(جحــيــش السرحــاني)

[poet font="Simplified Arabic,14,blue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
قال الذي يقرا بليا مكاتيب = ياللي تقرون العمى من عناكم
ياعيالي اللي تشرفون المراقيب = تريضوا لي واقصروا من خطاكم
حذوا الكلام الصدق مابه تكاذيب = مثل السند مضموم للي مراكم
ياعيال لا صرتوا ضيوف ومعازيب = ترى الكلام الزين ملحة قراكم
وترى السبابه من كبار العذاريب = وهرج البلايس مايطول لحاكم
المذهب الطيب فهو مذهب الطيب = والمذهب الخايب يبور نساكم
ياعيال ما سرحتكم باللواهيب = ياعيال ما عمر المعزب ولاكم
ياما توليت القبايل تقل ذيب = من خوف لا ينقص عليكم عشاكم
ويا ما شريت السمن من عرض ماجيب = يفز قلبي يوم يبكي حداكم
وياما قطعت من الفيافي العباعيب = ندور من صيد البراري غذاكم
ياعيال دوكم لحيتي كلها شيب = هذا زمان قعودنا في ذراكم
قمت اتوكا فوق عوج المصاليب = قصرت خطانا يوم طالت خطاكم
عطوني القرضة عليكم مطاليب = عطوني القرضة جزى من جزاكم
لا بد من يوم عوي دوني الذيب = بالقبر ما افرق طيبكم من رداكم
ماني بفاضحكم بوسط الاجانيب =بعمالكم يدرون كل اقرباكم
لوكان تدرون الردى والمعاييب = صرتوا مع المخلوق مثل خوياكم
خوالكم بالطيب تروي المغاليب =ولو تتبعون الجد محدٍ شناكم
وش علمكم ياتاركين المواجيب = حسبي عليكم ها الردى وين جاكم
يالله عسى أعماركم شمسها تغيب = يعتم قمركم ثم تظلم سماكم
ياعلكم في حاميات اللواهيب = ياللي على الوالد خبيثٍ لغاكم
شفت الجفا والحيف والغلب والريب = بضلوعكم لا بيض الله قراكم
اطلب عسى نساكم ما تحمل ولا تجيب =لا احد ٍمن الوغدان يمش وراكم
اخسوا خسيتوا ياكبار اللغابيب =اهبوا هبيتوا قطع الله نماكم


[/poet]

عشت يا الغالي على ها الدرر

يا كبر مصيبة عياله عند الله ويا ويلهم من آخرتهم .......
عقب كل اللي سواه لهم راحوا تذرّوا ورا حريمهم وهملوه

ياعيال ما سرحتكم اللواهيب...... ياعيال ما عمر المعزب ولاكم
ياما توليت القبايل تقل ذيب...... من خوف لا ينقص عليكم عشاكم
ويا ما شريت السمن من عرض ماجيب...... يفز قلبي يوم يبكي حداكم
وياما قطعت من الفيافي العباعيب...... ندور من صيد البراري غذاكم

حسبي الله عليهم

لكن لا ننسى أنه (كما تدين تدان) ومن يفعل فعلهم لا بد أن يخزيه الله في دنياه قبل آخرته

تسلم يابن هضيبان ...


قصيده رائعه وشهيره إلا أني قرأتها كامله هنا

لأول مره ....


الف شكر لك لا عدمناك ..


تحيات اخوك