حُـزم من ضوء (( متعب التركي )) !

[ظويهر الشمري]

عـودة للشاعر / متعب التركي




ماني اعمى بصيــره بس وش عاد أسوي
مايطيب الجريح إن كان ماينتداوا



كن حبه على حدب الضلوع امتطوي
كيف ابقوى وأنا بيبان صدري تهاوا



شوف قلبي من جروح البعاد امتكوي
عقب ماقلت جرح العام طاب وتشاوا


يوم (( ســــاقوا ركايبهم )) وشبيت ضوي
ماتخوفت (( وسبع الخلا )) لي تعاوا



أشهد انه تعكر عقب ماراح جوي
مانسيته وزوله للعيون ايتراوا


زل ، وقت الوعد ماعاد فيها تروي
بس انا وانت ياحرف القصيد انتخاوا


قل لهم ياقصيدي لايروحون توي
ماني اللي حضوره مع غيابه تساوا



رد عني علومن ماتنومس عدوي
قلهم (( متعب التركي )) عليل وتداوا








وبس خلاص




اتمنى اني وفقت بالكتابه عن هذا الجميل والمبهج في كل حالاته
قد تكون لي عوده اخرى ولكن بعد فتره بطا

اخوي ظويهرالشمري:
تحية محترمة
أشكرك على اخوي على ذوقك الرفيع وحبيت اهديك انت والقراء الكرام الابيات لشاعرنا متعب التركي

..... غموض وكأبه .....



ماهـو خطاعشـان ادور معاذيـر
ولا هو غلط عشان ادور صوابـه
اليوم تـوه عـود لوكـره الطيـر
واصبح يشوف العالم اكثر رحابـه
مستغربين انه ملى قلبـي الخيـر
ليه الغرابة! وين وجـه الغرابـة؟
تعبـت ادور للخطـاوي مشاويـر
لين التعـب زاد الليالـي رتابـة
يبكي فرح من شاف بعض التباشير
معذور لـو دمعـه يبلـل ثيابـة
من كنت بأول خامسة طفل صغير
كنت امتلي حزن وغموض وكأبـه
كنت أشعر اني غير والمدرسه غير
هيمان في جو النبـي والصحابـة
كنت المح بوجه الليالـي تعابيـر
وأقراء همومي قبل أعرف الكتابة
والشعر غاااب وله محبة وتقديـر
اول غيابـه شلـت هـم لغيابـه
بالنفس كان لبعض هالأمر تأثيـر
والليلة اهون مـن جنـاح الذبابـه



اخوكـــــــــــــــــــــــــم ماجد الرويثي‘

ياسلام عليك ياظويهر وياماجد

اختيار لشاعر قدير وكبير اختيار ممتع وموفق

شكراً لكم من الاعمااااااااااااق

تحياتي

ظويهر




الله لايهينك



ما تجيب الا سمين

-
-
-
-
العزيز / ظويهرالشمري
كتبت عن الجمال وشاعره الذي لا زالت قصايده
راسخه باعماقنا واعدتني لعام 1989 عندما كتبت
عنه وتوقعت نجوميته وهو لم ينشر سوي اربع قصايد
ولكن كانت حرووووفه تشرع الجمال في اعماقي
حتى انها لا زالت تتردد على قلووووب العاشقين

واهدي لكم من اوائل قصايده الرائعه





[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

قبل اسافر وتنسى جيت اسلم عليك=جيت ابي عمري اللي اكتشفته غدى
ضاعت اجمل سنيني من عمايل يديك=اكذب ان قلت راحت لاجل عينك فدى
فرصة العمر قالوا لا غدت ما تجيك=جتني اكثر فرص عمري وضاعت سدى
جرب الخوف مره حس به يعتليك=وارفع الصوت ماتسمع لصوتك صدى
تدري اللي ذبحني قولتك ما ابيك=مابقالي لثاري لو بغيته مدى
ما هقيت المشاعر كلها ترتجيك=قل لها بالمفارق منهو اللي بدى
هاك دمعة عيون(ن) باكيه تشتكيك=هاك ريح ضمير(ن)ما استراح وهدى
ما تناظر عيوني زول هذي وذيك=ما يهز المسامع اسم ريم وهدى
قلت ماعادلي رغبة وشوفات فيك=قلت يا نفس طيبي يفرحون العدى
قلت عايف ونفسي بالخفا تشتهيك=عزة النفس تدري طيب ما ردى
خل عينك تهل دموعها وش عليك=انت خدك ورود ودمع عينك ندى

متعب التركي
[/poet]

لاهنت ياظويهر

هو الشعر متعب التركي


ظويهر


اخترت وما اخترت الا شعر

[سعد بن شليه السبيعي]

لاهنت ياظويهر

[سعد بن شليه السبيعي]

ظويهر الشمرى


يعطيك العافيه

على النقل الرائع


شكراً لك