Tweet
[frame="1 60"]هذه المساجله جرت بين سحمان بن ملحم العزه السبيعي ووالدي زيد بن نجا الحارثي\ وكانت البدايه من سحمان بن ملحم\
-----------------------------------
يقول سحمان\[/frame]
[poem=font="Simplified Arabic,6,black,bold,normal" bkcolor="transparent" bkimage="" border="double,4,green" type=2 line=0 align=center use=ex num="0,black"]-----------------------------------
يقول سحمان\[/frame]
الحال عالن لو نخيت وتشكويت = مير المنادم للعواطف يداوي.
يازيد عيت لا تواسا وعييت = ارخي لها راسي واكب الدعاوي.
دنيا تروادني على صكة البيت = وهاذي لها والله مانيب ناوي.
مادمت حي وصكة البيت للميت = اللي يابو جياش ماله ضناوي.
دون الرجال ايفتت المجد تفتيت = لا فاعلن فعلن ولاهوب قاوي.
من ضرب خطلان اليدين العناتيت = شرواك والا الدون ماهوب قاوي.
حتى العلم يرسي على منكب اكميت = اقولها لو ماتفيد المناوي.
لا كن هواجيسن طرت لي وغنيت = واهديتها لمثمنين الهداوي.[/poem]-------------------------------------------------------------------------------------------------------------------------------------
[frame="1 60"]ورد عليه والدي زيد بن نجا الحارثي ويقول \\[/frame]
[poem=font="Simplified Arabic,6,black,bold,normal" bkcolor="transparent" bkimage="" border="double,4,green" type=2 line=0 align=center use=ex num="0,black"]يامرحبا حييت حييت حييت = بخطابكم يامحرقين القهاوي.
من يوم جاني شاقني واسفهليت = وفتحت له مشروع سعره غلاوي.
ساعة قريته فز قلبي وفزيت = فزة غريبن عن دياره جلاوي.
وفي واجبات اهل الوفا ماتوانيت = اشفق لهم وامد حبلن رهاوي.
والوقت ياسحمان يغلي كما الزيت = الراس والكرعان صار متساوي
عينت شيخان القبايل هل الصيت = كبار البخوت امكسرين العزاوي.
خلتهم الدنيا فقارن شفافيت = وتقدمت ناسن تزف الحداوي .
وانته على كور الشكاله تساويت = وغيرك يبيها يالسبيعي وثاوي.
لا يزعجونك مكثرين الاصاويت = كبار النفوس امضيعين الهقاوي.
محصولهم فالمجتمع ليت ياليت = مال المراجل في نحاهم حرواي.
وان ضاق بالي يم سحمان سجيت = وارتاح بالي من جميع الشكاوي.
امثال ابو خالد بعيد المشاويت = يطلع كما تطلع خطات النداوي.
لو كان دونه ناس يمه تعديت = وان صوتو لي قلت ماني غاوي.
يضحك حجاجه كل ما قبلت وقفيت = امعرب الانساب للطيب حاوي.
في مجلسن ماراودوه السرابيت = الا النشاما مثل ورد الرواوي.
ومجالس اهل الحكي منها تبريت = مجالسن قبلي وصفها الفراوي. [/poem]
--------------------------------------------------------------------------------------------
وتقبلو خلص تحياتي
تعليق