هذا هو هواي .....

[ALIGN=CENTER]اخواني و احبابي

قصيدة متواضعة تتشرف بمعانقة اذواقكم العاليه

وارجوا ان تنال ربع رضاكم[/ALIGN]

[poet font="Simplified Arabic,4,darkred,normal,normal" bkcolor="white" bkimage="" border="double,4,darkred" type=1 line=200% align=center use=ex length=0 char="" num="0,black" filter=""]
يا حبر .. يا قرطاس .. يا نجم .. يا ليل=يا رجم .. يا صحرى وسيعٍ نواحيها
يا ظوّ .. يا جمر الغضا .. يا معاميل=يا دلّةٍ صفرا على الجوف مركيها
يا صبّةٍ قرّت بوسط الفناجيل=يا جملة همومٍ على الله بشكيها
يا ونّة الهوجاس .. يا بن .. يا هيل=( أنتم ) هلي لا صارت الناس مبغيها
ببعد .. ولا شوفة قلوبٍ مغاليل=اسهج قدم رجلي على القاع و اطويها
واكتب على المعنى بجملة و تفصيل=بعض البيو ت اللي عزيزٍ مبانيها
ما هيب في حاجة دلالة و تعديل=لا زايدٍ فيها و لا ناقصٍ فيها
اضرب على المعنى بمهلٍ و تمهيل=والمخطية سهمي اقديّه يخطيها
ابغي الا منه قراها المشاكيل=يطرب لها من راسها لين تاليها
فيها ابين رغبتي بالتماثيل=مالي مرامٍ غير ذا في معانيها
اشفق على شوفة تقي الرجاجيل=اللي على الطاعة سريعٍ تخطّيها
اللي لها في تالي الليل ترتيل=من اوّل القرآن للناس تثنيها
تبكي ودمع العين غرّق مناديل=من خشعةٍ بالقلب للرب تنويها
تطلب جنان الخلد و تعوذ من ويل=يالله عسى الرحمن يجزي مساعيها
واشفق على شوف السحاب المظاليل=لامن تراكم و الفيافي يروّيها
ترزم من المنشى صدوق المخاييل=سود الليالي لا تكاشف يضوّيها
واشفق لشوف الشعب لا سال به سيل=سيلٍ الا منه وطا القاع يفريها
واشفق لشوف العشب غطا المحاصيل=و الفقع و الرقروق شبّك حواليها
واشفق لزهر البر كنّه مشاتيل=من طول نبته و البهايم يغطيها
زهرٍ زرعه الرب من كل تشكيل=جل و تعالى محي الخلق . مفنيها
واشفق لشوف الجيش و السيف و الخيل=واشفق لراع الذود لا قام يدعيها
واشفق لحر ما قنوه المهابيل=حرٍّ قطامي لا نصا الجول يدميها
جثل الثنادي و المقادم مفاتيل=وافي . وربعه حالف انه يعشّيها
واشفق على خوة سنافي و حلحيل=شهمٍ و حاجة رفقته دوم يبديها
واشفق على مجلس بلا قال او قيل=قومٍ شريفة يفتخر من يخاويها
هذا مناي و رغبة الروح بالحيل=واترك سفيه الخلق و اترك نواديها
بعض الهوى قلته و لا ريد تطويل=وش لي بناسٍ تختلف في مباديها

وسلامتكم
[/poet]

ابو فهد


صح السانك ولاهنت


وبيض الله وجهك


قصيده ماتحتاج كلام وافيه من راس وافي

لك تحياتي

واشفق لشوف العشب غطا المحاصيـل
..................................... و الفقـع و الرقـروق شبّـك حواليهـا



ماشاء الله .. ماشاء الله
انشهد اني قريت قصيدة .. وتذوقت طعم الشعر صح
صح لساااانك يافيصل مليااااااااااار
جزلة ووافيه يابعدي مثل كاتبها ..
لاهنت يالعاصمي .. وربي يحفظك .






تحياتي وتقديري

الشاعر فيصل العاصمي


لاهنت وصح الله لسانك



وتقبل تحياتي

فيصل


صح السانك ولاهنت يالغالي


تحياتي لك

واشفق لشوف العشب غطا المحاصيـل
..................................... و الفقـع و الرقـروق شبّـك حواليهـا







صح لسااااااااااااانك يالعاصمي










كفيت ووفيت وانا اخوك

الله الله الله


يااااااااااااااااااااسلام عليك

الغالي فيصل العاصمي

نعم هنا الابداع

بل التميز


بيض الله وجهك

صح السانك وقلبك وكلك

وفقك الله

الله الله الله يافيصل

صح لساااااااااااااااااااااااااااااااانك

وسلمت يمينك ولاهنت يالقرم

اخوي الغالي ابو عبدالله

حضورك هو اللي وافي و الله لا يهينك على رايك اللي افتخر به

صح بدنك لا عدمتك

اخوك ابو فهد

شاعرنا القدير فيصل العاصمي



صح فكرك


ودامت أنفاسك



تحياتي لك

صح الله لساانك

وافيه



وافيه




ومن وافي

وافي




وصح الله لسانك وتقبل اعجابي




جراح

اخوي الغالي سلطان الدوسري

صح الله بدنك و بيض الله وجهك

حضورك شرف لي و رايك افتخر به

لا خلا و لا عدم

اخوك فيصل

السلام عليكم ...


الفذ


ابو فهد

وينك من زمان


صح لسانك وسلمت على هذا الاقلاع الغير مستغرب


ولا هنت


فهد

اخوي الغالي راشد بن جليميد

صح الله بدنك و لا هنت على حضورك الكريم

اخوك فيصل

اخوي الغالي سعد مرزوق الصواغ

صح الله بدنك و لا هنت على حضورك الكريم

تحياتي لا عدمتك

اخوك فيصل