مرثية في محمد بن علي الحويله العرجاني رحمة الله عليه

السلام عليكم ورحمة الله وبركاتة

هذه قصيده للشاعر / محمد بن سالم ال مشعاب المري

مرثية في صاحبه المغفور له انشاءالله / محمد ابن علي ابن مناع الحويله ال قنيبر العرجاني

واقدم التعازي لاخونا الشاعر/ محمد بن راشد الحويله


تقدم الله الفقيد بواسع رحمته وادخله فسيح جناته واللهم اهله وذويه بالصبر والسلوان.....




[poem=font="Simplified Arabic,6,#1200FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يالله يارب البشر عالم الغيب=اغفر لعبدك كل ذنب وخطيه
محمد حويله عطيب المضاريب=طلق الحجاج اللي يمينه سخيه
مرحوم ياعز الخوي ماكر الطيب=مرحوم ياصبي ٍ قليل ٍ حليه
مرحوم ياحر ٍ تعلى المراقيب=صيده جزيل ولايجيب الرديه
قنيبري مافيه شكه ولاريب=من ال عرجا طيبين السجيه
صبيان يام اللي تروي المغاليب=اللي على العدوان نار ٍ لظيه
اهل السيوف المرهفات المحاديب=واهل العوايد والبيوت الذريه
تفرح بهم عند اللقا شمخ النيب=تفتكها بالرمح والبندقيه
سقم العدا ستر البنات الرعابيب=اللي من عداهم غزاهم سريه
ماقول في كل القبايل عذاريب=يستاهلون المدح في كل هيه
ابن حويله غير كل الاصاحيب=رفقته عز ومكسب ومعنويه
ماعاد به مثله شباب ٍ ولا شيب=حي ٍ بقلبي لو دفن ماعليه
اخلاق واسلوب وحفاوه وترحيب=وخبير في سلم الرجال وبليه
يذبح ويسلخ مايحسب المحاسيب=ذبايحه مابين شاه ومطيه
سوالفه تشفي الكبود المصاويب=مثل سواليف العرب الاوليه
وإن رحت منه مايحش العراقيب=وافي وظافر بالعلوم الوفيه
انقدره ويقدرونه الاجانيب=وياقف معك لمن بغيت الحميه
جمع كرم حاتم مع صطوة كليب=والله عطاه العقل والقابليه
في خوته تضعف عزوم الاشانيب=ويضّعف عزوم اللي عزومه قويه
واللي لهم ورى محمد مطاليب=انا نيابه عنه وانا سميه
مجرب ٍ ماهو محتاج تجريب=خذيت انا وياه روحه وجيه
خوة رجالاً ماتخاوُ على العيب=على الشحم والطيب والشاذليه
ابوه ابو مناع راعى التجاريب=جابه وجاب اخوانه الصيرميه
ابو علي خلف صبي كنه الذيب=عساه مع دربه يحث المطيه
ويحفظ شروط الدين حكمه وترتيب=ويدعى لبوه بكل صبح وعشيه
دعيت له من كل قلبه ولانيب=مترجي ٍ سمعه ولا ابغي عطيه
مدحه علي ماجوب ضمن المواجيب=ولاخير في رجلاً نسى من خويه
صلو على اللي باعثه عالم الغيب=محمد الهادي شفيع البريه[/poem]

احسن الله عزاك يابوراشد

وبيض الله وجهك

يامشعل على القصيده

واللهم الهم اهله الصبر والسلوان

مشعل


رحم الله اموات المسلمين

واحسن الله عزاء اهله فيه ونخص اخونا محمد بن راشد


ولاهنت على هذا النقل


مشهوووور...

مشعل بن عنان الله لايهينك على النقل



وصح الله لسان ابن مشعاب




وعظم الله اجركم يا آل حويله واخص ابوراشد وعسى الله يلهمكم الصبر والسلوان ويرحم فقيدكم ويغفر له



تقديري للجميع

الله يصح السان ابن مشعاب وبيض الله وجه


واحسن الله عزاك اخي محمد بن حويله وجعله الله في جنات النعيم واغفرله


وندعو من الله القدير ان الايريك مكروه وهذااا اخر الاحزان


مشعل الله يبيض وجهك ويرحم والديك على النقل الطيب والاترى مكروه انشالله والسمعين


الله اغفرله وارحمه وحشره يوم القيامه معى الفايزين يارب العالمين


الاهنت اخوى ابوهادي مره ثانيه


-