الحاضر الغائب متعب التركي

الشاعر متعب التركي

شاعر استطاع بجداره طرق قلوب الناس وتوصيل همس الحروف الى كل متذوقي الشعر .
متعب ابدع في سلاسة الاسلوب ووضوح المغزى وانتقاء الكلمات .
شاعر تناقلت وسائل الاعلام قصائده فحفظ الناس ابياته عن ظهر قلب


لانها صادقه ؛ مؤلمه ؛ نقيه - واضحه ؛ مترجمه لمعاناتهم ؛ باختصار شديد لانها نابعة من القلب




ابتعد متعب عن الساحه الشعريه بكل مافيها وتركها تموج بالمستشعرين ومنافقينهم

متعب كان قدومه مثل الصاعقة على مستشعرين فترته


متعب التركي شاعر لم يلاحق فلاشات الصحافه في مسيرته الشعريه
ولم يكتب قصائده لهدف النشر بل لترجمة الاحاسيس والمشاعر
متعب معلم التربيه الاسلاميه الان في حفر الباطن.
ولا يسعني هنا بصفتي احد متابعي هذا الشاعر واحد جمهوره
الا ان اقول الله يسعدك في دنياك واخرتك.
فقد ابدعت يامتعب بكل ماتحمله الكلمه في قصائدك
والتي وصلتنا مدويه ؛ ملتهبه؛ نازفه؛ جميله ورائعه ايضا



سوف نجد هنا قليل من ما تقدم ذلك الشاعر




متعب التركي



يقال إن هذه القصيدة هي اللتي كان لها الاثر على ابتعاد متعب عن الساحة الشعرية ولتزامه نسأل الله لنا وله التوفيق



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

الموت هيـن والبـلا وش ورا المـوت =عند الحسـاب .. يهـون سهـم المنايـا
باكر نموت و تصبـح قبورنـا بيـوت =وعقـب القصـور بضيقـات الزوايـا
في جوف الارض وكل من حولك سكوت =وتعاقبـن بالقـبـر عــوج الحنـايـا
يارب يا منجـي نبيـك مـن الحـوت =سترك وعفـوك يـوم كشـف الخفايـا
باكر إلى جينـا علـى داعـي الصـوت =شيبـان واطفـال وشبـاب وصبـايـا
ندعـي وحنـا بيـن باكـي ومبهـوت =ورحنـا لهـا ننقـاد مـثـل السبـايـا
يـا رب تهدينـي قبـل لحظـة الفـوت =وتغفـر ذنوبـي يـا كريـم العطـايـا
اشكيك هـم ٍ داخـل الصـدر مكبـوت =وايامـي الـلـي بالخطـايـا مـلايـا
ان لاذ بك من كـان طايـع و مبخـوت =فـي مـن يلـوذ المرتكـب للخطايـا ؟
يا رب يا قـادر علـى كـل طاغـوت =لا ياقـف اللـي وحـدوا بـك خزايـا
رحماك لا منـا صحينـا مـن المـوت =وإلى وقفنـا عنـد بـابـك عـرايـا[/poem]




أيضا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


البارحه مدري وش اللـي خذانـي =يوم اجنبو عني من الضيقه اشملـت
جيـت اتكلـم بـس عيـا لسانـي =ماكني الا مرتكب ذنـب واخملـت
الله يسامح مـن ذكـرت ونسانـي =وانا ادري انـي لاذكرتـه تجملـت
عانيت وادري كـل طيـب يعانـي = وعلى حساب طعوني الخضر جاملت
ياما خـذو منـي ولاحـدٍ عطانـي = من طيبتي في حق نفسـي تساهلـت
عـزاي لامنـه تجهـم زمـانـي = يممـت وجهـي للكريـم وتوسلـت
واللي يبي قربـي وبعـدي لقانـي =امشي على وضح النقـا ماتختلـت
مرات احس انك معي شخص ثانـي =ومرات احس انك حبيبي ومازلـت
لاتفرح انك دجـت بيـن المحانـي =لـو ماتخـون الذاكـره ماتسللـت
عشان ماضيك الجميـل وعشانـي = حاول تشيل من الوفاء ربع ماشلـت [/poem]



وهنالك

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

قالوا حبيبك يسمع الشعر قلـت إيـه = يقـراه بعيونـي قـبـل تسمعـونـه
لولاه حتـى طـاري الشعـر مابيـه = ميراكتبه من شـان خاطـر عيونـه
هو روح شعري وامنياته وماضيـه =جذع الشجر وش كان لولا اغصونه
اكتب لغيره والقصايـد تجـي فيـه =كـن القصايـد حالفـه ماتخـونـه
هذاك لامنـه زعـل قمـت اهاديـه = حتى وهو مخطـي تعـذرت دونـه
يمكن لوانه يلمـس الجـرح بيديـه =يستغرب ان اللـي لمسهـا طعونـه
ابطى وهو غايب وزلـت حراويـه = وأنا مـن العـام اتحـرى مزونـه
هومادرى اني فـي غيابـه محاتيـه = ليته نشّدعـن حالـي اللـي تجونـه
وقلبي اللـي تـوه افلـت عراويـه =كيف انسرق وظلوع صدري حصونه
عجـزت ارده كـن مانـي براعيـه = يوم انتثر شوقه وهاضـت اشجونـه
يبسن عروقـه لكـن اللـي يعزيـه =ان اكثـر العالـم تــردد لحـونـه
خافوا مـن الله لاتجيبـون طاريـه =لاصرت انـا موجـود لاتذكرونـه
لـو كـل غالـي جابـه الله لغاليـه =ماشفت لك مخلـوق تبكـي عيونـه [/poem]



ايضا
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


توديع الاحباب مثل الموت له سكره =ادمي جروحي وشق الصدر منيـا
والقلب طيرن ظلوع الادمي وكره =لاشاقـه الطلـع لاسلـم ولاحيـا
مصير الاحزان تنسانـي وتفتكـره = ماكل الايام بيض وسمحة محيـا
قل غيرها منت لامجبر ولا مكره = لاصار ماهو غلا مابيلـك احميـا
لوفي يدي شي ماقلت الوعد بكـره = حزمت حدب الظلوع وقلتلك هيا
لوكل غالي تجي دايم علي ذكـره =ماصرت اشوفك هناك وحبك هنيا
ياليتني لابغيت اكره قدرت اكـره = ماكان قلبي إلى جيت اكرهك عيـا
مادامك معيف رح لكن علي فكره = ماقلتلي ليه دمعك سال منيا[/poem]



ايضا
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


دليل المحبه شوف عيني عليك تغـار = ولاودي الحاسـد عيونـك يطالعهـا
مع إنك رحلت بعيدلكن بقى التذكـار = لياشافتـه عينـي تسابـق مدامعهـا
دفنت الغرام بخافقي والقلوب أسـرار =مشاعرهقيـت إن الليالـي تضيعهـا
فرحت برجوعك ماطلبت لخطاك اعذار =ونفسي نست ماقد جرى من تواضعهـا
تهادت مشاعرخاطري لك بلامعيـار =تجاهلتهـا لوكنـت خابر دوافعـهـا
يقولون جنّب درب مالك معه معبـار =يلومون نفسٍ بعدالاحبـاب موجعهـا
يقولونها قبلـي يخـون البحربحّـار =والآمواج لاهاجت خذت ماتبي معهـا
تكاثرت منك الصد وأثرالعلوم كبـار =لقيتك على نفسـي تقلّـب مواجعهـا
اقوله وأنا اللي شفت ذاك الغلاينهـار = يشوف الندم رجّال نفسـه يطاوعهـا
مثل ماضرب جّوٍ خلاغادي محتـار =يدّوج ورجله مـادرى ويـن موقعهـا
تعرض سموم القيظ والدارمامن دار =هليك وشعربالموت روحه ينازعهـا
جحدت الغلا لين امتلا بالخفوق وثار =قصايد عساها اليوم تطرق مسامعهـا
غرامك مثل نارٍ حطبها الغلا والنـار =تموت وغلاك اللـي بقلبـي يولعهـا
غلاك بضميري واضحٍ ماعليه غبار =تشيل الغلا نفسـي وأناعاجزامنعهـا
يقولون ماودعّك : قلت الفراق وصار = والإنسان روحه تنسلـب مايودعهـا
هذيك الليالي ويـن أثرالزمـن دوار =خذاهـا ولاظنـي زمانـي يرجعهـا
طوتها السنين ولابقالي سوى التذكـار =لياشافتـه عينـي تسابـق مدامعهـا[/poem]



ايضا
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


ماقلت لي شـي وش خليـت ماقلتـه؟ =اسكت وخل الكلام لجرحـي الدامـي
لوغيـرك اللـي يسولـف ماتحملتـه =لكن على شان عينك هانـت ألآمـي
للحـب مفهـوم عمـرك ماتخيلـتـه =ماظن يستوعبـه تفكيـرك السامـي
هذا الفراق الطويـل وهـذي أسئلتـه =هذا حصاد السنيـن وهـذي أيامـي
ياما ويامـا عليـك البـال طولتـه = والعمرعدى وأنا عايش على أوهامي
حتى طريق الفـراق اللـي تساهلتـه =لقيته أصعب على نفسي من أقدامـي
اصبرلـي شـوي لودمـي تثاقلـتـه =بحاول أستوعب اللي صـار قدامـي
الحب ضحكة بعينـك بـس ماطلتـه =عمرك بهالكون شفت أبسط من احلامي
القلب لوماخفق لـك كـان ماشلتـه =ولوماأنت ملهم قصيدي جفت أقلامي
هـذا قصيـدي بعينـك لوتجاهلتـه = ينزف على شأن يروي قلبك الضامي
العـام طـاري غيابـك ماتقبلـتـه =واليوم حرماني أصبح مصدر إلهامي
لاتعتذرلـي وابنسـى كـل ماقلتـه =وش ينفع العذر لامن ضاعت أيامـي[/poem]



ايضا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


ضايق البال مايستانـس لحالـه =وإنت لاغبت عني كني لحالـي
جتك الأشواق رجليّـه وخيالـه =غيرالاول تحمل شوقي التالـي
ليت من قال متعب خابت أمالـه =شاف بعيونك الخدرات منزالـي
واحدن فيك ماهومنشغـل بالـه =اشهد انـه بهالدنيـا هوالسالـي
راوي العود يزهالك وتزهالـه =عاد من يقدر يلومـه ليامالـي
صاحبي والقصايد فيك مختالـه =وأنت لك حق فيهن يوم تختالـي
دام نفسك لحب الشعـر ميالـه =ليه ماصير شاعر وأنت في بالي
من تمناك لاتنشد عـن احوالـه =عقب العسل كيف يستطعم الحالي
عقبك النفس مذعورة ومهتالـه =سود الايام هزت برجي العالـي
لكن القلب من يمك على حالـه =في تناسيك ليه اكذب على حالي
قلت لك نعمة النسيـان زوالـه =ذكراياتك بعضها قـام يبرالـي
كل مامرني طيفك علـى فالـه =قلت يامرحبا في ريحة الغالـي
شلت همك وهمي ماحـدن شالـه =كن قلبك غدى ياصاحبي خالـي
ابتعدنا وكلـن راح فـي حالـه =بين هالناس لكن كنـي لحالـي [/poem]



ايضا
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


هب الهوى غرب واجتاح الضلوع وشعرت = إن الليالـي الجميلـة هــب نسناسـهـا
مدري كبـر حلمنـا ولابعينـي كبـرت =والاهي اوهـام ودي يصـدق إحساسهـا
تنسانـي أيـام وتجينـي متـى ماذكـرت =اليامتى وانـت روحـي حابـس انفاسهـا
كنت أجمل احلام عمري بس ليه انكسرت = يـازيـن الاحــلام لوماينكسرباسـهـا
بيديك مديت لي كـاس المحبـه وصـرت = أنا اول اللي يـذوق المـر مـن كاسهـا
من يومها وانت قدام عينـي ولوماظهـرت = دايـم وعينـي تشوفـك بيـن جلاسهـا
قدرت ولا على نفسـي معـك ماقـدرت =لازاد عنهـا غيـابـك زاد وسواسـهـا
لوشفت حال الورق والشعرعقبك عـذرت =اللي حرق صفحـة الماضـي وكراسهـا
ماكنت اصدق يجي يـوم ابتسـم لانظـرت =أطلال ركـب الليالـي مـر .. ماداسهـا
والاأنت لوقلت لي نادم وجيـت اعتـذرت =كان اجمل ابيات شعري ينحنـي راسهـا
مافيه داعي توصينـي تـراي اعتبـرت =فرقاك ذكرى وشعـري علـق اجراسهـا
يكفيني البارح إني فـي عيونـك سهـرت =وقفـت بيـن العيـون السـود وانعاسهـا
إن رحت ماأنت اول اللي راح ولا حضرت =قلـت الليـال الجميلـه هـب نسناسـهـا [/poem]



ايضا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

يوم طاب السهر عيت تطيب النفوس = جت من الله وانا كم كنت محتاجها

كنها من حلاها كل ليله عروس = خايفه من عيون الناس واحراجها

حي هالطول يا زولٍ عساه محروس = من عبث لوعة الايام وازعاجها

تزعل نفوس ولا تمتلي غيض روس = من يقرب لها وضلوعي سياجها

لي متى وانت يا شوق القلوب محبوس = طالت السالفه وابطيت بعلاجها

جعل قلبن على نار الغياب محموس = يحترق بين صاليها ووهاجها

من خبر له غلا بين الضلوع مغروس = غرسةٍ كل ابو شعري من انتاجها

لا تقرب لك الفرقا هذيك الهجوس = من متى والبحور تفارق امواجها

لازم اصبر على وجه الزمان العبوس = لين سود الليالي يضحك احجاجها

من بغى يقطع الفرجه يعاف الجلوس = لين ياصل نهايتها ومخراجها

كان شعري قصر ما طال شمس الشموس = تستريح القصايد داخل ادراجها[/poem]



ايضا


إلى التكملة لأن المتصفح لا يحتمل

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

قبل اسافر وتنسى جيـت اسلـم عليـك = جيت ابي عمري اللي من يديني غـدى

ضاعت اجمل سنيني من عمايل يديـك = اكذب ان قلت راحت لاجل عينك فـدى

فرصة العمر قالوا لا غدت مـا تجيـك = جتني اكثر فرص عمري وضاعت سدى

جرب الخوف مره حـس بـه يعتليـك = وارفع الصوت ماتسمع لصوتك صـدى

تدري اللي ذبحنـي قولتـك مـا ابيـك = مابقالـي لثـاري لـو بغيتـه مــدى

ما هقيـت المشاعـر كلهـا ترتجيـك = قل لها بالمفـارق منهـو اللـي بـدى

هاك دمعة عيـون(ن) باكيـه تشتكيـك = هاك ريح ضمير(ن)ما استراح وهـدى

ما تناظر عيونـي زول هـذي وذيـك = ما يهز المسامـع اسـم ريـم وهـدى

قلت ماعادلي رغبـة وشوفـات فيـك = قلت يا نفس طيبـي يفرحـون العـدى

قلت عايف ونفسـي بالخفـا تشتهيـك = عزة النفـس تـدري طيـب مـا هي ردى

خل عينك تهـل دموعهـا وش عليـك = انت خدك ورود ودمـع عينـك نـدى[/poem]




ايضا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

يا وسيع البـال .. ضيقـت الصـدور = رحت ما علمتني وين انـت سـاري؟


في غيابك.. مـا لخلـق الله حضـور = وفي حضورك.. ما لهم بالبال طـاري

ليـه مـا تختـال يـا بـدر البـدور = و القصايد لك وصيفـات و جـواري

لـك بنـات الفكـر ربـات الخـدور = يكشفن الثامهـن.. و الجـرح عـاري

جعل قلب مـا مـلاه الصـدق نـور = عند وجه اريح.. مـا يلقـى مـزاري

التغاضـي عجـز لا طـال القصـور = ليه أداري؟.. و انت عني منت داري؟؟

الزمـان قصيـر .. والدنيـا تــدور = كل يوم يضيـق فـي عينـي مـداري

صاحبي محتاج لـك شعـر و شعـور = و إحتياجي شي.. ما كـان إختيـاري

من متى و الغصـن يختـار الطيـور = من متى و البـال يختـار الطـواري؟

لا تسمي صمتـي البـارح .. غـرور = إنكساري خلف هالصمـت امتـواري

في غياب الشمس وش ذنـب الزهـور = و المطر لا شح وش ذنب الصحـاري؟

اللقـا لحظـات و الغيـبـه شـهـور = تقصر الخطوات و يطـول انتظـاري

لو قريـت المنكتـب بيـن السطـور = ما كتبـت لغلطـة العمـر اعتـذاري

صمت هالمينا.. مثل صمـت القبـور = ما رسى مركب.. ولا لاحت صواري[/poem]


ايضا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


كل حاجه طعمها مر فـي هـذا الزمـان = هـم هالدنيـا و حنٌـا نعيـش لهمـهـا


المكان اللي عرفنـاه مـا عـاد المكـان = و القلوب.. أحداث الأيـام زادت غمهـا

صاحبي حتى أنت ما عاد تستاهل حنـان = أنت بعثـرت المشاويـر و انـت تلمهـا

البكا في مثل هالحال نوع مـن الهـوان = و المهونـه كـل رجـال حـر يذمهـا

صاحبي.. لو كان للناس و الدنيـا أمـان = ما تموت ورود الأحـلام قبـل نشمهـا

خل عنك علوم الأحباب .. واللـي كـان = انتهت..ياسيـرة الشـوق مانـي يمهـا

كلما تظما لياليـك قمـت اكتـب عشـان = تنزف جروحي و الأيـام تشـرب دمهـا

الكلام الموحش يخـاف نـور الشمعـدان = تحترق أسمـى معانيـه قبـل يضمهـا

من زمان أكتب على شان تقرا.. من زمان = بس ما شفت المكاتيب جابـت همهـا[/poem]




ايضا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]


ذكراك لاهبت يجي عطرهـا صلـف = واستنشقه بالصـدر مثـل الخزامـى

إي والله إن غيابهامكـلـف كـلـف = إي والله ان عـروق قلبـي تـوامـى

رمش النواعس والحجاجين والزلـف = ياماخـذن قبلـي قلـوب النشـامـى

أمضى من المصقول واسبق من الشلف = سهم الهـوى لوكنـت عنـه اتعامـى

لا يخدعك صبري على الجرح ماخلف = هالشعر غير جـروح قلبـي تدامـى

لي خاطر بينه وبيـن الشقـا حلـف = ياماعثـت فيـه المقـاديـر يـامـا

من عاش هالدنيا بلا صاحب وولـف = عزالله إنـه عـاش عيشـت يتامـى

خل السوالـف والمشاريـه والحلـف = مبطي وأنا علـى الجـروح اتسامـى

قلب(ن)يضيق بذكريات الهوى جلـف = وقلبي مثـل جـرد القفـار يترامـى[/poem]



ما هذا الا قليل من فيض ذلك الرائع حفظه الله من شاعر امتعنا وامتع من يقدر الشعر اللذي يستحق ان يطلق عليه كلمة شعر


سوف تبقأ ياتركي لك مكانة في قلوب محبيك

الاخ محمد السالم



الله لايهينك يابوسالم على النقل الطيب ولايهون الحاضر




والشاعر متعب التركي شاعر غني عن التعريف وقصايده جزله




اكرر شكري لك يابوسالم