[ALIGN=CENTER]اخواني و احبابي
قصيدة متواضعة تتشرف بمعانقة اذواقكم العاليه
وارجوا ان تنال ربع رضاكم[/ALIGN]
[poet font="Simplified Arabic,4,darkred,normal,normal" bkcolor="white" bkimage="" border="double,4,darkred" type=1 line=200% align=center use=ex length=0 char="" num="0,black" filter=""]
يا حبر .. يا قرطاس .. يا نجم .. يا ليل=يا رجم .. يا صحرى وسيعٍ نواحيها
يا ظوّ .. يا جمر الغضا .. يا معاميل=يا دلّةٍ صفرا على الجوف مركيها
يا صبّةٍ قرّت بوسط الفناجيل=يا جملة همومٍ على الله بشكيها
يا ونّة الهوجاس .. يا بن .. يا هيل=( أنتم ) هلي لا صارت الناس مبغيها
ببعد .. ولا شوفة قلوبٍ مغاليل=اسهج قدم رجلي على القاع و اطويها
واكتب على المعنى بجملة و تفصيل=بعض البيو ت اللي عزيزٍ مبانيها
ما هيب في حاجة دلالة و تعديل=لا زايدٍ فيها و لا ناقصٍ فيها
اضرب على المعنى بمهلٍ و تمهيل=والمخطية سهمي اقديّه يخطيها
ابغي الا منه قراها المشاكيل=يطرب لها من راسها لين تاليها
فيها ابين رغبتي بالتماثيل=مالي مرامٍ غير ذا في معانيها
اشفق على شوفة تقي الرجاجيل=اللي على الطاعة سريعٍ تخطّيها
اللي لها في تالي الليل ترتيل=من اوّل القرآن للناس تثنيها
تبكي ودمع العين غرّق مناديل=من خشعةٍ بالقلب للرب تنويها
تطلب جنان الخلد و تعوذ من ويل=يالله عسى الرحمن يجزي مساعيها
واشفق على شوف السحاب المظاليل=لامن تراكم و الفيافي يروّيها
ترزم من المنشى صدوق المخاييل=سود الليالي لا تكاشف يضوّيها
واشفق لشوف الشعب لا سال به سيل=سيلٍ الا منه وطا القاع يفريها
واشفق لشوف العشب غطا المحاصيل=و الفقع و الرقروق شبّك حواليها
واشفق لزهر البر كنّه مشاتيل=من طول نبته و البهايم يغطيها
زهرٍ زرعه الرب من كل تشكيل=جل و تعالى محي الخلق . مفنيها
واشفق لشوف الجيش و السيف و الخيل=واشفق لراع الذود لا قام يدعيها
واشفق لحر ما قنوه المهابيل=حرٍّ قطامي لا نصا الجول يدميها
جثل الثنادي و المقادم مفاتيل=وافي . وربعه حالف انه يعشّيها
واشفق على خوة سنافي و حلحيل=شهمٍ و حاجة رفقته دوم يبديها
واشفق على مجلس بلا قال او قيل=قومٍ شريفة يفتخر من يخاويها
هذا مناي و رغبة الروح بالحيل=واترك سفيه الخلق و اترك نواديها
بعض الهوى قلته و لا ريد تطويل=وش لي بناسٍ تختلف في مباديها
وسلامتكم
[/poet]
قصيدة متواضعة تتشرف بمعانقة اذواقكم العاليه
وارجوا ان تنال ربع رضاكم[/ALIGN]
[poet font="Simplified Arabic,4,darkred,normal,normal" bkcolor="white" bkimage="" border="double,4,darkred" type=1 line=200% align=center use=ex length=0 char="" num="0,black" filter=""]
يا حبر .. يا قرطاس .. يا نجم .. يا ليل=يا رجم .. يا صحرى وسيعٍ نواحيها
يا ظوّ .. يا جمر الغضا .. يا معاميل=يا دلّةٍ صفرا على الجوف مركيها
يا صبّةٍ قرّت بوسط الفناجيل=يا جملة همومٍ على الله بشكيها
يا ونّة الهوجاس .. يا بن .. يا هيل=( أنتم ) هلي لا صارت الناس مبغيها
ببعد .. ولا شوفة قلوبٍ مغاليل=اسهج قدم رجلي على القاع و اطويها
واكتب على المعنى بجملة و تفصيل=بعض البيو ت اللي عزيزٍ مبانيها
ما هيب في حاجة دلالة و تعديل=لا زايدٍ فيها و لا ناقصٍ فيها
اضرب على المعنى بمهلٍ و تمهيل=والمخطية سهمي اقديّه يخطيها
ابغي الا منه قراها المشاكيل=يطرب لها من راسها لين تاليها
فيها ابين رغبتي بالتماثيل=مالي مرامٍ غير ذا في معانيها
اشفق على شوفة تقي الرجاجيل=اللي على الطاعة سريعٍ تخطّيها
اللي لها في تالي الليل ترتيل=من اوّل القرآن للناس تثنيها
تبكي ودمع العين غرّق مناديل=من خشعةٍ بالقلب للرب تنويها
تطلب جنان الخلد و تعوذ من ويل=يالله عسى الرحمن يجزي مساعيها
واشفق على شوف السحاب المظاليل=لامن تراكم و الفيافي يروّيها
ترزم من المنشى صدوق المخاييل=سود الليالي لا تكاشف يضوّيها
واشفق لشوف الشعب لا سال به سيل=سيلٍ الا منه وطا القاع يفريها
واشفق لشوف العشب غطا المحاصيل=و الفقع و الرقروق شبّك حواليها
واشفق لزهر البر كنّه مشاتيل=من طول نبته و البهايم يغطيها
زهرٍ زرعه الرب من كل تشكيل=جل و تعالى محي الخلق . مفنيها
واشفق لشوف الجيش و السيف و الخيل=واشفق لراع الذود لا قام يدعيها
واشفق لحر ما قنوه المهابيل=حرٍّ قطامي لا نصا الجول يدميها
جثل الثنادي و المقادم مفاتيل=وافي . وربعه حالف انه يعشّيها
واشفق على خوة سنافي و حلحيل=شهمٍ و حاجة رفقته دوم يبديها
واشفق على مجلس بلا قال او قيل=قومٍ شريفة يفتخر من يخاويها
هذا مناي و رغبة الروح بالحيل=واترك سفيه الخلق و اترك نواديها
بعض الهوى قلته و لا ريد تطويل=وش لي بناسٍ تختلف في مباديها
وسلامتكم
[/poet]
[/align]
تعليق