مسْرح الجـــــرْح

يشين طبع الوقت والا انت محشوم
لاشانت اخلاقـــك ولا شان طبعك
اشره واجنّبك المشاريـــه واللــوم
حيث انت نبع الذوق والذوق نبعــك

شاري ارضاك اي والله ارضاك شاريه
لو ازْعلي من زود حجمـــه م اطيقـه
كظمت غيظـــي والعتب والمشاريه
ازعل سنـــة ولا انت تزعـل دقيقـــة

مالـك ثلاث ارباع قلبــي لحالـك
...................وتداعي العالم فديتك على الربع
دام انت بدري ماني بليل حالك
....................ودام انت نبعي ماني بواردٍ نبــع
مبطي منـوّخ فالحنايــا رحالـك
....................تعــال لك .... ياحالــــي الطبــــع

واللي خلقك ان المحبة ماتهون
حتى ولو ماعاد يجمعنا الهــوى
اليا لفاني هم وامسيت مْحزون
اصنّفك دكتــور وحروفـــك دوا

على صوت المطر هاضت قريحة شاعر ولهان
من اللهفة رسم صورتك بين البرق وامزانه
سحابة رعدها نبض الخفوق وعطرها هتان
ضحك في ثغرها قوس المطر واهدى لها الوانه

اليا كتبت البيت ف(تويتـر)وفيــس
تدرين وشلون اعرف انك قريتيه؟
القــاه متوهّــج شموع ونباريــس
والقاه متغطرس وغرقــان فالتيـه
ويفوح منه المسك وعطور باريس
وآثار كحلك واضحة في نواحيه

اشره على قلبي ان ماجابلــك طــاري
واشره على عيني ان مامرني طيفــك
نوضك يشـــوق النظر يالبارق الساري
ويليـــق للشعر والإحســاس توصيفــك
يابرق ليتـــك خويي طــــول مشــواري
والوقـــت ماابعدك عـن سكـة مواليفـك
فغيابك اذبل واضيــع وتجهـي امطـاري
رغم اني اعشق ربيعك واطرب لصيفك

يارونق الحسن يادانة خليج العرب
ياضحكة الصبح وانفاسه وزهر الربيع
يركض لك الحرف والاحساس شوق وطرب
طيرك مقامه رفيع ووكر ولفه رفيع
لاتحسب ان الغلا آزف للرحيل وغرب
ودايعك في بنوك الحفظ عند الوديع

(ماعــاد احبـــك) قلتها من لسانـــي
بيني وبيني ماسمعهــــا اي مخلـوق
والقاك منهـا بعـــــد لحظـــة تعانــي
اثر ان لك جاسوس في كل معلـوق!
ياطــول صبري من غـــلاك الآنانـــي
اليـا فهقتـــه قـــال مانــي بمفهـــوق

كيبوردية/
لكم وحشة احبتي وللنداوي وحشة

ارحب كثــر نبضات قلــب يتمنــاك
ياهاجس العاشــق وصبح امنياتـــه

وكثر ماتطري على البـــال حيــــاك
مغليك راهن في حياتـــك حياتـــه

عطني دقيقة ودي اوصف حلايـاك
ياكـــل اماني شاعرـــك ياغناته

الشمس تشرق يالغلا من محياك
والبدر ماخـذ من صفاتــك صفاتــه

غلاك مثل ا لكلا يحييه قطر الندى
لو ظاهره شاب يحيالك فتيٍّ شباب

وسواة غصنٍ تغريف في جبال الهدا
يناغي النود ويغازل بكور السحاب

محاولة بالفصيح
يا أيّها النجـم المتـوّج بالبريـــق@@اشعلت بين جوانــح المضنى حريق
يرضيك طرف الصب يقضي ليلـه@@يرنو الى الآفاق يبحــث عـن رفيــق
عُدلي فإن النبض يرسم بالدماء@@في مدخل الشريان خارطة الطريـق
اهـديتني صفــوالمحبّــة احــرُفاً@@يسمــو بهــا صــرح الهوى وبه تليـق
ووهبتـــك الشعــر البديــع جوهرا@@ منــهُ الزمــرد والزبرجــد والعقيــــق

ياللي عطاك الوقت اﻻجمل مقفاه

انا فداك من الحزن والغرابيل

رغم المسافة كل ماتنطق اﻵه

صداه في قلبي دمار ومعاويل

ياعل ليلك مارعى الصبح ف حماه

وعل صبحك ماشكى وحشة الليل

وعل طرفك ماامطر وﻻهمى ماه

وﻻسوادك في بياضك حدر سيل

انت الغﻻ شكله ولونه ومعتاه

انت البشاشة والشعر والتعاليل

وانت الذي قلبي يحبه ويهواه

انت السماوالشمس والبدروسهيل

وانت اي شي روحي وعيني تمناه

لون البحر صوت المطر دلة الهيل

انت الوطن كله من اقصاه ل اقصاه

ارض وحياة وناس يانافل الجيل

المســا فــي حضرة عيونـك نهار
والنهـــار ان غبــت ليـلٍ سرمدي

تدري انك نجم واحساسي مدار
تبتــدي مــن حيــث ودّك تبتــدي

كل مااظلم ليلي اشوفــك فنــار
في سناك ادل دربـي واهتــدي

كيبوردية

اللي خذ احلى سنيني واجمـل ايامـي
ياطيــب نودٍ تجيـب العطر مـن صوبــه

وآقــف على سكته من سالــف اعوامي
استبشــر بطلتــــه وافــــرح بمكتوبــه

ارحــب كثــر لهفتــي يامصـدر الهامـي
يااروع غرام قضيت العمـر ف ادروبـه

يآرب عل وعسى راع الغـــلا السامـي
انّــه يكفّــر عــن الماضي مــن ذنوبــه

والله ماعـــاد يكفـي خـط الاقلامــي
انكـــان ماتعطــي الطــلاب مطلــــوبــه

تعــال ضمّـــد فديتــك جرحـــي الدامــي
اللــي جثى في شمال القلب وجنوبه