Tweet
[frame="1 80"] [poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بسم الله الرحمن الرحيم
------------------------------------------------------------------------
يسرني ويشرفني أن أنقل لكم هذه المساجله بين علمين من أعلام الشعر النبطي بل مدرستين وذلك على مستوى
الخليج العربي . هذه المساجله التي أكتملت بكل قواعد الشعر والتي لم أقرا وأسمع مثلها (رأي الخاص).وهي بين
كل من الشاعرين الكبيرين والعلمين\عايض بن شجاع الحارثي و مرشد بن سعد البذالي.
وقدا بدأ بهذه المساجله الشاعر \ عايض بن شجاع حيث يقول في قصيدته\\
ياراكبن جمسن يسج الوطا سج=توه جديد لابعد البعد سجاج
يسرح صلاة الصبح والنور ما انفج=على وداع الليل والصبح منباج
واليا عطا مع جرهد القاع الابلج=غطط عليه ورص رجلة الى الصاج
مايمكنه شوفك اليا ثور العج=لمحة بصر دوبك تشوفه اليا لاج
يقطع مثاليلن هل الدرب الاعوج=يروج روجات النداوي اليا راج
ماعمر سواقه على النوم هملج=ماهوب من خطو الرياجيل دلباج
مايسمعك لو صحتله كنه اصنج=في خاطره من نازح البعد وهاج
واليا قطعتوا مطمنن فيه عرفج=تبغولكم مزن على حد الامواج
تبغون بيت من لفا به تبرهج=بيت يقدم فيه خرفان ونعاج
دايم وبابه للمسايير منفج=وسوالفن يطرب لها كل هراج
ردوا سلامي عد من للحرم حج=وعداد ماتمشي طوابير وافواج
اللي كتبته داخل الخط مدرج=مكتوب في خط طوي طي ديباج
عن شور مرشد ما اسمتع شور من لج=أظن يلقا لي عن الهم مخراج
انا بقيت من السوالف محرج=الناس بارت والدهر يحرج احراج
وقت يخلي طيب النفس مزعج=مما يشوف ويسمعه من هالازعاج
قالوا لي اصبر والشدايد تفرج=كلن يقول الصبر تاليه الافراج
الصبر زين وكل مشكل يعالج=لو ان همك كبر ابانات وسواج
واللي يقاسي بيض الايام يفلج=طول الزمان يقاسي الراس فلاج
قلت افتهم مامقصدي هرج وحجج=الامر معرفه لها تاج
انا ما انصيٌ كلمتي خطو الاهمج=الاُ اللذي من رفقته ربح وانتاج
هرج مع الجاهل على ويش يهرج=وهرج مع اهل المعرفه نور وعلاج
________________________________________________
وقد رد عليه الشاعر الكويتي مرشد البذالي بهذه القصيده
البارحه ذهني بالافكار ما انتج=من العشا لين اسفر الفجر لعاج
اهوم من زود الولع واتنهج=اونست في صدري من الهم وهاج
والطرش من سطوات الاقلام يحتج=يحتج من ضرب البناني والاسراج
ياللي بدربات المعاني تلهج=اسمع جواب اللي صعد عسر الادراج
ابيات مافيها كلام معروج=ماصاغ كاتبها عن الوزن سوهاج
قم يا نديبي فوق جول المدرج=فرت لعسرات المطاليع دهاج
يا زين مسراحه مع الحزم الارتج=مع شلعة فيها من المرو رتاج
من الكويت اسرح وممشاك مفرج=بيد صحاصيح معا خط مطناج
والصبح مع لغف النفود ايتدهج=وظهرأ معزبه ماصعن حدره الصاج
اليا من نورك بآخر العرق عجعج=وام الجماجم عنك يسرى بالآفاج
عساك تلقى الوصف معا خطو الابلج=له مع عرب عايض معرفه ومنهاج
لا شفت خشم الغاط ابه ايتحجج=انشد اليا طالعت تلقاه دواج
وتشوف ديوان عايض مبرهج=مشرعن ماصك قفله بمزلاج
تلقاه في صف الدلال ايتزعج=حرص على ضبط الرساله بالارواج
سلم عليه وقل ترى الوقت ما دج=لايستوي في خاطره شك وحلاج
قله ترى صاحبك بالحمل دلفج=لو ان وزني ثقل ضلعان الافلاج
--------------------------------------------------------------------------------------
ختاما اخوتي وأخواتي أتمنى أن المساجله نالت أعجابكم جميعا وأفادت كل من له هوايه في الشعر وعرف
مافو الفرق بين الذهب والفضه....................................!!!!!!!!!!!!!!!!!! !!!!
وتقبلوا خالص تحياتي وتقديري،،،،،،،،،،،،،،،،،،
أخوكم\ثواب بن زيد بن زيد الحارثي
[/poet][/frame]
بسم الله الرحمن الرحيم
------------------------------------------------------------------------
يسرني ويشرفني أن أنقل لكم هذه المساجله بين علمين من أعلام الشعر النبطي بل مدرستين وذلك على مستوى
الخليج العربي . هذه المساجله التي أكتملت بكل قواعد الشعر والتي لم أقرا وأسمع مثلها (رأي الخاص).وهي بين
كل من الشاعرين الكبيرين والعلمين\عايض بن شجاع الحارثي و مرشد بن سعد البذالي.
وقدا بدأ بهذه المساجله الشاعر \ عايض بن شجاع حيث يقول في قصيدته\\
ياراكبن جمسن يسج الوطا سج=توه جديد لابعد البعد سجاج
يسرح صلاة الصبح والنور ما انفج=على وداع الليل والصبح منباج
واليا عطا مع جرهد القاع الابلج=غطط عليه ورص رجلة الى الصاج
مايمكنه شوفك اليا ثور العج=لمحة بصر دوبك تشوفه اليا لاج
يقطع مثاليلن هل الدرب الاعوج=يروج روجات النداوي اليا راج
ماعمر سواقه على النوم هملج=ماهوب من خطو الرياجيل دلباج
مايسمعك لو صحتله كنه اصنج=في خاطره من نازح البعد وهاج
واليا قطعتوا مطمنن فيه عرفج=تبغولكم مزن على حد الامواج
تبغون بيت من لفا به تبرهج=بيت يقدم فيه خرفان ونعاج
دايم وبابه للمسايير منفج=وسوالفن يطرب لها كل هراج
ردوا سلامي عد من للحرم حج=وعداد ماتمشي طوابير وافواج
اللي كتبته داخل الخط مدرج=مكتوب في خط طوي طي ديباج
عن شور مرشد ما اسمتع شور من لج=أظن يلقا لي عن الهم مخراج
انا بقيت من السوالف محرج=الناس بارت والدهر يحرج احراج
وقت يخلي طيب النفس مزعج=مما يشوف ويسمعه من هالازعاج
قالوا لي اصبر والشدايد تفرج=كلن يقول الصبر تاليه الافراج
الصبر زين وكل مشكل يعالج=لو ان همك كبر ابانات وسواج
واللي يقاسي بيض الايام يفلج=طول الزمان يقاسي الراس فلاج
قلت افتهم مامقصدي هرج وحجج=الامر معرفه لها تاج
انا ما انصيٌ كلمتي خطو الاهمج=الاُ اللذي من رفقته ربح وانتاج
هرج مع الجاهل على ويش يهرج=وهرج مع اهل المعرفه نور وعلاج
________________________________________________
وقد رد عليه الشاعر الكويتي مرشد البذالي بهذه القصيده
البارحه ذهني بالافكار ما انتج=من العشا لين اسفر الفجر لعاج
اهوم من زود الولع واتنهج=اونست في صدري من الهم وهاج
والطرش من سطوات الاقلام يحتج=يحتج من ضرب البناني والاسراج
ياللي بدربات المعاني تلهج=اسمع جواب اللي صعد عسر الادراج
ابيات مافيها كلام معروج=ماصاغ كاتبها عن الوزن سوهاج
قم يا نديبي فوق جول المدرج=فرت لعسرات المطاليع دهاج
يا زين مسراحه مع الحزم الارتج=مع شلعة فيها من المرو رتاج
من الكويت اسرح وممشاك مفرج=بيد صحاصيح معا خط مطناج
والصبح مع لغف النفود ايتدهج=وظهرأ معزبه ماصعن حدره الصاج
اليا من نورك بآخر العرق عجعج=وام الجماجم عنك يسرى بالآفاج
عساك تلقى الوصف معا خطو الابلج=له مع عرب عايض معرفه ومنهاج
لا شفت خشم الغاط ابه ايتحجج=انشد اليا طالعت تلقاه دواج
وتشوف ديوان عايض مبرهج=مشرعن ماصك قفله بمزلاج
تلقاه في صف الدلال ايتزعج=حرص على ضبط الرساله بالارواج
سلم عليه وقل ترى الوقت ما دج=لايستوي في خاطره شك وحلاج
قله ترى صاحبك بالحمل دلفج=لو ان وزني ثقل ضلعان الافلاج
--------------------------------------------------------------------------------------
ختاما اخوتي وأخواتي أتمنى أن المساجله نالت أعجابكم جميعا وأفادت كل من له هوايه في الشعر وعرف
مافو الفرق بين الذهب والفضه....................................!!!!!!!!!!!!!!!!!! !!!!
وتقبلوا خالص تحياتي وتقديري،،،،،،،،،،،،،،،،،،
أخوكم\ثواب بن زيد بن زيد الحارثي
[/poet][/frame]
[/align]
تعليق