مسْرح الجـــــرْح

ياليتك وهبت الشك ريش وفضا وجناح
................لعلـــــــــه يغادر قلــب مغليــــــــك وظنونــه
يزيد الغموض وتختلـــف دفــــة المــــــلاح
..............عسام الشـعــــــور ولجّـــــة البحـر وجنونــه
عليش التعب والغوص يادانة السباح؟
.............اليا ماعرف وش فــود غوصـــه ومضمونــــه!

[align=center]يكفــــي قليلـــــك ياكثيــــــرٍ بعينــــــي
..............انت الدواء يبري ويشفــــــي قليلــــــه
معــــذور ياللــي بالغـــــلا تحتوينــــــي
.............لله م ارضــــى لك عــــن الدرب ميلــــة
تهمي مزونــــك والبشايـــــر تجينــــي
..............غيث الغلا عـــــــــم المعاليــــق سيلـه
وان ذعذع الغربي واخذنـــــي حنينــي
............. انصــاك حرفٍ فــــاح بنـــه وهيلــــــــه[/align]

عان لك خفقةٍ فالصدر عيت تتوب***مرّها وانت في دربـك مــرور الكـــرام
مايثير السحايب غير نود الهبوب***والثمر يسقط اليا اهتز جـــذع الكــلام
ليش خليتني حيران بين الدروب؟***ساع نورك خفت راحت دروبي عسام
قلبي يلد صوب وعيني تلد صوب***والسما غايمـــة والبرق قبلة وشــــام
مير مانيب وارد غيـــر عـدٍّ عـذوب***ويش حتى لو ابطي والمشاعر حيـام

لباالغلا يالديرة اللي عانقت مزن السراة
متميزة برجالها واسباعهاواصقورها
تدثرت بالمجد في هام الجبال النايفات
مادوّن التاريخ غير الفخر بين سطورها
طفولتي كانت هنا واحلى العمر والذكريات
اليا استبد الوجد فيني والحنين ازورها
بني سعد منشا عتيبة فالعصور الماضيات
من سالف الايام والتاريخ ساطع نورها
مهد الاصالة والعراقة والسلوم الغانمات
لبا الديار اللي رسول الله ربى في دورها

سيّر على الموعد المهجور تلقاني
...............انحت على حايطه نبضي واحاسيسي

ياواحشني وش اخبار الغلا اللي ذاخره واياك؟؟
..........................تنامى مكسبه والا نقص والا على حاله؟؟
تغالطني واعرْف انك تغالطني واقـــول فداك!!
.........................اقول المال واحد ويش يعني مالـي ومالـه
تصدق عاد كم ضحيت برضى ناس لجل رضاك
........................علـى درب الوفــا راع الوفــا م ادور بدالــه
وكاد اشتاقلـك واخرم لكيــفٍ حافتــه يمنــاك
....................... تطاولني غلا هيلـك وراع الهيــل ودلالــــه
من البارح ولك فالنبض خفقة هايمة فحمــاك
......................ولك باقة ورود وفي جنــاح الطايــر رسالـة

صباحك الورد ياورد الصباح الندي
ياملهم الشعر يامهد الشذا والعطور
ياللي من الفجرطيفك فالعيون يعدي
استوطن ارض الحشاواردف علىالنورنور

صباحك الورد ياورد الصباح الندي
ياملهم الشعر يامهد الشذا والعطور
ياللي من الفجرطيفك فالعيون يعدي
استوطن ارض الحشاواردف علىالنورنور
مايشبهك فالكواكب غير نجم الجدي
وماتشبه الا البساتين وعبير الزهور
احلى الصباحات يبدا بك وبه تبتدي
كنك وكنه علاقات الفرح بالسرور
لبيه ياسلطنة يومي وفرحة غدي
اشراقتك في سما نبضي بطاقة عبور
لعل قلبك يحن لقلبي ويهتدي
ويشاركه فالاماني والشعر والشعور
تعال وانقشك فالوجدان حرف ابجدي
حرف بلون الفرح يختال بين السطور

من شخابيطي

رتبيني
الضياع اللي بهذا الكون كله يحتريني
رتبيني
انتي احساسك دفا
وحولي ارض من جفا
آه ياقل الوفا
آه ياعثرة سنيني
رتبيني
رتبيني
وحدديلي في بحر عينك مسار واتجاه
ومن ضلوعك قارب وسترة نجاه
وساحل في نبض قلبك يحتويني
رتبيني

حق ايش يامهدي عيوني سهرها
.............تحط لـــ احلامي مسافات وحدود
وانت الوحيــد اللي تعادل نظرها
...........عندك خبر واناعلى قــولـي شهــود
خل السفينة عايمة في بحــرهـا
............فـي دبــرة الله ثـم فـي دبـرة النـود
والغيمــة اللي مالحقني مطرهـا
........... ياليتهـــا تمــلا الفضا بــرق ورعـــود
واللي خسر فالنايفات وعمرها
..........ماعادله منهج سوى شيمــة الجـود
تخبر ليال الشوق وانته قمرها
......... مافيه غيرك في سما النبض موجود
تهديني اصداف البحور ودررها
...........واهديك هيض النايفـات وثمـر عـود
واليوم لي بك طلبـةٍ وانتظرهــا
...........كلمـة من لسانــــك ولابعدهــا زود

[align=center]يــانـــافـــلٍ جيلــك وشمعـــة زمانــــك
ياموطن احساسي ونبضي ولاشواق

الـــــزم مكانـــك لاتضيّــــع مكــانــــك
ماعــاد حنــــا حمـــل لوعــات وفراق

حارب وصـون حـــدود خفـــاق صانــــك
واحذر تغيــب وينقلـب قلبــي عــراق!

ارجـــوك لاتبطــي وتعطـــش جنـانــك
تعـــال لــي غيمــــة وراعــــد وبراااق

تــوّج غــــلاي بكلمـــةٍ مــــن لسانـــك
ترضـي غرور اللـي لكلمتـــك توااااق

لـــو قلتهـــــــاتروي غـــلاك بحنــانــــك
تفرق من السانك عن اللي ف الاوراق

وانكـــــــان تبغى الوصف عانه وعانـك
شمس وقمر ياخذ من اشراقك اشراق[/align]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
صاحبي ياعل مايلقاه عوق=وان مشى دربٍ عسى الله يسمحه

ياعسى تنصاه الافراح ويروق=جوّه/ويارب حقّق مطمحه

كلّما خيّل على المنشا بروق=يحسب ان الارض خضرا مصبحة

ويحسب ان الشوق يتبدّل بشوق=والاماني في يديني ممرحة

اتصاغر كلمتي لن قلت ذوق=يا(نصيب) العمر مرة يمنحة

انت معدن مانْجلب في كل سوق=راس مال اللي هواك ومربحه

مير قمت تكرر (اعذار)وطروق=كن ودّك قلب خلّك تجرحه؟

لاتلوم النبض والقلب الشفوق=لهفة العاشق مرارٍ تفضحه

وان نويت الهجرة وعزمك صدوق=ودّعه قبل السفر واستسمحه

بلّغه لاينتظر شمس الشروق=واحرق اوراقه ودمّر مسرحه

ماحصل منّي خلاف ولازهوق=ولاخطاً واضح وعيني تلمحه

ولاخبرت انك على الجفوة سبوق= ادمح //الله كل ذنبٍ يدمحه

شوفني كبلت لك هذا الخفوق!=باعثه من دون ريشٍ واجنحة

في ظهر لوري مع الاغراض فوق!=للسموم وللهبايب تلفحه

وفّ مابينك وبينه من حقوق=وفي سراديب الجفا المر اطرحه

وان ثبت ظلمه وطيشه والعقوق=سامحه والا اسجنه والا اذبحه

وان ذبحته خلّك بذبحه رفوق!=واختر اسرع قاتل من الاسلحة

واسكب ادموع الحزن من كل موق=واحمله عاجل على اقرب مشرحة

شوف وش تلقى بدمّه والعروق؟=شي صعيبٍ ينفهم لو نشرحه؟!

م انت لاقي( غيرك )بكل مْعلوق!=انت قلبه وانت سعْده وفْرحه!![/poem]

تعال روّض نبضةٍ في خفوقي
تصهل ومضمار الاماني مسافات
تعال انا اطالبك بابْسط حقوقي
مادام نبض القلب فالقلب مامات
مالك شبيه الا الضيا والشروق
سمو/كنّك من نجوم المجرات

خذني وطن فارق على كل الاوطان
يخلّد اللحظــــة قصيـــــد ومعانــــي
خذني زمن ماتشبهــــه كل الازمان
يمطـــر فرح حتى لـو انّه يعانـــــي
خذني بقايا حلــم واحساس وانــسان
ينبض بحبّك كـل شي فـي كيانــــي
خذنـي ربيع ازهاره اشكـال والوان
خذنـي بحر خذني رصيف وموانــي

رميتني فــي لجّـــة اليـــم واقفيـــت
ل اعرف اعوم ولااعرف ارجع مكاني
وش علمــك اليامني اقفيــت ناديت
وان جيت يخفت صوتك اللي دعاني