حُـزم من ضوء (( متعب التركي )) !

[ظويهر الشمري]

[align=center]لان الجمــال يستمر كما هو جمال
ولأن / متعب التركي جميل في كل حالاته ، رائع ، ومبهج
يكتب قصايده (( بصدق )) وهذا احد اسباب سر توهج قصايده
لقصائده سحر ، لايــكشفها الا من غرق في بحر سحره
رقم صعب في عالم الشعر
جميل ومـدهش .. وهنا اتذكر مقوله للشاعر السوري الراحل / نــزار قباني يقول بما معناه :
(( اذا لم تستطيع ان تكون مدهـش أياك والتحرش بورقه الكتابه ))!!


ترك لنا الكثير من قصائده الجميله التي تستحق الشكر قبل التدوين
هنا سـ أعود بالكثير والكثييير من قصائد هذا المبدع
وأسال الله ان يثبته ويزيد قلبه نوراَ وسعاده[/align]

[ظويهر الشمري]

(1)

[poet font="Simplified Arabic,6,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.


يوم طاب السهر عيّت تطيب النفوس = جت من الله وانا كم كنت محتاجها

كنها من حلاها كل ليله عروس = خايفه من عيون الناس واحراجها

حى هالطول يازولٍ عساه محروس = من عبث لوعة الايام وازعاجها

تزعل نفوس والا تمتلى غيظ روس = من يقرّب لها وضلوعى سياجها

لامتى وانت ياشوق القلوب محبوس =طالب السالفه وابطيت بعلاجها

جعل قلبٍ على نار الغياب محموس = يحترق بين صاليها ووهّاجها

من خبر له غلا بين الضلوع مغروس =غرسةٍ كلبو شعرى من انتاجها

لاتقرب لك الفرقا هذيك الهجوس = من متى والبحور تفارق امواجها

لازم اصبر على وجه الزمان العبوس = لين سود الليالى يضحك احجاجها

من بغى يقطع الفرجه يعاف الجلوس = لين ياصل نهاياتها ومخراجها

كان شعرى قصر ماطال شمس الشموس = تستريح القصايد داخل ادراجها






[/poet]

[ظويهر الشمري]

(2)

[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.





زى لون الطيف وألوان الفراش = الهنوف اللى شغلنى صدّها

إن بكت جا دمعها مثل الرشاش = وإن تبسّم ثغرها من قدّها

وإن حكت كن بشفايفها رعاش = الخجل عن سالفتها لدّها

والطيور اللى جفت حضن العشاش = ليتها خلّت بقايا ودّها

عقبها كل الغصون أمست نشاش = خاليه عقب الوناسه خدّها

كل قلبٍ فى ذراه الحب عاش = فيه طيبه زايده عن حدّها

والقلوب إن فارقت صارت هشاش = موحشه والذكريات تشدّها

رفرف البرق وزِمَت بيض الدشاش = وامتلا من صافى الما عِدّها

مابنيت بيوت شعرى من قشاش = ليه أخاف إن الرياح تهدّها

والهجوس اللى من الفرقا عطاش = ترقب نجوم السما وتعدّها

يوم شق النور من ليل القماش = شفت حبّة خالها فى خدّها

القصيد لمثلها ولأّ بلاش = لو تبى عمرى حشى ماردّها
[/poet]

[ظويهر الشمري]

(3)

[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.



ياوسيع البال ضيّقت الصدور = رحت ماعلّمتنى وين أنت سارى

فى غيابك مال خلق الله حضور = وفى حضورك مالهم بالبال طارى

ليه ماتختال يابدر البدور = والقصايد لك وصيفات وجوارى

لك بنات الفكر ربات الخدور = يكشفن لثامهن والجرح عارى

جعل قلبٍ ماملاه الصدق نور = عند وجه الريح مايلقى مزارى

التغاضى عجز لاطال القصور = ليه أدارى وأنت بالوضع دارى

الزمااااان قصير والدنيا تدور = كل يوم يضيق فى عينى مدارى

صاحبى محتاج لك شعر وشعور = وإحتياجى شى ماكان إختيارى

من متى والغصن يختار الطيور = من متى والبال يختار الطوارى

لاتسمى صمتى البارح غرور = انكسارى خلف هالصّمت متوارى

فى غياب الشمس وش ذنب الزهور = والمطر لاشح وش ذنب الصحارى

اللقا لحظات والغيبه شهور = تقصر الخطوات ويطول إنتظارى

لو قريت المنكتب وسط السطور = ماكتبت لغلطة العمر إعتذارى

صمت هالمينا مثل صمت القبور = مارسى مركب ولا لاحت صوارى
[/poet]

[ظويهر الشمري]

(4)

[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.



لاتنشغل فيني أنابحالي ادرى =قلبٍ تعلّق فيك ينسى مع الوقت

اكثرمن اللي صارلي ويش يجرى = بين الرجاوالياس شفني تعلّقت

مثلي ولوشفته عن همومه ازرى = ماقال ليتك في جروحه ترافقت

هاك القصايد لاتضايقت واقرى = شف وشكثرفيها لبسماتك اشتقت

أثرالوفا ينباع عندك ويشرى =ماكنت اصدق فيك واليوم صدّقت

يامشتهي فرقا المواليف حذرى= تبعد وأنا من سكرة الحب مافقت

لاطافت الفرصه تحريت الاخرى = وتروح ماكني عليها تشوقت

ساري لو إن الليل مافيه قمرى =اشيل من حمل الهوى فوق ماطقت

لاصارحظ أقشروالايام قشرى =مافيه احد عاقل يلومك إلياضقت

صحيح بعض الناس فرقاه بشرى= وبعض البشرلاغاب ليله تضايقت

ليتك خذيت بليل الاحباب مسرى = غربت من كثر الطواري وشرّقت

السيل يبقاله على القاع مجرى = ويبقالك التذكارلوكنت فارقت

اشوف لك من وين مارحت ذكرى= ولاشفتها صديت عنها ودنقت

ماكل جرحٍ لاخذا أيام يبرى =بعض الجروح يزيد شره مع الوقت
[/poet]

[ظويهر الشمري]

(5)

[poet font="Simplified Arabic,6,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.


قالوا حبيبك يسمع الشعر قلت إيه = يقراه بعيوني قبل تسمعونه

لولاه حتى طاري الشعر مابيه = ميراكتبه من شان خاطر عيونه

هو روح شعري وامنياته وماضيه= جذع الشجر وش كان لولا اغصونه

اكتب لغيره والقصايد تجي فيه= كن القصايد حالفه ماتخونه

هذاك لامنه زعل قمت اهاديه = حتى وهو مخطي تعذرت دونه

يمكن لوانه يلمس الجرح بيديه = يستغرب ان اللي لمسها طعونه

ابطى وهو غايب وزلت حراويه = وأنا من العام اتحرى مزونه

هومادرى اني في غيابه محاتيه = ليته نشّدعن حالي اللي يجونه

وقلبي اللي توه افلت عراويه = كيف انسرق وضلوع صدري حصونه

عجزت ارده كن ماني براعيه = يوم انتثر شوقه وهاضت اشجونه

يبسن عروقه لكن اللي يعزيه =ان اكثر العالم تردد لحونه

خافوا من الله لاتجيبون طاريه= لاصرت انا موجود لاتذكرونه

لو كل غالي جابه الله لغاليه = ماشفت لك مخلوق تبكي عيونه
[/poet]

[ظويهر الشمري]

(6)

[poet font="Simplified Arabic,6,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.


ليه وطيت عن خيل القصيد السروج = ليه مديت لي عقب القراح الهماج

لاتكملي الغلطات والعوج عوج =يضحك حجاج ولاينعقد لي حجاج

إصبرشوي وشعلمك تهوج وتموج= ميت القلب مثلك مايعرف الهياج

ماتعودت اجامل معتلين البروج =الزم العلم قبل يصير هرجك سماج !!

المشاعر تجي مثل المعاصيرهوج =وانت مالك على هوج الرياح احتجاج !

جيت وقلوب حسادي تهيج وتروج = لاصفا جوهم ساعه قفاه العجاج

ابتسملك وهمي فوج يقفاه فوج = من يحبك لزوم يصير مثلك هجاج

بس قلي وانا غلطان لك ومحجوج = وين يلقون لجروح النواعس علاج!!

القمرغاب وأنت اطفيت نور السروج = قلت يكفيك نورالوجه لا اصبح سراج

كن بين الضلوع العوج صفقات موج = يوم فاض الغلا والشوق والقلب هاج

ضيقة الصدر لو بين المحاني تلوج = كل ضيقه لها عند الكريم انفراج

ماهوالغيظ سبة كل ابو هالهروج= بس مالي على بعض السوالف مزاج
[/poet]

[ظويهر الشمري]

(7)

[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.


مرفوض ياللى بعت غيره عشانه =أزريت عن رد الجزا أو تهاونت

مابي لك أكثر سد باب الميانه = بانت مع الوقت الخفايا وبينت

مادام مالى وسط قلبك مكانه = أنا بعد مثلك عن الحب هونت

أنا مثل خيال خانه حصانه =عذره يقول من الرسن ماتمكنت

غرّه مع المركاض وارخى عنانه = مخطى وانا غلطان يوم انى امنت

لو كنت وافى ماتخون الامانه= ياللى تقول تشيب روحك ولا خنت

ذاك الهوى لو ماشعرت بحنانه =ماكنت فى حلو القصايد تفنّنت

شاعر تزلزل من فراقك كيانه = لك يعترف مايسكن القلب غير انت

لو كان قلبك صافى الود خانه = فى ذمّتى ماهان حبّك ولا هنت

أحدٍ يخون وواحد الوقت خانه = أنا ترى الثانى وألاوّل تراه أنت ؟
[/poet]

[ظويهر الشمري]

(8)

[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.



هذى اللى غلاها مايبى قول قايل = هذى اسباب غيضى والرضا والهيام

هذى رسومها بين الضلوع النحايل = هذى اللى على صدر القصيده وسام

الاصايل يجنّك مثل أهلهن أصايل = والوكاد إنّها منهن بليّا (( كلام ))!

يوم فلّت على الخصر النحيل الجدايل = وإستدارت خجل مدرى تصنّع غرام

عودها مال لو هى ماتبيه يتمايل = ماهو بكيفها من لين ذاك القوام

واقف وكن رجلى فوق جرف متهايل= للجمال بعيون العاشقين إحترام

قلت فى خاطرى مانى عليها بعايل = لكن القلب سابقنى برد السلام

مانى اللى حذف عند الزناد الفتايل = يومها ولّعت ناره تغطّى ونام

واجد الزين عند الحاضره والقبايل = شفت واجد ومرّنى مرور الكرام

بس هذى وصايفها علوم وهوايل =كنّها قطعةٍ من نور بدر التمام

ياكثر ملحها والا الحلا له دلايل = حورٍ عيونها والخشم سلّة حسام

كن ذيك الخدود.... بروق ماتنتخايل =لا كساهن شعرها شفت برق وظلام

تعسف الخيل ونفوس البشر تنتحايل = مير خيل القصايد مايطيق اللجام

إنتحيت ولقيت القلب مامن صمايل = كل ماذعذع الغربى من الشوق هام

ياكثر مانى من الشوق والحب شايل = من عشق مثلها وشلون بالله يلام

هذى اللى حلاها مايبى قول قايل = ماهى أول غلا لاشك مسك الختام ؟!؟
[/poet]

[ظويهر الشمري]

....( 9)....

[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
.
.







.
.



ماقلت لي شي وش خليت ماقلته= اسكت وخل الكلام لجرحي الدامى

لوغيرك اللي يسولف ماتحمّلته =لكن على شان عينك هانت ألامى

للحب مفهوم عمرك ماتخيلته = ماأظن يستوعبه تفكيرك السامى


هذا الفراق الطويل وهذي أسئلته =هذا حصاد السنين وهذي أيامى


ياما وياما عليك البال طولته = والعمرعدى وأنا عايش على أوهامي


حتى طريق الفراق اللي تساهلته = لقيته أصعب على نفسي من أقدامى


اصبرلي شوي لودمي تثاقلته = بحاول أستوعب اللي صار قدامي



الحب ضحكة بعينك بس ماطلته = عمرك بهالكون شفت أبسط من احلامي



القلب لوماخفق لك كان ماشلته = ولوماأنت ملهم قصيدي جفت أقلامي


هذا قصيدي بعينك لو تجاهلته = ينزف على شأن يروي قلبك الضامى


العام طاري غيابك ماتقبلته = واليوم حرماني أصبح مصدر إلهامى



لاتعتذرلي وابنسى كل ماقلته = وش ينفع العذر لامن ضاعت أيامى ؟
[/poet]

[ظويهر الشمري]

.....( 10 )....

عوده لروائع المبدع / متعب التركي




[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
توديع الاحباب مثل الموت له سكره = ادمي جروحي وشق الصدر منيّا

والقلب طيرن ضلوع الادمي وكره = لاشاقه الطلع لاسلم ولا حيّا

مصير الاحزان تنساني تفتكره = ماكل الايام بيض وسمحت محيّا

قل غيرها منت لامجبر ولا مكره = لاصار ماهو غلا مابيلك احميّا

لوفي يدي شي ماقلت الوعد بكره =حزمت حدب الضلوع وقلتلك هيّا

لوكل غالي تجي دايم علي ذكره = ماصرت اشوفك هناك وحبك هنيّا

ياليتني لابغيت اكره قدرت اكره = ماكان قلبي اللياجيت اكرهك عيّا

مادامك معيف رح لكن علي فكره = ماقلتلى ليه دمعك سال منيّا
[/poet]

[ظويهر الشمري]

(11)..



[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]



دليل المحبه شوف عيني عليك تغار =ولاودي الحاسد عيونك يطالعها

مع إنك رحلت بعيدلكن بقى التذكار = لياشافته عيني تسابق مدامعها

دفنت الغرام بخافقي والقلوب أسرار =مشاعرهقيت إن الليالي تضيعها

فرحت برجوعك ماطلبت لخطاك اعذار = ونفسي نست ماجرى من تواضعها

تهادت مشاعرخاطري لك بلا معيار = تجاهلتها لوكنت خابر دوافعها

يقولون جنّب درب مالك معه معبار = يلومون نفسٍ بعدالاحباب موجعها

يقولونها قبلي يخون البحربحّار = والآمواج لاهاجت خذت ماتبي معها

تكاثرت منك الصد وأثرالعلوم كبار = لقيتك على نفسي تقلّب مواجعها

اقوله وأنا اللي شفت ذاك الغلا ينهار = يشوف الندم رجّال نفسه يطاوعها

مثل ماضرب جّوٍ خلاغادي محتار = يدّوج ورجله مادرى وين موقعها

تعرض سموم القيض والدارمامن دار = هليك وشعربالموت روحه ينازعها

جحدت الغلا لين امتلا بالخفوق وثار =قصايد عساها اليوم تطرق مسامعها

غرامك مثل نارٍ حطبها الغلا النار =تموت وغلاك اللي بقلبي يولعها

غلاك بضميري واضحٍ ماعليه غبار = تشيل الغلا نفسي وأنا عاجز امنعها

يقولون ماودعّك : قلت الفراق وصار =والإنسان روحه تنسلب مايودعها !

هذيك الليالي وين أثرالزمن دوار =خذاها ولاظني زماني يرجّعها !!!!

طوتها السنين ولابقالي سوى التذكار= لياشافته عيني تسابق مدامعها ؟
[/poet]

[ظويهر الشمري]

(12)




[poet font="Simplified Arabic,5,black,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]



هب الهوى غرب واجتاح الضلوع وشعرت = إن الليالي الجميلة هب نسناسها

مدري كبر حلمنا ... ولابعيني كبرت = والاهي اوهام ودي يصدق إحساسها

تنساني أيام وتجيني متى ماذكرت = اليامتى وانت روحي حابس أنفاسها

كنت أجمل احلام عمري بس ليه أنكسرت = يازين الاحلام لو ماينكسـر باسـهــــا

بيديك مديت لي كاس المحبه.. وصرت = أنا اول اللي يذوق المر من ( كاسها )

من يومها وانت قدام عيني ولو ماظهرت = دايم وعيني تشوفك بين جلاسها

قدرت ولا على نفسي معك ماقدرت = لازاد عنها غيابك زاد وسواسها

لوشفت حال الورق والشعرعقبك عذرت = اللي حرق صفحة الماضي وكراسهاااا

ماكنت اصدق يجي يوم ابتسم لانظرت = أطلال ركب الليالي مر ماداسهااا

والاأنت لوقلت لي نادم وجيت اعتذرت = كان اجمل ابيات شعري ينحني راسهاا

مافيه داعي توصيني تراي اعتبرت = فرقاك ذكرى وشعري علق اجراسها

يكفيني البارح إني في عيونك سهرت = وقفت بين العيون السود وانعاسها

إن رحت ماأنت اول اللي راح وان حضرت = قلت الليال الجميله هب نسناسها
[/poet]

[ظويهر الشمري]

..( 13)..
خطاب






[poet font="Simplified Arabic,5,green,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]


هذا الخبر صدمه وحزن وعلامه =على محبّة كل الامه لـخطاب

هذا الخبر والهم هذى خيامه= شرّع للأحزان النوافذ والابواب

ألحقت من جاب الخبر لى ملامه = صعبه على الانسان توديع الاحباب

البارحه غابت عن العين قامه = قامة رجل زلزل قناعات واحزاب

ترجّل الفارس وذب العمامه=واستقبل الموت بحفاوه وترحاب

ترجّل بصمت ووقار وصرامه = حتى وفاته شى يدعو للأعجاب

من يعتبر فقدان كفه وسامه = أكيد ماهو لحظة الموت مرتاب

وجه واهو مسجى بدر فى تمامه =ميت ولكنه واهو ميّت مهاب

أومت له كفوفٍ تمنّت سلامه = بكته الامه قبل تبكيه الاقراب

خطاب ماهو بس رمز الشهامه = خطاب نجمٍ فى سما الامه وغاب

حر شهر والطلع دار الكرامه = والحر مايعنيه تحليق الاسراب

فعله فرض على الجميع إحترامه = واسمه ملا الدنيا بطوله واهو شاب

ماكانت الدنيا مثار اهتمامه = بالعكس كان لنصرة الدين وثاب

لو كان يبحث عن نفوذ وزعامه = كان امتلا صدره نياشين والقاب

الاخره كانت على طول امامه = فى هالزمن خطاب واشباهه اغراب

اختار بديار الجهاد الاقامه = ومن كان هذى رغبته لازم يثاب

واختار بالاسلام ذروة سنامه = الصبح _ساحة حرب_ والليل محراب

يكفيه فخر ان الشهاده ختامه = ماحسّب لدنياه ولعمره احساب

يارب تغفر له وترفع مقامه =وتعظّم أجر إمة محمد بخطاب
[/poet]

[ظويهر الشمري]

...(14).....
مثل الثياب يغيرون المبادي



[poet font="Simplified Arabic,5,firebrick,normal,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]

نسيتني علّمني شْلون ابـ.. انساك = في هالزمن نسيان الاحباب عادي

وشلون لامرّت على البال ذكراك = وطيفك سرق مني لذيذ الرقادي

وشْلون لاقالوا لي الناس وش جاك ؟ = من كنت في لّة منامك تنادي

وشْلون اعيش اللي بقالي بليّاك = لا من غدينا كل واحد بوادي !!!

لو قلت اداوي جرحي اللي تباطاك = ماكلّ جرح يْفيد فيه الضمادي

اعلنت حبك لين كل تمناك = غلطة وغيري من خطاي استفادي

لو لي مثل قلبك تمنيت فرقاك = واكيد قبلك بالجفا صرت بادي ؟؟

حلوه عذاريبك وحلوه مزياك = حتى بيوم (فراقنا) كنت هادي


كنّ الليالي ودها تكسب رْضاك = وأنا يطول مْع الليالي جهادي

في ذمتي .. ماهي غريبة خطاياك ؟== مبطي وقلبك لو تنبّهت غادي !

سهلة على من كان مثلك وشرواك = ( مثل الثياب يغيرّون المبادي ) !!

علمني اكره ذكرياتك وطرياك = وانسى من الليله صدوق الودادي !

ولاني بقايل عقبها وين اب القاك ؟ = راضي لو ان جروح قلبي جدادي

ولاّ القصايد جعلها من فداياك ؟= لبّستها مبطي ثياب الحدادي !

باكر على المخطي يدورنّ الافلاك = ونشوف من يصعب عليه البعادي ؟
[/poet]