يابعَد كل الرسايل..

ـــ الرسالة ــــــــــــــــــــــــــــــــــــــــــــــــ


يابعَـد كل الرسايل.. هالرسالـه
ـــــــــــــــــــ تـوّهـا ماكـمّلـت عـمر الطـفوله
طفلةٍ فيها العطـِر ياطووول باله
ـــــــــــــــــــ ودّه يْسـولف غرام.. و هي خجـوله
مثل طبـع اللي كتـبها من دلالـه
ـــــــــــــــــــ في مسافات الزمـن و اربع فصـوله
متـرف ٍ.. لاجيت أشوفه شاف حالـه!
ـــــــــــــــــــ ماتـهيّـا منْـه لو نظـره عجـوله
صار عندي راس مال.. و راس ماله..
ـــــــــــــــــــ ضحـكةٍ معها عـقل.. بس مْهبوووله
لاضحـك كـنّه مْـسـوّي بي جـِـماله
ـــــــــــــــــــ كـنّي اقطـف ورده و عقده و لوله
و ارسم لزوله شكـِل.. كنّي ظلاله!
ـــــــــــــــــــ و ارفع لسمعي يدَي..كنّي بـَ طوله!
كلّما حـرّمتـه ألقـاني حـلالـه!
ـــــــــــــــــــ و كلّما عنْه أبتعد.. قرّبت أنوله!
كنت أفكّـر مرّه ألقى لي بدالـه
ـــــــــــــــــــ دام وصـْلَه صعـب و الأصعـب وصوله
قلت : يالله نفترق كـل ٍ و فالـه
ـــــــــــــــــــ قال : يالله. قلت : لحظه من يقوله؟!!
قلبـي أحلامه معه حسبة عْيالـه
ـــــــــــــــــــ وانت حلم ٍ تـوّك بْـعـمر الطفوله

ــــــــــــــــــــــــــــــــــــــ رشيد الدهام ـــــــــ

صح والله لسانك.....
وتراني اقولها .وانا توي ماقريت القصيده....ابقراها
وانا متأكد انها روووعه يومي خابرً مصدرها
بس لا تستغرب ولا تنقد لو سجلت اعجابي مره ومرتين وثلاث
تراني معذوووووور
بغض النظر عن الاسماء....
والموازين الصحفيه...
ومكاييل الساحه....
تظل ابياتك ....على رأس زعامة الابداع..تاج
انت ومجموعه من الشعراء القلائل
ودمت للشعر
يارشييييييد....
اخوك...عبدالله بن فلاح بن ذويبان

يا حبيبي يا حبيبي يا حبيبي **** من يغني للتعب ويفارقه







مرحبتين يا بو دهام


والله هالقصيده من جمالها

وشدت تشظيهابالصور واللإبداع :


كإني اول مره اقراها

واحس اني فعلا توي اقرها

صح إلسانك روعه فيها اشياء جديده وطرح اخر


بندر الشدادي

الله ............................الله............................ الله.......





طفلةٍ فيها العطـِر ياطووول باله
ـــــــــــــــــــ ودّه يْسـولف غرام.. و هي خجـوله
مثل طبـع اللي كتـبها من دلالـه
ـــــــــــــــــــ في مسافات الزمـن و اربع فصـوله
متـرف ٍ.. لاجيت أشوفه شاف حالـه!
ـــــــــــــــــــ ماتـهيّـا منْـه لو نظـره عجـوله



ابداع .................ابداع .................ابداع


صح لسانك والله


انت غني عن التعريف


ولكن حبيت اسجل اعجابي


مع التحية

اخوي رشيد/
هذه القصيده مثل
:

:

:

:

:

طبع اللي كتبها 00جزله من طيب مبدع يابودهام
تحياتي
ــــــــــــــــــــــــ
اعذب المر وصل مايعرف الجفا
,,,,,,,,,,,,,,,,,,,, والمواعيد تنبت بالصدور الجراح
والغرام ان تمكن بالمشاعر لفا
,,,,,,,,,,,,,,,,,,,, له
,,,,,,,,,,,,,,,,,,,مواكر
,,,,,,,,,,,,,,,,,,,,,وسـبـق
,,,,,,,,,,,,,,,,,,,,,ومخلبين
،،،،،،،،،،،،،،،،،،،،،وجــناح
<<<<< ممدوح >>

شــــــــــــــــــــــــاعــــر العـــذوبـــه



رشيــــــــــــــــــــــــــــــــــــــــد الدهــــــــــــــــــــــــــــــــــــــام


إبـــداع وقمــة وإنسيابيه وروعه هذة القصيدة التى إستطاعت أن تفك رموز الجمال لكى تغنّى سنفونيته


لله درك يا رشيد والله أنى أطرب لك ولكل حرف تكتبه كلمة لا أرجى من وراها شيئا والله على ما اقول شهيد


وصــح لســـــــــــــــــــــــــــــــــانك تيليـــــــــريــــــــــون مرّه ولو أنى أعرف أكبر من هالعدد كان قلته والله لو عرفته بعد ما يكفي



وختاما تقبل تحيات أخوك الصغير

مطلق النومسي العنزي

يابعد كل القصايد هالرساله!!!

بسم الله ..
الأخ العزيز / ابن ذويبان .
صح الله بدنك .. وعسى القصيدة لا قريتها تجي على هقوتك فيها وتجمل مصدرها قدامك ..
إعجابك يا ابن ذويبان يشرفني ويسعدني ولو سجلته ألف مره زدتني به ألف شرف و ألف سعادة ..
مشكوووووور ياعبد الله ..
تقول لي : " تظل أبياتك.. على راس زعامة الإبداع .. تاج "
واقول لك : " تظل كتابتك وإعجابك.. تاج.. على راسي "
و لك إمتناني وتقديري .
أخوك / رشيد

السلام عليكم ورحمة الله


اسعد الله اوقاتك اخوي الشاعر رشيد الدهام


سعدت بقصيدتك كما سعدت بقراءة اسمك

طفلةٍ فيها العطـِر ياطووول باله
ـــــــــــــــــــ ودّه يْسـولف غرام.. و هي خجـوله


يا سلااااااااااااااااااام...

هل بعد هالبيت غزل..


مع ندرة قصائدك الغزليه .. الغير حزينه ..

و لكن لا كتبت .. كتبت..

تقبل تحياتي...


((و يردد اللي ما دري: واهنيه)) عالق بذاكرتي هالبيت..

يابعد كل القصايد هالرساله!!!

بسم الله ..
الأخ الحبيب / بندر الشدادي .
ثلاث مراحب يابو بدر ..
صح بدنك والروعة الحقيقية هي صداقة رجّال و شاعر شرواك ..
بس واضح انك يوم تكتب الرد كنت مستعجل !!! والمشكلة.. ماهي إني أحترت في التصحيح الإملائي لجملة : " وشدت تشظيهابالصورواللابداع "!!
مدري هو كذا : "و شدة تشظيها بالصور و الإبداع "..
أو هو كذا : " و شدة تشظيها بالصور و اللاإبداع "..
المشكلة الأهم.. وش اللي كان معجّلك وقتها؟!!
و لك إمتناني وتقديري .
أخوك / رشيد

الاخ الشاعر:
رشـــــــــــــــــــيــد الــدهـــــــــــــــام

هذا الاسم غني عن التعريف كما هو غني عن كلمات الاطراء والاعجاب ,
ولكل قصيده له طابعها الخاص ,
وكم اعجبتني هذه القصيده وما فيها من عذوبه,,,,
وما اجمل من هذا الحضور الجميل ......


صار عندي راس مال.. و راس ماله..
ـــــــــــــــــــ ضحـكةٍ معها عـقل.. بس مْهبوووله
لاضحـك كـنّه مْـسـوّي بي جـِـماله
ـــــــــــــــــــ كـنّي اقطـف ورده و عقده و لوله
و ارسم لزوله شكـِل.. كنّي ظلاله!
ـــــــــــــــــــ و ارفع لسمعي يدَي..كنّي بـَ طوله!
كلّما حـرّمتـه ألقـاني حـلالـه!
ـــــــــــــــــــ و كلّما عنْه أبتعد.. قرّبت أنوله!
كنت أفكّـر مرّه ألقى لي بدالـه
ـــــــــــــــــــ دام وصـْلَه صعـب و الأصعـب وصوله
قلت : يالله نفترق كـل ٍ و فالـه
ـــــــــــــــــــ قال : يالله. قلت : لحظه من يقوله؟!!
قلبـي أحلامه معه حسبة عْيالـه
ـــــــــــــــــــ وانت حلم ٍ تـوّك بْـعـمر الطفوله .

يا اخي لاتحرمنا من هذا الحضور الجميل , لشاعر اجمل ..
تحياتي ..

اخي العزيز الشاعر الكبير رشيد الدهام..

المعذره لاني وقت دخولك معانا المنتدى الحبيب اللي عرفنا عليك وعلى شرواك من الطيبين كنت وقتها مسافر خارج المملكه في مهمة عمل.

اقولك الف هلا والف مسهلا شرفتنا بهذا الحضور المميز.

سجل اعجابي وتقديري واعتبرني من اليوم احد تلاميذ مدرستك الشعريه المتميزه..

اخوك الصغير /// حكيم الجامعه

الأخ الشاعر رشيد الدهام

قصيدة جزله من شاعر مميز ،اتحفتنا بها ونحن بانتظار كل ما تخطه.

سلمت يا رشيد وصح لسانك

[عليا الهلالية]

رشـيـد الـدهـام:

صـــــح الســــــــانك

قصيدة فى قمة العذوبة 00وهذا الابداع ليس بغريب

على شاعرنا رشيد الدهام0000ابدع وتواصل معنا فنحن

بانتظار المزيد

أخي رشيد الدهام

اهنئك على هذا الحضور المميز

وصح الله لسانك

تحياتي لك ،،