فوح قلبي فوح دلة بهار فايحه :: سج عنها القهوجي في سلام وألتها

يسعدني أن أنقل لكم هذه القصيدة للشاعر /

حمد بن ناصر أبوظهير نقلا من بعض المجلات . أرجو أن تحوز على رضاكم ,,,




فوح قلبي فوح دلة بهارٍ فايحه
*

سج عنها القهوجي في سلامٍ وألتها

والجمر بجنوبها تشتعل صفايحه
* لين فاحت وانثرت كل ماها وانتها

سبة اللي شفت والشمس قدهي طايحه
* من كذا لأُم الجماجم عصيرٍ شفتها

في طريقي وانا رايحٍ وهي رايحه
* وقلت لي كلمه وياليتني ما قلتها

والهواء عدٍ طويل تعنى مايحه
* وروحي على عد المحبه وردتها


جعل ودان الحيا إللي بروقه لا يحه
* يسقي ديار البدو لين يزمي نبتها

يا حمامٍ فوق هدب الجرايد نايحه
* من سبايبك العيون القشر عذبتها

قالوا أدله يا حمد عن غلاه وبايحه
* قلت يالاجواد بموت ما بايحتها

صح لسان الشاعر الجزل حمد بن ناصر أبوظهير
قصيده جميله جدا
ولاهنت ياعبدالعزيز
وننقلها بعد اذنك لإهدائات واختيارات