:: سلامي سلام ٍ ياصل الشاعر ابن فطيس ::

السلام عليكم ورحمة الله وبركاته

قصيده لشاعر / مبارك بن فايز بن البخيت السبيعي

مهداه لشاعر المليون / محمد بن حمد بن فطيس

وبنا على طلبه اضعها بين ايديكم ..............

!

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

أنا أحفظ لساني من الخطا واحبسه تحبيس=ولا أبغى لساني ينفلت من محابيسه
ولكن لا شفت المرامي على التتريس=رميت الهدف لا سانعت لي متاريسه
نجح شاطي الراحه ولا أحدٍ طلع فليس=ونجح صاحب الفكره بفعله وأحاسيسه
ونجح شاعر المليون وابعد عن التغريس=رفع راية الجمهور وابعد وساويسه
بعد قام أبو خالد وثبت له التاسيس=وضع له برامج في نجاحه وتاسيسه
وضع له علم مرفوع مايقبل التنكيس=ونجح شاطي الراحه ونجحت كواليسه
سلامي سلام ٍ ياصل الشاعر ابن فطيس=بعد فاز بالمليون واشعل فوانيسه
عطوه العلم والفوز متلبسه تلبيس=ويستاهل ابن فطيس فوزه وتلبيسه
سموه المحيط اللي غويط ٍ ولاله قيس=محيط ٍ غويط اعماق ماينلحق قيسه
كسبها فراسه ماكسبها ورا التدريس=ولاهو من اللي ياخذ الشعر تدريسه
خذاه وتبرع به ولا دخله بالكيس=ولاحطها رصيد يملا بها كيسه
على موقفه يستاهل الحب والتقديس=ويستاهل ابن فطيس حبه وتقديسه
تقدم له القعدان ماينذبح له تيس=ويفداه من وفر خروفه مع تيسه
بيوت الكرم لاهل الكرم ماتبي تلييس=وبيت الكرم يعرف ولو قل تليسه
كلام ٍ نقوله صدق ماهو على التوجيس=ولاني من اللي ياخذ الهرج توجيسه
نبارك لكم بالفوز يا فارس الفريس=ومن عادة الميدان يطلع نباريسه
كلام ٍ على معناه ما هو على التلميس=ولا نيب اقوله لجل أدور بهانيسه
وانا من سبيع اللي لها بالوفا تكريس=لهم ماقفٍ بالطيب معروف تكريسه
وكل القبايل طيبهم مايبي تقويس=وكل ٍ على ماقيل تعرف نواميسه
انا شاعر وشايب مقبل على الترويس=واتابع مجال الشعر واجلس مجاليسه
واحب الرعد والبرق والمنظر الانيس=اسلي بها قلبٍ كثيره هواجيسه
ولانيب احب الهمز واللمز والتدبيس=وبعض المكان اللي كثيره جواسيسه
ولو قالو أنته عبد ولاّ أنت راس غليس=رصاصي مكفيني وعندي نواديسه
أنا عبد للي ماخلق للنعامه ديس=وكل ٍ يعرف الطير محد ٍ نظر ديسه
احب أرضي الرحمن وازعل جنود ابليس=ولا اعارض اللي مغوي ٍ رايه ابليسه[/poem]

ـــــــــــــــــــــــــــــــــــــــــ
ــــــــــــــــــــــــ
ـــــــ
توضيح لبعض الكلمات.../ غليس _عبد _ بلال.....
هذه القاب يلقبونه بها بعض الاصدقاء في الكثير من المحاورات
وهو فخور بها خصوصاً لقب ..(( بلال بن رباح ))

ارررررررررررررحب يابوماجد


والله لايهينك على النقل الطيب



وصح الله لسان الشاعر مبارك البخيت السبيعي ملاييييييييييييييييييين على ذي القصيده الجزله


وابن فطيس يستاهل المدح وكفووو شاعر ولد شاعر وسنافي ولدسنافي ومن صبيان المحلف اهل العلوم الغانمه ولايهون الحاضر


تقديري واحترامي للجميع

بيض الله وجهك يا بوماجد وافي ولا يجي من الوافين الا الطيب

صح الله السانك الشاعر ولا عليه زود

وبيض الله وجه أبوحمد

بيّض الله وجهك يابو ماجد

وصح لسااان السبيعي

ويستاهل محمد بن فطيس المدح مثل ما استحق الناموس

لاهنت

ولك تقديري

/

\

قصيده طيبه

صح لسان شاعرها

ولاهنت على الاختيار المميز

تقديري

/

\

بيض الله وجهك يا بوماجد وافي ولا يجي من الوافين الا الطيب

صح الله السانك الشاعر ولا عليه زود

وبيض الله وجه أبوحمد