سعود الحااافي

[align=center]
والله ولا سكت قلوب الشعر عن عذب الكـلام
في ليله تلمـع علـى بحـر العيـون عقودهـا
شعت كوكـب ليلهـا الدافـئ وجينـا للاسـلام
ولا تـرى البيعـه نمـوت ولانخـل بنـودهـا
أجدادنا قد بايعـو فـي ساحـة البيـت الحـرام
والله وخلقـه والملـك عبدالعزيـز شهـودهـا
مافيـه بيعـه ثانيـه فيـه استماتـه والتحـام
من دون بيـرق دولـه التوحيـد وآل سعودهـا
وأنا سعودي دم وأصل وجد وآخـوال وعمـام
ماورثتنـي حملـة نصـف الحجيـج هنودهـا
ولازهملتني بايعت فصفـص وحشايـه حمـام
ولارضعتنـي ديسهـا ملحـاً تصـر ديودهـا
أحمل لوا الطاعه وآسن الرمح وآسئـل الحسـام
وآربـط حـزام البندقيـه واحتمـي بارودهـا
وأرقص واغني واتمايل وانتشي حـب وغـرام
لاشفت ريشه لوحـه المصمـك تكـد جعودهـا
في موطني ياموت أخذني كان في خشمك عرام
روحي فداء التربـه وجثمانـي فـداء لدودهـا
ودام المشاعر فوق هام السحب والصحـه تمـام
والصوت عال العال والهمـه يذعـذع نودهـا
قـدام ياقبطـان باخـرة السعـد والـى الامـام
هداج شعري قـد هقـوات العـرب وقدودهـا
والله لاشيـل الامسيـه فـوق وعليـه بالحـرام
لاجـرح ربابتهـا وادق مـع الكمانـه عودهـا
ليا رضي شاعر بطل يجلس على ريشـه نعـام
وليا زعل شاعر بطـل ريشـه يـدي ياكودهـا
اطعن نحره بيت واقهويـه مـن قـاف الختـام
ويحب خشمـي حبـه يبطـي معـاد يعودهـا
اعزف سلام العسكري واضرب تحيه واحتـرام
واطلب من الجمهور يستـاق الذمـم ويقودهـا
اما يصفق من طرب والا يصفـق مـن هيـام
والا يخمـن راحتـه حتـى تفـوح اورودهـا
حرارة التصفيـق تكبـر كـل ماكبـر المقـام
وكبر المقام أكبـر مـن التصفيقـه ومجهودهـا
جمهـور مـن فضلـك خلهـا نقطـه نـظـام
وحضّر كفوفك لا عدمتـك واستحـل قيودهـا
وصفق معي بيدنـك الثنتيـن صفقـه بانتظـام
للي يشـرف كـل تصفيقـت غـلا ويزودهـا
سلطان بن عبدالعزيز الفيصلي صلـب الامـام
ومعه عـادت بـروق الخيـر قبـل رعودهـا
الارض لبست ثوبها والغصن ورق عقب عـام
والدلو بلـل حبلهـا اليابـس غريـف عدودهـا
والبخل دنق واستحى والجـود فـرع واستقـام
والابتسامه جت مـن المغـرب تشـع خدودهـا
كم شايب (ن) خلى معاكيزه من الفرحـه وقـام
وابنه نسـى عجـزه وبنتـه هملـت مولودهـا
وكم من عجوز ترقب الساعه تسع والجفن نـام
والقلـب واعـي واصبـع السبابـه لمعبودهـا
وكم طير في ليل النجوم الالمعـه غـرد وحـام
وكم فاطر(ن) حنت ولا حنت علـى مفرودهـا
وكم من فرس لـولا العنـه والشكيمـه والجـام
خلت مطار الدار ميـدان(ن) لفتـل عضودهـا
وكم من دمعت(ن)خرت من المحجر وكفنها اللثام
وكم عبرة(ن)تحفر جناحيـن الشمـاغ خدودهـا
كفي دموعك ياعيـون الارض وعيـون الانـام
ولرسليهـا وادفنـي تحـت القبـور لحـودهـا
هاذي دموع التضحيـه هـاذي زكـاة للصيـام
والعيد بالعـاده زكـاة الفطـر يكسـر عودهـا
يستاهـل الدمعـه ونستاهـل عطايـاه الجسـام
وحي الدموع وحي عيـد المعجـزات وطودهـا [/align]


الشاااعر \\ سعود الحاااافي

لا هنت على التقل

وصح السان سعود

اررررررررررررحب يابونملان



اختيار موفق اهنيك عليه



وصح لسان شاعرنا الكبير ابوسالم



لكم تقديري

سعد الجيهراااان

قاااايل مايهووون

ومرورك غااالي

هلا وغلا ياااهاااادي

ومرورك غااالي وانت اغلاااا