أوراق شــــاعـــر

تجين نهرب من قيود الرتابة؟
قبل مراويح السعد تضمحلي
قيظ وعجاج ودرب يلهث سرابه
وبروق تلمع فالعتيم وتولي
مبطي وحرف النور احبه واهابه
ليته على خد الشفق ينكتبلي
لعلي القى بلسمي في رضابه
واتوه في ريضان ورده وادلي
مادامت ان حظي وحطك تشابه
تعالي نغني على طير ياللي
اماتعالي فاس والياس غابة
واطلق سراح الياس واجيك كلي
والا تعالي من علوك سحابة
الياانتشا عطر المسا تستهلي
وانا مااحب اجمع وجيه الغلابه
وسرق فرحها واتوضا واصلي
احب اعطربك حروف الكتابة
وارسم شعاع النورمن وجه خلي

إبدعت ....أبدعت

[align=right]هلال العتيبي حالة إستثنائية


هنا مرسى لمن ينشد هدوء شواطىء البحر بحر الشعر يجد الدر الذي بالأعماق حين غرق الآخرون ولم يأتوا به


هلال أي ثناء أومديح ينصفك


والنعم بك وبربعك



دائماً مايستوقفي هذا المتصفح الفاخر

دمت بخير[/align]

اخوي عبدالله المنصور
عيونك الحلوين
وهذا من ذوقك ولطفك ياأمير
كم انا سعيد بإطلالتك النور
صح قلبك وعساني مااعدمك

ربيع الاقحوان
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بشّر الاغصان من شقّ وطرف=ان لك في شرفة الذكرى مكان
يوم كان الحرف بستان وترف=وانت فاحْضان الجداول غصن بان
ماذرفتك دمع اخاف اليا ذرف=تسقط ويرحل ربيع الاقحوان
باني(ن)لك في معاليقي غرف=فالمكان وخارج حدود الزمان
وانت تزهى في عناقيد الشرف=لاتناش ولاتظام ولاتهان
دوك نبض القلب ياغصنٍ ورف=ردّ له تاج الفخر والعنفوان
ماعرف سود النوايا لوعرف=كان ماراهن ولاخسر الرهان
الشتات ارخى كفوفه واغترف=من ينابيع المحبة والحنان
والجفا كيله وميزانه سرف=يرهي ويعطي على الفرقا ضمان
والكرى ودّع عيوني وانصرف=واطلق لطيفك فالاعيان العنان
حي طيفك صان ودّي واحترف=الوفا رغم ان راع الطيف خان
ان وقفت امام شبّاكه صرف=بلسمٍ لاوجاعي وسلّة امان
وان لمح نبضي عن النور انجرف=فزعته بسمة وشمع وشمعدان[/poem]

[poem=font="Simplified Arabic,5,undefined,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
لا الريح ولا اليم ولا المجاديف=ولاحظوظي والعزوم اوصلنّي
رغم اني مغامر وربّان حريف=لكن مرسى لهفتي صد عنّي
يامقرب الغبّة ويامبعد السيف=بانت علامات الغرق حسب ظنّي
عودّت اصرّف هم قلبي تصاريف= واستنهض الاشعار وابدع واغني
وانثرلك الاحساس يازهرة الريف=من هاجسٍ سحايبه كل فني
نبضي حقوق الوسم ماهومطرصيف=برقه ينوض وراعديه يدني
اليا عشقت اعشق بلا خدعة وزيف=والياعطيت اجود من غير منّي
واسعى لرد الطيب ل اهل المعاريف=لو واقعي خالف هجوس التمني[/poem]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
صاحبي ياعل مايلقاه عوق=وان مشى دربٍ عسى الله يسمحه

ياعسى تنصاه الافراح ويروق=جوّه/ويارب حقّق مطمحه

كلّما خيّل على المنشا بروق=يحسب ان الارض خضرا مصبحة

ويحسب ان الشوق يتبدّل بشوق=والاماني في يديني ممرحة

اتصاغر كلمتي لن قلت ذوق=يا(نصيب) العمر مرة يمنحة

انت معدن مانْجلب في كل سوق=راس مال اللي هواك ومربحه

مير قمت تكرر (اعذار)وطروق=كن ودّك قلب خلّك تجرحه؟

لاتلوم النبض والقلب الشفوق=لهفة العاشق مرارٍ تفضحه

وان نويت الهجرة وعزمك صدوق=ودّعه قبل السفر واستسمحه

بلّغه لاينتظر شمس الشروق=واحرق اوراقه ودمّر مسرحه

ماحصل منّي خلاف ولازهوق=ولاخطاً واضح وعيني تلمحه

ولاخبرت انك على الجفوة سبوق= ادمح //الله كل ذنبٍ يدمحه

شوفني كبلت لك هذا الخفوق!=باعثه من دون ريشٍ واجنحة

في ظهر لوري مع الاغراض فوق!=للسموم وللهبايب تلفحه

وفّ مابينك وبينه من حقوق=وفي سراديب الجفا المر اطرحه

وان ثبت ظلمه وطيشه والعقوق=سامحه والا اسجنه والا اذبحه

وان ذبحته خلّك بذبحه رفوق!=واختر اسرع قاتل من الاسلحة

واسكب ادموع الحزن من كل موق=واحمله عاجل على اقرب مشرحة

شوف وش تلقى بدمّه والعروق؟=شي صعيبٍ ينفهم لو نشرحه؟!

م انت لاقي غيرك بكل مْعلوق!=انت قلبه وانت سعْده وفْرحه!![/poem]

قم قهوني صوتك اللي بحته هيله
لاوالله الاضرمت وزايد عماسي
يغريني الكيف الاشقر في فناجيله
من دلة ريحها يبري وجع راسي
في جال جمر الغضا قرب معاميله
ثم احمس احساسك الطاغي بمحماسي
... ون كان مامن جمر نشعل مشاعيله
احطب جذوع الوله لو ينكسر فاسي
في صوتك احساس معرف كيف تاويله
اليا فقدته ليألي تقرع اجراسي
هواك ناسك تهجاني تراتيله
والشوق قبل ارسمه يرسم بكراسي
اللي تقهوى كلامك ليلته ليلة
وكاد يثمل وهو مايشرب الكاسي
يانسمة الشرق هاتي لي تفاصيلة
اتنفس آخر علومه واشهق انفاسي

ياالله ياجزل الوهب والعطايا
تفكني من حزة الهم والضيق
امشي مع العالم بحسن النوايا
مايوم لفقت الاحاسيس تلفيق
على دروب الطيب احث المطايا
عل وعسى يصبح للاحلام تحقيق
يقوله اللي راح قلبه شظايا
ليت الذي صابه على قلبه يويق
يشوف تاثير الزعل والخطايا
ويشوف وش حجم الغلا فالمعاليق
ياشمس صبحي والهوا والفيايا
ياجوي اللي فيه حلقت تحليق
ياسيدي ماني قصيف الحظايا
ولا من اطرف هرجه ارتاب واضيق
لكن طول الصمت جمر ولظايا
صمتك لهيب يحرق الجوف تحريق
سويت في قلبي بديع السوايا
برقت في نبض الشرايين تبريق
يامالك تاج الحسن والحلايا
وثقت قلبي في محبتك توثيق
قدمتلك نبضات قلبي هدايا
واحساس طال الغيم اثارة وتشويق
وانته توارى بالغلا فالزوايا
وتغلف احساسك بعذب الطواريق
ماهمك اصدر والمشاعر ظمايا
وابات واصبح طاوي وناشف الريق
لكن اجنبك العتب والزرايا
عندك حصانة فالحنايا المغاليق

شيدت لك فالقلب قصر لحالك
ماحوله اﻻبيت مهجور وخيام
خذ راحتك ماعندك اﻻ حلالك
وانت تخبر مالك معادين واخصام
كم عام وانا مااشرب اﻻ زﻻلك
وان ماشربته تمسي هجوسي حيام
وﻻاتقهوى اﻻ من ابهى دﻻلك
عن غيرها حالف لو اضرم مية عام
وان شفتني في لحظة ارسم خيالك
واستنسخك؟! هذي خيالات رسام!
احاول استنهض جحافل دﻻلك
ثم احتريك بلهفةٍ تجمح هيام
واليا هما قطر الندى ازكى جمالك
الصبح يندا والغلا صبح اﻻيام

ويا والله الاّ روّح النــوم يانـــواف
عسى الحظ لعيوني وانا عمّك يردّه
وجعل السهر ماعاد له يمّها منكاف
ولاعــاد يغزيهــا بهجمـات مرتدّه
يطير الكرى منّي وانا ماعلي اخلاف
ولااشكي وجع من فضل ربّي ولاشدّة
لكن الزمن ماينصف الصادق الشفّاف
ويلقى المراوغ حاجته محْـدن يضــدّه
وانا اشوف مدح النفس ذم اكثره ينعاف
اليـا مامدحــك الاّ انت باب الحكي سدّه
ولن ماصنعت لنفسك الفخر شاب القاف
حلاة الرجل يبني حصن مجـده بيــدّه
يروم الفتى العليا ويرقى لها المشراف
بفعلـه ماهْو بفعــال خيلانــه وجـدّه
وانا م اعتبر فعل الجمايل ردود اسلاف
ليا اعطيت والاّ اسديت لاتكثر اللدة
رزين العقل مايعترض حذفة الحذاف
وسيف الحماقة مايحــوّل تحت حدّه
ولاتسمع اللي يشتل الراي خلف خلاف
لوتطاوعه وهّقك تغْرف بحر جـــدة
تردّد على اهل الديــن والعلـــم والعُرّاف
ومن ودّ ابوك وجدّك احرص على ودّه
بيوت الندى تندى وبيت الكريم يضاف
تجيك الهبوب من آخــر الحارة بنـده
وخلّك مع المولى يحقق لك الاهداف
يكفّر من اذنوبــك ويجــزل لك لمدّة
وضاعف لراع الحاجةالجهد10اضعاف
فقيـر اويتيمٍ (ن)دمعته جرّحت خدّه
وعامل جميع الخلق بااللين والانصاف
ولاتبني المعروف وتعـــوّد تهـــدّه
ولا تزهد ب(جنّتك) دام انها تنشاف
رضى والدينك قبل كل البشر بدّه
ترى المرجله ماهيب طرّاحةٍ والحاف
ولاهي دراهم في مخابيــك منعــدّه
ولاهي غروروزود نفس وكبرواجحاف
ولاتنجمع بالجــاه والمــال والكــدّة
توافيق واحسان وعقول وقلوب نظاف
ومدة كريم وافي(ن) ما بخس مدّه
نزاحم عليها بالمناكــب وبالاكتــاف
عن الاولــة والطايلــة مالنـــا صدة

لازال قلبي في رحابــك يخفـــق@@وسفيـن ودي فـي بحــارك تغـــرق
يادانـةً مــــلأ الفضــاء بريقــها @@الشمس تشرق حيث وجهـك يشـرق
مـــا انتـــي الا زهــــــرةً فواحــــةً@@العطـــر مــن ارجائهـــا يتدفــــــق
تزهـــو ويلثمهـــا النسيــم بطلــهٍ@@فــي كـلٍّ غاديـــةٍ عليهــا يغــــدق
مــــا انـــتِ الا بسمــةٍ أخــــــآآذةً@@ فـــي ثغــرطفـلٍ باســمٍ تتألـــــق
مــــا انــتِ الاّ طفلــــةً عربيـــــةً@@ثــوب الحريـــر بحسنهــــايتــــأنـــق
ان لم تكوني البدر في غسق الدجى@@ويكون وصلك قبل وعدك يسبق
فمــن المؤمّــل والجميــل مليكتــي @@ان تعتقــــي قلبــا بحبك يخفـق

من معين الغلا اللي ما تعكّر مزاجه
ومن هجوس تطاوعني على كل طرقا
ومن مشاريف حلمٍ شفّي ارقى دراجه
كل شي يحفزني وانا ليش م ارقى
جيت اسلّم وليل الشوق مشعل سراجه
م اعرف الياس فرقا منك يالياس فرقا
خطوة وخطوة ويقرب طريق المواجه
يصبح الشرق غرب ويمسي الغرب شرقا
هيه يامن سكن معلوق صدري وداجه
عان لك بصمة وتذكار في كل عرقا
هاك روض محد قبلك سلك في فجاجه
وانت عطني مناخ بدون رعدٍ وبرقا
وش لي بناويٍ رعده يزيد ارتجاجه
عاشق الشمس مايبغى السما غير زرقا
تدري ان الغلا شفّاف مثل الزجاجة
وان جرحك عن جروح المحبين فرقا
تجرح وتجحد وتحرم جريحك علاجه
وان نخيتك تداوي تلحق الكي حرقا
ماوهبتك غلا من شان ابي منك حاجة
ومااشتكيتك لو عيوني من الدمع غرقا
ماني اللي يضيّع صيدته في عجاجه
ويش عذري ًمن العتبان روق(ن) وبرقا
م اشرب الاّ قراح العد ما ارد هماجه
ولا التفت كلما ناحت على الغصن ورقا
يزعل الوقت يوم ويوم يضحك حجاجه
والليالي سراع وتسرق العمر سرقا

الاخ العزيز / هلال العتيبي
صخ لسانك ودام هتانك