مسْرح الجـــــرْح

قبل الوسم نحمد الله جونا وسمي
الغيث في كل يوم يسجل حضوره
اسبوع والبرق فارس والرعد نشمي
وغيمة من الوله والشوق منثورة
دلوعة الغيم هذا جوها الرسمي
من سالف عهودها بالخير مذكورة
جو يذكرني اللي ﻻ زهم باسمي
يفز له من وريد الدم نافورة
اي والله اني ذكرته والسما تهمي
(ماكنه اﻻ الشفا وﻻرض ممطورة)

سير على قلبي عسى قلبي فداك
يااللي حضور الغيث يشبه حضـوره

تعال احاسيسي تجوعـــك وتضماك
ياناهــبٍ مـن ضحكـــة الصبــح نوره

في كل يوم امتطي صهـوة جنونـي واجيـك
يـاذا البريــق الـذي مبطـي وعينـي تراه
اليا متى اهيم في صحـرا الظمـا وارتجيـك؟
لعلّ م انتب سراب افنيـت عمـري وراه؟!

الله وكيلك طار بي سرب الحنين
ل نجد وانا منزلي فاعْلى السراة

ماحـاد عن دربـك شمــال ولايميـن
ولا نــزل دون المكــان ولا وراه

في منحنى الشوق ف اقصى شارع اللهفة
علــى رصيـف الحنيـن امسيــت وحدانــي

ينتـــاب قلبـي شعـور مـن العبـث وصفــه
يقلون اعاني من ايش؟مــن ايش ماعاني؟

تبختــري واستبــدي مثـــل مـــــاودّك
وابني على انقاض قلبي برجك العاجي

ماشي على درب يفصــل صــدّك وودّك
عسـاه عـن ما تعـاف النفـس ينعاجـــي

الوله والشوق تمشي لك حثاثة
يا صباح النبض يسعدلي صباحك
والسماحة واللطافة والدماثة
كلها ماتصبح اﻻ في مراحك
انت اخذت الزين كله بالوراثة
واﻻ هو من دون دستور استباحك
الفجر حاول ينافسك بثﻻثة
رقة احساسك ونورك وانشراحك
والربيع اهداك وجهه واكتراثه
من يلوم التيه لو م اطلق سراحك

لو اقبلت لك واضحكت طبعها شيـن
تقطــر حلــى مير البــلا في حلاهـا

تعطــي بيـــد لكــنّ تاخــذ بثنتيــن
هذي هـي الدنيــا كفــى الله بلاهــا

ياقلبي اللي كل نود تهبه
اسواة حصن مشيد ب راس مشراف
مااهدى غﻻه اﻻ لجرحه وطبه
على كثر ماشاف فالناس ماشاف
اﻻ الذي يهديه من دون سبة
من العذاب انواع واشكال واصناف
جرحه خوي تأبى المشاعر تكبه
يجرح وﻻكنه مسوي بي خﻻف
ان جيت اب ابعد يصبح الدرب غبه
وانخاه يعطيني من الشوق مجداف
واصنع من الحبة ثماتين قبة
لعلي القى يم شاطيه منكاف
بعض العرب يستوطن النبض حبه
والعين يسكنها من اطيافه اطياف
م اقــول غيــر الله ربي وربه
اللي يشوف الظلم والقسوة إتصاف

ياقلبي اللي على جمر الحبايب وطا
استعذب الجمرواستهوى جروح الخليل
واحبابه استعذبوا صداتهم والبطا
لين ابتعدنا مسافات الجدي عن سهيل
ارسلت وارسلت حتى مل سرب القطا
رغم اني اميز الممكن من المستحيل
ياهيه يااللي على معلوق صدري سطا
واستعمره واستباحه في نهار وليل
اللي تسويه فيني صح واﻻ خطا
عطني على صحة اقوالك وفعلك دليل
والله لو اعطيتني ﻻعطيك ضعف العطا
وانا عتيبي وﻻاخبر في عتيبة بخيل

حي الله اللي زارني ليلة اﻻمس
لقيت عطره في حروفي وبوحي
مبطي يماطل فالوصل مبعد الرمس
يجفل وهو ماهو قطوع شحوحي
حساس يخشى حامسين الحكي حمس
وناثرينه فوق خضر الجروحي
من حقي اباهي به البدر والشمس
ويشوش حرفي ويتعدى السفوحي
اليا حكى سوالفه همس في همس
واليا ضحك عطر الخزامى يفوحي
مثل السحاب يتوق عن هاقي اللمس
ماغيره استوطن مرابع طموحي
افرح اليا شفته ولو خاطري عمس
وشلون م افرح به وهو روح روحي

ابيك سالـــــم وغانـــم يامــــلاذ القصيـــد
غير الغلا اللي ذخرته لي م ابي منك شي

الناس ثابت غلاهـــم وانت حبــك يزيــد
والشعر بك والمشاعـر تسمـو وتنتشــي

أي والله انك تمخطر جــوف حبـل الوريــد
الين صرت اكسجيـن الدم صبـح وعشـي

ي اطهر من الطهر يالترف العجيب الفريـد
معنى الحيـــا من حيــاك وعفتـك يختشي

ياسيد ساداتي ويا ضيّ كوني
يااللي عليك من الحلا والبها تاج

اليا فقدّتـك يوم فــزة ظنونــي
كما يفز الجــم من عـــد هــداج

الاّ انت ياكل الغــلا ماتهونــي
ي اغلامن الالماس واثمن من العاج

عليك سجات الفكر ياخذوني
وتخاوي الهوجاس في كل منهاج

سوالفك هملول غر المزوني
اليا انهمر من صادق النو ثجاج

ضحكك وهرجك من سبايب فتوني
تلبّس هروجــــك حريرٍ وديبــاج

وانا اتحاشى هرج عالٍ ودونــي
واجنّبك واجنب النفس الاحـراج

عنك اصرف النظرات لا يلمحونــي
ناس فكرهــم حـاد بالحيل وانعاج

طبعي م ابوح لزمـرةٍ مايبونــي
خيفــة ملامة لايم وهرج هـــراج

وش لي بناس ماتبى الاّ طعوني
وش امحق من الي فمه فيه كرباج

مير انت اب اشرح لك ملامح جنوني
واعطيك سرٍّ خلف قفل ومزلاج

تصـــدّق اليا تعبّتنــي عيونـــي
لاادور مداوي ولا ادوّر عــلاج

استدعي اطيافك بسرعة يجوني
ومن ساع تلفيني وعيني مايحتاج

ويا والله الاّ روّح النــوم يانـــواف
عسى الحظ لعيوني وانا عمّك يردّه
وجعل السهر ماعاد له يمّها منكاف
ولاعــاد يغزيهــا بهجمـات مرتدّه
يطير الكرى منّي وانا ماعلي اخلاف
ولااشكي وجع من فضل ربّي ولاشدّة
لكن الزمن ماينصف الصادق الشفّاف
ويلقى المراوغ حاجته محْـدن يضــدّه
وانا اشوف مدح النفس ذم اكثره ينعاف
اليـا مامدحــك الاّ انت باب الحكي سدّه
ولن ماصنعت لنفسك الفخر شاب القاف
حلاة الرجل يبني حصن مجـده بيــدّه
يروم الفتى العليا ويرقى لها المشراف
بفعلـه ماهْو بفعــال خيلانــه وجـدّه
وانا م اعتبر فعل الجمايل ردود اسلاف
ليا اعطيت والاّ اسديت لاتكثر اللدة
رزين العقل مايعترض حذفة الحذاف
وسيف الحماقة مايحــوّل تحت حدّه
ولاتسمع اللي يشتل الراي خلف خلاف
لوتطاوعه وهّقك تغْرف بحر جـــدة
تردّد على اهل الديــن والعلـــم والعُرّاف
ومن ودّ ابوك وجدّك احرص على ودّه
بيوت الندى تندى وبيت الكريم يضاف
تجيك الهبوب من آخــر الحارة بنـده
وخلّك مع المولى يحقق لك الاهداف
يكفّر من اذنوبــك ويجــزل لك لمدّة
وضاعف لراع الحاجةالجهد10اضعاف
فقيـر اويتيمٍ (ن)دمعته جرّحت خدّه
وعامل جميع الخلق بااللين والانصاف
ولاتبني المعروف وتعـــوّد تهـــدّه
ولا تزهد ب(جنّتك) دام انها تنشاف
رضى والدينك قبل كل البشر بدّه
ترى المرجله ماهيب طرّاحةٍ والحاف
ولاهي دراهم في مخابيــك منعــدّه
ولاهي غروروزود نفس وكبرواجحاف
ولاتنجمع بالجــاه والمــال والكــدّة
توافيق واحسان وعقول وقلوب نظاف
ومدة كريم وافي(ن) ما بخس مدّه
نزاحم عليها بالمناكــب وبالاكتــاف
عن الاولــة والطايلــة مالنـــا صدة

لازال قلبي في رحابــك يخفـــق@@وسفيـن ودي فـي بحــارك تغـــرق
يادانـةً مــــلأ الفضــاء بريقــها @@الشمس تشرق حيث وجهـك يشـرق
مـــا انتـــي الا زهــــــرةً فواحــــةً@@العطـــر مــن ارجائهـــا يتدفــــــق
تزهـــو ويلثمهـــا النسيــم بطلــهٍ@@فــي كـلٍّ غاديـــةٍ عليهــا يغــــدق
مــــا انـــتِ الا بسمــةٍ أخــــــآآذةً@@ فـــي ثغــرطفـلٍ باســمٍ تتألـــــق
مــــا انــتِ الاّ طفلــــةً عربيـــــةً@@ثــوب الحريـــر بحسنهــــايتــــأنـــق
ان لم تكوني البدر في غسق الدجى@@ويكون وصلك قبل وعدك يسبق
فمــن المؤمّــل والجميــل مليكتــي @@ان تعتقــــي قلبــا بحبك يخفـق