لاتوصي حريص

[poem=font="Simplified Arabic,6,white,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="solid,6,crimson" type=2 line=0 align=center use=ex num="0,black"]
كان قصدك عذابي لاتوصي حريص=الزمن مايقصر وأنت فيك ابركه

لاتعاند تراني صرت مثل القريص=ماحدٍ راح صوبه والعذاب انهكه

لمعة الشوق فيني مثل لمع الفصيص=والقدم سقتها لك والطريق اسلكه

قانصٍ لك وطحت برمش عينك قنيص=يوم شفته غدا في القلب صوت ادبكه

جيت بافر منك واثر مالي محيص=اثر سهمك تعدى للحشا وادهكه

اشهد إنك بقدرك وبغلاتك بخيص=من كثر زود حبك طحت وسط اشبكه

خل قلبي بحبك ياغناتي يهيص=بين روحي وروحك وقف المعركه

ماهو بشرط من دش البحر صار غيص=كم وكم واحدٍ شاف البحر واربكه

اشتوى كبدي وصارت إبعدك حميص=وقرقعة قلبي إبصدري تقول إتنكه

الأمل إنطفا نوره وباقي بصيص=والعمر فات دوره والزمان ادركه

صح قلت ابتعد لاشك منت إبرخيص=ماتناساك قلبي دام فيه إحركه

ما يأثر عذولٍ جأ . عيونه نفيص=راح مني وكفه بالقهر يفركه

ياحبيبٍ جعلني من غلاته خبيص=له عيوني وطن والروح له مملكه

ما علي غير شوفك ياحياتي نقيص=هاك خيط المحبه وابيديك امسكه

بين همٍ وتفكيرٍ وحظٍ عويص=كل من قال خله . قلت كيف اتركه ؟

كيف اخلي حبيبٍ في المحبه خليص ؟=فارضٍ إحترامه والحنان املكه

لوجعل لي رساله وسط مخبأ القميص=ادري إن التجافي والزعل فبركه

ويوم قلت ابتعد والله منت برخيص=كيف يرخص مقام اللي هواه احبكه ؟[/poem]

\\\\\\\\\\\ \\\\\\\\\\\

قصيده للشاعر : حمد بن سعد

ارجو إني وفقت بالإختيار

غربة الروح



صح لسان شاعرها



وتسلم يمينك




اختيار موفق والقصيده جميله

غربة روح


اشكرك على النقل الطيب



واهنئك على حسن الاختيار



لك تقديري واحترامي

الله لا يهينك يا غربة الروح على هذا الاختيار

بس انا عندي احساس ان هالقصيدة سبق قريتها هنا في المنتدى بس ما اذكر

عموما اختيار جدا موفق ولا هنتي

تحياتي

اخوك

محمد الحويله



اشكرك على مرورك وردك


وتحياتي لك

هادي بن عسكر

اشكرك على مرورك وردك

صح نقلك وصح لسانك القائل


:
:

نص اخذ انتشار واصبح طوفاني

من خلال بحثي في قوقل عن البيت الاول وجدتها هنا في النداوي

كان قصدك عذابي لاتوصـي حريـص@@الزمن مايقصـر وأنـت فيـك ابركـه
يعطييك العافيه ياغربه الروح

وصح الله لسان الشاعر

مشبب العاصمي

اشكرك على مرورك وردك

واسعدني تواجدك

غربة الروح

شكرا لك على الاختيار الناجح

تحياتي

سمعت كثيرا بعض ابيات القصيده


قمة

شكرا اختي غربة على النقل

تحياتي لك