Tweet
تلبية لرغبة الكثير من الاصدقاء نشرت هذه القصيدة في المنتدى وهي من احدى قصايدي
[gl]صلـــــــــــــــــــــــــــــــــــــوا على النبي[/gl] [poet font="Simplified Arabic,14,darkblue,normal,normal" bkcolor="" bkimage="http://nadawi.net/vb/images2/6.gif" border="double,2,teal" type=0 line=200% align=center use=sp char="" num="0,black"]
يالله اني في رجاء اللي كريم ما يبور = عالم(ن) عن سر عبده وعما يجهرى
عالم(ن)ما في الضماير وما تخفى الصدور = ياعظيم(ن) ياودود يرى ولا يُرى
يالله انك تغفر الذنب يالرب الغفور = انت تدري عن ذنوبي وغيرك ما درى
انت تدري وانت تستر وانا راعي القصور = كل يوم تشرق الشمس ذنب(ن) يظهرى
عبدك المسكين يرجي ثوابك ياصبور = يرتجي منك المثوبه وذنب(ن) يُغفرى
العمر يفنى والايام عجلات المرور = والليالي جداد والجسم يفنى ويهرى
كل يوم نحفر قبور ونغطي قبور = وهادم اللذات جزام واحنا فى السرى
انقضت عشرين عام كما خمسة شهور = وقبلها عشرين عام بري(ن) ينبرى
كم عمرنا من دهور وهل باقي دهور = وكل ما جت به غدت به ولا ما يذكرى
ما كسبنا الا الجمايل وربينا الصقور = والحمام اللي له الحال طاويه البرى
الله اكبر يالمعيشه لها فى العمر دور = اتعبتنا وارهقتنا وروتنا الزرى
يالله انك تستر الحال وتزّين الامور = وان تيسر ما تعسر وتعلم ما جرى
يالله برايح عشي(ن) مرازيمه تحور = حنّ رعاده وبراق مطاره سرى
عالديار اللي لهاالقلب بالحب مغّمور = ديرة فيها لمن زار اهليها ذرى
خمسة ايام ونوه على راحه يدور = يسقي المس وح ومسحى وجازع الابترى
عالمناشي والمحاجر ويسقي كل زور = وتقبل الهيجه بسيل يضيق بها الضرى
نوة(ن) هلت مطرها رضا ما فيه جور = من مطيحه سبعة ايام والعشب اخضرى
ويتنحر مس وره ويتحدرها حدور = من على الطور التهامي ويزحف للورى
يسقي تهامة ويسقي مناشي كل طور = ديرة(ن) فيها هل البيع وأهل المشترى
لين يأتي للنفل في مرابعها زهور = أثلها يخضّر مع شثها والقمرى
ديرة سلمان فيها ووافين الشبور = ربعنا اللي فعلهم فى المواقف يندرى
جعل سلمان بن هادي تزين له العصور = الصديق الصادق اللي علومه تنشرى
أشهد أنه قصر عالي من أطوال القصور = من تذّرى في ظلاله يحّصل له ذرى
الكرم من ميزته والمعرفه له جسور = حاتمي(ن) في الكرم والشجاعة عنترى
والله أن قلبي على اهل الوفا دايم غيور = يعشق أهل الطيب وأهل الردى ورى ورى
الطيور الجارحه أسمها ضمن الطيور = والفوارق واضحة بينها والحمّرى
تو محراف القصايد فتح جسر العبور = واستدليت السواليف من شي(ن) طرى
شاعر(ن) واخوض في الشعر غبات البحور = سابحنها قبل عشرين عام واكثرى
أن نظمت القاف جبت المعاني من الوكور = مثل عد(ن) ما يميحه خمسين استرى
اتخير طيب الهرج في عدة سطور = والقصيد أن طال وان قصر كل له ارى
التجارب علمتني مجابهة العصور = والشدايد بينت لي رفيق المنظرى
والليالي علمت لي بطيب ومعثور = علمت لي عن يمين العرب والايسرى
ياقصيدي شد حيلك ترى مانت معذّور = أن عذرتك كيف يعذرك منقود الورى
فك صندوق النصايح وعالج ما يدور = خلها في سوق من باع والا من شرى
النصايح كنز والعلم للجهال نور = والوفا والطيب والعز علمه يشهرى
والستر والعافيه والسعاده والسرور = نعمة تحتاج حمد ورب يشكرى
أحمد الله واشكره وكون له عبداً شكور = من نهج في دين الاسلام موثوق العرى
وأنتبه من الغطرسه والتكبر والغرور = والنميمه باب شر يفوح ويسعرى
وانتبه من بعض الاصحاب شيطانه حقور = حجته توى الخلايق حروف تنقرى
والصداقه قصر عالي ودون القصر سور = والوفا من بين الاصحاب علم(ن) يظهرى
والفقر والهم والدين غصات النحور = ما تعذرب في هل الطيب لا رد البرى
والشراكه بين الاصحاب في بعض الامور = لا تشارك من تحبه وتغدون اخشرى
قالت الامثال قدر الشراكه ما يفور = ذا مثل قد قيل قبلي وكل(ن) به درى
وان هرجت اهرج بصدق ترى للصدق دور = عند يوم الحشر والصدق نوره يجهرى
والحلايف والنمايم براكين تثور = من جهنم تصطلي عيبها ما يسترى
الادمي لصار عمره دبور في دبور = يعرف اسباب المهونه ويحصد ما ذرى
من تمادت عنه الايام وسنينه تدور = بين كاف ونون ربك كتب ما قدرى
ياعظيم الشأن يالله تستر كل عور = واغفر الزلات لاجاء نهار المحشرى
يوم لا ينفع سوى رحمتك يوم النشور = والعباد وقوف ما بين حافين(ن) عُرى
والختم صلوا على اللي على دينه غيور = النبي الهاشمي الموحى فى حرى
لليلة جبريل فيها نزل وقت السحور = قال له اقراء وهو قبلها ما قد قرى
النبي محمد اللي يزيد النور نور = خير مبعوث البرية وهو خير البرى
الف صلى الله وسلم وصلوا ياحضور = وعلى آله وصحبه عدد نبت الثرى
عد ما فى الكون كائن وقطرات البحور = وعد من زار المدينه وزار أم القرى
مضواح بن شتوي
[/poet]
[gl]وسلامتـــــــــــــــــــــكم[/gl]
تعليق