مسْرح الجـــــرْح

[poem=font="Simplified Arabic,5,#0005FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
طموحاتي امّا الشمس وإلاّ انت وإلاّ الشمس=ولو خيروني شوفك اعظم طموحاتي
تأثّر على قلبي وكل الحواس الخمس=غلاك استحل اكبر قدر من مساحاتي
تربّع على هام الغلا ياصعيب اللمس=وطوّل معاناتي وقصّر مسافاتي
وباب العتب واللوم مقفول من قبل امس=عقوبه لشرهتك وعقوبه لشرهاتي[/poem]

[poem=font="Simplified Arabic,5,#0005FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
من يوم صورتك زانت ركني الهادي=صارت حروفي على الرادار مرصودة
رغم انّك انقى من الشلال فالوادي=فتحت بيبان طول الوقت موصودة[/poem]

ابيات كتبتها على لسان ابني يشكر عمّه مشعل
لانه قدم له هدية ثمينةبمناسبة نجاحه
[poem=font="Simplified Arabic,5,#5F00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياعسى نو السحاب اللي غزير خياله=يسقي ديار(ن)ربى فيها الكرم مع قومي
انولد في بيت جدّي مع كبير عياله=وصار حتى الزاد والماء بينهم مقسومي
ارتدى ثوبه وسار بغترته وعقاله=لين صار اسمه على وجه الزمن مرسومي
ياهل المعروف عنّي بلغوه رساله=من معاليق الحشا اللي في فؤادي تومي
الكرم مايعرف إلاّ داره ومنزاله=عمّي اللي فالشدايد يوجد المعدومي
ماخذ(ن) جود وكرم نص الرجال لحاله=مثل صقر(ن)في سماء العلياء يحوم يحومي
والله انّي يوم افكّر فالكرم ورجاله=حاتم الطائي وعمّي مشعل المنجومي
اعرف ان الجود هذا نبعه ومنهاله=وان عمّي بدر كامل والرجال نجومي
علّموني يالنشاما كيف ارد افضاله=لو ابيع عيوني وسيارتي وهدومي[/poem]

من الاخوانيات
كتب لي الاخ الشاعر رايد الجعيد الابيات التالية رسالة جوال

[poem=font="Simplified Arabic,5,#0052FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياسلام الله على اللـي ماسمعنـا صوتـه=صاحب(ن) غالي وانا ماارضى فراق الغالي
صحبة الغالي على وجه الزمـن منحوتـه=مثـل نحـت الماهـر الفنـان للتمثـالـي
المشاعر فـي ضميـري قنبلـه موقوتـه=تحمـل الاشـواق والاذواق مـر وحالـي
من رياض الوصل نقطف لك ثمار التوتـه=ومن هجوس الشعر غنينا علـى الموالـي
ومن بحـور الشعرنجلـب دره وياقوتـه=ولو تبى الحق من وراها غترتي وعقالـي[/poem]


وكان ردي على رايد


[poem=font="Simplified Arabic,5,#0033FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مرحبا ترحيبـة بحجم المحيـط وحوتـه=لـو أقسّمهـا تسـد الاوّلـي والتالـي
اعرف الشاعر بمنطوقه وحلـو بيوتـه=وانت شاعر من بني عمي مقامك عالـي
شوف بعض الناس احط ارقامهم فالنوته=وانت رقمك حافظه في قلبـي وجوالـي
لك مرابع وسـط قلبـي بيّنـه مثبوتـه=مثلك وشرواك مكسبنـا وراس المالـي
والثبيتي لوسكت تلقى الذهـب فسكوتـه=وان هرجت محسّب لمخراجي ومدخالـي
ان هرجنا يكتسي عذب الكـلام بشوتـه=وان وردنا نشرب الماء صافي(ن)وزلالي
والله ان الجاهليـه شينـه وممقـوتـه=ولا انت جاحدني عشان اعد بعض افعالي
مير هذا الشعر له شيطانـه وطاغوتـه=يشقي النفس ويزلزل صاحبـه زلزالـي[/poem]

زارتني الوالدة في بيتي ذات مساء فكانت هذه الأبيات
[poem=font="Simplified Arabic,5,#0033FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أمي الله يحييها ويسعد مســـــــــــــاهــا=شــــــــرّفت دارنا والبيت نوره تــــــلالا
أشرقت ظلمة النفس وتجــــــلّى ضيــاها=والخواطر بحضرتها تبختـــــــــــر جمالا
في حضور أمي الاشواق تســمو مداهـــا=والمشاعر تغنّي بهجة وابتــــــــــــــــهالا
لو بغت نور عيني ماتردّدت جـــــــــاها=ولو بغت كل عمري تــــــــــم ماقلت لالا
ماعبرنا الطريق إلا بنعـــــــــــمة دعاها=لين صرنا بفضل الله سواة الجبالا
دايم تقول وتردّد وترفع يـــــــــــــــــداها=الله يصونك ويحفظك رب الجـــــــــــلالا
لو عملنا وقلنا مالحقنا جـــــــــــــــــزاها=ارضعتنا الغلا والطيب نــــــــــــبع زلالا
يوم أبونا توفى في بداية صباهــــــــــــــا=ورثت الفقر مع بنت وثلاثة عيــــــــــــــالا
استعانت بمولاها يسدد خطاهـــــــــــــــــا=زادها الفقر قوة والعذاب احتمــــــــــــــالا
من شتات وغثا الايام لمّت قواهـــــــــــــا=تعبت وشقيت وعانت وربّت رجــــــــالا
كانت تشوف في ضحكة ولدها دواهـا=وإن تعب تتعب وتسهر ليال طـــــوالا
إن زعل واحدٍ مناّ تعكّر صفاهــــــــــــا=وإن فرح تشعل الدنيا فرح واحتفــــــالا
امنا مدرسة تعليمنا في حماهـــــــــــــا=امنا كنز مكسب ثروه وراس مـــــــــالا
واجب انا نقدّرها ونشكر عطاهـــــــــا=مابقي غير هيل في حلوق الـــــــدلالا
نسأل الله لها حسن الختام ورضـــــاها=من رضاها رضى الرحمن جل وتعالى[/poem]

من الاخوانيات
ابيات كتبتها إهداء للاخ الشاعر فارس الشهيب
[poem=font="Simplified Arabic,5,#0005FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياهاجسي ماغير انا وانت والجيـب=سيّـر بنـا يـم الـديـار العـذيّـة
دار المكارم والشـرف والمواجيـب=منشـى عتيبـة صفـوة الشاذلـيـة
ياهاجسي فزعتك انا ب امدح شهيب=مـن الحصـون النايفـات العلـيّـة
تستاهلون المـدح يامنبـع الطيـب=يااهل الكرم واهل الوفـاء والحميـة
قبيلـةٍ ماحافهـا النقـص والعيـب=فخر ثبيـت اهـل الحـلال النديّـة
مخصبين العـز والمجـد تخصيـب=كانـوا ولا زالـو قبيـلـة قـويّـة
واخص ابو فايزعطيب المضاريـب=الفـارس اللـي مايضيّـع خـويّـه
اليا لفيتـه حـي هـاك التراحيـب=دار ووقــار وهيـبـة ومعنـويّـة
والله مايلحقـك لـومـن وتثـريـب=وانت السحاب اللي صدوقـن نويّـه
إن جبت راي تصيب وتصيب وتصيب=كثـر الهجـاء وحروفـه الابجديـة
وان قلت شعر تهذّب الشعر تهذيـب=جـدّك رحيّـم منهـل الشاعـريّـة
لبّي شجاعة سالـم الزيـر وكليـب=ولبـيـه ياوقفـاتـك الحاتـمـيـة [/poem]




المجاراة للأستاذ الشاعر ابو فايز فارس الشهيب




[poem=font="Simplified Arabic,5,#0033FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
حي الجواب اللي لفى ذيب من ذيب=يجاوبـه فالحـال والنـار حيّـه
من لابةٍ توفـي نهـار المطاليـب=الاد ناجـم تاخـذ العشـر مـيّـه
ألاد ناجم كـان فيهـم عذاريـب=عذروبهم يوفون الاخصـام كيـه
وقفاتهم تبري جـروحٍ معاطيـب=يـوم الخيـول وسلـة النافعـيـه
وفزعاتهم ستر البنـي الرعابيـب=يحكمـون السـيـف والبندقـيـه
ينومسون ضيـوف ولا معازيـب=ما يدعون الطيـب فيهـم سجيـه
ذكرتني بايام ما نعـرف الشيـبب=يـن العيينـه والقصـر والثنيـه
يا ما رقينـا عاليـات المراقيـب=ونردد الانشـاد صبـح وعشيـه
وياما سرينا دون شـكٍ ولا ريـب=علـى النقـا ونغنـي السامريـه
واليوم نرسـل فالمواقـع مكاتيـب=ماعاد فينا حيـل روحـه وجيـه
والله مالي عن هل الطيب تجنيـب=ومهما نقـدم فـي قدركـم شويـه
جاني جواب مرتب الحرف ترتيب=هـلال يفـداه الـردي والهفـيـه
لبّى حروف النور عكف المخاليب=ولبيه لحـروف الوفـا اليحيويـه[/poem]

[poem=font="Simplified Arabic,5,#0078FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
من معين الغلا اللي ماتغيّر مزاجه=ومن هجوس تطاوعني على كل طرقا
ومن مشاريف حلمٍ شفّي ارقى دراجه=كل شي فيه يغريني وانا ليه ماارقا
جيت اسلّم وليل الشوق مشعل سراجه=مااعرف الياس فرقا منك يالياس فرقا
خطوه وخطوه وتقصر دروب المواجه=ويصبح الشرق غرب ويمسي الغرب شرقا[/poem]

شخابيط وليدة اللحظة

ويش العمل ويش العمل
ألم ألم ألم ألم ألم ألم ألم
فـــــــاض
وتربع على عرش الأمل
وراحت سنين والجرح ينزف مااندمل
ويش العمل ويش العمل

تاخذني الخطوه بعيد
وتجنحبي رياح السنين
واحلــــــ بعيد ــــــــــم
عيد عيد عيد عيد عيد
ماياخذ افراحي بعيد
ويطلع لي الفجر الجديد
واطارد اطياف الالم
وارسي عل شط الامل

[poem=font="Simplified Arabic,5,#252FF2,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
وشيريد الحظ الاقشر وشيريد=يلوي احلامي ويثنيهاثني
وشبقى فالدرب يالقلب العنيد=والهجوس بكل قاف تهيجني
ودّي ابحربك اليا الشط البعيد=مادعوت إلاّانت هيّا خاوني
السفر في صحبتك عالم جديد=من بساتين الغلانجني جني
في محطات البطا وشتستفيد=العمر يجري بنا وانته وني
في عيونك تزهر ابيات القصيد=من نجوم الفرقد ابنيها بني
وكان تبغى الصدق والعلم الاكيد=سيف ابوطالب علي ماينحني
واعلم انّك ساكن جوف الوريد=تنفد انفاسي وحبّك مافني[/poem]

والله ولـكـ وحشـة تهـز الشـرايين
مير العزا في طيفــكـ اللي يجيني

شوفه محاصرني من شمال ويمين
ثابت مكانه بين جفني وعيني

تبغى على قولي شهود وبراهين
شاهد بنفسكـ لوعتي والحنيني

بالله معكـــ قلب روح إكْشف وتتأكّـد
لايكون مفقود وانته ماانته بداري!!

شـوف استشاري يـدوّرلـه ويتركـّـد
وانا اقدر احلفلك انّه ضاع من ضاري

[poem=font="Simplified Arabic,5,#CE0C7B,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ورقا على اغصان المودّة تنوحي=على معازيف الوله تعزف من امس
اثآرت شجوني وصحّت جروحي=وادمت خفوقي واحمست خافقي حمس
ماذكّرتني غير باحْباب روحي=والكوكب اللي فوق عن مستوى اللمس
ياسيّدي تدري وش اكبر طموحي=أفهق ظلام الليل واعانق الشمس
واحقّق احلام الخيال الجموحي=اللي طمسها الوقت في مهدها طمس
واغرق نجوم الليل في بحر بوحي=واغرس نخيل الشوق في واحة الهمس
ليتك سمعت لصرختي كان توحي=لايحتويك الشك والهاجس العمس
وشلون طيفك صار مثلك شحوحي=ان زار مرّة عقبها يقطع الرمس[/poem]

إعزف على اوتار الغلا والاحاسيس
بحرفكــ المجنون داعب خيــــالـــي
أناعلى قلبي جنود ومتـــــاريــــس
لكن ماتمنع هبـوب الشـمـــالـــــي
أسج في دنيا الحبر والقــراطيس
واسجّل اشواقي لمخلوق غالــي
واعشق بنات الخيل والشعروالعيس
واعـــن للقهـــوة وصفْـــر الدلالـــي
يضيق صدري واتعــوّذ من ابليس
واذكــر كـريم الوجــه رب لجلالـــي

[poem=font="Simplified Arabic,6,#005AFF,bold,italic" bkcolor="" bkimage="" border="none,4,#400000" type=3 line=0 align=center use=ex num="0,#400000"]
أناجديدي حرف مكتوب في حرف=والحرف الآخر غادي فالبوادي
للي خفوقي يمّهم منحرف حرف=قلبٍ خوافيه اكثر من البوادي
يجرفني التيار وآقف على حرف=والسيل يجرف كل شيً بوادي[/poem]

[poem=font="Simplified Arabic,6,#7E3D6C,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
(ياحلم وين المشكله لو تحققت)=واصبحت في دنياي واقع خيالي
لو انّك بعين الرضا يوم دققت=تلقاك في جنبي وكنّك ظلالي[/poem]