السيحاني وركان التميمي

اتمنى ان تنال اعجابكم




:
:





السيحاني





ياركبين اكوار حمر ً مـن الجيـش
حمراًعمانيـات هجـن ًحـرايـر
وساع النحور اللى وبرها عكاريش
حيلً لاهن خلفـات ولا عشايـر
اكوارها تزهى جديـد الدناديـش
وعيونهـا جمـرة لهيـب السعايـر
اسرع من الطاير ولو مالها ريـش
ركابها كنـه عـن القـاع طايـر
مادوجت في السوق بين الطواويش
والذود يجلب له ويخـر خسايـر
تنحروا راكان ذخـر المداغيـش
في وسط شقراء بين ذيك العمايـر
نقاض صعب الشعر لو به تباليـش
ويغوص غبات البحـور العسايـر
نقاش ود ولا يجي فيـه تشويـش
نبغى الحلول لخافيـات السرايـر
الحب ياراكان من نعمـة العيـش
وانـا بليـت بحبهـا فالضمايـر
تلت فوادي تل دلـو المعاطيـش
تل الرشا واصبحت ياصاح حايـر
ابوخديدًمثـل بـرق الرشاريـش
برقً يلوح بوسط مـزن البشايـر
وينقش الحنا على الكف تنقيـش
ستير ماياقـف بـروس العوايـر
قفى لطيف الروح ياصاحبي ليـش
وانا على ذكـراه والحـول دايـر
من دونها حطوا حصون وتفاتيـش
وحـراس امـن مراقبيـن بمنايـر
وجنود بالجدران مثـل الخفافيـش
والكل صوبـي بالذخايـر يعايـر
الوضع شفته مير اضنه يبي جيـش
ماهيب لحية جاه شـوخ العشايـر
ان كان عندك حل روح هل الجيش
وان كان مابه حل نستـل ستايـر





وهذا الرد ع القصيده من راكان التميمي






ياراكبين اعمـاس / حمـر /ٍ مشاويـش
ابكار هرش عمـان / يدهـن غتايـر
بتر الفخوذ الجـزل / نحـل المكاريـش
فـج العضـود / مطوعـات الجوايـر
ربد /ٍ خفاف الروس / ضرس ٍ/ مداهيش
الكوع دون الـزور نصـف الفتايـر
اشطورها تزهـى شحـوم الهشاهيـش
وأرقابهـا مـن زان/ حيـص الوبايـر
مـا شدهـا لبّـاس حمـر الطرابيـش
ولا دارهـا سـوّام ضيـق الدوايـر
إن اربعت فوق السهل دكـت الحيـش
وإن درهمـت بحيـود تشعـب قوايـر
من سرعها تقلب رضمهـا قشاشيـش
تسبق لدود العيـن والشـوف سايـر
من فوقها ذيـاب ٍ نشامـا بطاطيـش
تسكن علـو الأرض ماهـي حدايـر
شدوها يـمّ عتيبـي ٍٍ نسـل أشاويـش
اللـي بيدهـم ينطفـي كـل ثـايـر
ذباحـة الحايـل وضـوح المغاشيـش
لطامـة العايـل جبـيـرة كسـايـر
قولوا له إن الـرد مـن دون تهميـش
أبشـر بعـز ٍ لـك نـروم النـدايـر
تميم تسري لك بهـا الحلـم والطيـش
وإن عاش رأسـي ماتـذوق الحسايـر
إن كانهـا بالمـال حتـى البخاشيـش
وإن كانهـا غصـب التميمـي عزايـر
حتيش لـو قدامنـا جيـوش حتيـش
حنا هـل العركـه نـدوس البطايـر
حتيش لـو سقنـا ذهبهـا زراكيـش
حنا هـل المـدّه بنـا البخـل ذايـر
أنا أدري إن الحـب يجلـب تناويـش
يدخل رخاوي القلـب ويغيـر جايـر
ينحـل بجسمـك مايخلّـي عراميـش
والهـم تلـو الهـم للـرأس زايــر
والله لـو القلـب يحرسـه شاويـش
امسامـر المجـروح للنجـم صـايـر
مافرّق شيوخ الوغـى عـن دراويـش
ولا فرّق اصغار العمـر عـن ختايـر
بس إن بعض الحـب مثـل النواتيـش
ناتوش يرمـي قفـش وناتـوش غايـر
الحـل جـاك ونجهـل أثمانهـا بيـش
دامـك زهمتـا للتميمـي وشـايـر

شكرا ياجروح


هذي مكانها عيون الشعر


فعلاً أنتي نحلة المنتدى تطوف بأرجائه وتنتج عسل


تحياتي

شكرا لك

المشرف بينقلها