ماكنك الا قاهر الفرس والروم=تحيةً مقبل ومقفي تحيه

السلام عليكم ورحمة الله وبركاته


قصيده لشاعر المبدع مبارك بن ناصر ال شافي





[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ما للعذر يا صاحب العام ملزوم=لاصارت قلوب الأوادم مطيه
ما للخطى في جعبة الطيب مقسوم=نيه وكانت قبل عامين نيه
الطعنه اللي في الظهر تذبحك دوم=خص ليا صارت قريب ونديه
ياكبرها لاجتك من كف شغموم=طعنة رفيق وبين هذي وذيه
اقسى من الدمعه على خد محروم=وأشد من وطي الجبال العتيه
الصاحب اللي بيننا علوم وعلوم=لاجيت اشيل الخرج في الخرج حيه
عدة سنين وعقبت كنها يوم=وأبر بك بر الخوي بخويه
وافز لك لا اقبلت واطيح واقوم=وامد لك يمنى الغلا شاذليه
ماكنك الا قاهر الفرس والروم=تحيةً مقبل ومقفي تحيه
واثرك حطام انسان خاوي ومهزوم=عري المبادي والشرف والحميه
نقص الرجل ما يستره ثوب وهدوم=لاصرت فاقد شي مالك عطيه
تجددن سلوم واندثرت سلوم=لاعاد به راعي ولابه رعيه
احفاد الرعاة اللي مواكيرها بوم=تطاولت كبر طغى عنجهيه
تسكن قصور وتلبس بشوت وتزوم=وتقول ما مثلي على الأرض زيه
السالفه يعني حسابات ورقوم=معك ميه تسوى ثلاثين ميه
في داخلي طفل من العام مفطوم=يعزف على اضفاف الورق سامريه
صدري احزان ومتاهات وهموم=كنها توصاني وصيه وصيه
الحر مثلي لاجزع يكسر الحوم=للريح صدره والخلا جاذبيه
ولا انت لاظالم ولا انته بمظلوم=خلك على دحديرتك الأوليه
ان جيتني محشوم وان رحت محشوم=عليك مني ولا انا ما عليه
تأبى الحرار من المناقيد وتشوم=من صغرها ولا الحديه حديه
باسي سما وأكتافي قنوف وغيوم=طبيعة من رب كل البريه
واقصر خطا رجلي عن الشوم واللوم=وامد يمنىً عيبها حاتميه
خلاصة الموضوع معطى ومحروم=لله نسجد كل صبح وعشيه[/poem]

ارررررررررررررررحب يابوناصر



وصح لسان شاعرنا الكبير ابوناصر



واتمنى ان ينضم الى النداوي للاستفاده من ابوناصر



تقبل تقديري

الطعنه اللي في الظهر تذبحـك دوم
خص ليـا صـارت قريـب ونديـه
ياكبرها لاجتك مـن كـف شغمـوم
طعنـة رفيـق وبيـن هـذي وذيـه
اقسى من الدمعه على خـد محـروم
وأشد مـن وطـي الجبـال العتيـه




شعر قممممه ..

صح لسان ابو ناصر

وبيض الله وجهك على النقل لهذا الشاعر المختفي ..!!

الطعنه اللي في الظهر تذبحـك دوم
خص ليـا صـارت قريـب ونديـه
ياكبرها لاجتك مـن كـف شغمـوم
طعنـة رفيـق وبيـن هـذي وذيـه
اقسى من الدمعه على خـد محـروم
وأشد مـن وطـي الجبـال العتيـه


صح الله لسان ابو ناصر

وسلمت يمينك على النقل



قصيده قمه الروعه


ابوناصر عزالله انك راعي معروف علينا باتحافنا بكل ماهو جديد لهذا الشاعر

الله الله


لاهنت يا فهد


قصيدة قمة صح لسان قايلها


تحياتي