فكاهياااات .. سعود القت .

العنوسه

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
العنوسة مشكلة عظما تهدد مجتمعنا = حزت بصدري بدايتها ولدري شاخرتها
انتشر فالمجتمع داها بعد انا شبعنا = يوم وقت الجد والهمه مانسمع طاريتها
مير عم الامن والنعمة وفي داها وقعنا = مشكله وشكبرها محدٍ درا عن مشكلتها
لالمحنا جادلٍ تمشي بها ذبنا ومعنا = ما نجنب عن خطاها لين تتفل عافيتها
كل شاب مجهزٍ رقمه ويتزايد طمعنا = وياسعادتنا ليا لفت ودارت برقبتها
ان مشت معها ولامن ديورت معها رجعنا = نجتول من حولها وعيونٌا تتبع جهتها
ما نخاف الا المطوع لا وصل زود هلعنا = ورحنا قطعانٍ هجيجٍ ماتشوف الا غبرتها
منهج الاجداد كبيناه وضيعنا سنعنا = ياعسانا ندرك اهميته في تاليتها
همنا هو المرتب لين اهلكناها وضعنا = والعروسه في وظيفتها ولاهي تاركتها
ولاعلينا من مصلحتها ومعمينا طمعنا = ينقطع عنا مرتبها ليا جاها بختها
والتعدد مانبيه ولدري ويش اللي صقعنا = الرجل ماوده بثنتين والحرمه لقتها
وان خطبنا ثانيه فالثانيه ماهي بمعنا = لالقت قدامها وحده ماتقضى لازمتها
ولو توافق زودو في مهرها لين انهزعنا = كننا شجره سموم القيض هبت ولفحتها
امها تركي علينا وحنا للامر استمعنا = وان نسا ابوها لحاجه والدتها مانستها
ياشفاحة وجهاٌ لكننا فيها طبعنا = ليتها لامنها طاشت تناظر منظرتها
جيب ذي وجيب ذي وكل ماجينا فزعنا = جيزةٍ فيها شقا والله يعلم ببركتها
محدٍ رايف بحالتنا ولو انا جزعنا = مير من يملك جوابٍ للعنوسه شاخرتها[/poem]


سعود ونجاح المساعيد


[poem=font="Simplified Arabic,7,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يالله تجنبني طريق المناقيد = لو الهوى غيّه بدلوه مقسني
ولا ياقصيدي نعنبو هالعماريد = افزع ترى حب الغضي مفترسني
سمعتها تقصد ضمن هالقواصيد = وسهم الهوى خج الضلوع ولمسني
احمالي الميسم مرار وتراديد = واركا عليّه لين فرت وحمسني
وغديت بسكوتٍ بفم راضع الديد =حطتني امه له بشاهي مرسني
والا كما سبحه على كف صنديد = وليا زعل عوّد علي وفرسني
لا يالهنوفه يا نجاح المساعيد = غلاك في كبدي بكوعه لهسني
وارسل على قلبي قفوش وعباريد = عبرود يخطيني والاخر ندسني
امسك لحافي والتحف فيه واهيد = ولهدت طيفك في لحافي دمسني
جبتي بي الاعياد عيدٍ بعد عيد = جاير هواك بوسط كاسه مرسني
كلٍ معه خله بفرح وتغاريد = وانا على طية عدودك ومسني
واحظي اللي ما جلب ليه الفيد = لا نعت ديّور ثم لف وعكسني[/poem]


الديان والمسجد


[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
صليت لي في مسجدٍ ليـل الاثنيـن = وليـا حـدا ديانتـي قـدم عينـي
ودخلت مسرع في صفوف المصلين = خشعت لا يسره ولا انظـر يمينـي
واقصر على صوتي ليا قالو آميـن = من خوف لا يسمع لصوتي يجينـي
وسلمت فالتسليـم برماشـة العيـن = فـي ثانيـه خلصّـت تسليمتينـي
وسبحنت باكثر من ثـلاث وثلاثيـن = وجلست حتـى راحـو المسلمينـي
وطلعت وانا عينـي يسـار ويميـن = وليـا البليـه واقـفٍ يحتريـنـي
وزرقني بصدري وانا اقـول بعديـن = اصبر عليّه ليـن وضعـي يزينـي
وعند المساجد رافعـات المواذيـن = ماهـو بحـق يقـال متهاوشينـي
قال انت باير مير خلّص وهالحيـن = ولا فيـه فكـه قاضبتلـك يديـنـي
وضغط وقمت اغيب وافيق في حين = وانا نحيف وهـو جسمـه متينـي
قلت اله تكفى طالبك بـس يوميـن = مطلوب تمهلنـي يبـا الله يعينـي
وجانا الامام وحال بين الخصيميـن = وتليت عمري مـن يدينـه بحينـي
وفريت هارب عن صعوط المجانيـن = متبحلقـه عينـي وتومـي يدينـي
وليا هل الحاره يشوفـون بالعيـن = وتقامـزو مـع ساقتـي مقتفينـي
معي لا رحت يسار اورايـه يميـن = وهو بولهـم غـادن لـه رطينـي
ونجيت وجاني خوف من يوم الاثنين = لاحـل ليلـه قلـت يمكـن يجينـي [/poem]


مشكلة الاجار

[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]
كل واحد يبتدي المشوار مجهولٍ مصيره = ولا يعلم السر غير إلاهنا رب الأنامي
وابتديت اول حياتي مثل من يبدا مسيره = أمشي مع الضرف قبله وامشي مع الضرف شامي
والكبيره في عيون الناس في عيني صغيره = قو باسٍ مثل صلفين البشر مدري علامي
كنت اظن ان الرجل عقله دلولاه ونظيره = مير ما صارت حسب ظني على الدنيا السلامي
الليالي من صغر سني وهي صلفه عسيره = ملطفت بي مشقيتني نطحتني للمظامي
كارب حزامي واحسب في شباحي والذخيره = والليالي ترخي المشدود وانا اكرب حزامي
ابتديت اصارع الدنيا وهقواتي كبيره = قلت اسم جدي ما ينزل بي مع صغار الأسامي
واحلم ابيتٍ ينومسني مع رجال العشيره = وكل من سيّر كسبت بخاطره جل احترامي
والرجل لاصار يخشى الذم ويحب الستيره = يبتغي يمناً طويله مع رفيعين المقامي
مير لفت بي ضروفٍ كنها اسلاك الضفيره = اخلفتني غصب عني واقصرتني عن مرامي
قلت ادوّر بيت واسكن به ولو يمت غبيره = او آخذ لي قرض واملك بيت لو بم الحمامي
وكبرت اللقمه ويمنا الجود للطيّب قصيره = ورحت انا والفقر يوميا خصاماً في خصامي
قلت ابشري لي رقه لو كانت فأي ديره = وابقدمها مثل غيري لكن الموج زامي
التراب اغلوه اهله وصارت الرقه سعيره = صار سعر الارض باهض اكثر من مهر المدامي
والشقق غليّت وطارت من سبب عمي البصيره = ارفَعو سعر الأيجار بلا رقيب ولا نظامي
الاراضي فاضيه واوضاعنا عسره خطيره = اسمحو في كل حي يصير موقع للخيامي
جيت في مكتب عقار وخذت لي شقه صغيره = مجلس وغرفه ومطبخ جنبه اصويلة طعامي
لا رقدت الليل عايلتي نواظرهم سهيره = المحل صغير ما يسمح لحد عندي ينامي
يسهرون بجانبي سوات من يحرس بعيره = ويرقدون بغرفتي لامن روحّت لدوامي
يابو متعب ياملكنا راعي اليمنا الشطيره = نار حمرا فالسكن فزعتك يالحر القطامي
شاعرٍ يشرح ضروف الشعب بحميا وغيره = ما يقول إلا الصحيح ولا على مثله ملامي
ياطويل العمر اخذ قولي بلا شكٍ وحيره = عاقل وقولي يدل التايهين مع الظلامي [/poem]



حقيقه أعجبتني وحبيت أهديها لكم .


وللـــه درك ياسعود حقيقه شاعر قصائده هادفه وذات معنى وقريبه جداً من هموم المجتمع ومعالجة مشاكله .

الله يرعاكم

وسبحنت باكثر من ثلاث وثلاثيـن
وجلست حتـى راحـو المسلمينـي
وطلعت وانا عينـي يسـار ويميـن
وليـا البليـه واقـفٍ يحتريـنـي
وزرقني بصدري وانا اقول بعديـن
اصبر عليّه ليـن وضعـي يزينـي


هههههههههههههههههه

سمعتها من سعود في ملتقى النداوي وما أضفا عليها الجمل والفكاهه هو إلقاءه لها

عبدالله بن شايع


بيض الله وجهك نقل راائع وصح لسان شاعرها

حقيقة قصائد طريفة ولكنها هادفة وواقعية


لله دركما

بيض الله وجهك يابو شايع على الاختيار الطيب
والحقيقة أبو عمر شاعر خط له مسار خاص متميز
صب الواقيعة في قالب فكاهي
صح الله لسانك سعوود

ولاهنتوااااااااا


دمت برعاية الله وحفظة

اررررررررررحب يابوشايع



والله لايهينك على النقل والاختيار الطيب ولايهون الحاضر




وصح الله لسان الشاعر سعود القت ملايييييييييييييين




لكم تحياتي

لاهنت يابن شايع على النقل


والله عليك ياسعود القت قصائد تعالج قضايا بكل عفويه


والله يفكنا من ديان المسجد

حمدود


وجهك ابيض


وشكراً على مرورك وتعليقك



الله يرعاك

مناور بن هاجد



وجهك ابيض ياغالي وشكراً على مرورك الكريم



الله يرعاك