تمشي وراك الناس وتخلص الناس

هذه قصيده متواظعه مهداه للاخ مطلق ابن فهاد الهاجري لما رآيت من افعاله الطيبه
ومهما كتبت في ابو فهاد من المدح فهو يستاهل اكثر من ذالك وارجو ان تنال اعجابه
واعجاب الاخوة القراْ


يامطلق ابن جديع ياطيب الساس

ابمدحك وانا مابي منك حاجه

باوصفك وانت ولدن كلك احساس


وشقردين جعله فداك الخداجه

لاجا مجالك دايم ترفع الراس

اللي قريب منك ترفع احجاجه

تمشي وراك الناس وتخلص الناس

الليل الاسود حطك الله سراجه

ولك مجلس فيه المناعير جلاس

وراعي النعاج امربحه في نعاجه

وان جاك محتاج تقزيه الاتعاس

المنحرج لاجاك ينسى احرجه

وتحوس خصمك في الدعاوي وينحاس

لو ايتعيوج ماانفعته العواجه

وتونس اللي دورته للتوناس

اللي علاجه ضحك يلقى علاجه

مطلق على اسمه مطلق ن ماله اجناس

ولابعد شفته معكر مزاجه

يعزه اللي شايفن منه نوماس

هوصقر واللي مايعزه دجاجه

يستاهل ابو فهاد

لاهنت يابو ناصر

تحياتي

ولك مجلس فيه المناعير جلاس

وراعي النعاج امربحه في نعاجه

صح لسانك

وقصيده فوق الوصف

ويستاهل الممدوح

سجل اعجابي

يستاهل ابو فهاد

لاهنت يابو ناصر على هذى القصيده

تقبل تحياتى

تحياتي

الاخ ابو ثامر
الاخ ابومحمد
الاخ خويران
لاهنتو والله لايخلي منكم