بني خالد يا بني خالد عز الله انكم تستاهلون

قصيدة مدح واعتزاز بامجاد بني خالد للشاعر المرحوم باذنه تعالى

عبدالله بن سالم بن محمد العويّض الخالدي




قال ابن سالم بدأ في راس مابانـي
رجم ً طويل ً يحود اللاش من دونه

ساعة بديته وشب القلـب نيرانـي
والعين هلت غزير الدمع محزونـه

واليا وطيت المنـازل دار جدانـي
دار العريعر بها الشيبـان مدفونـه

حلت طليله وشرقي عيـن بستانـي
هي كلها ملكنـا واهلـي يذكرونـه

وأمهيض الجاش مني بعد عربانـي
صبرت غصب ً وكن النفس مرهونه

ياطارشي وارتحل من فوق سيداني
وارد جديد ً علـى شفـي يجبونـه

سواقه اللي بسيره مايجـي وانـي
مايغدي الوصف لاجود دركسونـه

يمشي من بلادنـا لابـان فجرانـي
منصاك ربعً(ن) لمكتوبي يفلونه

سلم عليهم عـدد ماهلـت امزانـي
واعداد ماحج بيـت الله يزورونـه

الاد خالد واسمهـم للعـرب بانـي
هذا جوابي وكـل النـاس يدرونـه

يفرح بهم من نصاهم بالوطن عانـي
والبـاب دائـم مبطـل مايصكونـه

ذباحـة الحيـل للظيفـان كرمانـي
سلـم ً لهـم مـن قديـم مايخلونـه

الاد خالـد ابـن قيـس وعدنانـي
مكتوب فـي كـل تاريـخً يفلونـه

حريبهـم ماينـام الليـل سهرانـي
من ذلته في كرى نومـه يهجدونـه

من قصر شامً يحده حلـة اعمانـي
ديرة بني خالـد والمـدح يشـرون

من لابة ً تجعـل الارواح نيشانـي
والعمر في حـل ماجوبـه يبعونـه

والختم صلو عدد ماهلـت امزانـي
واعداد ماحج بيـت الله يزورونـه


قصيدة منقولة للكاتب ابن حميد من منتديات القبائل العربية

كفو ويستاهلون المدح

رحم الله الشاعر عبد الله واموات المسلمين اجمعين

تقبل مروري وتحياتي

رحم الله الشاعر / عبدالله بن سالم العويّض

ونعم بني خالد كفو يستاهلون

لاهنت تركي على النقل

تقديري

ونعم ببني خالد ويستاهلون المدح والثناء ..


والله يرحم الشاعر ويغفر له ..


لاهنت يا تركي على النقـــــــــل ,,


تحيـــــــاتي ؛؛