مسْرح الجـــــرْح

الله من نو مزونه مراديف
...............برقه بنوض وراعديه يدنا
على ديار عندي احلى من جنيف
..............ازهارها من كل لون وفنا
فوق السراة وعاليات المشاريف
...............دار قبل تبنى فخرها تبنا
اديار قوم ماتعود مناكيف
.......... اليا دعى الداعي لخدمةوطنا
الطايف رجاله من جباله ونيف
..........نحمي الذمار ويامن اللي زبنا
تاريخنا ساطع كما لمعة السيف
............فرسان مانخلف للاجيال ظنا
بدو وحضر مثل السيوف المراهيف
.............في صفحة التاريخ كنا وكنا
ف حلالنا مانلتفت للتكاليف
..........اهل السمينة واهل هيل وبنا
واليوم يطريلي هروج وتواصيف
..........وافكارمن هيض المشاعر تعنا
ياهاجسي واليا بدعت المحاريف
.......... للي على درب المراجل تعنا
قله ترى بعض السوايا تصانيف
............ولا هي بجايتلك على ماتمنا
المرجله ماهي مجرد سواليف
...............ولاقصايد فالمجالس تغنا
المرجله راي سديد ومواقيف
.............. يشقا لها الرجال منا ومنا
حق الخوي ومقابل الجار والضيف
..............عوايد يفخر بها الرجل منا
وطيب النبا تبراه دلة من الكيف
............. اخير من زاد وصحون تدنا
في دار خبل مايعرف المعاريف
............. روابعه فيها الكبر مستكنا
اليا هرج توافد الخزي والزيف
............ومالت غصونه بالخوارم تثنا
واليا نخيته مثل شمس التراهيف
..............عن العلوم الغانمات يتونا

ماضاع حلمي على ممشاك لو ضاعي!
لعيونك اتعب بنات الريح واعسفها!
ويميل قلبي معك لن هب ذعذاعي!
لو ملت با انعم غصون الورد واترفها
تدري وش اعلى مراتب سلم اطماعي؟
القاك واصافح اللحظات واقطفها!
ماهيب قصة صراع الذيب والراعي
او حاجة جاهزة للخطف واخطفها
طاريك واحة زهرتستنهض ابداعي
لبيه ياجنة احساسي وزخرفها !!
حتى القصايد بدونك مالها داعي
مشاعري في غيابك مااعرف اصرفها
دنياك حلمي ومصيافي ومرباعي
وارض(ن) بكر يعجز التعبير يوصفها
احلم بشوفك وانا نايم وانا واعي!
واسكب طيوفك وموق العين يرشفها
ون ضفت سطرن جديدلصفحة اوجاعي
اوجاع الايام تعرفني وانا اعرفها
واليا ارتقيت وسمو النبض مطلاعي
عن طرقتي دفة الاشواق مااحرفها
مادام بحر الغلا ماضاق بشراعي
عادي لو احلامي التيار يجرفها !!

ماضاع حلمي على ممشاك لو ضاعي!
لعيونك اتعب بنات الريح واعسفها!
ويميل قلبي معك لن هب ذعذاعي!
لو ملت با انعم غصون الورد واترفها
تدري وش اعلى مراتب سلم اطماعي؟
القاك واصافح اللحظات واقطفها!
ماهيب قصة صراع الذيب والراعي
او حاجة جاهزة للخطف واخطفها
طاريك واحة زهرتستنهض ابداعي
لبيه ياجنة احساسي وزخرفها !!
حتى القصايد بدونك مالها داعي
مشاعري في غيابك مااعرف اصرفها
دنياك حلمي ومصيافي ومرباعي
وارض(ن) بكر يعجز التعبير يوصفها
احلم بشوفك وانا نايم وانا واعي!
واسكب طيوفك وموق العين يرشفها
ون ضفت سطرن جديدلصفحة اوجاعي
اوجاع الايام تعرفني وانا اعرفها
واليا ارتقيت وسمو النبض مطلاعي
عن طرقتي دفة الاشواق مااحرفها
مادام بحر الغلا ماضاق بشراعي
عادي لو احلامي التيار يجرفها !!

عذر الحروف اني كتبتك قصيدة
مايقدر يلالي بها كل شاعر
وعذر الظروف ان المنازل بعيدة
وانك تصدين الهوى والمشاعر
اما الوصوف انتي فريدة فريدة
يركضلك احساسي لو الدرب واعر

سلام تسليم(ن) انقا من نسيم الهدا
لاصحابنا واجب(ن) نبدابه ونبتديه
لي مطلب(ن) عندكم يااهل الكرم والندى
يامنهل الجود والمعروف بيض الوجيه
صلواعلى المصطفى المبعوث نوروهدى
اليوم جمعة صلاة الخلق تعرض عليه

[poem=font="Simplified Arabic,6,undefined,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
هبت صبا نجد يالبى النسيم العليل=تمايلتله غصون الروح واوراقها
من رقته يشرح ويبري خفوق العليل=اليا تسلطن على نبضاته وراقها[/poem]

[align=center]هذا المسا مدري وش اللي حصلي
سريت ليل الشوق خــوف ومهابــه
دعاني احساسه ولبيــــت كلــــي
جيته ظما جرهد وجانــي سحابــة
لبا الهوى والشــوق يابعـــد ملـــــي
ياللي وقــف قلبي غلا عنـــــد بابه[/align]

[align=center]تعال فج الضلوع وشوف منزالك
لاتقعد تقول مدري مسكني وينه
ثابت ولو جابوا اكبر ونش مآزالك
هذي حجج شاعرك هذي براهينه
عزاااه ياعينـــي وياقلـب عزالك
لحوووول يابعد دار اللي تحبينه[/align]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ناح الحمام وعوج الاضلاع روشان=نوحه لعب في كل معلوق وادماه
وده يذكر قلبي بماضي انسان=انسان تغليه المشاعر وتهواه
ورديت للطير المغرّد بالالحان=تسمعوا في نبض قافي ومعناه
ياطير سلملي على عالي الشان=وقلّه هذ النص المدوّن وفحواه
عنوانك مسجل على كل شريان=عانه على مسراح دمي ومضواه
ماتدري انك للاحاسيس ربان!؟=اليا عصف بحر الهوى واصطفق ماه
قلبك وطن فارق على كل الاوطان=وانته زمن يحرم على الروح تنساه[/poem]

[align=center]تبختري والعبي حبل الرسن في يدي
يامهرةالشوق دوك الصدر مضمارخيل
اي والله احلى صباح بطلـتك يبتـــــدي
ركض وفروسيـه وكــّر وفـــّر وصهيـــل
ابعسفك في ميادين الغلا السرمــدي
وانثرجموحك على شاطي بحورالخليل
لو قايضوني على بيعك بنجم الجــدي
لله ماابيعك ولا ارضى غيرخيلي بديـل[/align]

تجين نهرب من قيود الرتابة؟
قبل مراويح السعد تضمحلي
قيظ وعجاج ودرب يلهث سرابه
وبروق تلمع فالعتيم وتولي
مبطي وحرف النور احبه واهابه
يفز له نبضي وارحب واهلّي
لعلي القى بلسمي في رضابه
واتوه في ريضان ورده وادلي
مادامت ان حظي وحطك تشابه
تعالي نغني على طير ياللي
اماتعالي فاس والياس غابة
واطلق سراح الياس واجيك كلي
والا تعالي من علوك سحابة
الياانتشا عطر المسا تستهلي
وانا مااحب اجمع وجيه الغلابه
وسرق فرحها واتوضا واصلي
احب اعطربك حروف الكتابة
وارسم شعاع النورمن وجه خلي

الله وكيلك ظميتك ياقراح القصيد
من دون عدك تراني عايش في ظما
سكنت عوج المحاني يالقريب البعيد
يااطهر من الطهر وانقى من مزون السما

[align=center]يقول انا اوّل شخص يقرا جديدك
.................... لو تنشره في كوكب الزهرة اقراه!!
قلت البشـر يقلون حلون قصيدك
..................... وانا اتعجّب مثلهــم ويش حـــلاه!!
واثــر عيونــك شيــرة الله يزيـدك!!
.....................من الحلا والملـح والحسن والجـاه
وشلون اجل لوتلمس الحرف بيْدك!!
....................كلي ثقـة ل احصّل الشهـد بشفاه!![/align]

جاتك رسالة في جناح الحمامة
معطرة بالورد والود والشوق
علمي بهاعصرامس فوق الثمامة
تدري مراسيل الهوىمالهاعوق
تعال موفور الغلا والكرامة
واحط حولك من شعاع القمرطوق
حتى لسان القلب تسمع كلامه
ويصير نبض حروفنا ديم وبروق

[align=center]الليلة برد

البرد لخبط كياني ماترك شي
...................كسّر عظامي و فرواق الحشا طاف
اما احطبي من ضلوعي واشعلي ضي
..................والا انسجيلي شعورك بشت ولحاف
اليا الصحاري غفت عن بارق الري
...................... نعيش مثل الشجر ونموت وقاف
معالم القلب ست سنين هي هي
................... رايتك خفاقــــةٍ في كــل مشــراف
ياحي هاك الغلا والـود ياحـــي
................. اللي بذرتــه هنــا ياعـــذب الاوصاف[/align]