المنظر 2 ....

حسبي على ذالجمس غرز ووهقني
..... شوفو حمد وسعيد عجزو يدفونه

قبل الخيام بعشره اميال علقني
......ورحنا مشي والربع راحو يجيبونه

دايم وهو يمحق مزاجي ويمحقني
....... ما الله قسم والا كثير بيشرونه

لاكن علي الله وان عاد وهقني
...... لارميه واترك مفاتيحه بطبلونه


هاه وين الجائزه

الكويتيه العنيده،،،،،،

انا مررررررررره طازه ولقيت بالمنتدى هاذا الشي الكثير الرهيب
باقلامكم وابداعكم يسير المنتدى للامام
شكرا لك على موضوعك الحلو

وهذي مشاركتي وان شالله تعجبكم
اجيب واسطه على شان الجائزه والا مايحتاج

( امزح )


اخوك:
امرء القيس

[الكويتيه العنيده]

صح لسانكم

مساء الورد
**********

يا هلا اخوي الغالي / بحر

صح لسانك على الابيات .. لكن بسئلك من هى ام محمد هذي ..؟!!

شكرا للمشاركه يا بحر

تبي الجمس علشان تطعس فيه

اتنمى لك حظ اوفر في التصفيات النهائيه



الاخ العزيز / امريء القيس
************************

صح لسانك على الابيات الطيبه وراح تدخل التصفيات مع باقي الاخوه ... واذا فزت راح تبشر بالهديه افا عليك من غير واسطات يا طويل العمر .

شكرا للمشاركه واتمنى للجميع حظ اوفر
في انتظار البقيه

تحياتى والى اللقاء

استلمي ياعنيده بيتين ماهيب لي وعلى ما اعتقد انها للشاعر فهد راشد القحطاني من المنطقة الشرقية بالسعودية

__________________________________________________ _______________________________________

حن قلبي حنين اللي مع الرمل حنّي

........................... لـحّـم الشاص بالرملة وضيع طريقه

قام راعيه يصفق باليدين ويونّي

........................... والعطش لا حقه والموت بعده دقيقه

__________________________________________________ _______________________________________

وسلامتكم

[الكويتيه العنيده]

صح لساااانك

مساء الخير
********

الاخ الغالي الشاعر / سهم المنايا


خوش ابيات والله جعلك سالم وغانم وتدخل في المسابقه مع ان الابيات ما هي لك لكنها من اختيارك

اتمنى لك الفوز في التصفيات

شكرا وتحياتى لك

اخوااااااااانى ترا قريب راح يتسكر الموضوع اللى عنده حاجه ينزلها بسرعه .

شكرا لكم جميعا وفي انتظار بطل المسابقه الثاني
والهديه القيمه بانتظار صاحبها

الى اللقاء

[الكويتيه العنيده]

من الفائز

السلام عليكم ورحمة الله وبركاته
***************************

اسعد الله مساءكم احبتى ابناء وبنات الخليج العربي بكل خير

بما انى فتحت الباب في هذا المجال حان وقت الاغلاق ....
اعتقد انى تركت الباب مفتوح مده طويل حتى نسمح للجمع بالمشاركه لكن الظاهر صورتى كانت مخيبه لمشاعر الشعراء على العموم
احب اشكر كل من شارك بالموضوع ... وحان الان التصويت على افضل الابيات التى طرحها الاخوه الاعضاء ... ولا مجال للزعل او العتب لان لا بد ان يكون هناك فائز واحد فقط ... ومشاء الله كل الاخوه اللى شاركونى ابياتهم كانت حلوه وذلك لان المنظر كان مضحك
**********************
الرجاء اخوتى واخوانى التصويت على افضل تعليق من التعليقات التى ذكرها الاخوان حتى نختار ونتوج الفائز لهذى المسابقه وللعلم هذا جائزه قيمه لفائز منى شخصيا .

**********************
وبالنسبه لاختياري فسوف اختار ابيات بما انى كويتيه وعنيده لي صوتين


الشاعر بحـــــــــر
و
الشاعر امريء القيس

في انتظار تصويتكم اخوتى الى اللقاء





[تم تعديل الموضوع من قبل الكويتيه العنيده بتاريخ 02-23-2001 الساعة 12:54 PM]

والله الابيات اللي ذكرت كلها طيبه

ان تقبلون تصويتي انا ارشح بحر

الجمس والطعس

بداية : يا هلا ورحب ، ومن طوّل الغيبات جاب الغنايم
أختي العزيزة الكويتة العنيدة
شكراً ألف، وأتمنى الاستمرار

---------------الجمس والطعس----------

يالربع دفّوا معاي الجمس
--------------------- وأنا تهاونت بالدّوسه
حتى وقعنا بوسط الطعس
--------------------وأوضاعنا اليوم محيوسه
وأنا أشهد أنّي خذيت الدرس
------------------- وحفظت أنا جملة دروسه
واليوم دفّوا معاي الجمس
------------------ وترى الوعد باقي طعوسه

[الكويتيه العنيده]

ما قصرتوا

مساء الخير
*******

شكرا اخى العزيز سهم المنايا على مشاركتكم واختياركم

شكرا اخي العزيز الخمعلي وصح لسانك وقصيده رائعه ..ولو انها جاءت متاخره لكن نترك الحكم للقراء اتمنى منك شخصيا ان تختار من احد الابيات التى طرحها الاخوه...

ارجوا من الجميع المشاركه في اختيار افضل من طرح ابيات تناسب الصوره شاكره ومقدره لكم اخوتى تفاعلكم معنا .

الى اللقاء

الجمس والطعس

الأخت العنيدة: لقد أرسلت ردي الأول ولكن لم يظهر على الموقع مع مشاركات زملائي. وها أنذا أعيده للمشاركة والترويح

الجمس والطعس
يالربع دفوا معاي الجمس
---------------- وأنا تهاونت بالدوسة
حتىوقعنا بوسط الطعس
--------------- وأوضاعنا اليوم محيوسه
وأنا أشهد أني خذيت الدرس
-------------- وحفظت أنا جملة دروسه
واليوم دفوا معاي الجمس
-------------- وترى الوعد باقي طعوسه

[هـنوف الشعر]

ياليتني مع ساايق ؟ الجمس ؟ رووحت؟

السلام عليكم اختى الكويتيه العنيده ؟
انا اول مره اشارك عندكم وانا تونى جديده اتمنى انى انا اللى افوز؟))))

ياليتني مع ساايق ؟ الجمس ؟ رووحت؟

وقعدت (ألوووولش) يوم طحنا بمصيبه؟


وأكبـر مصيـبه أن بعد رحت لوووحـت؟

أخـاف من بعض ( الذياب ) الغريبـه؟




(((((((((((( وسلامت عمرج )))))))))))
((((((((أختج هنوف الشعر )))))))))))

[الكويتيه العنيده]

الله الله خوووووش ابيات

مساءكم الله بالخير
**************

الاخ العزيز الخمعلي صح لسانك واحساسك ولا هنت على الابيات الرائعه وعلى روحك الطيبه ....


الاخت العزيزه هنوف الشعر يا هلا ومليون هلا بانضمامك لاسره النداويه ....... وابياتك حلووووووووه مره لكي جائزه خاص في ايميلك اتمنى تعجبك يا الغاليه لا تعلمين احد عنها اوكي .


يا الله يا شباب نبي نعرف من بطل المنظر الثاني خلصونا ترا ما صارت لو متسلقه قمه ايفرست كان وصلت هاهاها

تحياتى والى اللقاء

حن قلبي حنين اللي مع الرمل حني

مطلع ابيات لسهم المنايا انا ارشحها

[الكويتيه العنيده]

لا الاه الا الله

صبحكم الله بالخير
*************

يا جماعة الخير ........ صلوا علي النبي ترا كل طلبي اختيار بس وله الربع ما يستاهلون ....!!!

في انتظار تصويتكم .

تحياتى للجميع

[الكويتيه العنيده]

الفائز ؟

صبحكم الله بالخير
**************

طولت السالفه ..... وتم اختيار الفائز هو الشاعر

ـــ/// بحر ///ـــ

الف مبروك



للاخوه الاعضاء اللى ما شاركونى في اعطاء الاعضاء ايي تصويت الف شكر وتحيه

وللفائز هديه خاصه جدا وراح توصل له في اقرب فرصه باذن الله على البريد السريع .

الف شكر لاخوانى وخواتى اللى شاركونى هذا الموضوع واللى ما فاز يبشر بالعوض في المسابقه الجايه .

شكرا والى اللقاء

بين الجمل والجمس ياصحابنا فرق

الاخت الكويتية العنيدة الموقره
السلام عليكم ورحمة الله
اسمحي لي بالمشاركة المتواضعة والتعليق على الصورة وأتمنى أن تنال هذه الابيات حسن رضاك ورضا الاخوة في منتدى النداوي الرائع وان كانت هذه اول مشاركة لي ولا اعلم عن قواعد المسابقة لكنني سأدلي بدلوي لا لأجل الفوز وإنما عربون تعارف وتبادل اراء ومقترحات نثري بها موروثنا الشعبي في خليجنا الحبيب 0

بين الجمل والجمس ياصحابنا فرق
الفوز يكتب للجمل من خلاله
انا ادري ان الجمس الى سار كالبرق
يطوي الدروب الهينة والسهاله
لكن الى قبّل على الدهم والزرق
بدت عيوبه للملا واختلاله
غرز وفحط والوقود احرقه حرق
واللي يدفونه تفيو ضلاله
نادو على سمحان يتبين الفرق
ما للطريق المتعب الا جماله
مهما تطورنا مع الغرب والشرق
جمالنا نرجع لها لا محاله

اخوكم / هداف