ثلاثون قصيده في ذاكرة النداوي

1

وآطـيــري الـلــي حـولـتـك المـشـابـيـك
وانــتــه بـعـيــد لـحـومــه أول وتــالـــي
مـــدري تواسـيـنـي او انـــي بـواسـيــك
والــكـــل مـــنـــا فـــاقـــد روح غـــالـــي
يفـز قلبـي كـل مــا اوحـيـت طـاريـك
خــص لـيــا عـــدوك روس الـرجـالـي
والله لبـطـي مالقـيـت الـعـوض فـيــك
والله لـبــطــي وانـــــت دايــــــم بـــالـــي
اقفيـت عـنـط وخـاطـري مـولـع فـيـك
مـاكــنــك الا واحـــــد مـــــن عــيــالــي
تدري وش اللي عاضني منك وفيكا
نـــــي تـركــتــك لـلـعــزيــز الــجــلالــي


حمد السحيمي

____________________________

:2
المجاراه
الشاعر عبدالله بن شايع الزهيري



أسمـع يـابـو ثـامـر عـسـى الله يعافـيـك
وأفــهـــم كـــلامـــي يــاكــريــم الـسـبــالــي
الـطــيــر لا زالـــــت سـبــوقــه بــيــاديــك
والــحــر مـايـخـلـف ظــنـــون الـرجــالــي
يــكــفــخ بـجـنـحـانــه وكـــنـــه يــنــاديــك
أطـلـق سبـوقـي وأنــت راعــي الـعـوالـي
بنيـتـنـي وأنــــا عــلــى أكــمــل مـبـاديــك
ولا أنـــــزل إلا فـــــوق روس الـجـبـالــي
ولا تــحــوّلــنـــي كــــبـــــار الــشــرابـــيـــك
أرقـــاء وتــرقــاء بــــي قــــروم الـعـيـالـي
مـاصــر مـنــي عـــوق والـعـلـم يـعـنـيـك
وقّـفـتـنــي بــيــديــك وأزريــــــت حـــالـــي
تبـكـي وأنــا مثـلـك يـابـو ثـامـر ابـكـيـك
وأدخـــل عـلـيـك تفـكـنـي مـــن عـقـالــي
الـــنـــاس تـغـلـيـنــي مــحــبــه وتـغـلــيــك
وتـصـيــح يــارعــي الــوفــاء والـكـمـالـي
شف ابن شايع من عنى البعد يدعيك
تـكـفــى تـــــرا زبـــــح الــنـــداوي هـبــالــي
مــا تــدري إن فـرقـاء النشـامـا تهـالـيـك
شـتـيـت يـاغـالـي شــمــل كــــل غــالــي
والله مــالـــك حـــــق نــفـــدى مـواطــيــك
يــالــقــرم تــكــفـــى يـابــعــيــد الـمــنــالــي
طالـبـك رجّـعـنـا عـلــى الـعــز ونـجـيـك
نــرجـــع كــمـــا كــنـــا ويــســتــرّ بـــالـــي


عبدالله بن شايع الزهيري

:
:____________________________
3

مجاراة الشاعر الشاعر سيف ال سلمان



يا طير ياللـي فـي المشـارف مباديـك
مـاتــنــزل الا فـــــوق روس الـجـبـالــي
ماعلـقـوك اهــل الـهــروج الصعـالـيـك
نـفـخـر بفـعـلـك كـلـمـا جـــاء مـجـالــي
عـشــر سـنــوات والسحـيـمـي يـغـذيــك
وشـلـون تـقــوى هـجــر قـــرم العـيـالـي
تكـفـخ عـلـى الـهــده وعـيـنـه تـراعـيـك
من وين ماأومت بك هبوب الشمالي
والربـعـه الـلـي تنـتـظـر فـــي حـراويــك
تبغـى العشـاء لاغـاب نــور الهـلالـي
يـاطـيـب راس متـيـهـك يـــوم يـدعـيـك
تـلـفـي بــعــد طــــول الـعـنــا والـلـيـالـي
انــــت الــنــداوي والــنـــداوي مـسـمـيــك
لانـــك عــلــى قـلـبــه عــزيــزٍ وغــالــي
فـي ذمتـي انـه مايفيـد العـوض فـيـك
وانـا أشهـد انـه عنـك ماهـوب سـالـي
أسـمــع ونـيـنـه كـــل مـاحــل طــاريــك
كـــل درى بــــه مــــن بـعـيــد ومــوالــي
انـتــه تـحـاتـي الـطـيـر وانـــا نحـاتـيـك
والله يـجــمــع شــمـــل غـــــالٍ بـغــالــي
تكـفـى ياابوثـامـر عـسـى الله يخـلـيـك
الــطــيــر نــــــاده لايــــــروح شــمــالـــي


:
:
:____________________________
4

ابراهيم السحيمي



يا اللي تمنى الطير والطير في ايدك
انتـه سبـب مـاجـاه يــا ابــن الحـلالـي
الـطـيـر حـــر ومـــا وقـــع فالـشـرابـيـك
وكــل يـعـرف انــه صـعـيـب المـنـالـي
الـنــاس فــــي حــبــه تــراهــم مـمـالـيـك
مــن الجـنـوب الـيــا حـــدود الشـمـالـي
وانتـه حكيـم ومـا يبـي مــن يوصـيـك
واليـا جهلـت اسـأل علـى كــل حـالـي
وان كان سامح يابو ثامر وانا اخيك
ازهــم فـبـو فـــارس وسـعـيـد الحـمـالـي
أقــل شــي قيـمـة الـطـيـر فـــي شـيــك
يـمـكـن يـابــو ثـامــر تـزيــن الـحـوالــي


:
:____________________________

:5

مجاراة معيض الكرشمي العتيبي



ياطيرنا ماهـو علـى كيـف راعيـك
ارجـع ولـك عشـرة ملايـيـن غـالـي
وان كان ابو ثامر مصمل يخليك
مــن حـبـنـا يكـفـيـك مـنــا الـمـوالـي
اي والله نحـبـك مــن اول ونغلـيـك
وغــلاك مــا تمـحـاه ســود الليـالـي
لك ماكـرن فـي كـل قلـب يراعيـك
يــاطــيـــر رد قـلــوبــنــا لاتــمـــالـــي



:
:____________________________

:6


الشاعر عبدالرزاق الذيابي



يـاطــيــر رحـــــت وفـارقـتــنــا لـيـالــيِــك
قــــــرار صــــــارم مــاقــبَـــل لـلــجــدالــي
يـاطـيــر تـكـفــخ لـلـمـعـالـي جـنـاحـيَــك
ورقــيــت بـالـهـقـوات فـــــوق الـمـعـالــي
يــاحـــرّ يــالــلــي طــيّــبــاتٍ مـجـانــيــك
غـالـي عـلـى قلـبـي , وراعـيـك غـالـي
حاضرك يشهد له على العزّ ماضيك
وماضـيـك عَـنـه الـظَـنّ والـشَـكّ زالـــي
لن رحت ياطير السعـد ويـن الاقيِـك؟
لــوّ ارفــع المـلـواح فـــي كـــلّ عـالــي!
واِليـا بقـيـت! آكـيـد فــي قـلـب مغلـيـك
مـــن كـــلّ فـــجّ اِلـــك الـغــلا لايــزالــي
كم طيّب اصـلٍ مـن خوافيـه معطيـك
وقـــتٍ ثـمـيــن ولــــو تــطــول الـلـيـالـي
يـــروووح مـــرواح الـزمــن ثـــم يـاتـيــك
عــطــشـــان لـمـعــانــقــك يــاهــمَــلالــي
رح يـــانــــداوي والـمـعــالــيــق تــنــبــيــك
إنــــك لــنــا غــالــي وراعــيـــك غــالـــي


:
:
:____________________________


7

الشاعر فراج السبيعي


بشت المعزه يا أبيـض الوجـه يكسيـك
يــاراعـــي الـعـلــيــا مــــــن أول وتـــالـــي
مـن طيـب راسـك طـيّـب الله مجانـيـك
بـــخّـــرت بــشــتــك بـالـعــلــوم الـثـقــالــي
تتـعـب عـلـى قـولــة نـعــم لـيــن تـأتـيـك
مـاهــمــتــك شــــهــــره ولا راس مــــالــــي
وكسبـتـهـا يــــا راعــــي الـفـعــل بـيـديــك
ودفـنـت طيـبـك فــي صــدور الرجـالـي
حـتـى غـــدا بـيــن المطـالـيـق طـاريــك
يـابـن السحيـمـي مـثـل كـيـف الـدلالـي
شيـدت لـك مــن تسـعـة أعــوام يبكـيـك
مــرقــاب عــــزٍ فــــوق روس الـطـوالــي
ورقــيـــت بـــــه لـلـنـايـفـه دون تـشـكـيــك
وأرخصـت لـه جهـدك وخـشـم الريـالـي
وما دام به شي ٍ عن الشرع حاديك
إلا بــيـــاض الــوجـــه عــنـــد الــمــوالــي
لا تفـكـتـر فـــي قــــول مـنـهــو يـبـاريــك
وعـنــد الـشـدايـد مـقـفـي ٍ مــــا يـبـالــي
هــــذا عــلــى فــرقــاه يـبـكــي ويـرجــيــك
وبــاكــر يــنــام ودالـــــه الــبـــال ســالـــي
و الـعـز فــي خـــوة عـزيــز ٍ يـداريــك
جــنــبــك ولا زحــــــزح قـــــــدم لـلــتــوالــي
تبشـر يـا بـن مسمـار بالـلـي يجـازيـك
رب ٍ عـزيــز ٍ لـــي عـلـيـه اتـكـالــي
يجـزيـك عـنـه والـعـوض بـيـن ايـاديــك
تـلـقــاه فــــي وجــهـــك بــيـــوم الـســؤالــي



اخوك الصغير / فراج مبارك الثوري السبيعي

____________________________

8
ياطيرنا ماهو على كيف (راعيك)!!
ارجــع ولــك عـشـرة مـلايـيـن غـالــي
ان كـان ابـو ثـامـر مصـمـل يخلـيـك
مــــن حـبـنــا يـكـفـيـك مــنــا الـمــوالــي
ايــــوالله نـحـبــك مـــــن اول ونـغـلـيــك
وغــــلاك مـاتـمـحـاه ســـــود الـلـيـالــي
لــك مـاكـرٍ فــي كــل قـلــبٍ يـراعـيـك
يــاطـــيـــر رد قــلــوبــنـــا لاتـــمـــالـــي!
معيض العتيبي

____________________________

يالله ياللي مالنا غيره ليا ضاق السبيل
مبدّل الحال العسير بيسر فرّاج الكرب
يا عالمٍ باسرار خلقك سرها وجهارها
لجيت لك وانا بوجهك زابنٍ زبنة دخيل
وانته دخيلك لا يضام ولا يقدّم للطلب
نصيت كعبتك الشريفه والتزم بستارها
اغفر ذنوبي يا كريم الوجه انا ذنبي ثقيل
شلته على متني وجيتك بعد ما اعياني التعب
أسجد لك وعيني من الخشيه تهل عبارها
مالي سواك آقف على بابه ليا شحّ البخيل
ولابه سواك نساله الرحمه وحسن المنقلب
لازلزلت في يوم الارض وحدّثت باخبارها
من بعدها يا من يخاويني بجيب آخر مديل
تدقّ سلفه بصمة السوّاق لامنّه ركب
كنّه يرحّب يوم ولّع شاشته وازراها
قدّامه الصدّام لا بافنس ولاهو بالطويل
والشبك به نقشٍ مثل نقش الفتيحي للذهب
واكباسه كرستالتين تفننو بانوارها
بديه لكاعة دايره على ركادة مستطيل
من قال مايل ما كذب من قال سيده ما كذب
والناس من تصميم بديه حايرات افكارها
خلفه غرور اسطابّينٍ بارزه شيٍّ قليل
كنها تقول لمن وراه ان طفتني طوف بأدب
والثالثه فوق القزازه والجناح ستارها
ياقرب صوته لا اشتغل لاجبت انا لصوته مثيل
من صوت فوحة دلّةٍ تطبخ على جمر المشب
واليا دعس له كنّها الاّ فوّرت ببهارها
حتّى نتلّه قبل قرص الشمس للمغرب يميل
نلفي لبو ناصر من حماله عريبين النسب
حوض المنايا في الحروب ان ثوّرت بغبارها
ونزهم سعيد نقول له خوّتك يالسيف الصقيل
نمشي عقب ما نشرب الدلّه ونقدع في الرطب
صوب آل عسكر لابةٍ تجذبك شبّة نارها
هواجرٍ تسمع عزاويها ليا هاب الذليل
في مجلس الشايب سديد الراي فكّاك النشب
تلقا العشا حيلٍ تحتها من الصحون كبارها
ونزهم بهادي يوم هادي خوّته تشفي الغليل
وننصا ابن زايد من سلايل وادعه السيف الحدب
شيخان عرف كبارها فرسان حرب صغارها
فاليا تقهوينا وعطّرنا شواربنا بهيل
نزهم معيض ونتّجه لديار حكّام العرب
للعاصمه حيث الملوك اللي رفيعٍ كارها
والفجر في دار ابن شايع ما ندوّر للدليل
لاجيت له ثنّا تراحيبه وبشّر بالشبب
ربعه هل النالات ترخص في الحروب اعمارها
عقب الفطور بمجلسه ناخذ لنا ساعة مقيل
هم نزهمه في خوّةٍ ننصا مذللة الصعب
لعيال عيّافٍ هل الشدقا عزيزٍ جارها
نقبل لبو فارس غدانا في وطاه سمان حيل
ونزهم بشايع وان زهمنا جا بنفسه ما انتدب
صوب الكويت وحزّة الغربه نزل اسوارها
وقدوعنا في مجلس الوطري من اخلاص النخيل
مع ربعه اللي في القسا مثل الحزام اليا انكرب
أهل الظفر قومٍ على الناله طوال اشبارها
بعد العشا والسمره الذربه و ممسا خير ليل
نصحى ونزهم عقب فرض الصبح لامنّه وجب
قم يا حسن خاو الرجال اللي نوت باسفارها
من منفذ الخفجي على الدمام مع خط الجبيل
وتسع الضحى في مدخل الدانه يمين اوّل مطب
مود تجمّع عالمٍ بالوقت تمّ اشعارها
نوادرٍ تمشي بدرب الطيب لو تاطا الوحيل
فزّاعةٍ تنطح قنيب الذيب لامنّه قنب
قدّام في شتّى المواقف ما تولّي ادبارها
واليا اجتمعنا علم واستعلام ومن هذا القبيل
ونمشي بموكب من يشوفه قال فاز المنتخب
مسيرةٍ لهل المواتر ما تعدّ امتارها
ونسوقها لمعرّب الجدين والساس الأصيل
الوافي الذرب المكمّل باللباقه والأدب
اللي بعقله حلّ عسرات الأمور ودارها
حمد ولد مسمار ابو كفّ لجوداته يكيل
عسا فداه اللي عن المدّات له كفٍّ عضب
وفداه من يعميه زود النفس واستكيارها
راعي الجمايل كلّ من خاواه يذكر له جميل
وكم من ردي انكر جميله فيه ولفضله حجب
وهو يخفي افضاله ولاهو طامعٍ باظهارها
من لابةٍ نالت سيادتها بشبّات الفتيل
لابة سلاطينٍ على العربان لو تامر تُجب
قد صنّف التاريخ في باب الملوك اخبارها
نركن مواترنا قبل ما ناصله بشيٍّ قليل
ونجيه صفٍّ صوت زاملنا يصحّي اهل الطرب
سلام يا شيخٍ قصوره عاليات اسوارها
لاهنت رجّعت النداوي من عقب قالٍ وقيل
جيناك في مجلسك نطلب وانت لبّيت الطلب
واهل الطلاقه يوم تطلب ما عطتك اعذارها
روحه وجيّه يالسحيمي لاصويب ولا قتيل
لاتكترث من هرجةٍ عوجا لمن هبّ ودب
اللي ورى الغايب تلاحظ بالحكي استنمارها
منك التعب ولا يجي منّا سوا الشكر الجزيل
وحنّا نعرف اللي تعاني يالعريب من التعب
يا صعب مرقى النايفات وياسهل محدارها
عيني شهور تراقب الرجعه وللبارق تخيل
متأكد انّك ما تراجع دام مسّيت الشنب
لن النشاما ما تخلّي طلبة اللي زارها
واليوم بدّلت الجدب في رجعتك بالسلسبيل
والظاهر انّا عقب هذي ما بياتينا الجدب
والدار دامت طيّبه ماهي تجف آبارها
ظافر القحطاني


____________________________
9


أنـشـهــد أنـــــك خــدمـــت اهـــــل الادب والادب
الــبــيـــض تــــزهــــا فــعـــولـــك وأنــــــــت عــنــوانــهــا
وألا الـمــدايــح لــيـــا قـيــلــت بــــــروس الـــعـــرب
مــاهـــي غـريــبــه فـــعـــول الــطــيــب بـأيـمـانـهــا
يـشــهــد لــهـــا بـالـفـعـايـل حـــــد ســيـــفٍ حـــــدب
يـــــــــوم الــقــبــايـــل بــــحـــــد الـــســـيــــف بــرهــانـــهـــا
قحـطـان لــن عــدت أفـعـال الـعـرب والنـسـب
الــمـــجـــد بــــيــــتٍ لــــهــــا والــطـــيـــب سـيـســانــهــا
والا أنت ياللي لك الطـاروق بدعـه وجـب
تــفــخــر بـــيـــوت الـقـصــيــد إبـــمــــدح عـمــانــهــا
أيـبـلــه أنــــك وريـــــث الـمــجــد فــعـــل وحــســـب
وأفــــعــــالــــك الـــطـــيـــبـــه قــــــــــــد قــــــــــــر مـــيـــزانـــهــــا
رفعت سوق القصيد وصرت لاجله سبب
خـدمــتــك تـشــهــد بـــهـــا الــســاحــه وقـيـفـانـهــا
حــطــيــت لاهــــــل الــمــكــارم بـالـكــرامــه شـــبـــب
مـــاغـــرتــــك شـــــهـــــوة الـــشـــهــــره وشــيــطــانــهــا
عـســى لـســانٍ مـــا يـمــدح سـيـرتـك لـلـعـطـب
مــــــــدام وقّـــفـــتـــك لــلــســاحـــه ومـــــــــن شـــانـــهـــا
بـذلــت حـالــك ومـالــك لاجـــل حــفــظ الــذهــب
من صان جـزل البيـوت إبعـز مـن صانهـا
يـاجـاهــلٍ بالـسـحـيـمـي مـــــن حـيــاتــه كــســـب
كـلـمــة نــعــم فــــي قــلــوب الــنـــاس وإلـسـانـهــا
أنـشــهــدنــه شــــنــــب لاقــــيــــل ويــــــــن الــشـــنـــب
كــــــــفــــــــو الـــــقـــــيــــــاده وراعـــــيـــــهــــــا وربـــــانــــــهــــــا
الله هــــو الـمـعـطــي الــلـــي لـلـسـنـافـي وهـــــب
أفــــعـــــال عـــــــــزٍ بــــقـــــت يـــاصـــعـــب نــســيــانــهــا
لـــو يـغـلـق المـنـتـدي يـبـقـى بـوســط الــهــدب
ســـيـــرتـــه بــالــطــيـــب دوم يــــفـــــوح بــســتــانــهــا


خالد الذيابي

____________________________
10

على غير عاده قلت باشوف وش الاخبار = وفي بالي أن المنتدى عاده مسكر
وحصلت حيٍ كان ميت وانا محتار = من أسباب موته يوم شكر ولا شكر
بفضل الجهود و وقفةٍ تلفت الانظار = لقيت الصفا يغلب على كل متعكر
لذا لي عليكم حق يا صفوة الأخيار = وانا رجل لا شاف الجفا مبتليه أنكر
وجود الرضا يعني الرباحه والاستقرار = ولكن فكر يا حبيب الرضا فكر
حمد الدحابيب
____________________________
11

حمد ال جميله




اســيــن يـابـيــت الـنـشـامـا الــنــداوي
بـيـتـن تـنـقـا مـــن خـيــار الـريـاجـيـل
مـن اشـعـر الشـعـار واهــل الـحـزاوي
واهل القنص واهل الادب والمواويل
، فيـه الاناسـه والـطـرب والحـكـاوي
واخـوان شمـا اللـي كــرام ومشاكـيـل
راح الــنــداوي ثــــم جــــات الــبـــلاوي
الله يعـقـلـه فـــي اللـيـالـي المـقـابـيـل
،لــو السحيـمـي يسـتـمـع للـشـكـاوي
ويـشــوف حــالــن لـوعـتــه الـغـرابـيـل
قـــام وفـتــح ذلـحـيـن بـــاب الـنــداوي
وجهز عشاه وقام صوب المعاميـل

حمد ال جميله

____________________________

12

أحزنـو يـا هـل المـوروث مـن كـل صــوب
وأرفـــــعــــــو شــــــــــــذرة الأقــــــــــــلام والألــــســــنــــه
كــــــل شـــــــيٍ مـــقّــــدر فــالــزمـــن ومــحــســـوب
عــــبـــــر دول الـــحـــيـــاه وبــــاحـــــة الأمـــكـــنـــه
ولو تضيق الضماير ما تضيق الدروب
فــــــــي بــــدايــــة ســــنــــه والا نـــهـــايـــة ســــنـــــه
ولــو تهـيـج البـحـور ولــو تـهــب الـهـبـوب
الـــعـــرب مــــــن بـعـضــهــا تــخــلــق الـهـيـمــنــه
والله أنـــــي حــزيـــن ومـــــن فـــــراق الــقــلــوب
قـــبـــل طــــــرق الـقـصــيــد وثـــورتــــه وافــتْــنّـــه
يـــا حـمــد مـــن يـســد ومـــن يــقــوم ويــنــوب
فــــــي زعـــيــــم الـقــصــيــد وبــاشــتـــه وأثــمــنـــه
جـمـعـتّـنـا الـفــرايــد مـــــن جـمــيــع الــشــعــوب
كـــــل واحـــــد عــلـــى يــمــنــاه وســــــمْ ارســـنَـــه
وأفــتــرقـــنـــا وكــــــــــلٍ فـــــالـــــوداع امـــغـــصــــوب
ذا يـــــهـــــل الـــــدمــــــوع وذا يـــــجــــــرْ الـــحــــنــــه
كـــثـــر الله خـــيـــرك مــــــن شـــمـــال وجـــنـــوب
وبــيــض الله وجــهــك فــــي دجـــــا الأزمــنـــه
لــــو تــتــوب الأكــــارم فـالـسـخــا مـــــا تــتـــوب
كـــــــــل نـــــاهـــــي وفــــــــــارق عـــــنـــــدّك نــعــيّـــنـــه
مــــــا دخـــلـــك الـــمــــلام ولا فـــرايــــك عـــيــــوب
تـسـعـة أعـــوام والــنــادر تــحــوش احـسـنــه
أشـكــرك وأذكـــرَك فـــي كـــل داعــــي ونــــوب
يـــالـــنــــداوي نـــــعـــــزي أقــلـــوبـــنـــا الــمـــومـــنـــه

عبدالرحمن السمين


____________________________

13

اسـوا خبـر مـوت الرياحـي وصيـاف
واغـــلاق ابـــو ثـامــر وجــــود الــنــداوي
افـرحــت ابـــو نـايــف ونـايــف ونــيــاف
والــشـــعـــر لــبــســتــه عــظـــيـــم الــــبـــــلاوي
تكفى يابو ثامر عسى مابه خلاف
رد الـــــــنــــــــداوي يــــابــــعــــيــــد الـــــهـــــقــــــاوي
استقت مجده تسعـة أعـوام وانشـاف
مــثـــل الـثــريــا وانــــــت نــجــمــاً ســـمـــاوي
وأغــلــقـــت بــيــبــانــه ودور بــالأكـــتـــاف
مـن عقـب ذا سـارح وهـذاك ضــاوي
حطيـتـه بجـهـدك عـلـى كـــل مـشــراف
وقـــصـــيـــد شـــــعـــــاره طــبــيـــبـــاً مــــــــــداوي
واصـبــح نـمــوذج للـطـواريـق والـقــاف
يـــــرتــــــاده الــجـــمـــهـــور هـــــــــــاوي وراوي
وكـــــــر الــنــداويـــة جـــديــــدن وأســـــــلاف
والــــكـــــل مـــنـــهـــم لــلــجــزيـــلات هـــــــــاوي
يجـنـون مــا تــزرع يميـنـك والأهـــداف
بــأنـــه يــصــيــر لـــكـــل الآداب حــــــاوي
تـكـفــى تــــرى دمــــع الـجـمـاهـيـر ذراف
يــبــغــونـــك تــــرجـــــع شــــمـــــوخ الــــنـــــداوي


أخوكم / عبدالله بن غفره

____________________________


14

النفـس طــا بــت لاتـجـر المـواويـل
والفـكـر ضـيّـع ياجـمـاعـه صـوابــه
هاك النهـار اللـي طفـا كنـه الليـل
فـي مهجتـي داب الغثـا شــد نـابـه
راح الـنـداوي لـيـه وشـلــون يـاويــل
من عقب صرح العز عوّد خرابـه
بنـت النـداوي إيـه لــو قـيـل ماقـيـل
بيتٍ يشادي بيت ابوي وجنابه..!
الـبـاقــي الله واشــهــدوا يـامـشـاكـيـل
اسـمـي نــوى يعـلـن عليـكـم غيـابـه
والله مـااعــوّد لـلـشـعـر دام مـاقـيــل
إن الــنـــداوي عـــــوّد وفـــــك بـــابـــه

الشاعره / كبرياء

____________________________

15

شد الركايب وأنحر ديـار قحطـان
يـم العزيـز اللـي مهابـن جنابـه
أسلم وسلملي علـى طيـر حـوران
حمـد زبـون الكـايـده ينهقـابـه
من ساس أشراف العرب يوم الأكوان
والنعم فيـه وعزوتـه خيـر لابـه
الخيـر اللـي لا نخيتـه بليـهـان
مثل الجبـل كلـه شمـوخ ومهابـه
أهدي لبـو ثامـر سلايـل كحيـلان
أبيات شعـر ولا يخيـب الرجابـه
جيتك وأنا من ماكـر العـز ويـلان
تاريخنـا معـروف كلـن حكـابـه
من دار أبو ناصر لنا المجد عنـوان
أنخاك ومـا كـل الرجـال أتشابـه
رجلن يـزوم وقفتـه تعلـي الشـأن
ورجلن يعيش وكـل رزقـه نهابـه
ورجلن تفاخر به قرايـب وجيـران
ورجلن يموت ولا حدن طـق بابـه
ورجلن أفعاله تستحي منـه نسـوان
ورجلن يمد الطيـب محـدن درابـه
وأنت الله أكبر فايـز بكـل ميـدان
وفعلك على رؤس المراجل عصابـه
هذا وصلوا عـد ورد ن بالأغصـان
على النبي المصطفـى والصحابـه

الشاعره / الجفول


____________________________

16

الله يـبـيــض وجـــــه راع الــنـــداوي
الـلـي رفــع صـرحـه وعـــلا مبـانـيـه
صرح ً يضـم اكبـر كبـار العـزاوي
وفـطـاحـل الـشـعـار مـتـواجـده فـيــه
تنـزاح فيـه اهمـوم قـلـب الشـقـاوي
واسج واسلا يوم اجي فـي حراويـه
فـيــه الفقيـريـحـس بــانــه غــنــاوي
واكبـر شهـادة للشعـر تنتـمـي لـيـه
عضويـتـه مكـسـب وغـايـة مـنـاوي
وانا انتمي لـه واعشقـه وافتخرفيـه
اقـصـى نــداوي فـيــه كـنــه دنـــاوي
يـــعـــده الـــرجـــال كـــنـــه بـنــاخــيــه
وانا اشهد انك يا السحيمي نداوي
والطيـر مـن عـال المواكيـر جانـيـه
حر(ن)وحش ماقط قرنس خـلاوي
قبـلـك وهــذي واحــده مــن مـواريـه

علي بن عرنان



____________________________

17

يـاهـاجـســي اتـعـبـتـنــي فــــــي رجـــاويـــك
بـيـن الـرجـا والـيـاس ضــاع احتمـالـي
يــــــــومٍ اقــــــــول الله يـــحـــقـــق مـــنـــاويـــك
ويــــــومٍ اقــــــول الــحــلــم قـــمـــة خــيــالـــي
ويـــومٍ اقـــول الـصـبـر يـمـكـن يــداويــك
والـصـبــر طــــال وهـاجـســي مـاعـفـالـي
من حر ماونس عايشٍ في حراويك
واطـلــب مـــن الـمـولـى يـحـقـق امــالــي
والــحــمــد لله مــاخــطـــا مـــــــن يــقــاويـــك
حــتـــى تـحــقــق حـلــمــي الـــلـــي ابـــالـــي
حـلـمــي نــــداوي والــنــداوي رضــاويـــك
يـرضــيــك لاشــفـــت الـبــيــوت الـجــزالــي
يـعـيـش مـــن رجـعــك وارســـى نـداويــك
وارضــى محبـيـنـك بـطـيـب الخـصـالـي
هــذاك ابــو ثـامـر عـلــى الـعــز نـاويــك
حــمـــد ابــــــو ثـــامـــر خـــلـــوق ومــثــالــي
يتعـب صليـب الـراي يوصـل هقاويـك
هـــقــــوة ابـــــــو ثـــامــــر تـــهــــز الـجــبــالــي
مـن سـاس قحطـان العريبـه عزاويـك
عـزوة فخـر مـن ضـيـم سـبـر الليـالـي
يــقــولــهــا الــــلــــي بــالــمــعـــزه مـــخـــاويـــك
مــن ســـاس غـلـبـا محتـمـيـن الـتـوالـي
مـن غيـر نقـصٍ فالـزحـول وشـراويـك
قــــبــــائــــلٍ وافـــعـــالـــهــــم مـــــــــــــا تــــطــــالـــــي
وخـتـامــهــا نـــعـــزك ونـــدحـــر عـــداويـــك
ونبـذل لـك المجهـود غـي كــل غـالـي


اخوكم / سعد السبيعي

____________________________

18

صرحٍ بناه السحيمي لين عدّا الصروح
ثـــبــــت عـــلــــى قـــمــــة الــتــاريـــخ والــمــرجــلــه
تـنـاقـلـتـه الـــــدول واهـــــل الأدب والـطــمــوح
لابــــــــــد يـــلـــقــــا جـــــوابـــــه راعــــــــــي الأســـئــــلــــه
الشـعـر عـنـد الـنـداوي ريـــح طـيـبـه يـفــوح
وألا الجهـل دمّـر الجـاهـل وخــاب اعمـلـه
وتــرا الــردي بالـرخـا خـيّــال صـفــراّ جـمــوح
اوقــــت الـشـدايــد تــروعــه زيــلــت الـشـوّلــه


محمد بن هضيبان
____________________________

19

مـرحـبـا ملـيـوون..يـاصـرح الــنــداوي
مـــرحـــبــــا يـــارجـــعــــة الـغـالـي..عــلــيــنــا
مــــوقـــــع الإبــــدااع..ردّتـــــه الـــمـــنـــاوي
كــــــــم تـمـنــيــنــا رجــوعـــه..كـــم دعـــيـــنـــا
كـــل قـلــبٍ يَـعْـشَـق الـقـمـه ..شــفــاويلــلـــنـــداوي.
.فـــي غـــيــــابــــه مــاســلــيــنـــا
نحمد اللي ماقطع رجوى الرجاوي
وأبــشـــري يـاســاحــة الإبــــــدااع جــيــنــا

شاعرة نجد

____________________________
20

قــفـــلـــت الــــبـــــاب والــمــفــتـــاح خــبــيّــتـــه عـــــــــن الـــشـــعّـــار
ولـقــيــت الــشّــعــر فــــــي كــــــل الـــبـــلاد أشـــكـــال وألـــوانـــي
أثــــر كـــــل ٍ مــعـــه نـســخــة مـــــن الـمـفـتــاح يـــــا عــمّـــار
أبـــــو مـشــلــح .. وأبـــــو جــبّـــه والأول يــشــبــه الــثــانــي
وهــــايــــب مــــــــن ولـــــــــيّ الــمــوهــبـــه ســبــحــانـــه الـــجـــبّـــار
وأنــا لا قـلـت سبـحـان الـولـي .. مــا قـلـت سبحـانـي !
عـلــيــك الله .. وأمـــــان الله وغــنّـــي يــــــا حـــمـــام الــــــدار
بـــعــــد قـــامــــت ذعـــاذيــــع الــهــبـــوب تـــهــــزّ الأغــصـــانـــي
لـــــو أنـــــك تـطـربـيــن .. وتـكـسـريــن الـخــاطــر الـمـنـهــار
وصـــوتــــك كـــــــلّ مـــــــا يـــعــــزف لــحــونـــه جـــــــددّ أحـــزانــــي
أدوّر عــــــــن خــــبــــر عــــيّــــت تــجــيــبــه نــــشــــرة الأخــــبــــار
ويــــــــــــا كــــــثــــــر الــــعــــلــــوم الــــــلــــــي تــــــدوّرنــــــي وتـــلـــقـــانـــي
يـــــــا شـــيــــخ الـمـنـتــديــات الأدبـــيــــة وش الــــلــــي صــــــــار
رعـــــــــاك الله مـــــــــن جــــــــــور الـــلـــيــــال ودور الأكـــــوانـــــي
يــا راع الوقـفـة الأولــى .. مــن الـدنـيـا عـســاك مـجــار
حـــمـــاك الـــلـــي وهـــبــــك الـســابــقــه فـــــــي كـــــــل مــيــدانـــي
علـيـك البـيـض فــوق الـبـيـض مـنـشـوره بـــدون غـبــار
كـــــــــلام الــــحـــــقّ مـــثـــبـــوت وكــــــــــلام الـــــزيـــــف بــهــتـــانـــي
يـــــــــــا أوّل مـــنــــتــــدى مـــفــــتــــوح لــــلأعــــضــــاء والــــــــــــزوّار
خـــدمــــت الــشّــعـــر والــحـــجّـــه لــــهــــا شــــاهــــد وبــرهـــانـــي
شهرت إسم ( النداوي ) وأشتهر في ساير الأقطار
وقـــامــــت كـــــــل خــــلــــق الله تــــلاطــــف طــــيــــر حــــورانــــي
مضـى ركـب السنيـن التـسـع وأنــت تـواصـل المـشـوار
ولا كـــلـــيّـــت والــــمـــــوروث يــــدعـــــي لـــــــــك بــالإحــســانـــي
عــلـــى دربـــــك بــــــدت تــمــشــي قـــوافـــل ســلــعــة الــتــجّــار
وأحـد حملـه علـى الفاضـي .. وأحـد بالحمـل مليانـي
بــــنـــــاك وشــــيّـــــدك بــــيـــــن الـــمـــواقـــع وافــــــــــي الأشـــــبـــــار
طليـق الوجـه .. محمـود السجـايـا .. ذرب الأيمـانـي
أبــــــــو ثــــامــــر لــــيــــا عــــــــدّوا مــغـــاويـــر الــــعـــــرب مــــغـــــوار
تـــقــــول أنّـــــــه عـــلــــى الــدنــيـــا مـــعــــه خـــاتــــم سـلـيـمــانــي
تـحـمّــل عــنـــك مـــــردود الـتّــعــب فـــــي الــحـــلّ والأســفـــار
يـــــــمـــــــدّ الــــوافـــــيـــــه ويـــــــكـــــــرّس الـــمـــجــــهــــود مــــجّـــــانـــــي
بـــعـــد دوّن عـــريـــب الــــــراس فــعــلــه .. قــــــدّم الــمــعـــذار
وقــــــــــــــــال الـــــمـــــعــــــذره قـــــفّـــــلــــــت بــــيــــبــــانـــــك وبــــيــــبــــانـــــي
قـــرار مـــن السحـيـمـي والسحـيـمـي حــــرّ نــســل أحــــرار
ولـــــــــه نــــظـــــره لــــهـــــا الــتــقــديـــر مــــنّـــــا والـــعـــمـــر فــــانـــــي
شـــهــــادة حـــــــقّ ســجــلّــهــا الــــزمــــان بــســـيـــرة الأخــــيــــار
تـــــدوم ولـــــو تـــمـــوت الـــقـــوم تــبــقــى طــــــول الأزمـــانـــي
نـقـشـت إسـمــك يــــا راع الـسـيــره الـعـطــره بـشـعـلـة نــــار
وســــمــــت حــــروفــــه ونـــــــــارك لــــهـــــا شـــعـــلـــه ودخــــانـــــي
أقــــولــــه والـحـقــيــقــه ثــابـــتـــه والــــكـــــذب عــــيـــــب وعـــــــــار
لـــو أنـــه مـــا صــــدق قـلـبــي مــــا والله يــصــدق لـسـانــي
بـــــــــدون مــجــامــلـــه والـعــنــصــريّــه مــــــــــا لـــــهـــــا مـــعـــبــــار
أنـا رجـل ٍ عتيبـي .. والسحيمـي .. رجــل قحطـانـي


وسلمتوا سداح العتيبي


______________________________
21


مجاراه بسيطه لقصيدة سداح على هذا الرابط علها ترتقي الى ذوائقكم





فـتـحــت الــبــاب لـعــبــور الـشــعــور ومــوكـــب الافــكـــار
لــعـــل الـشــعــر يـطــفــي جـــمـــرةٍ فــــــي وســــــط وجـــدانـــي
عــلــيــهــا فــــاحــــت دلال الــقــصــيـــد وغــــنـــــوا الـــســـمـــار
طــواريـــقٍ تـمــيــل الــهـــا عـــــذوق الـنــخــل مـــــن دانــــــي
وانــــــــا شــــاعــــر لــســـانـــه مــايـــطـــاوع قـــلـــبـــه الـــثـــرثـــار
ماغير ان حركه سلك الحرير افصح على شاني
غرفت امن البَحَـر درّ ونحـت امـن الحجـار حجـار
وحفظـت العلـم مـن ديـوان ابـو الطيـب وابـن هـانـي
واحــفـــظ الـطــيــب لـلـطـيّــب ولـــــو ان الـقــلــوب اســـــرار
وجــــــــوب تـــشـــيـــر ســـبـــابـــة يـــــــــدي لـــلـــقـــرم بــالــعــانـــي
يـــاســـداح الـعـتـيـبــي يــاالــوفــي يـاالــشــاعــر الـبــيــطــار
يـــــافـــــخــــــرٍ لــلــقـــبـــيـــلـــه كـــــلــــــهــــــا يـــــانــــــســــــل جــــــــدانـــــــــي
يـــاكـــســـاب الــجــمــايـــل بـــالـــذهـــب والـــــيـــــن والــــــــــدولار
يـابــنــك الــشــعــر وعـــلـــوم الـــرجـــال ومـــزبـــن الــجــانــي
تــطــيــح نـــجـــوم وتــبــيّـــن نـــجــــوم ان طـــفّــــت الانـــــــوار
مــثـــل مـــــا بـــــان ريـــشـــك فـالـســمــا يــاطــيــر حـــورانـــي
لأنــــــــك حُـــــــــرّ يـــاالـــحُـــرّ الــــمـــــدرب والــــزمـــــن صــــقـــــار
يـــهـــدك لـلـجــزيــل امــــــن الـــشــــوارد وانـــــــت شـيــهــانــي
مـخـالــيــبــك عــــلــــى شــــــــيٍ نـــبـــيـــه بـــــــــدون مــانــخــتـــار
تـقـلّــطــنــا عــــلــــى ســــمــــن وســمـــيـــن ومــوقـــفـــك آنــــــــي
مـثـل موقـفـك هـــذا فـــي حـقــوق الـجــار عـنــد الـجــار
واقـــــــدم بـالـنـيــابــه لــــــــك بــــعــــض شــــكــــري وعــرفـــانـــي
وابـو ثامـر مـن اسمـه لــه نصـيـب وكــل ابــوه ثـمـار
كــــــــــأول رايــــــــــد يــــــــــزور الـــفـــضــــا ويــــــــــرزّ الاوزانـــــــــــي
نـــــــداوي ثـــبــــت اركـــــــان الـــنــــداوي والــــنــــداوي ســــــــار
عـــــلـــــى نـــــهـــــج الــتــمـــيـــز والــتــمـــيـــز مـــــيــــــزة الـــبــــانــــي
جـمـع فـيـه الـرجـال اهــل الـوفـا مــن غـالـب الاقـطـار
مــــــن اطــــــراف الـخـلــيــج وكــــــل قـحــطــانــي وعــدنــانـــي
مــغـــنٍ لـــــلأدب مـــــن تـســعــة اعــــــوامٍ مـــضـــت مـــابـــار
تــــــــراث جــــــــدود وعــــــــدود وجــــهــــودٍ تـــحـــيـــي الـــفـــانـــي
سـمـعــنــا بـالـخــبــر مــثــلــك ولا نـــــــدري عـــــــن الاقـــــــدار
ومــــريـــــنـــــا وشــــفـــــنـــــا جـــــــثـــــــة الــــمـــــيـــــت بـــالاكـــفــــانــــي
يـاكــبــر الـفـاجـعــه والـصــبــر طــيـــب والـحــيــاه اعــمـــار
لــــو ان الـمـنـتـدى خــــارج حــــدود الـعــمــر الانـســانــي
لـــــذلـــــك فـــــالأمـــــل لازال حــــــــــي بــمــنــتــهــى الاصـــــــــــرار
وانــا علـقـت مــن بـــاب الـعـتـب لاهـــل الـخـطـا عـانــي
طلـبـتـك ياالسحـيـمـي دق خـشــم احـسـاسـك الـمـكــار
ورد الــنـــور لــعــيــون الــضــريــر لـــشـــوف الاوطـــانـــي
اقــــولــــه وانــــــــت تــــعــــرف قــيـــمـــة الــبــحــريــن لــلــبــحــار
ولا كـــــــــــل الــــبــــحــــور بـــجـــوفـــهـــا لــــــولــــــو ومــــرجــــانــــي
واقــــولــــه والــــنــــداوي مــنــتــدايــه يــــــــوم جــــيــــت الــــكــــار
كــتــبـــت اول شــــعــــورٍ فــــيــــه خــــــــلا الــــنــــاس تــقـــرانـــي
وامـــــــــره كـــــــــل فــــتـــــرة زايـــــــــرٍ مـــــــــن جـــمـــلــــة الـــخـــطــــار
وانــا المـرقـاب آت دُت كــوم فـيــه اسـمــي وعـنـوانـي


فيصل السواط

____________________________

22



يـوم النـداوي عـاد حنـا عدنـا
عز الله انـه يـوم عـاد اسعدنـا
من غيبته والشعر يرثي حالـه
هو قايد الثوره وهـو مرشدنـا
مثل اليتامى يـوم صـك ابوابـه
قمنـا نـدوّج والطفـش قايـدنـا
نكتـب ونكتـب ميـر مايرضينـا
الا الـنـداوي والـغـلا يسـنـدنـا
كثـر المواقـع مايـسـد الــلازم
الا غـثـاهــا بـالـفـنـا هــددنــا
الناس واجـد والقصايـد واجـد
كـل عـلـى لـيـلاه مستقصـدنـا
هـذا مديـر وذا مراقـب فـاشـل
بالشعر ماجاب النصاب الادنى
من حط له بيتيـن قالـوا مبـدع
وتصفيق حامي يالسنافي زدنا
الله كـريـم ولا يـضـيـع خـلـقـه
ماضاقـت الا والفـرج شاهدنـا
الحـمـد لله ثــم لــك يـالـوافـي
والشـكـر مايوفـيـك يـاوالـدنـا
عـودا حميـدا يارفيـع الهـامـه
شـده وزالـت عـنـك يارايـدنـا
عادت مياه الشعر في مجراها
ويوم النداوي عـاد حنـا عدنـا


تحياتي / ناصر القزلان التميمي



____________________________

23




آكـبــر قـهــر هــــو آقـتـنـاعـك وبـعـديــن؟
لاصــــــــار يــتـــرتـــب عــلـــيـــك الــنـــزالـــي
آن قـلــت وافـــي ماخـتـلـف فـيــه آثـنـيــن
مــنـــك الــوفـــاء آول ومــوصـــول تــالـــي
آســتـــاذ جــيـــل(ن) رددوهـــــاا الـوفـيــيــن
بـالـمـجـد هــامــه مـاابـهــاا مــــن جــدالــي
والـــوقــــت مــايــرحـــم نـــوايــــا الـعـفـيـفــيــن
وفينـاا آختـلاف الــراي يـزيـد آشتعـالـي
آفــــهــــم آحــاســيــســك ورود وريــاحـــيـــن
وآدري بـصـدرك هــم يـصـلاه. صـالــي
مــابــعـــد قــــولــــك يــــاســــلال الـعـريــبــيــن
كـــنـــي مــكــفـــن واحـــــــد مـــــــن عــيــالـــي
يـبـقــى الــنـــداوي شــامـــخ(ن) لـلـمـلايــن
ان طــــاب والا ذكــــر لاجــــاء مـجـالــي
الله يـعــيــنــك يــاحـــمـــد لــــوعــــة الــبـــيـــن
لاصـــرت تـصـفــق بالـيـمـيـن الـشـمـالـي
آحـــــد يــقـــدر وآحـــــد زود لـــــك الـــديـــن
مابيـن لحيـه وشــارب(ن) فــوق عـالـي
مـثـلــك شـجـيــع(ن) مـاتـشـتـت بـدربــيــن
كــــــذا وفــــــي والا كــــــذا بـــكــــل حـــالــــي
يــانــاس صــافــي بــــاع دنــيـــاه. لـلــديــن
خوف من الله وضع صعب آحتمالي
ماحد(ن) يطق الصدر برفع الموازين
حـــتــــى الــطــفـــل تــرمــيـــه آم الـعــيــالــي
الله يـنــورنــاا الـبـصـيــره. عــلـــى الــديـــن
ويكفيـنـاا شــر الـنـفـس ولـحـظـة تـعـالـي
نـبـنــي ونـبـنــي بـالامـانــي لــنــاا سـنــيــن
والـى نظرنـاا الكـف الـى الكـف خـالـي
يــــــاارب آمـــنـــاا وحـــنـــاا مــــــن الــطــيــن
وبــالــطــيــن ثــبــتــنــاا بــــيــــوم الـــســـؤالـــي
وصــــلاة ربــــي عـــــد نـــــزف الـشـرايـيــن
عــلــى مـحـمــد ســيــدي وطــيـــب فــالـــي


وســ.قلوبكم.ـــلامة
محمد الصقعبي

____________________________
24

يابـنـت قـومـي وألعـبـي لـعـب دامــه
شوفي القماري لك يغني غناويه
يــوم الـنـداوي عــاد حـمـد وسـلامـه
يالله عـســى دايـــم يـحـقـق مـنـاويــه




مـاعــاد بـيـنـي وبـيـنـك اوثـــاق وعــهــود
مـــاعــــاد فــيـــهـــا غــــيــــر كــــلــــن وشــــانــــه
يـــالـــنـــت مــافــيــهـــا مـــعـــاذيـــر وشــــهـــــود
تـعـرف طريـقـك نـاظــر الـــدرب عـانــه
من عقب فرقى منتدى مركب النود
عــــقــــب الــــنــــداوي مـالـلــشــعــار خــــانــــه
هاك القلم وأخذ الورق وأحـذر تعـود
ودفــتــر قـصـيــدي بــاقــي فـــــي مـكــانــه
وجـهــازي الــلــي خــابــره كــــان مــوجــود
بـعــتــه مـــثـــل حــــــي زهــــــد فــــــي زمـــانـــه


معاني الشوق


____________________________

25


يـــــا ســلامـــي الـــــى راعـــــي الـــنـــداوي ذهــــــاب
مـــــع بـويــتــات شـــعـــرٍ تـخـتــصــر مــــــا عـنـيــتــه
الـحـسـايــف عــلـــى قـــصـــر الــشــعــر والــلــبــاب
بــعـــد فــتـــره لـــــو انـــــي جــيـــت لـــــه مـــــا لـقـيـتــه
يــــا حــمــد ويــــش عـلـمــك تـعــلــن الانـســحــاب
تـتــرك الـصــرح يـــا الـغـالـي بـعــد ذاع صـيـتــه
مــرت سنـيـن قـصــرك فـــوق مـتــن الـسـحـاب
تـسـعــة اعــــوام تـبـنــي وجــــل وقــتـــك عـطـيـتــه
يا السحيمي عسى ما شر ويش الخطاب
تـــهـــدم الـــلـــي عـــلـــى مـــبـــدا الــمــكـــارم بـنــيــتــه
الـــــنــــــداوي ثـــــــــــري ومـــــنــــــه زيــــــــــــن الــــــزهــــــاب
شـــيــــخ كـــــــل الــمــواقـــع مـــــــا هـقــيــتــك تــمــيــتــه
صــــــــــل لــلإســتـــخـــاره يــــــــــا عـــــزيـــــز الـــجـــنــــاب
كـــــــــان فـــيـــهـــا مــــجـــــالٍ عـــــــــن قـــــــــرارٍ نـــويـــتــــه

عبدالله الشويمان-


____________________________

26
الـنـداوي مــن بـعـد مـاغـاب عـــوّد
واحـمـد الله يــوم عــوّد مــن غيـابـه
السـمـاء كـنـه مـــن غـيـابـه مـســوّد
والصـدر ضـايـق ولاعـنـده رحـابـه
والله انـــي فـيــه مــغــرم ومـتـجــوّد
مير مدري وش حصل وانصك بابه
بــس ابوثـامـر عـلـى العـلـيـا تـعــوّد
الوفـاء والجـود فـي حضـرة جنـابـه
يوم شاف الوضع في الساحه مهـوّد
رجعـه واردم علـى الساحـه سحابـه
كـل عـضـوٍ مــن مواضيـعـه تــزوّد
والـفـضـل لـلــي بــدابــه واعـتـنـابـه


شبيب بن شاهر
____________________________
27

مجرّد خاطره تردّدت في طرحها كثيراً
لكونها لاترتقي لأن تكون بهذا الصرح
ولكن إقبلوها كما هي



بَـشّـرَونــي قــبــل وكــــر الـسـاحــه الـشـعـبـيّـه
الــنـــداوي عـــــاد والـمــلــواح روح الــســاحــه
قـــالـــوا إنّــــــه عــــــاد بـاالـمــلــواح والـجــاهــيّــه
قـلــت كـــلّ المجـتـمـع بـأرواحـهــم مـلـواحــه
ســامــعٍ بــــه قــبــل أخــــشّ الـسـاحــه الـنّـتـيـه
مـن رجـالٍ للشعـر وأهـل الشعـر مـدّاحـه
الــــوكــــاد إنّ الــــنــــداوي مــدحـــتـــه جـــبـــريّـــه
عـامـره يستـاهـل وســام الـوفـاء ووشـاحــه
الـــــــنــــــــداوي فــــــــيــــــــه مــال(الــمــنــتــنـــه)ودّيّـــه
خـــــادم الــمـــوروث مــــــادوّر وراه أربـــاحـــه
مـــاتـــقـــول الا فــضــيــلـــه مـــنـــزلــــه خُــلْــقـــيـــه
من حُرم منها شقى..ولمن رُزقها راحه


نايف بن صنهات

____________________________

28
الله مـــــــــن فـــــرحـــــة عـــــمـــــت عـــــلـــــى قـــلـــبــــي
مـــامـــثـــلــــهــــا ســــــــابـــــــــق الايــــــــــــــــــام زاورنــــــــــــــــــا
جـتـنـا مـــع الـريــح تـسـعـى والــهــوى الـغـربــي
والـــشـــوق فــيــمــا حـــصـــل والــفــكـــر شـــاورنــــا
حـلـفــت عــــن صــاحــب الــجـــزلات مـاخــبــي
الــلـــي عـلــومــه عــلـــى الـصـفـحــات تــاســرنــا
انـــــــــــــا وغــــــيـــــــري كــــثــــيـــــر لــــحـــــبـــــه نــــلـــــبـــــي
حــــــــــب الـــــنــــــداوي لـــــــــــه الـــــخــــــلاق دبـــــرنــــــا
مـــــــــن قـــــــــدم الـــطـــيــــب فــالــمـــيـــراد والـــغـــبــــي
يــــلــــقـــــا جـــــــوازيـــــــه بـــــــالاخـــــــلاص عــــبـــــرنـــــا
لو صار بعض الظروف وجت بمر ربي
سبـحـان مـــن هـــو عـلــى الاغـــلاق صـبـرنـا
يــاســيــد الــطــيــب لـــــــك نـــبــــع الـــوفــــا طـــبــــي
واصـــــــــل مــســيــرتـــك دام لــطــيـــبـــك اشـــــرنـــــا
ســــاق الفـضـيـلـه يــجــي مــــن جـانـبــه خــبــي
وانـــــــــــــــت الـــفـــضـــيـــلـــه وحـــــــنــــــــا مـــاتـــغـــيـــرنـــا
لــك كــل كلـمـة شـكـر مـــن خـالــص القـلـبـي
وعــــلــــى قــلـــيـــل الـــعـــلـــوم ارجـــــــــوك عــــذرنـــــا


رداد الذويبي العتيبي

____________________________

29

غبت وطوآني عقبك 2000 طآوي
وأقول / .. صبرآ .. يـ الليـــآل .. المقآبيل .............!!

مكسور ؟؟ طبعآ مآني لـ الجرح قآوي
ولآ من بكيت ..؟؟ .. أبكي لـ فقد الرجآجيـل .......!!

لآ يآبعد .. جلسآت أهل القهـــآوي ..
اللي سوآلفهم .. عن .. القآل .. والقيـــل ............!!

محشوم يـ اللي دوم .. قدّ .. الهقآوي
ويحشم سموّك .. عن علوم .. المهــــــآبيل .........!!

في غيبتك .. زآدت علينآ .. البلآوي ..
من عقب ماكنـّـآ .. معك .. في تســآهيل ............!!

يآما .. كوآني من قسى الليل كآوي ..
وصبحك غسل عن خآفقي عتمة الليـــل .............!!

واليوم جيت وصرت لـ الشعر ضآوي
يامنبر الإبدآع .. من جيل إلى .. جيل ...................!!

في عيوننا .. تبقى .. بـ ليـّـآ .. مسآوي
والحب صآدق .. مآهو .. بـ حبّ .. تمثيــــل ..........!!

إن مافرحنا .. بـ رجعتك يـ الندآوي ..؟؟
ما لـ البقية .. من فرحنآ ... " محآصيل " ...............!!

:
:

للجميـــع كل ودي ............!!
سلالالام ...!!
نواف الفهاد

____________________________
30

فـــي عـــام الـفـيـن وتـســع شــهــر ســتــه
فــي يــوم سـتـه مـــع مـشــارف مـسـيـان
لــقــيـــت شـــــــيٍ مـــــــن كــيــانـــي فــقــدتـــه
يوم اعلن رجوع النداوي ( كحيلان )
مـــــن غــيـــر مـحــمــود الـسـجـايــا يـبــتــه
امـر الايــاب ويجـبـر الكـسـر بـاعـلان
هــــمٍ عــــن صــــدور الـشـواعـيــر حــتـــه
واسـعـدهـم وكـــن الــــذي كــــان مــاكــان
وافـــــــي وقـــــــدرك يـالـسـحـيـمــي نــحــتـــه
بقلـوب فيـهـا طـيـب الاجــواد منـصـان
شـــكـــرا يـــبــــو ثـــامــــر لانـــــــك اعـــدتــــه
لاهـنـت يالـلـي عـنـدك الـقـاف مـاهــان


.
اسماء البراهيم


____________________________
31

يا مبعدٍ عنـا تـرى الوقـت يمديـك
والـــشـــوق يـــمــــك قـــايــــمٍ لايـــــــزالِ
بـيـت ولـكـن دون بــاب وشبابـيـك
فيه سرحن شرد القصيـد الجـزالِ
صـرح النـداوي زي ماكـان يويـك
آوى هـجـوســي واسـتـبــد بـخـيـالــي
استقطب اللي مابهم اي تشكيك
شــعــار بـيـرقـهـم بـسـاحَـتْـه عــالــي
يــادار مـــازال الـفـكـر هـايــمٍ فـيــك
ومـعـقّـده بـامــال وصـلــك حـبـالــي

اسماء البراهيم

__________________________

النداوي....حين نتذكر يوم الميلاد للمنتدى وكيف عدل الوضع في الساحة وكان أول منتدى أدبي شعبي والحراك الذي أحدثه في الساحة


وصدمة الناس بإعلان توقفه ولكن عاد من جديد ليعيد الحياة في جسد الشعر على الشبكة العنكبوتية ليبقى النداوي إرث عظيم وتاريخ ممتد في الأدب الشعبي