفس في عز وكرامة وجاه[/align]

الورقة 56
حسبي الله على من روّع الغافليــن
كل ساعة هجوم وكــل يوم انفجـــار

حسبي الله على من عذّب المسلميــن
وبث ف/اوطانهم رعب وخــراب ودمـــار

كيف بغداد صارت وكــر للمفسديـــن
ارعبــوا كــل اهاليها كبــــار وصغــــار

انصبوا لاهلها في كل شارع كميـــن
عانهم بين رعـــب وفتنـــة وانهيــــار

الفقر محتويهم والقهر كـــل حيــــن
والمنايــا تخاطفهم يمين ويســـــار

دمّهم سال واروى وادي الرافديــــن
كــن غازينهـــم روم ومغــول وتتـــــار

داخــل بيوتهـــم حتّــى مهــم آمنيــن
وفي مساجدهم المعمورة اطلاق نار

فين حرمــة بيوت الله والساجدين؟؟
وين دم العروبة وين حسن الجوار؟؟

يالعراق استباحوا عرضك الطامعين
والعروبة توارت والامل ف/انحـــدار

يالله اني طلبتك وانت نعم المعين
ردّهـــا في لباس العز والافتخـــار

سخّرلها رجـــال عزمهـــم مايليــن
يرقعون الخلل ويصححون المسار

وانصر اهل الهدى والحق دنيــا ودين
واصرف الشر واهله عن هذيك الديار

الورقــــة 57
[poem=font="Simplified Arabic,5,#1200FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
البارحة سهران والفكر محتار=ارعى النجوم وليل حالك سواده

ان جيت انام تهبّني نود الاشعار=تعبت واتعبت القلم والوسادة

كثرت هواجيسي وكثرن الافكار=والامر لله حلّته وانعقاده

ياخالقي مابيني وبينك اسوار=وانت الودود اللي غمرني وداده

اخطي واصيب ونفسي تعاند مرار=والقلب نحوك وجهته وانقياده

مااشركت بك حتى لو ذنوبي كثار=بلْساني وقلبي نطقت الشهادة

الطف بعبدك ياعليمٍ بالاسرار=واستر خلل ذاته وعثرة جوادة

وارزقني بحبّك مع الناس الابرار=ووفقني لخير العمل والعبادة

وفي طرقتي يسرلي الصحب الاخيار=اهل العقول الراشدة والركادة

يارب حرّم وجه عبدك على النار=ودلّه على درب الهدى والرشادة

واهده للاستغفار حزّات الاسحار=وفالثلث الآخر ركعتين وزيادة

يآرب تحميني من الخزي والعار=بين الخلايق يوم عرض ووفادة

واكرمني بتوبة قبل تقض الاعمار=قبل العمر يفنى وتفنى جداده

وجنّبني اوقات التعاسة والاعسار=واغمرني بفيض الهناء والسعادة

يارب يامنزل من المزن الامطار=ربٍّ كريم وعمّ خيره عباده

تسقي وطنّا هامي الغيث مدرار=وحقق ويسّر كل حيّ لمراده

وصلى الله وسلّم عدد طلْع الازهار=واعداد ماخط القلم من مداده

على الشفيع المصطفى نور الانوار=خير الخليقه في هداه وجهاده[/poem]

[align=center]الورقة 58
ضيّقت صــدر(ن) موْغـــلٍ فالرحابـــــة
من فضل ربي من غثا الوقت ماضــاق
وجفّفــت شــلالٍ يشــــــوق انسكابـــــه
يعني على وصف العــرب نهــر رقراق
من طـول صمتك صــاب حرفي كآبـــــة
قتلـت حلمــه فالتـــوهـــج والإشـــراق
اصبــح بنـــزوات القلــــم غيــــر آبـــه
وامسى رهيـــن الهـــم والهم عمــلاق
يمشي علـــى درب الملـــل والرتابـــة
الصمــت موتـــر والمقاديـــر ســــوّاق
تعزف ريــــاح الشـــوق ناي وربابــــة
تسمع لها صوت وصدى وسط الاعماق
بعض الجفا حطّـــاب والحلــــم غابـــــة
مفتون فـــي قطــع النوامـــي والاوراق
يقتصّ غصنٍ ما اكتفـــى من شبابــــــه
واوجاع فاســه وصلت الجذر والســاق
من بعدهــا ذبلـــت حــــروف الكتابــــة
والشعر في غيـــره من الخلـــق مالآق
الليـــل واحــــد والكــــواكــــب تشابـــه
إلاّ الـــذي نــوره ساطــــعٍ فوق الآفـآق
الوهــــم لاحضانـــه دعانـــي سرابــــه
موعـــود يروينـــي ويغرقنـــي اغـراق
ويـــوم انتهتبـــي رحلتـــي عنــد بابـــه
لوّح بكفـــه واغلـــق ابوابـــه اغــــلاق
وهالحين احس انّي ضحيّـــة عصابـــة
خلّــي وقلبـــي والمشاعــر والاشــواق[/align]

الورقة 59[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
نحتّلـك ياملهـم الشعـــر حرفيـــن=في صخـرة احساسـي بمعـول حنينـي

ولونتهــا مـن سايـل فالشراييـــن=باسْمـك ورسمــك وسمهــاياظنينـي

ان قلت ياحرفي تمهّــل علــى ويـن=قــال الـورود اليانعـــة تهتوينــي

قلت اثقل احبابـك تراهــم ثقيليـــن=وقلوبهـم مثـل الصخـر ماتلينــــي

قال الظبي يجفل ولو ترمـش العيـــن=يخشى سهام اهل الـردى الحاسدينــي

لاتلومني فاللي حروفــه بساتيـــن=محفوفـةٍ بالـفــل والياسميـنـــي

ان هبت النسمـة تفـوح الرياحيـــن=والزهر والروض الخضــر يحتويـنـي

انـا نويـت اخلّـــده فالـدواويـــن=ايضاً و ابروز صورتــه وسط عينــي

واكتب له بلون الشفــق عشت يازيـن=حسبي علــى اللي حـال بينك وبينــي[/poem]

الورقة 60
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ضيفة خفوقي مرحبـا والحشـا دار=مفروشـةٍ بـالـورد والياسميـنـي
اليـا لفـى شـرواك للقلـب زوار=ان ماوسعك القلـب تاسعـك عينـي
من يوم جيتي والحشى زحمة انوار=والسعد واطيـاف الفـرح تحتوينـي
كيف اقتحمتي قلبي وحولـه اسـوار=وكيف ارتويتي من مـوارد حنينـي
ضيفة خفوقي مرحبا كثر الامطـار=اللافيـه مـن بعـد غيبـة سنينـي
ماجيتي إلاّ نسمة وعطـر وازهـار=وطيبٍ بقى ف/ثيابـي وفـي يدينـي
شاعر وقلّطتّك على عذب الاشعـار=وفنجال(ن)مبهّـر تحوفـه يميـنـي
وانتي سواليفـك كمـا شبّـة النـار=جمـر الغـلا وقّـاد بينـك وبينـي
يسعدني اهديلك من الشعـر تذكـار=وانحت حروف اسمك على الفرقديني
اناقصيـدي ديمـة وغيـث مـدرار=يفرح به القلب الخلـي والحزينـي[/poem]

[align=center]ماهـــــي جديـــدة دايــــــم تـــقـــول انانـــــي
تغلــــــط كثيـــــــــر وتعتبرهــــــا شويّــــــــــــة
وان جــــاك كلمـــــة عابــــــرة من لسانــــــي
تمطـــــر مشاريهـــــك وتعمـــــــل قضيّـــــــــة
المشكلـــــة فــــــي قلـــبك اللـــــي نسانــي
قـــــــــام يتعلـــــم قســــــوة الحــــب فيّـــــــه
وعدْنــــي بجـــزل العطـــــــــا ماعطانـــــــــي
وانــــــا عطيتــــــه نبــــض قلبـــــي هديّـــــــة
ان جيــت بــــرّه دون رحمـــــــة رمانـــــــــــي
صــــــــوب العجـــــاج وضعــــت فالمهمهيّــــــة
وان جيــت بحـــره مــوجــــه العنفــــوانـــــــي
يرفعنـــــي اليـــــــــا مستـــوى الجاذبيـــــــة
ويحطنــــــــي باحْساســــــــــه البهلوانــــــي
ويلومنــــــي فــــــي منتهـــــى النرجسيّــــة
اهـــــــم شـــــي عنـــده اقاســــي واعانـــي
والاّ اتوســــــل لجــــــــل يرضــــــى عليّـــــــه
معقـــــول بحـــره ماانخلـــــق لــه موانــــــي
ومعقــــــول بــــرّه رحلـــــــــةٍ سرمديـــــــــــة
واليـــــــــا رحلــــــت بكـــل رقّــــــة دعانـــــي
واســـتدرج اشواقــــي شويّــــــة شويّـــــــة
ورجّعنــــــي بلطـــــف لمصايــــب زمانـــــــي
وبرهــــن لقلبـــــي كيـــف يهــدي شظيّــــــة
يطلــــق سراحـــــي فـــي دروب الامانــــــي
واصحـــــى من احلامــــي بصفعـــــة قويّـــة
ماقلتلـــك قلبـــــك ياقلبـــــــي نسانــــــــــي
قـــــــام يتعلّـــــــــم قســـــوة الحــــب فيّــــه[/align]