[poet font="Simplified Arabic,14,blue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
قال الذي يقرا بليا مكاتيب = ياللي تقرون العمى من عناكم
ياعيالي اللي تشرفون المراقيب = تريضوا لي واقصروا من خطاكم
حذوا الكلام الصدق مابه تكاذيب = مثل السند مضموم للي مراكم
ياعيال لا صرتوا ضيوف ومعازيب = ترى الكلام الزين ملحة قراكم
وترى السبابه من كبار العذاريب = وهرج البلايس مايطول لحاكم
المذهب الطيب فهو مذهب الطيب = والمذهب الخايب يبور نساكم
ياعيال ما سرحتكم باللواهيب = ياعيال ما عمر المعزب ولاكم
ياما توليت القبايل تقل ذيب = من خوف لا ينقص عليكم عشاكم
ويا ما شريت السمن من عرض ماجيب = يفز قلبي يوم يبكي حداكم
وياما قطعت من الفيافي العباعيب = ندور من صيد البراري غذاكم
ياعيال دوكم لحيتي كلها شيب = هذا زمان قعودنا في ذراكم
قمت اتوكا فوق عوج المصاليب = قصرت خطانا يوم طالت خطاكم
عطوني القرضة عليكم مطاليب = عطوني القرضة جزى من جزاكم
لا بد من يوم عوي دوني الذيب = بالقبر ما افرق طيبكم من رداكم
ماني بفاضحكم بوسط الاجانيب =بعمالكم يدرون كل اقرباكم
لوكان تدرون الردى والمعاييب = صرتوا مع المخلوق مثل خوياكم
خوالكم بالطيب تروي المغاليب =ولو تتبعون الجد محدٍ شناكم
وش علمكم ياتاركين المواجيب = حسبي عليكم ها الردى وين جاكم
يالله عسى أعماركم شمسها تغيب = يعتم قمركم ثم تظلم سماكم
ياعلكم في حاميات اللواهيب = ياللي على الوالد خبيثٍ لغاكم
شفت الجفا والحيف والغلب والريب = بضلوعكم لا بيض الله قراكم
اطلب عسى نساكم ما تحمل ولا تجيب =لا احد ٍمن الوغدان يمش وراكم
اخسوا خسيتوا ياكبار اللغابيب =اهبوا هبيتوا قطع الله نماكم
[/poet]
قال الذي يقرا بليا مكاتيب = ياللي تقرون العمى من عناكم
ياعيالي اللي تشرفون المراقيب = تريضوا لي واقصروا من خطاكم
حذوا الكلام الصدق مابه تكاذيب = مثل السند مضموم للي مراكم
ياعيال لا صرتوا ضيوف ومعازيب = ترى الكلام الزين ملحة قراكم
وترى السبابه من كبار العذاريب = وهرج البلايس مايطول لحاكم
المذهب الطيب فهو مذهب الطيب = والمذهب الخايب يبور نساكم
ياعيال ما سرحتكم باللواهيب = ياعيال ما عمر المعزب ولاكم
ياما توليت القبايل تقل ذيب = من خوف لا ينقص عليكم عشاكم
ويا ما شريت السمن من عرض ماجيب = يفز قلبي يوم يبكي حداكم
وياما قطعت من الفيافي العباعيب = ندور من صيد البراري غذاكم
ياعيال دوكم لحيتي كلها شيب = هذا زمان قعودنا في ذراكم
قمت اتوكا فوق عوج المصاليب = قصرت خطانا يوم طالت خطاكم
عطوني القرضة عليكم مطاليب = عطوني القرضة جزى من جزاكم
لا بد من يوم عوي دوني الذيب = بالقبر ما افرق طيبكم من رداكم
ماني بفاضحكم بوسط الاجانيب =بعمالكم يدرون كل اقرباكم
لوكان تدرون الردى والمعاييب = صرتوا مع المخلوق مثل خوياكم
خوالكم بالطيب تروي المغاليب =ولو تتبعون الجد محدٍ شناكم
وش علمكم ياتاركين المواجيب = حسبي عليكم ها الردى وين جاكم
يالله عسى أعماركم شمسها تغيب = يعتم قمركم ثم تظلم سماكم
ياعلكم في حاميات اللواهيب = ياللي على الوالد خبيثٍ لغاكم
شفت الجفا والحيف والغلب والريب = بضلوعكم لا بيض الله قراكم
اطلب عسى نساكم ما تحمل ولا تجيب =لا احد ٍمن الوغدان يمش وراكم
اخسوا خسيتوا ياكبار اللغابيب =اهبوا هبيتوا قطع الله نماكم
[/poet]
تعليق