المنظر 2 ....

[الكويتيه العنيده]

السلام عليكم ورحمة الله وبركاته
***************************
اخوانى اخواتى الاعزاء

يسعدنى اليوم ان اطرح المسابقه 2 بعد نجاح المسابقه الاولي واللى فاز فيها العاشق المحروم .....
والمسابقه بكل اختصار للاخوه والاخوات الجدد ... هى صورة يتم التعليق عليها بأبيات وبعد ذلك يتم التصويت على افضل ابيات وبالنهايه يتم تتويج الفائز وهناك جائزة قيمه .
للنشاهد الصورة وهي لقطه قديمه.



اتمنى لكم حظا وافرا هذى المره
في انتظار مشاركاتكم
الى اللقاء

احتي الكويتيه العنيده.................سلمهاالله
.............السلام عليكم ورحمةالله

انا هذي اول مشاركه لي المسابقه الاولى مالحقة عليها علشاني
عضو جديد لا وبعد صغير تعليقي على الصوره........

غرز الجمس اشهدانهاعادة له
................عاقب السواق هو ومعاونينه

انت يـاسـواق لا صـحنافتله
...............لعنبو ذاالجمس يامكثر حنينه

يانديبي للجميح افزع وقله
..............مـانـبـيه يـرجـعه لمصنعينه

يمكن تدورالسنه باقي محله
............عقب ذي في اللوح لسود كاتبينه



عساني افوز بالجايزه قولو امين

وتقبلو مني احلى الامنيات / حكيم الجامعه

[الكويتيه العنيده]

الله الله

مساء الخير
********

اخي العزيز الشاعر البطل / حكيم الجامعه

ما علي بسميك البطل

صح لسانك على هذى الابيات

حلوووووووه وشكرا لمشاركتك .. اللى اثبتت انك تحب المغامره وفيك جرائه ما هى موجوده عند غيرك ...

مو بعض الناس اللى دخلت وطلعت وهجت تقول شايفه عفريت مو صوره لهذى الدجه صورتى الثانيه صعبه عليكم

شدووووووا حيلكم معنا وبلا كسل يا شباب

الى اللقاء

السلام عليكم^^

ياشينها شيناه تغريست الجمــس .... لاصـار سواقه علــيمي سواقه

مايطرب اللي خاطره ضايق وعمـس....مقرود حظ وضـارين بالمحــاقه


ماعليش ما انتبهت الامتاخر للموضوع
مدري كيف فاتت علي...لكن على اية حال اكمل بكره القصيده.


العنيد

اختي الكويتيه العنيده

الله يهديج توني منزله قصيده في الجمس مادحه الموتر ضاعت مصداقيتي عند الربع يا اختي..

انا بكتفي بالصمت .. بيسموني الكذوب..


االله لا يهينك علي كل حال
اختك


ميثاق الود

[الكويتيه العنيده]

ما قصرتوا والله

مساءكم الله بالخير والرضا
********************
الاخ الغالي العنيد
^^^^^^^^^^^^^^^^^
يا هلا والله والساعه المباركه حضورك وما راح نقول شيء الا عقب ما تكملها ... على جمر ناطرين يا السمي


الاخت الغاليه ميثاق الود
^^^^^^^^^^^^^^^^^^^^^^

يا هلا ومرحبا زارتنا البركه ونور الموضوع بحضورك ... اذا تأمرين على الصوره ابشرى يا طويله العمر ألغيها ولا تروح مصداقيتك عند الربع .... وربي ما انتبه لموضوعك لكن بروح اشوفه الحين .
لا تزعلين يا الغاليه اذا تامر والله اشيلها واحط غيرها ... كلش ولا زعل ميثاق الود تراها من الروح

شكرا لكم والى اللقاء

الكويتية العنيده..

حبيبتي و الله اني كنت امزح معك .. و انا اللي حاضر لو بغيتيني حتي اصور جنب جمسك مو مشكله حاضرين يا عيوني..

الله يسعد لي صباحك و مساك.. حبيبة قلبي...


اسعدتينا الله يسعدك...

اختك اللي تحبك

ميثاق الود

هههههههه امحق سواق جمس شوفي حتى كفراته مليانه هوى ...بس على العموم ترى موديله شكله 78 او 76...واحد منهم و خشم الموتر متجه غرب

افا ياراعي الجمس يا ابو التخريب
________________ يا غشيم ما تستاهل تشده من الحـفيز
هذا ونيت شد عقرب و جاهز للتهريب
________________ موب للفزعه و الدفه و تدوير التغاريز
من بعد العزم والصوت الي يطنب طنيب
________________ذرعان و سيسته لينه تحلف مليانه قريز
صار بيدك ونيت ومكينه 450حمار غريب
_________________ و صوت هرقله و ازعاج كنه بزابيز
يالبهبهاني و الجميح ما وراكم تعقيب
_________________فشلكم الرجال احسن لكم وردو مطازيز
ذا ونيت و ياما نادوه رواده بالعجيب
________________ اذا ماتعرف له اشرب فيمتو مع ام عزيز
و اترك قوله اني بالطعوس سواق رهيب
_________________ تسلم كفراته لا تجيها حمى المالطيز


و بس صح غلط لساني والله ما ادري هاهاهاها






[تم تعديل الموضوع من قبل ذوق المعاني بتاريخ 01-13-2001 الساعة 10:07 AM]

[الكويتيه العنيده]

حلوووووو

مساءكم الله بالخير والرضااا
***********************

اختى الغاليه الشاعره / ميثاق الود
*******************************

سعيده والله يا اختى فيج بس اذا لو تتكرمين وتحذفين سطر علي هذا الوانيت اللى ابتلشوا ربعه فيه
وتدخلين المسابقه مع الشباب صدقينى في جائزه حلوووووووووه مره

الف تحيه لكي وشكرا للتوضيح .

اخى الغالي والعزيز والشاعر / ذوق المعانى
*************************************
صح لسانك واحساسك وابياتك حلوووووووووووووووه ويا رب تفوز
واذا ما فزت لك جائزه بينى وبينك لحد يدري خل الشباب يشاركون ونشوف من بيفوز ...

والله حلوه

تحياتى والى اللقاء

سلااااام خيتي مكبوس بكرتون فائق الاحتراااام,,, اسمعي تراني مليت الى مته و انا انتظر ,, تسكتيني بس لين تنتهي المسابقه ,,اسمعي حددي مته تنتهي , او عطيني الجائزه من الحين و اذا فيه احد احسن مني او قال شي بالجمس ,, اردها له ماني صارفها ولاني مسوي فيها شي حتى لوها بكرتون ماني فاتحه لين تعطيني القرين لايت , بس خليني احس اني فزت بشي و اكشخ بالمنتدى .

[الكويتيه العنيده]

والله خوش خوش

مساء الخير والسرور
****************

الاخ الغالي / صاحب الذوق والمعانى
تراك والله كاشخ بالنك نيم حقك
طيب طيب يا ولد الناس الصبر زين والله راح ابعثها ابك الركاده زينه ....اقول ترا ما عليها كراتين شيء فرش وفرري كووووووول ... راجع ايميلك عزيزي ... واتمنى تنال رضاك
لا تعلم احد ادري بعضهم يقول وش عطته جائزه
روح شييك على ايميلك والله جد روح شوف وله اقولك لا تروح هاهاهاه
الف شكر عزيزى لمواصلتك

واتنمى من الجميع المشاركه
الى اللقاء

من طول الغيبات.....جاب....الجمس..

هلا....وغلا...باختنا العنيدة..
كل عام وانتي بخير....
انتي غبتي اخر رمضان من هنا وانا سافرت ايضا...لذا بعد الزحمه..اقول كل عام وانتي والنداوي واهله بالف خير..ومن طول الغيبات...؟؟؟؟؟؟؟جمس وبعد مغرز...؟؟؟لا والا..اللي يدف التاير؟؟؟خوووووووووووووش..............والله..

اولا:لك هذا الاهداء.ياحمرت الناظر....

البدو..قالوا في قديمات الامثال

...........................من طول الغيبات ....جاب الغنايم

من يوم رحتي عننا...والسفر طال

.......................... المنتدى عن خفة الدم .....صايم

قالوا عنيده...قلت انا بنت الابطال

............................ بنت النشاما...لابسين العمـايم


------------------------------------------------------
وثانيا:اشكرك على الاستمرار في مشروعك الفني...وعساك على القوه..رغم الفرق بين الصورة الاولى وهذه...يالعنيده.. بس ليه هالصوره؟؟؟؟صراحه ماتوقعتها ابدا...والله من كثر ماضحكت ماقدرت اكتب شي؟؟؟؟خاصة اللي يحاول يدف التاير الايسر والله متعب حاله المسكين...ومن شافه عرف ان مابالحمظ احد.؟؟؟؟؟.

ماخبرت الجمس..يرميه..الغـراز

..........................لا عطاه..اثنين..بالنمـره..ينوز

سايقه..مطنوخ..والموتر..عــزاز

..........................ماركة..جي..إم ...واثنين القزوز



على فكره...الابيات لصديق جالس معي الحين ويوم شاف المنظر هذا
تذكر ابيات له بالجمس.....ولكن انا امون عليه...لذا غيرت بقصيدته واكتفيت ببيتين لتتناسب مع( المنظر2 )!!!!!!!!!!!!

اما انافخارج المنافسه؟؟؟؟؟؟؟و..؟؟؟..
فقط حبيت اسلم واشوف الربع.....
ولكي خالص التحيه..وللاهل جميعا...


اخوك//الفارس

السلام عليكم^^



يا راكب اللي لامشى يطوي البيد***من سرعته لاسار يسبق ظلاله

من مصنع امريكا لفى الشرق توريد***وباسمه فتح ولد الجميحي وكاله

فوقه صبي يبرد الكبد ويفيد***ضاري على قطع الفيافي لحاله

امن بغيت العلم جابه لك وكيد***وهو خير من تعطيه نص الرسالة

[الكويتيه العنيده]

شكرا لكم

السلام عليكم ورحمة الله وبركاته

الاخوه الاعزاء / الفارس - العنيد

صح لسانكم على الابيات اللى ذكرتوها
يا الفارس سلم على خويك قله ليكون هو اللى باليسار
والف الف تحيه على المجامله الرقيقه بالابيات اللى لبستنى فيها احلي عقد ... وانت من غير مجامله شعرك خيالي ...
العنيد لك مشاركتين الان يعنى بنعطيك صوتين تحيه لك يا السمي
يا هلا فيكم واعتذر لانى لم ارد علي مشاركتكم كنت انتظر ان يستلم اخي العاشق المحروم جائزه والحمد لله وصلت والان نرجع لموضوعنا في هذا الجمس اللى غرز وربعه اللى ابتلشوا فيه

هل من مشاركات اخري هذا اخر اسبوع .

اتمنى للجميع حظ طيب


تحياتى والى اللقاء

عسي ماأنتي في الونيت ياأخت محمد .......

المنظر رهيب مررررره ... وذكرتيني تغاريز الجموس الله لايعيد وقتها ... ولكن مهما نقول الجمس له معزه في نفوسنا والخبر عند (( بندر بن سرور))

الجمس ابو سبعه عيوبي
*************************** صحيح يامكثر خرابه


يصلح مع السكه يدوبي
*************************** في الطعس ماهو ينهقابه


أدف لين ازرت جنوبي
*************************** والرمل في وجهي حثابه


لاشك موتر ومحبوبي
*************************** مادام دربه ماغدابه


يقطع طويلات الدروبي
*************************** مضبوط مهما ينحكى به


اليا زهمته لد صوبي
*************************** كن بيني وبينه قرابه


في الكونجرس حط له لوبي
*************************** له وسط مجمعهم مهابه


مع تحيات / بحــــــــــــــــــــــــــر

[تم تعديل الموضوع من قبل بحر بتاريخ 02-02-2001 الساعة 01:42 AM]