ياالله انك تستر الحال وتزين الامور

الاخ / سعود فهاد العتيبي

صح ابدنك

شكرا على متابعتك


ولاعدمتك



تفبل تحياتي



مضواح بن شتوي

يالله اني في رجاء اللي كريم ما iiيبور عالم(ن) عن سر عبده وعما يجهرى
عالم(ن)ما في الضماير وما تخفى الصدور ياعظيم(ن) ياودود يرى ولا iiيُرى
يالله انك تغفر الذنب يالرب iiالغفور انت تدري عن ذنوبي وغيرك ما iiدرى
انت تدري وانت تستر وانا راعي iiالقصور كل يوم تشرق الشمس ذنب(ن) iiيظهرى
عبدك المسكين يرجي ثوابك iiياصبور يرتجي منك المثوبه وذنب(ن) iiيُغفرى
العمر يفنى والايام عجلات iiالمرور والليالي جداد والجسم يفنى iiويهرى
كل يوم نحفر قبور ونغطي iiقبور وهادم اللذات جزام واحنا فى iiالسرى
انقضت عشرين عام كما خمسة iiشهور وقبلها عشرين عام بري(ن) iiينبرى
كم عمرنا من دهور وهل باقي iiدهور وكل ما جت به غدت به ولا ما iiيذكرى
ما كسبنا الا الجمايل وربينا iiالصقور والحمام اللي له الحال طاويه iiالبرى
الله اكبر يالمعيشه لها فى العمر iiدور اتعبتنا وارهقتنا وروتنا iiالزرى
يالله انك تستر الحال وتزّين الامور وان تيسر ما تعسر وتعلم ما جرى
يالله برايح عشي(ن) مرازيمه iiتحور حنّ رعاده وبراق مطاره iiسرى
عالديار اللي لهاالقلب بالحب iiمغّمور ديرة فيها لمن زار اهليها iiذرى
خمسة ايام ونوه على راحه iiيدور يسقي المس وح ومسحى وجازع الابترى
عالمناشي والمحاجر ويسقي كل iiزور وتقبل الهيجه بسيل يضيق بها iiالضرى
نوة(ن) هلت مطرها رضا ما فيه iiجور من مطيحه سبعة ايام والعشب iiاخضرى
ويتنحر مس وره ويتحدرها iiحدور من على الطور التهامي ويزحف iiللورى
يسقي تهامة ويسقي مناشي كل iiطور ديرة(ن) فيها هل البيع وأهل iiالمشترى
لين يأتي للنفل في مرابعها iiزهور أثلها يخضّر مع شثها iiوالقمرى
ديرة سلمان فيها ووافين iiالشبور ربعنا اللي فعلهم فى المواقف iiيندرى
جعل سلمان بن هادي تزين له iiالعصور الصديق الصادق اللي علومه iiتنشرى
أشهد أنه قصر عالي من أطوال iiالقصور من تذّرى في ظلاله يحّصل له ذرى
الكرم من ميزته والمعرفه له iiجسور حاتمي(ن) في الكرم والشجاعة iiعنترى
والله أن قلبي على اهل الوفا دايم غيور يعشق أهل الطيب وأهل الردى ورى iiورى
الطيور الجارحه أسمها ضمن الطيور والفوارق واضحة بينها iiوالحمّرى
تو محراف القصايد فتح جسر iiالعبور واستدليت السواليف من شي(ن) iiطرى
شاعر(ن) واخوض في الشعر غبات iiالبحور سابحنها قبل عشرين عام iiواكثرى
أن نظمت القاف جبت المعاني من iiالوكور مثل عد(ن) ما يميحه خمسين iiاسترى
اتخير طيب الهرج في عدة iiسطور والقصيد أن طال وان قصر كل له iiارى
التجارب علمتني مجابهة iiالعصور والشدايد بينت لي رفيق iiالمنظرى
والليالي علمت لي بطيب iiومعثور علمت لي عن يمين العرب iiوالايسرى
ياقصيدي شد حيلك ترى مانت iiمعذّور أن عذرتك كيف يعذرك منقود iiالورى
فك صندوق النصايح وعالج ما iiيدور خلها في سوق من باع والا من iiشرى
النصايح كنز والعلم للجهال iiنور والوفا والطيب والعز علمه iiيشهرى
والستر والعافيه والسعاده iiوالسرور نعمة تحتاج حمد ورب iiيشكرى
أحمد الله واشكره وكون له عبداً شكور من نهج في دين الاسلام موثوق iiالعرى
وأنتبه من الغطرسه والتكبر iiوالغرور والنميمه باب شر يفوح iiويسعرى
وانتبه من بعض الاصحاب شيطانه iiحقور حجته توى الخلايق حروف iiتنقرى
والصداقه قصر عالي ودون القصر iiسور والوفا من بين الاصحاب علم(ن) iiيظهرى
والفقر والهم والدين غصات iiالنحور ما تعذرب في هل الطيب لا رد iiالبرى
والشراكه بين الاصحاب في بعض iiالامور لا تشارك من تحبه وتغدون iiاخشرى
قالت الامثال قدر الشراكه ما iiيفور ذا مثل قد قيل قبلي وكل(ن) به iiدرى
وان هرجت اهرج بصدق ترى للصدق دور عند يوم الحشر والصدق نوره iiيجهرى
والحلايف والنمايم براكين iiتثور من جهنم تصطلي عيبها ما iiيسترى
الادمي لصار عمره دبور في iiدبور يعرف اسباب المهونه ويحصد ما iiذرى
من تمادت عنه الايام وسنينه iiتدور بين كاف ونون ربك كتب ما قدرى
ياعظيم الشأن يالله تستر كل iiعور واغفر الزلات لاجاء نهار iiالمحشرى
يوم لا ينفع سوى رحمتك يوم iiالنشور والعباد وقوف ما بين حافين(ن) iiعُرى
والختم صلوا على اللي على دينه iiغيور النبي الهاشمي الموحى فى iiحرى
لليلة جبريل فيها نزل وقت iiالسحور قال له اقراء وهو قبلها ما قد iiقرى
النبي محمد اللي يزيد النور نور خير مبعوث البرية وهو خير iiالبرى
الف صلى الله وسلم وصلوا iiياحضور وعلى آله وصحبه عدد نبت iiالثرى
عد ما فى الكون كائن وقطرات iiالبحور وعد من زار المدينه وزار أم iiالقرى




الله سبحان الله ولا اله الا الله ... بارك الله فيك

مضواح بن شتيوي


الله يجزاك عن كل بيت الف حسنه شكرا لك على هذا الطرح


وصح الله لسانك


اخوك الواثق

الاخ العزيز حزام السعد

صح ابدنك

وانا شكرك جزيل الشكر على مرورك الدايم
ومتابعتك الجاده
وهذا يزيدني شرف

بيض الله وجهك

اسلم وسلم

اخوك مضواح بن شتوي

الاخ العزيز سعيد الحمالي

صح ابدنك

الله لايهينك وانا اعتبر مرورك على القصيده شرف لي

بيض الله وجهك

اسلم وسلم

اخوك مضواح بن شتوي

الاخ العزيز الشاعر الكبير/ ضيدان المريخي



صح ابدنك ومرورك وردودك هنا يزيدني شرف كبير


الله لايهينك

تقبل تحياتي وعذري على تاخير الرد

الاخ العزيز/ نابي الهاجري


صح ابدنك

والله لايهينك واسمحلي عهلى التاخير يالغالي

تقبل تحياتي وتقديري

الاخ العزيز الواثق

صح ابدنك

الله لايهينك والمعذره على تاخير الرد

ردودك ومرورك يشرفني

تفبل تحياتي

[poet font="Simplified Arabic,4,orangered,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مضواااح


هنا أضاء الشعر بضوحك وبوحك الراقي




كم شدتني هذه الرائعه






سجل غلاك
و
إعجابي
[/poet]

[ALIGN=CENTER]ابا نايف



صح لسانك على هذه الرائعه ولاهي غريبه منك

سجل اعجابي[/ALIGN]

ابو نايف



طابت اوقاتك بكل خير



سعدت صباحا ومساء وشعرا



طاولت الباسقات وعانقت السحاب




لله درك



وش اقول







كل الكلام يتقزم امام قصيدتك



وكل المديح لا يوفي حق بيت واحد منها




دمت بخير ياغالي

مظواح ......... صح الله لسانك .. شاعر اطرب لأبياته وانابعه وانا كلي ثقه بما يكتب .. تحياتي لك .. مشاري