Tweet
آه من جور الغرام
الهوى شيٍ مقدر والشقا به لا محاله = والبلا .. والموت الاحمر .. لا شكا الخفاق خله
تحسب إني يوم اداري زلتك غشم وجهاله = لا .. ولا هي ضعف وإلا خوف يا المجمول لله
من قرصه الداب يخشى من رشاه ومن حباله = والفطين اللي يجنب عن جحرت الداب ضله
والخفوق اللي يموت بطلتك اعلن زواله = صد واضمر في حشاه من الفراق سنين غله
ما حكى للي يدور للهروج ولا شكا له = خابر الشكوى لغير الله بها ضعف ومذله
قلبي اللي لو يلوح الكود ف العالي رقا له = وإن تباطاه الصعب حول له وجاه ونزله
آه من شيٍ يلوج بداخله ما اقوى احتماله = فاض واعقب في صواديف الحشا 2000 عله
كل ما هبت نسانيس الهوى جاني خياله = تشخص عيوني لشوفه .. والحشا بيده يتله
يربك الكون بحضوره ماهو بقلبي لحاله = لا حضر ما اظن يبقى شي ساكن في محله
البشر أذواق لكن تتفق فيه بجماله = جادلٍ لا سل رمشه في عيون الناس سله
لو شرب فنجال دمي قلت لعيونه حلاله = الحق الفنجال صفريّ الغلا واسوق دله
إيه أنا أول من هواه ولا ني آخر من سعى له = كل ما جيت اشتكيه لخافقٍ شفته موله
إن بغيت العدل مالت له موازين العداله = ينقلب ميزان كل الكون وتموت الادله
وإن شكيته للخفوق اللي عطاه أجزل جزاله = جيت وإلا الحب وافر والنوايا مسفهله
وإن بغيت أحط له .. حدّ .. ورسوم وضبط حاله = طاح عزمي وانثنى تمثال عشقي خاضعٍ له
علموه إن القلوب بكفه وقلبي لحاله = لا يساوي خافقٍ حبه بقلبٍ مستغله
وعلموه إن الديار اللي هجرها ريح شاله = عقب ما اقفى عن ثراها صارت بعيني ممله
وعلموه إن كان قصده بالهجر شيٍ ف باله ! = والله .. ليبطي وراسي ما انحنى له ضعف .. والله
ثواب جابر الحارثي
تعليق