النص الثاني في إختبار النجوم

[ALIGN=CENTER] نقدم لكم اليوم النص الثاني في "برنامج إختبار النجوم" الذي سبق أن قدمنا له في موضوع سابق, وبعد أن وجدنا تجاوب كبير مع النص الأول ...

المطلوب تعليقاتكم أو نقدكم علي النص بكل امانه وحياديه, وطبعاً إسم الشاعر معروف لدي فقط وحسب ما تعهد صاحب النص, وهذا ما سوف يزيل عامل الضغط او الإحراج الذي يشكله إسم الشاعر علي كاتب الرد ... [/ALIGN]


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ابغيك وابي منك واباك وابغاك=جمّعتها لرضاك واختار فيها
شف ويش منها يتبع احكاك ورضاك=واللي لك اسقي مسمعك لا ضميها
غديت (افر)احكاي واساير احكاك=وانا تشّرف لكنتي واهتويها
مضمونها ودي بشوفتك واهواك=ياللي دروب اهل الردى ما تجيها
صانك ولي امرك وحبك وداراك=ولاقدر ردع الحظوظ ومجيها
نفسك مهذبها وعز الله ربّاك=مايدري ان جيش الهيام يغزيها
والله قسم يبلاك بي وانت يبلاك=باللي سواتي في العرب يرتجيها
محبة (ن ) ذربه من القلب تكساك=محبة (ن) صدق الهوى يكتسيها
يامرك قلبك بالوفا لي وتنهاك=ناس (ن) على لاماك تفرك يديها
رزين عقل ومن مزايا مزاياك=نفسك تحب وعفتك تمتطيها
وتطيع عقل (ن) ما بعد زل واغواك=مشاعرك تعصاه ..وانت تعصيها
ماشفت منك الا عيونك ويمناك=محبة (ن) راع الردى ما يبيها
يقبض فوادي لا تخيلت فرقاك=ياشف عين (ن) ما سواك يعنيها
وياعزوة اخوانك ومطلب هذولاك=ناس (ن) محبة والدك تدعيها
ناس (ن) تخدم ابيك كله لعيناك=وهو يحسب ان الله عليه يهديها
ياجعلها تفدى على الارض ماطاك=والله بمن هو مثلها يبتليها
لكن لعب في ياوليفي تغّلاك=ونفسي غلاك من الصدود يحديها
تبطي علي وانا هنا واتحراك=وكبدي لواهيب الصبر تشتويها
اجمّع علومك امن هناك وهناك=والله لو انها تنشرى لا اشتريها
وعذرك (انا لاهي) يا ويش اللي الهاك=لاهي ومر(ن)منت لاهي تليها
كانك مشكك في الوفا والغلا هااك=جوالي اقر القائمه كل ابيها
رقمك مع الصادر ولا وارد اسواك=والناس في اللي ( لم يرد عليها ).
واياك واياني...واياني اياك=من غيبة (ن) من دون عذر يحميها

[/poet]

[ALIGN=CENTER]شــــــــــــــ نداوي ـــــــاعــر[/ALIGN]

[ALIGN=CENTER][/ALIGN]

الاخ مراقب المنتديات

شكرا لك على ماتبذل من مجهودات بناه

مشاركة الاخ يلاحظ عليها الاتي

1- يوجد خلل في الوزن في 1- عجزهذا البيت مكسور( صانك ولـي امـرك وحبـك وداراك = ولاقـدر ردع الحظـوظ ومجيـهـا(
2- عجز البيت هذا البيت مكسور (رقمك مع الصادر ولا وارد اسـواك = والناس في اللي ( لم يـرد عليهـا

هذا من ناحيت الوزن اما من ماتضمنته القصيده فيلاحظ عليه التكرار لبعض الكليمات ذات المعنى الواحد التي لا اراء داعي لتكرارها

نقطه ثانيه هي اطالت القصيده دون ايصال الفكره بشكل واضح

وشكرا

هذا راي شحصي قابل للنقد

مع تمنيات للجميع التوفيق

الاخ سعيد الحمالي

1- في البدايه صح لسان الشاعر والقصيده متوسطة المستوى

2- اختيار القافيه موفق

3- البحر المنسوجه عليه ابيات القصيده جميل جدا

4- بالنسبة لملاحظة الاخ(جزاء العتيبي) ارى انها ليست في مكانها
رجعت للبيت اكثر من مره فلم اجد ذلك الكسرا اطلاقا فالوزن لاغبار عليه

5- يعيب القصيده تكرار بعض الالفاظ التي لا تخدم القصيده تماما

6- القصيده خاليه من الصور الخياليه الا ما ندر

7- حاول الشاعر التلاعب بالالفاظ لخدمة النص فلم يجد ذلك

8- افكار القصيدة غير مترابطه لذلك فقدت الشي الكثير

9- شكرا جزيلا لاتاحة الفرصه للتعليق على القصيده

10- اعتذر من صاحب القصيده على ما تقدم

[ALIGN=CENTER]اررررررحب يبو ناصر ولانت على المجهود



والقصيده من جيز ربعها في الماشي وفيها النايم[/ALIGN]

الا ستاذ والاخ سعيد الحمالى المحترم



اتقدم لك بجزيل الشكر لجهودك المبذوله لخدمة هذا المنتدى الراقى


الذى يخدم مورثنا الشعبى0


وشكر على الفكره الجريئه التى تخدم الكثير من الاخوه الشعراء


وبعيدا عن المجامله نسمع الراى والنقد البنا ونستفد من اراء كبار الشعراء


وشكر لجميع الاخوه الشعراء الذين شاركو بقصائدهم ووضعوها للنقد وندل على

شى يدل على ثقتهم ومحبتهم لهم


تقبل اجمل التحيات


اخوك

فايز العميره

الاخ سعيد الحمالي
شكرا لجهودك الطيبه يابو ناصر




في البدايه صح ا لسان الشاعر الرائع والمتمكن ايضا...

والقصيده من وجهة نظري الخاصه..

تحمل مقومات القصيده من وزن وقافيه وموضوع ..

ومما يحسب للشاعر الاجاده والتمكن عند الاسترسال بالفكره ..
واخراجه لنا النص بهذه الصوره الجميله...

تقبلوا تحياتي

الاخ سعيد الحمالي
شكرا لجهودك الطيبه يابو ناصر




قصيده معناها واضح وجزله وتصوير رائع



0000 ولاكن حسب عرفي البيت هذا مكسور يمكن خطا مطبعي 00000



====== والناس في اللي ( لم يـرد عليهـا========================


تحياتي


اخوكم فازع الرشيدي

السلام عليكم




الله يعطيكم العافيه على هالفكره




القصيده


تحمل ابيات جيده



ولكن فيها خلل في الوزن وتكرار بعض الكلمات




وكان الله الموفق

صاحب القصيدة هذي مبدع




كانك مشكك في الوفا والغـلا هـااك جوالـي اقـر القائمـه كـل ابيـهـا
رقمك مع الصادر ولا وارد اسـواك والناس في اللي ( لم يـرد عليهـا ).
^
^
^
لا أحب هذا النوع من الغزل في إعتقادي انه يخلووو من العفه

ونلاحظ الكثير من الشعراء يتبعون هذا المنهج الا وهو ذكر الإتصال بينه وبين معشوقته

وهذا يخالف تقاليد ديننا الحنيف


ومع ذلك يبقى كاتب هذا النص مبدع


تحياتي

بسم الله....




في البدايه اشكرك اخوي الاستاذ سعيد الحمالي على هذه الفكره وتطبيقها عمليا مما يكون له الاثر الايجابي للنص وللشاعر صاحب النص ولجميع المتواجدين لان هذه الفكره تولد نوع كبير من الشفافيه والصراحه وعدم المجامله........

ثانيا اشيد لصاحب النص جرأته وشجاعته الادبيه بوضع نصه تحت منبر (( اختبار النجوم))



وهذا هو رايي الذي ارجو من الله ان اوفق به حسب معرفتي المتواضعه





صانك ولـي امـرك وحبـك وداراك (ولاقـدر ردع الحظـوظ ومجيـهـا)


من وجهة نظري ان الشطر الاخير ا لمقوس اعلاه لايوجد به اي ثقل او كسر عكس ماذكر اخوي غالب العتيبي ولكن قد يكون قرائته للبيت مغايره لما قرأته
ولو ان الترابط الفكري الدقيق غير موجود بين الشطرين الاخيرين



((وتطيع عقل (ن) ما بعد زل واغـواك مشاعرك تعصـاه ..وانـت تعصيهـا))



هنا يوجد تناقض واضح في البيت الاخير اعلاه وبشكل عام لا يوجد عقل لايزل فكلنا بشر وخطاؤون وان وجد حسب كلام الشاعر فكيف له ان لايزل ابدا وفي نفس الوقت اغوى صاحبه (( تناقض واضح بالنسبه لي))

وايضا الشطر الثاني يقول الشاعر

((مشاعرك تعصـاه ..وانـت تعصيهـا)) من المعروف ان مشاعر الانسان هي شي مرتبط بنفس الشخص ولا اعرف ماهو المبرر للشاعر الي جعل العصيان من حاجتين مختلفتين وهي مشاعر الشخص والشخص نفسه!!!! لو انه نسب العصيان للشخص نفسه اولمشاعره لكان افضل من وجهة نظري!!!







رقمك مع الصادر ولا وارد اسـواك والناس في اللي ( لم يـرد عليهـا ).



(لم يرد عليها) بالنسبه لهذه الكلمتين اعتقد ان الشاعر وفق في توصيل المعنى المطلوب للشخص المقصود بشكل جيدولكن اعتقد بانه لم يجد السلاسه المطلوبه والانسيابيه السليمه لنطق هذه الكلمتين فاجد ان هناك نوع من الاجبار والعنوه في وضعها بهذه الطريقه





في النهايه



القصيده مستواها جيد ولايوجد بها اي نوع من الكسر واعتقد بانه لايوجد تكرار للمعني بين الابيات حسب ماذكرو اخواني



هذا هو رايي فان وفقت فهو من توفيق الله وان اخفقت فمن نفسي ....



وتمنياتي لشاعرنا بالتوفيق وصح الله السانه وسلم بنانه وارفع الله شانا وشانه




ولكم جميعا محبتي وتقديري



ودعتكم الله

الاخ العزيز : سعيد الحمالي

شكرا يابو ناصر على البادره الطيبة التي تستفاد منها 0

الكثير يعتقد أن القصيده مجرد وزن وقافيه وهذا خطا فادح القصيده لها مقومات يجب الا يتجاهلها الشاعر واهمها الادب بالطرح وأختيار الكلمات اللا ئقه والتوصيف وضرب الامثله بالمبدائ السامية لان الشعر أدب وتهذيب 0

بالنسبه للقصيده المطروحه فلاحظت كما لاحظ أخي الشاعرجزا العتيبي بعجز البيت(
رقمك مع الصادر ولا وارد اسـواك = والناس في اللي ( لم يـرد عليهـا ) أذا لم يكن هناك خطاء مطبعي

كما اني لاحظت تناقض في بعض الابيات في القصيده0


الاسترسال بالقصيده يجب ألا يكرر الشاعر الصوره نفسها 0

يسترسل الشاعر عندما يتشعب موضوع القصيده ويحاول أن يغطيه من جميع النواحي وتجده يضرب مثلا أو يشرح بأسهاب ليوصل للمتلقي ما يريد أن يوصله0

ويسترسل الشاعر عندما تكون هناك عدة أفكار وصور يجب عليه توضيحها كلها بقالب شعري واحد ولكن مطول 0

والله ولي التوفيق

((وتطيع عقل (ن) ما بعد زل واغـواك مشاعرك تعصـاه ..وانـت تعصيهـا))


القصيده جيده وافضل من العديد من النصوص اللتي يشاد بها بين الفينة والاخرى
وان كانت الاطاله قد تكون عيب واضح


الشفوف تختلف
انا في نظري الفكره اعلاه من اجمل مافالقصيده من افكار على خلاف ماقالوا الاخوان
...

بشكل عام القصيده سليمه من ناحية الوزن والقافيه ولكن مختومه بختم لهجة راعيها مما اورد بعض اللبس في وزنها عند الاخوان (على ماقال العزب)

على العموم صح لسان شاعرها ولاهان على موافقته بوضعها هناااااا

قصيده جيدة المستوى
هناك ملاحظات بسيطه
كالطول وجبر بعض الكلمات وغيرها
والكمال لله سبحانه وعموما صح السان الشاعر



لكن هذا لم استطع قرأته على سياق القصيده


(( والناس في اللي ( لم يـرد عليهـا ).))

السلام عليكم

لاهنت يا سعيد ولاهان شاعر القصيده



قصيده مستواها من ناحية الترابط وفكرة القصيده ادنا من المتوسط

ولكن من ناحية الوزن سليمه 100%

(( والناس في اللي ( لم يـرد عليهـا ).))

والشطر هذا سليم بس يمكن اللي انتقدوه ماعرفوا شلون ينطقونه


وشكراً لأتاحة هذه الفرصه