قشــة في كومــة إبــر/إبــرة في كومة قش

باب

[align=right]لاأعرف من قائله






رعاك الله يا بيت ٍ اليا مني بغيت أجيك /*/توقفني تقاليد القبايل .. دون بيبانـك[/align]

يوم قفت وصاح صغيرها

[align=right]الشاعر المرحوم عبدالله السياري -على ذمة الراوي [/align]


[poem=font="Simplified Arabic,4,#5F00FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يوم قفت وصاح صغيرها عاودت لـه=عنز ريم تدرج فـي المسايـل ولدهـا
ان مشا بارته وان كان وقف وقفّت له=وان تعثر عن الطيحـه تعلـق بيدهـا
كل ما شافته وقف وصد ارمعـت لـه=واوقفت وهمست له لين يمشي بعدهـا
كبر حض الصغير اليا وقف ارجعت له=ان ضحك حبته وان صاح يرضع نهدها
ضاحك له زمانه والليالي صفـت لـه=مابعد شاف يـومً فـي حياتـه نكدهـا
واسعد الخلق ابوه اللي ملكهاوجت لـه=غير شوفه بعينـه ........................*
شفتها غافله في ماقف ٍ ما رمـت لـه=لو يشوف القمر ما شفت منها حسدها[/poem]

[align=right]*حذف عمداً [/align]

بعضٌ من لاشيء

[align=left]("كأنما أفقت من غفوتي لأجد نفسي في أرضٍ لابشر بها وإنما أطلال لمن كانوا هُنــا)"[/align]

الألم حين يكون صديقاً

[align=right]الألم ذاك الشعور الذي يجعلك تحس بمدى عجزك أحياناً ولا تطيق معه صبراً

المأساة حين تصادق الألم مدة طويلة وتتفاجأ بأنه غير مخلص ووفي لك كيف يخلص وهو لا يكون سعيداً إلا حين يتمكن منك فيمثل بك ويجعلك تتلوى وأنت تكتم صوتك كي لا يفرح أو يشمت بك


الغريب بالأمر أن للألم متعة أحياناً حين يكون بينك وبينه تحدي

تخيل حين يتجول بين خلاياك كصعقة كهربائية ولكنك تبتسم كي تغيضة للأسف يزداد حُمقاً ليضربك بكل قوته

لدرجة يمكن أن يفقدك وعيك

للألم حكاية وللصبر حكايات[/align]

أنت والناس /حديثهم وتصرفاتهم

[align=center]تعاملك مع الناس أكثر الأوقات كنك وسط سوق ما انت مجبور تشتري البضاعة ماجاز لك تشتريه واللي مايجوز لك منت مجبور على شراه كذلك الناس منت مجبر على صداقة الجميع

ولا فيه بضاعة تسد كل لزومك خذ الطيبة وأصبر على بعض عيوبهــا الكامل وجه الله سبحانه حتى أنت ما تسلم من النقص
ماتلقى لك صديق على ماتمنى يمكن أمانيك بها خلل فأصبر لاجا من صديقك زلة [/align]



[align=center]كلام الناس مثل القهوة فيه قهوة تعقد الراس وتشرب منها لين يرتفع راسك وتشفق على فنجالها وفيه قهوة تمشي الحال يمكن تشرب فنجالين وقدهي كثير وفيه قهوة تنثر فنجالها

نفس الشي كلام الناس شيء جزل وفيه حكمة وعلم طيب وعملت به مالقيت إلا الطيب وشيء فيه من كل لون مره تقبله ومره تعيفه إن عملت به مره طيب ومره خايب وشيء مافيه غير ما يغثك ولا ينفعك إن عملت به أبشر بالضيقة وقلة الفود [/align]

الحـــاجة

[poem=font="Simplified Arabic,4,#0052FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
الحاجة إن حدّتك لوجيه خلـق الله =الله يعينك تغض الطرف وتواجـه

ماأقسى من الحاجة إلا نظرة الذله=لابانت بعينك إن عيّوا على الحاجه[/poem]




[align=right]الشـــاعر عبدالرحمن الرويس[/align]

المقهور

[align=center]ياقاهر المقهور أنا والله المقهور//ماهو بالحوار اللي تردونه من امه




لاأعلم لمن وصلتني رسالة ..لاأعلم من صاحبهــا[/align]

غير أغيض اسهيل وأكفر بالجدي

[align=right]د.ياسمين ناصر الحمود
كاتبة وأديبة كويتية[/align]



[poem=font="Simplified Arabic,4,#0043FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
للمطر والبـوح كـل الذكريـات=جيت أسير وغايتي سر جهـدي


أتلطـف وأتقهـوى الأمنـيـات=حايرات اخطاي من وين ابتـدي


علموني لا سكنتنـي الأغنيـات=كيف ذاب القلب من لمسة يـدي


أي وربك يالطعـون الموجعـات=غير أغيض اسهيل وأكفر بالجدي


والله إني غير ألمـك ياالشتـات=لين روحي للسماء به تصعـدي


والله إني لاعشقه ليـن الممـات=لو يغار الثلج من نصـع بـردي


إيه أبيه ومن خلق هذي الحيـاة=إنه أقرب من شفاتـي لشهـدي


وإنه الدنيا وكل هـذي الجهـات=وإنه أجمل حاضري وأجمل غدي


وإنه أعذب من سكن هالذكريات=واختزل عمر الزمان السرمـدي


كم سرق من هجعتي لذ السبـات=وفيه تحلى لي مرارات سهـدي


كل ماضـج المسـا بالذكريـات=جدد المأسـاه والجـرح النـدي[/poem]

جنية الشعر

[align=right]تخيلوا يكون فيه واحد في راسه جنية وشاعرة ولا جني شاعر

بس تستحي /يستحي !

يعني لاصرت لحالك تلقى نفسك تهل بيوت شعر من ذهب

بس لاطرى في بالك تعلنها ماتقدر تكتب حرف وتعود تصفق كف بكف


تخيلوا الموقف[/align]

رحيل

[align=left]أحد الزوايا التي كُنت أكتب فيها أصبحت آيلة للسقوط إن لم تكن سقطت بدأت بجمع ماأحتفظ به على رفوفها لأنقذ مايمكن إنقاذه وأضنعه بخزينة النداوي[/align]

اليا ادبرت مثل الهبوب

[align=center]الشاعر الراقي والمبدع \نـــــاصر الشـريف

مايميز ناصر الشريف عذوبة أبياته وسلاستها لاتكلف فيها للأسف أضعت قصائد كثيرة له جمعتنا الصدفة ذات مرة بمنتدى ونفسها الصدفة جعلتنا نرحل برحيل ذاك المنتدى مما بقي من أبياته [/align]

[poem=font="Simplified Arabic,4,#1A00FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

البال ضايق والجروح من الليالي ما تطيب=ماهي على كيف البنـادم دنيتـه يختارهـا
دنيا لها فينا سوايا يا عجايب يـا عجيـب=الله يعدل ميلهـا وتبيـح كـل اسرارهـا
اليا اقبلت مثل العسل تجمع حبيبٍ مع حبيب=واليا ادبرت مثل الهبوب اللي يعج غبارها
انا وهي مثل الطليب اللي مقابلـه طليـب=احترت معها والدروب الشايكات شعارهـا[/poem]

يغيم سماي

[poem=font="Simplified Arabic,4,#000DFF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يغيم سماي الا تواجهت انـا ويـاه=وحتى الحكي ماعاد ينطق به لسانى
قضى العمر كله عادنى في رجا لاماه=وطال الرجا والياس قـام يتحدانـى
هو اللي تتوق النفس لمشاهده وحكاه=ولا جا بقلبى عنه سجـة ونسيانـى [/poem]

[align=right]
المرحوم /عامر بن حمد بن نوطان[/align]

الصبر

[align=center]يُقال من صبر نال ثنتين يتجمل وياخذ حقه وافي


الله يرزقنا رضاه وعفوه والعفو عند المقدرةوالصبرعلى البلوى[/align]

هدوء قاتل

[align=center]لاأعلم لربما كوني حديثُ عهدٍ بالمكان_النداوي_ إلا أن الهدوء هنا قاتل قد يكون كما في المثل الشعبي "مايبطي بالسيل إلا كُبره"

أتمنى أن تلوح البروق وأرى الزخم والتوهج الذي إعتدنا عليه من النداوي


لدي توقع إن الأعضاء يا إنهم بالمقناص ولا حول المزاين واللي ورى ذووده هذا توقعي

[/align]

وادي الشـــــــــعر/شعــــراء الوادي "1"

[align=right]يُقال أن وادي عبقر كان به جن حمانا الله وإياكم وكفانا شر الجن وأنهم من كانوا يثيرون قرائح شعراء العرب سابقاً


بأحد الأودية شعراء كتبوا الشعر للشعر بعضهم حتى اليوم يرفض فكرة الإسم الصريح لا أعلم لماذا إلا أن مابدا لي أنهم يكتبون الشعر ليس لشيء إلا لأجل الشعر

شـــــعراء الوادي كُثــر سأترك مساحة تتسع لهم سيكون بين الفينة والأخرى شذرات من شعر أحدهم

بكل صراحة أنني أتألم حين أجد الإعلام لايتفتح أبوابه للشعر الحقيقي


من شعــــــــــراء هذا الوادي محمد بن يحيى الشرمــــان [/align]












[align=center]حين يجبرك على الإلتفات يجبرك على الإنصات في وسط ضجيج الشعر حتى تميز صوته بالنسبة لي هذا هو الشاعر


بالنسبة لي وقفت حائراً بين نصوصه الشعرية أيها أختار لربما أكون أنا من ظلمه بالإختيار مع أنني أرى أن كل نصوصه فاتنة

الشاعر محمد يحيى الشرمان وجولة بين حروف شعره


[/align]


[poem=font=",5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

غُر السحاب اللي تلوح بروقه = يجذب سناه الدمع داخل موقه

ما يشبهه لي مرّني وأشعاني = كون الوهج في سلّةٍ مفتوقه

ترزم رعوده في خفوق الشاعر = ويدوزن إلحونه على طاروقه

ويغوص فاعماق المحيط الهايج = الدر تحته والعواصف فوقه

ياتي بلولوّه على مرجانه = ويرفع على الشارين سومة سوقه

ويهد شاهين الخيال الصافي = ورخى على الجزل الفريد سبوقه

ون كان ما جاب القوافي تِطرب = البيت قلبه والوزن معلوقه

ولاّ حرام إنّه يعنّي نفسه = ويضحّك السَفهان من منطوقه !

يا غيم وجّه للجنوب الغربي = ومزنك عليلات الهبوب تسوقه

أحرم لما خلّيت ثجرٍ خلفك = وقر أدعية قلبٍ تزيد فتوقه

وسكب هميل عيونك الهدّاجه = من لبرقين إلين بعد إنهوقه

دارٍ قدم خلي تمشّت فيها = والعشب يضحك للخْطى زملوقه

منها يغار الورد يله الخيره = ويا غيرة الريحان من منتوقه !

إيشمّها ورد الفيافي كنها = غرشة عطر فوق الثرى مدفوقه

ون ضمّها يسكر على ريحتها = ويرقص معا خصلاتها المدلوقه

يا غيم ون مرّيت دار فلانه = في غفلةٍ من عينها مسروقه

بيّح كنينك وره ماك وصبّه = ولا تَعَدى بيتها ونثوقه

ون لدّت بعين المها في عينك = غمّض ، ترى مطرودتك ملحوقه

لكن خوفي لا تجي شبحتها = في عين مغليها وهي محروقه

ذبّل سهرها كل عرقٍ نابض = وبميسم الشوق أصبحت مطروقه

وآصد عنها وأنكسر وآعوّد = والقوت عبره في الحشا مخنوقه !

وآنا الشجاع اللي طعون سنينه = كرامةٍ مقبولةٍ مفهوقه

أرسل لها يا غيم بعض حروفي = من عاشقٍ ما يختلف منطوقه

وصيّتي قبل الدفن ضمّيني = أعطي المولع يا شقاه إحقوقه

ورشّي على قبره مزون دموعش = وأحيي ثرى المعشوق للمعشوقه

يمكن يعوّد لش لما قفّيتي = ويجر من تحت الثرى طارووقه !!

[/poem]



[align=center]وله أيضــــاً[/align]

[poem=font="Simplified Arabic,4,#0078FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

لن ريح عاتية الشمال تلوف قلبك بـا الجنـوب=ودّعت ترتيـل الطلايـب وأبتـدا فكـر الرحيـل

ما دام ما للصيف وغيومه على الجرهد صبـوب=فمـان قلبـك دام مالـي فـي جناحاتـه مقيـل

شوفي حقايب رحلتي . ( رحله حزينه ) والدروب=تطوي مسافات الشقا بعيون مـن شفتـه خليـل

عطرك على ثيابي شجـاعٍ لا يمـل ولا يتـوب=من طعن موقي لين يجري وادي التذكـار سيـل

واسمك على كل اتجاهاتي .. شمال وشرق نوب=وأرهف معاليقي جنوب وغرب . والمسرى طويل

ردّي علي بعض السهر والشوق وأفراحٍ تـذوب=عند إقدمك في مقدمك صوبـي وبعطيـك الدليـل

كم مرّةٍ جيتك شروق إن مال شوقك لي غـروب=كم مرّةٍ سقت القدم لو كان ساقـك لـي بخيـل

كم مرّةٍ توّبـت قلبـي عـن شقـاك ولا يتـوب=يستعـذب طعونـك ولا يلقـى لطعناتـك بديـل

كم مرّةٍ مرّيت بابـك لـو علـى بابـك حـروب=تطحن فيالق شوق عيني لـك وتردينـي قتيـل

كم مرّةٍ ناديت بإسمك عـزف والحانـي طـروب=بين البشر كنّه لصافي الـود فـي قلبـي حليـل

ردّي علي باقـي خفوقـي يـا معذّبـة القلـوب=ردّي علي نزفي ومصباحـي وحبـري والفتيـل

خلّي محمد يرجـع محمـد ولا ينسـاق صـوب=جمرٍ توقّد ما يعـرف اللـي زبـن حـرّه دخيـل

وحذراك يا ريح الشمال وليلـك آعرفـه كـذوب=يمكن يموت الصبح مـا يلقـى بخفّاقـي مقيـل[/poem]


[align=center]وله أيضــــاً[/align]





[poem=font=",6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

عدّيت في عاليش يا شُمّخ النيف = آخيل برقٍ في مزوني سناوي

صوب أطهرش هتّانه الصادق إمريف = ون شح مآه يجيش عِدّه رهاوي

وجرّيت صوتٍ لا فهاني ولا زيف = تبكي حروفه من عظيم البلاوي

وأرهف حكاي وهمستي والسواليف = طلّقتها يا روح روح الشقاوي

طلّقتها ما دام حبّش تصانيف = وأجنبتها ما دام قلبش سحاوي

ما يعرف الماجوب لي قابل الضيف = ويسقونه العذّال سود المحاوي

ما كنت أعبّر هرج ناسٍ عواريف = ومن قال غاوي قلت بالحيل غاوي

ما كنت أهم الموج دون المجاديف = وتخيب في أمواجش بعيد الهقاوي

يوم أنقطع دربش غدى عاير السيف = دربي . وساقي ، طاوي الدرب طاوي

يقبل علي الصيف ثم يقفي الصيف = وآنا على حد المدينه خلاوي

إيمرني وجهش من الظُلمه إمخيف = ولندى الطعون أزرت كفوفش تداوي

سمحاق نوّش للقلوب الملاهيف = ما اروى خفوقٍ كف وصله نداوي

يا حيف والله يا شقا العين يا حيف = في جالش ، وغصني من الوجد ذاوي

غيمش يمر وماطرش ما بعد شيف = من قل مآه آشوف لونه سماوي

لين المشاعر يبّست وأمحل الريف = يا خُبل عقل اللي لمثلش مهاوي

[/poem]



[align=right]إن وجد خطأ فهو مني أنا أثناء كتابتي فالعذر مقدما للشاعر محمد بن يحيى ولكم [/align]