من طاووع النفس تشقيه بغرايزها

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ارجوك بعض المشاعر لاتهزهزها=ترى المشاعر تألم عنـد راعيهـا
وترى النفوس العزاز الها حواجزها=وحواجز النفس سترٍ من خوافيهـا
لا تقول لك كلمةٍ تحسبك تحرزهـا=وتطيح لاقمت منها منـت قاويهـا
وان قلت لك كلمةٍ حاول تركزهـا=ولا ترى الصمت خيرٍ من حكاويها
ودعواك لاصار ما تقـدر تنجزهـا=زبن على واحدٍ ساعـه وينهيهـا
ولا تجـود علـى صبـرٍ يعجزهـا=وتجيك في وسط بيتك مـا تناديهـا
وكم واحدٍ حاجتها بالصدر يكنزهـا=من قل من يستمعله يـوم يبديهـا
يخشى من اللي يهمزهـا يلمزهـا=يضحك بعض ناس لاكن ناس يبكيها
وشكواك لابن الردي حذرٍ تعنزهـا=يفضحك وتروح فيها وانت كاميهـا
وعليك تكبـر ولا تقـدر تميزهـا=وتضيع في طوشةٍ تبلـش بتاليهـا
والسالفه يقـدر الواحـد يلفزهـا=ويقدر على ناس من شكله يمشيها
ولاتشغلك حرمةٍ منـت متجوزهـا=تطرد وراها وغيرك يهتنـي فيهـا
ولا يفرحك شوف الارنب لو تنقزها=مادام ما شفتهـا بالنـار شاويهـا
ولاتحسبٍ الذهب بـاي يـد يزهـا=ترى الذهب ما يغير لـون اياديهـا
والنفس حاول بحد اقصى تعززهـا=نفسٍ بلا عزهـا مانـي مداريهـا
والناس لاتقوم بعيونـك تخززهـا=احمد على العافيه واسلك مماشيها
ومن طاوع النفس تشقيه بغرايزها=ومن طاوع العقل يسلم من بلاويها
والمرجله ماتحب اللـي يهاوزهـا=تبي لهـا واحـدٍ دايـم يحاضيهـا
واللي عيونه مع الظلمـا يغمزهـا=ماحدٍ درى عن عيونه لـو يعنيهـا
ونفيستك وانت فانـي لاتغزغزهـا=المقبره بأنتظـارك وانـت ناسيهـا
والناس دورات قادرهـا بعاجزهـا=ماخلق جنه ونـار وزعـوا فيهـا
وناسٍ مع الله وناس ابليس ناغزها=سبحان من ظل ناس وناس هاديها
وناسٍ تعلـت وعلتهـا مراكزهـا=وناسٍ تبي الطيب مير الطيب فاحيها
وناسٍ تحفـز ومعـروفٍ تحفزهـا=وناسٍ تبي من يشيمهـا ويعطيهـا
وناسٍ تلعوز وتسلم من تلعوزهـا=وناسٍ مع اللعوزه تبطـي لياليهـا
وناسٍ تبي نبز ناس وناس تنبزهـا=نابز ومنبوز ليـن المـوت يفنيهـا
وناسٍ عجز رزقها يكمل عوايزهـا=لاهي فقـارا وهـي مالله مغنيهـا
حتى العجايز تبي نـاسٍ تهمزهـا=العافيـه والظنـا ماهـو مكفيهـا
وان قمت اعاند تفاكيري وابارزهـا=صارت حجاوي وانا ماني محجيهـا [/poem]

الشاعر / عبدالله البتال

ارحب يافراس
وصح لسان الشاعر/ عبدالله البتال
واعتقد ان القصيدة ليست من المستطرف
ولكن ننتظر اراء الاخوة الشعراء لإبقائها هنا اونقلها الى المكان المناسب..........تحياتي لك يالغالي.

الغالي فراس المطيري

تحيه تليقك بمقامك وشكرا على ايراد هذه القصيده هنا وشكرا لشاعرها عبدالله البتال ..

هذه القصيده كما ذكر ابو مقبل مكانها الصحيح اهداءات واختيارات وليس المسطرف .

تحياتي

وشكواك لابن الردي حذر ٍ تعنزهـا
يفضحك وتروح فيها وانت كاميهـا
:
:
ولاتحسبٍ الذهب بـاي يـد يبرزهـا
ترى الذهب ما يغير لـون اياديهـا

:
:
:
قصيده معبره جداً لشاعر خاض مضمار التجارب في ماتحوي بمعناها او اخذ العضه من تجارب الأخرين

صح نقلك وشكراً لك ولذائقتك

هلابكم جميعا


مشكورين على المرور


كان خطاء غير مقصوود بالنسبه لقسم الموضوع



تحياتي وتقديري