يابعَد كل الرسايل..

بسم الله ..
الأخ العزيز / أخو النشاما
أنت ياخوي على اسمك نشمي وأخو نشاما.. على طاري النشاما سمعت بيتين للشاعر العملاق سعد بن جدلان.. يقول :
ضيم الدهر منْه النشاما تشاكا
ــــــــــ التـّك خلاّها دبل و الدبل تـك
عطا ضعيف العقل ياكا و ياكا
ــــــــــ والاّ حكيم العقل مايلحقه شـك
وأنت حكيم عقل و ماظني يلحقك شك في تقديري وسعادتي برأيك في قصايدي ..
و لك إمتناني وتقديري .
أخوك / رشيد

بسم الله ..
الأخ العزيز مجاهد الفيصل
أخذت ساعه أحاول أتذكرك وماقدرت واقول مجاهد!! منهو مجاهد.. بعدين أنتبهت للإسم الصريح تحت وأول ماقريته تذكرتك طبعاً .. كيفك اخوي فيصل وكيف الشباب في عمان .. كانت أيام لا تنسى.. بالنسبة للبيت اللي تقصده يقول :
لو تخيرت كونك من عيال الحمايل
ـــــــ ما تخير بلال "العبد" كونه بلال
وهو من قصيدة أخرى إسمها "شعوب وقبايل" ..
و لك إمتناني وتقديري .
أخوك / رشيد

بسم الله ..
أخوي الكبير / الواثق .
!!!!!!!!!!!!!!!!!!!!!
عبد الله ..
* ياخوك انا يوم قريت ردّك.. مدري وش جاني !!
" لبسني بلى.. لا والله إلاّ لبسني خير " !!
* يعلم الله ياعبدالله إني مدري وش أسوي معك..
كل مابغيت آتعداك بالطيب حطيت رجلك لين ماعاد اشوف إلاّ
نور إسطبّاتك من بعيد !!.
* الله يسلمك ويعزّك بالطاعة يالغالي .
و لك إمتناني وتقديري .
أخوك / رشيد

بسم الله ..
الأخ العزيز / مطر الروقي .
قرأت ردّك الذي أسعدني و شرفني أن قرأته.. و توّقفت كثيراً يامطر عند قولك : "ليس كل الذين يردون على قصايدك يجاملونك" !!..
وانا ياخوي مطر ما فكرت لحظه أن فيه رد واحد -من الردود اللي وجّهت لي في هالمنتدى- ممكن يكون كُتب مجاملة لي.. ليس لأني أستحق كل ماكتب في الردود ولكن لأني أعرف أنه لا أحد من أعضاء المنتدى في حاجة لأن يجاملني مكرهاً.. و أعرف أنك أنت و كل الزملاء اللي قرأت ردودهم صادقين مع أنفسكم ومعي و من ثقتكم في أنفسكم لم تترددوا في كتابة الرد الذي يزيدني فخراً ولا ينقصكم قدراً..
ماأقول إلاّ ألف شكر لكم (جميعاً) في النداوي إدارة، و أعضاء، و زوار كرام .
و لكم إمتناني وتقديري .
أخوكم / رشيد

بسم الله الرحمن الرحيم

ابهرتنا يامبدع ..

ماشاءالله عليك ..

بسم الله ..
الأخت العزيزة / هيفاء .
أنتي كما تعلنين دائماً وكما أعرف عنك ( إحدى معجبات البدر ) ومن يبهره شعر الأمير بدر من الصعب أن يبهره شعر آخر ولكن قولك في الرد : " أبهرتنا يا ..." نابع من زود لطفك و حسن ذاتك واهديك أحد أبيات البدر :
" أبهرتني!! واقول : من زود لطفك..
شكراً صدقت و ألف شكراً على الكذب " ..
و لك إمتناني وتقديري .
أخوك / رشيد

بسم الله الرحمن الرحيم

اخ رشيد ..

والله اني صدقت يوم قلتها

الله يهديك بس ..

شكراً هيفاء

بسم الله..
الأخت العزيزة / هيفاء
مصدّقك والشك بك مالحقني .. ياهيفاء .. بس موضوع الصدق والكذب كان في بيت البدر.. اما أنا ماقلت شي!! الله يحفظك يااختي ويخليك لعينٍ ترجيك ..
و لك تحياتي و سلّمي لي على الوالده الغاليه..
أخوك / رشيد