Tweet
الشاعر
محمد بن سياف الصاري الأكلبي... شاعر علم
رغم بعد الاعلام والحقيقه اني اطلعت على بعض قصائده
واعجبت بها غاية الاعجاب واليكم هذه الدره في نظري وفي رائي المتواضع...
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا يوم اقول الشعر واتعب على قافه=لجل يعجب السامع ويطرب له القاري
اطمع في جزيل القول واعرض عن اضعافه=واعزز جويد الساس قبل ابني اجداري
يجي وسط سوقه تنقل اثقاله اخفافه=مع العلم ماني بايع به ولاشاري
تصفية الذهب من صايغه قبل صرافه=والافكار بنك فيه درهم وديناري
ابغى البيت لامسند علي عند عرافه=ولاصار لي في مجلس اهل الوفا طاري
يجذبهم بصيغة وزنه ونظم محرافه=ويرجع تايه الطاروق مع دربي أجباري
وكل على طول انضره يركز اهدافه=وعند الرمي يعرف وقعها هطف واسواري
وكل محزمه تنقل معاليقه اكتافه=شداد ورديف وثالث اصل ومباري
كما قال راعي مدة الرجل ولحافه=ولاينبكي للي وخذ عقب لنذاري
عط الحق من نفسك ومن اغيرك استافه=ويعرف بو علوم اكبار وافعوله اصغاري
نعرفه بوسمه لدرج السير حذافه=يرضى بالقصور وتكشفه حكمة الباري
لامن الجمل لحقت على الدفه اضلافه=على غير اهلها ينزل الطن قنطاري
واليوم البشوت اطوال والسيف باغلافه=ولانيب رب امدور الستر مالعاري
ولا اللي لبس له ثوب جيبه من اخلافه=لو ينشق للعرقوب ماهوب له داري
لو جا من يقطع زرته راح ما شافه=عسى جيب ثوب مامنه ستر بالفاري
باب مايذري قل لمن يفتحه جافه=لاصار يكشف داخله شبح الأنضاري
عسى اللي شديد بطشها تنسف اطرافه=لاكان ارتفاعه فالسما عشرة ادواري
اقوله وانا اللي مايخاف الله اخافه=بو وجهين مادله على مخزن اسراري
لو قدم لي الخدمه وكامل تلطافه=اعرف ان يديه الحلقي اقرب من ازراري
جسمه ظخم وان هزيته الين من السافه=اشكال مثل وصف الطفاريش والناري
صيده سهل كثر وكثرته مصدر اتلافه=وانا لا بغيت اصيد باطب واختاري
لاكن اتعيب صيدة ال*** والتافه=الا ان كان شفت انه على العمد متجاري
فله مني اني لهجره واثني اكتافه=واهينه واخرب سمعته بين لقطاري
جزا اللي على الماء مايسقيه مغرافه=وانا له على هداج مارد ومصداري
تم القول والمشرف على نفسه اشرافه=وان قالو من القايل قل محمد الصاري
وصلاتي عدد من حج بيت الله وطافه=على خير من باب السما فتح له ساري
***
الشاعر
محمد بن سياف الصاري الأكلبي[/poem]
تعليق