دسمان السبيعي وحسين بن معوضه الحبابي (مجاراه رائعه)

الشاعر حسين بن معوضه ال ملهي الحبابي اطلع علي مجله اليمامه 1421في 24/4/1416هـ وماقاله الشاعر دسمان بن مناحي السبيعي حيث قال دسمان هذه الابيات التاليه ومناسبتها :-
ان والد الشاعر دسمان بن مناحي السبيعي مريض علي اثر جلطه افقدته قدره النطق والحركه ظل حبيس السرير منذو فتره طويله والمعروف انه واحد من الرجال الذين اصيبوا في موقعه من مواقع الملك عبدالعزيز رحمه الله بالجنوب00
قلنا فقد القدره علي النطق وذات ليله نطق باسم ابنه دسمان في نداء اخواه المرض والضعف قال دسمان

[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

لبيك لبيك ياصوت يناديني = لبيك من بده القاصين والداني
لبيك لبيك من قلبي ملاييني=لبيك لبيك ثم لبيك بلساني
ماهوب لبيك ياصوت المزاييني =لبيك ياصوت ابويه يوم ناداني
كفي لك فراش ولحافك هدب عيني=مادام انا حي تامرني وتنهاني
يابوي مافيه شى عنك يلهيني =طاعتك من طاعه اللي سن الاحساني
ان مت قبلي بكيتك لين توحيني =وان مت قبلك فلا تبكي علي شاني [/poem]

وبعد هذه الابيات السابقه جاره الشاعر حسين بن معوضه الحبابي قبل وفاه والديهما رحمه الله رحم واسعه

[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
دسمان وايش فيك بابياتك تبكيني =ما كل ماسمعت يادسمان بكاني
حتي لو ابكيتني هرجك يسليني =دسمان دسم علي اسمك هرج سماني
الله يسامحك يازبن المخليني = حتي لو ابكيتني ياطير حوراني
ذكرتني واحد لي رحت يدعيني =يقولي ودي انك دائم اوزاني
وان كان غبت يادسمان يوميني = جيته وقلبه علي القرم شفقاني
وان غبت عنه لكنك شائف فيني =خله وقلبي خطير يصيبه جناني
دسمان يفدونك اللي حظهم شيني=الكل منهم يخلي بوه بالعاني
شيبانهم بالخلا دائم مخليني=ندعي لهم دايم بالموت عزراني
متكبرين بلاش وهم مساكيني =وان قلت غلطان قال الا انت غلطاني
ومودع امه ردي الحظ عاميني =يقول تزعج عيالي هم وجيراني
الين ماتت وجاه العلم بعديني =خسران ياجاحد المعروف خسراني
ناس علي الحقد والبغضا مربيني =دائم تغيض الرفيق وتشتم العاني
في ذمتي مالهم مذهب ولاديني = البعد عنهم تراه يجلي احزاني
ياعين يرزقك سلطان السلاطيني = عن رفقه افلان وافلان وفلاني
عليك باللي مثل دسمان ياعيني = قصيده العذب يشرح صر الانساني
دسمان لاهنت جعل ايامك سنيني =حبيت اجاريك لو ماهي بتنصاني
ياليت دسمان من ربعي الادنيني =ان اشهد ان رفقته تشري بالاثماني
لاشك ذي حاجه ماهي بيدني= هو من سبيع وحن من روس قحطاني
والختم ياعين كفي الدمع تكيفيني = لابد وان ماوطا دسمان ياطاني
الغيب عند الله عدال الموازيني = وصلوا علي سيد خلقه نسل عدناني [/poem]

وصلت المجاراه للشاعر دسمان السبيعي بعد وفاه والده ورد علي المجاره بهذا القصيده

[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياحسين بعد البطاء وش بك تجاريني =تنبش جروح الزمان اللي تحـــداني
وانا عن مجاريات الناس يا حسينـي =يكفيني اللي من أسباب الدهر جاني
مع قوعزمي ربع ما صار يكفينــــي =والخافي أعظم من اللي للعرب باني
ألاوي الوقت ويدينه تلا وينـــــــــي =والأول من الثنين اقوى من الثـاني
يابعد فرق التكافي بين الاثنينـــــــي =شتان بين الزمان وبين الانســـاني
مرحــوم ياللي علـيك ملبد الطينـــي =يسقي ضريحك من الهمــتال وداني
والله إن أكفن وحبك في شرايينــي =حاويه قلـب يضـخه وسط شرياني
اختارك الله وكل الخلق فانييني =هذا القدر والجزع نقص الايماني
وانا عن مكابد الفرقاء يعزيني =صبرا جميل ودعـــــوات بغفراني
ياحسين يامقدم الربع الكريميني =يانجل شيخ يعز الضيــــف والعاني
البر ياحسين وقت العسر والليني =في والدينك مثل ماقال لقمـــــاني
خلك لهم غيث ورجوع وبساتيني =واخفض لهم من رقيق الذل جنحاني
ياحسين مادامهم ياحسين حييني =فرصه ترى العمر يافرز الوغاء فاني
لاتمسي إلاوهم ياحسين راضيني =كانك تبي جنة الفردوس مسكــــتاني
اللي يقصر بهم ما فاله بزيني =حتى لونه يذبح عقر الضــــــاني
هذاك دينه ودين اسحاق رابيني =خسران دنيا ويوم الحشر خسراني
ما تنوصي ومثلك لويوصيـــني =شلته من المقدريه فوق الأمتاني
خابرك ياحسين من روس القحاطيني =وانا بعد مثلكم من روس سبعاني
وان كان ودك مع الطرقة تخاويني =يامرحبا بالعديم إن كان خاؤاني
أنشد وتلقا مع الطيب عناويني =مثل ابن زامل معه رقمي وعنواني
وألإما دام اليمامة بينك وبيني =في كل ميدان تجمع بين الأخواني[/poem]

أرحب يابو مسفر



لاهنت على طرح هذه القصة والقصائد الثمينه



بر الوالدين ياطيبه


تحياتي


سعد بن عدال

أرحب يابو مسفر



لاهنت على طرح هذه القصة والقصائد الثمينه



بر الوالدين ياطيبه


تحياتي

بيض الله وجهك يابو مسفر

على نقل هذه القصايد الثمينه

نعم هذا القصيد والشعر الاصيل والمفيد

شكرالك وتقبل تحياتي

أرحب يابو مسفر



لاهنت على طرح هذه القصة والقصائد الثمينه



بر الوالدين ياطيبه


تحياتي


سعد بن عدال

اخوي سعد هلا مرحبا


ولاهنت علي المرور


تحياتي

الشاعر علي بن مسفر الحبابي



لاهنت يابومسفر على النقل الطيب وحسن الاختيار



وصح الله لسان الشاعرين دسمان السبيعي وحسين الحبابي



شعراء جزلين ورائعين وطيبين ولايهون الحاضر



رحم الله ابودسمان وعوضه الجنه وجميع اموات المسلمين



تقبل شكري وتقديري

[frame="1 80"]

اخوي علي

لا هنت

بيض الله وجهك

ونسأل الله ان يغفر لولد الشاعر دسمان وان يسكنه فسيح جناته

وصح الله لسانه

وصح الله لسان حسين الحبابي

شعراء رائعين ما عليهم خلاف

لا هنتو جميع

اخوكم

ابونايف[/frame]

أرحب يابو مسفر



لاهنت على طرح هذه القصة والقصائد الثمينه



بر الوالدين ياطيبه


تحياتي

حي الله ابوعمر ولاهنت يالوافي

بيض الله وجهك يابو مسفر

على نقل هذه القصايد الثمينه

نعم هذا القصيد والشعر الاصيل والمفيد

شكرالك وتقبل تحياتي

هلا والله ابومتعب ولاهنت علي المرور

[poem=font="Simplified Arabic,6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
البر ياحسين وقت العسـر واللينـي=في والدينـك مثـل ماقـال لقمانـي[/poem]

أخوي علي

الله يجزاك خير ويرحم والديييك على النقل الثميييين

أبيض وجه ياعلي
الله يوفقنا جميعا على الهدى وبر الوالدين
أي والله ماجاراة رائعة مثل ماقلت
بل أكثر من رائعة
لاهنت
دمت برعاية الله وحفظة

الشاعر علي بن مسفر الحبابي



لاهنت يابومسفر على النقل الطيب وحسن الاختيار



وصح الله لسان الشاعرين دسمان السبيعي وحسين الحبابي



شعراء جزلين ورائعين وطيبين ولايهون الحاضر



رحم الله ابودسمان وعوضه الجنه وجميع اموات المسلمين



تقبل شكري وتقديري

حياك الله ابن عسكر

ودمت بكل الود

ولاهنت

علي بن مسفر

لا هنت

على النقل الرائع


لك تحياتي

بيض الله وجهك



يابو فيصل





وصح لسان الشاعرين



سلم لي على ابو سفر سلام كثير

[frame="1 80"]

اخوي علي

لا هنت

بيض الله وجهك

ونسأل الله ان يغفر لولد الشاعر دسمان وان يسكنه فسيح جناته

وصح الله لسانه

وصح الله لسان حسين الحبابي

شعراء رائعين ما عليهم خلاف

لا هنتو جميع

اخوكم

ابونايف[/frame]

اررررحب مليون ابونائف


حياك الله اناسعيد جدا بتواصلك الطيب

ومرورك وحضورك الوافي

[poem=font="Simplified Arabic,6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
البر ياحسين وقت العسـر واللينـي=في والدينـك مثـل ماقـال لقمانـي[/poem]

أخوي علي

الله يجزاك خير ويرحم والديييك على النقل الثميييين

أبيض وجه ياعلي
الله يوفقنا جميعا على الهدى وبر الوالدين
أي والله ماجاراة رائعة مثل ماقلت
بل أكثر من رائعة
لاهنت
دمت برعاية الله وحفظة

اخوي الغالي

مناور بن هاجد

بيض الله وجهك

علي المرور العذب ولاهنت