قصيدة الحج للشاعر علي بن مبارك الكدادي الهاجري (ابن عامر)

هذه قصيدة للشاعر علي مبارك عامر الكدادي الهاجري وقد قالها في موسم الحج عندما ذهب مع حملة ابن عم له يدعى الشيخ مبارك بن سعد بن دغش الكدادي وكانو كل اللي في الحمله ربعه وجماعته









[poem=font="Simplified Arabic,5,#FF2E00,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يالله ياغافر جميع الذنوبي=تغفر لمن زار المشاعر ولباك
جيتك وانا خاضع وخاشع واتوبي=من كل ذنبٍ ياالولي واطلب ارضاك

في الحج الاكبر لين قبل الغروبي=على عرفات الحجيج اتــْرجاك

جيناك يارحمن من كل صوبي= رحماك يارب المخاليق رحماك

ياواحدٍ بمرك تهب الهبوبي=يارب لاتحرم عبيدك عطاياك

ويالله يامفرّج جميع الكروبي=تفرج لنا يارب حنا دعيناك

وياخير من يدعى لكشف الخطوبي=انت الملاذ وكلنا نطلب احماك

ونطلبك ياعالم جميع الغيوبي=تعطينا باليمنى كتبنا بلقياك

وطالبك ياالمعبود تستر عيوبي= وتستر عيوب اللي من الخلق يخشاك

من بعدها شي بفكري يلوبي=واقول له يافكر ويش الذي جاك

جاوب وقال الحق ماهو امحجوبي=ومدح السنافي ياعلي كيف يخفاك

ثم قلت له مدح السنافي وجوبي=وعن ربعي الوافين بالمدح جيناك

هم لابتي واقول عنهم وانوبي=يامبارك المنعور لا مانسيناك

نشكرك ياراعي جميل امحسوبي=لزمٍ علينا نشكرك لاعدمناك

صبيٍ سنافي وافيٍ ومحبوبي=والمدح يامبارك سعد دوم يزهاك

ذرب المعاني في جميع الدوربي=دنيا ودينٍ تجتمع في مزاياك

يابو سعد غالب ولا انت امغلوبي=في كل ماقف يارفيقي لقيناك

وبيتٍ سمعته يلبسك لبس ثوبي=(تسلم يمين اللي على الطيب رباك)

واذكر ربوعي يومهم ولعوبي=وقالوا يابن عامر قصيدك مايعصاك

نبغي قصيده وانت منت امغصوبي=ياشاعر الميقاف حنا سألناك

جاوبتهم كلي لكم وابشروبي=لاصك جال ابجال صفق وتصكاك

يازين خوتكم وحنا نجوبي=وكلٍ يقول لصاحبه خف ممشاك

وكم واحدٍ يمشي وراسه امعصوبي=بين المشاعر سعد لأهله ويهناك

ويقول يايمّه معك وافزعوبي=ثم قال ياأختي تهني بمسعاك

ولزوجته طمّن وقال افرحوبي=وارقي سنودٍ دامني جيت وياك

وختامها ياغافرٍ للذنوبي=يارب تقبل حجنا حن طلبناك[/poem]





تركي بن عبدالله السنحاني

عساك على القوة ياتركي








صح الله لسان شاعرها


عز الله جاوبهم يوم سألووووه



ولاهنت وطاب منقولك