من أجمل ما قرأت لشعراء وشاعرات النداوي .

وهذه الابيات للنداويه النقيه الشاعره / معاني الشوق

[poem=font="Simplified Arabic,5,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
يوم الأحد ليلة الاثنيـن لـي ونّـة=
أتلهـا تـل دلـو البيـر سقمانـه

الله مـن حنـة ياقـوهـا حـنّـه=
جريتها من عروق القلـب وجعانـه

كني على صالي الوهاج يـوم انّـه=
أحرق فؤادي وصدري نار شعلانـه

ضيقً عرفته أبـد مايختلـف ظنّـه=
وحلمٍ رأيته ومنه العيـن سهرانـه

أعوذ بالله مـن هالضيقـه ومنّـه=
هليت دمعي على الخديـن جزعانـه

صكات في دنيتي لوعـات منجنّـه=
والجرح ينزف حزن وأعصاب تلفانه

أصلي وأبكي وحالي مـادروا عنّـه=
سجادتي من دموع العيـن رويانـه [/poem]

ولها أيضاً

[poem=font="Simplified Arabic,5,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
ملي عيني بالليالي ياسهيل=
.....من لذيذ النوم ماذاقت كرااااه
آآه واويلاه من قلبي عليل=
.....ياكبر همي على ربي جزااااه
كيف أبرقد داخلي جمر ومليل ؟=
.....أنكوى قلبي على ربي شكااااه
هل دمع العين والعبره تسيل=
...مــثــل وبـــل الــغـيـث يــوم الله نشااااه[/poem]

ولها أيضاً

[poem=font="Simplified Arabic,5,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
دكتور أنا وضعي من العام منكوب =
.. (والعين عيت لاتنام الشقيه)
الدمع من موق النظرين مسكوب=
.. كنه هليل مزون وسم الحويه
صدري من الضيقات والهم معطوب=
.. ضلعي كسير وعلتي داخليه
الناس غاشيها عن الحق حاجوب=
.. وقلوب مرضى ياشفاعة نبيه[/poem]

حفظكم الله

[سعد بن شليه السبيعي]

هذه ابيات اعجبتنى لشاعر مشبب العاصمي

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الخوافي تبيّن مـن نضيـح اللسـان=وكلمة السو يلقا من حَكَـا سوّهـا

والحكيـم يتمهّـل قبـل فـوت الآوان=قـبـل نفـسـه تـنـدّم ليتـهـا لـوّهــا [/poem]

]

وهذه الابيات للشاعر الغالي والنداوي العزيز : سعود القت .



[poem=font="Simplified Arabic,5,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
فاقتي نبنوب ذربات المثايل = مهتوي للي تذير من قفرها
عن واسراجها يجلى الغلايل = من صدور وقتها جار وعسرها
لركمت في مهجتي مثل المخايل = يبهج عروش الحشا وابل مطرها
تدحم لهم على قلبي تكايل = ابترم بعروق قلبي لين اسرها
ساعده حظ مدى الايام مايل = نايم له ظل نخله ما وبرها
في زمان يشدي الجرف المهايل = والنفوس المرهيه تشبح نظرها
والفقر بين العلا والرجل حايل = كم رجل رام حاجه ما قدرها
واحترام الذات من ضمن الفضايل = جيد عرق الغرسه يبين بثمرها
جمرة الغليون والا الشك زايل = من قدح شرارة لحقه ضررها
من يكب الفرض ويصل النفايل = لو بغى يستر عيوبه ما سترها
تندهش همة عريبين السلايل = يوم نبت الني ينهش في ظهرها
ولو تعرضنا لسكة كل عايل = كان باتت لولة البحر ابحرها[/poem]

وله أيضاً

[poem=font="Simplified Arabic,5,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
مديت شوفـي فـي تخاتيـخ دنيـاي = في ساعةٍ تصعـب علـي النكوفـه
وليا الهدف ضوحه ورا شوح مرماي = والرجـل لا قلّـط يثمـن وقـوفـه
تشابهت عنـدي عوانـي واعـداي = وبان الخيـال اللـي تداحـم قنوفـه
سنـدت لخطايـه وقلطـت يمنـاي = وطقيت ناتـوش النـدم والحسوفـه
من لا بفكره يفتـل وينقـض الـراي = لا بـد مـا تبـدي عليـه الكلوفـه
وجنبي متين ويلحق الجمـة ارشـاي = يموح عضـدي محتـري للمروفـه
آخذ مـن دروس التجاريـب لقـداي = مثـل ماقالـوا بالحداثـة بـروفـه
ابرم رحاة الصعب لا عمست ارياي = من لا وطا رمضا المراجل تطوفـه
ادرا الخوي والجار من لظو رمضاي = وعيني عجف رفاقتـي مـا تشوفـه
احرص على اللي رفقته غاية ارضاي = وان عضني وقتي بسط لـي كفوفـه
ولا انخدع في برقةٍ تكبـح إخطـاي = وجهٍ صحاح ومبطـن الغـل جوفـه
واللـي يعاملنـي علشـان مخبـاي = وليـا ابتهـج قفـا بنفـسٍ شحوفـه [/poem]


وله أيضاً


[poem=font="Simplified Arabic,5,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
الامل خطوة ضيا وان طال صار الياس رحمه = والصبر فيه الفرج وان زاد يفقدك العزيمه
والضمير اللي شرب ياس الحياه وضيّع اسمه = ارتوى من مرها واخفى علامات الهزيمه
دافن(ن) همه ورا حدبه ومبدي شبه بسمه = خوف لا يصبح لهاة فمي عشاق الشتيمه
العباد اللي ضرمها الشمت ولغوجاه حدمه = فاختت وجه الصحيح وصار له قدر(ن) وقيمه
تمتطي مطية الشيطان وتقاسمه قسمه = ما عضاها وعر دربه في هواها مستهيمه
تستغل الغافل من الناس في تمرير هجمه = سجلو منه الهدف والخصم ما قابل خصيمه
تلبس العظم السليم جبارة المكسور عظمه = صافي النيه خطا والمخطي بنيه سليمه
يابداية فج ضيي وله لو لضي نجمه = ميلة الايام صلفه مسني وبالجو غيمه
انفهق وجه الحقيقه صابه من الوقت عتمه = جاز للرديان والطيّب سعر جوفه ضريمه[/poem]

حفظكم الله

وهذه الابيات للشاعر الغالي والنداوي العزيز : ناصر الأحمري .


[poem=font="Simplified Arabic,5,firebrick,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
سبحانه اللي ماتنام عيونه = اللي عباده كلهم يرجونه
استغفره واسبحه واخضع له = واطلب رضاه وفي الشدايد عونه
ومرضاة شيباني يسهلها لي = حيث انها بعبادته مقرونه
وان يسّر الله طلبتي واعطاني = فاصعب صعيب بعدها ياهونه
كل العقد لو طوّلت منحله = حتى لو رماح الزمن مسنونه [/poem]


وله أيضاً :

[poem=font="Simplified Arabic,5,firebrick,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
بيوت القصيد جداد وأفكارها درّاس = جديد الفِكَر جنبت عن دربها مرّه
قصيد الحكم والمدح ومباركة الأعراس= وقصيد المراسل والهجا كم لي آجرّه
وباب إرحم الحبّيب ياشمعة الجلاّس= كفوني به العشاق ماوالله آمره
ولو عودت في سوق وأعرض ذهب ونحاس = وهذيك محمره وهذيك مصفرّه
فبيت تضمن ذكر ربي ونصح الناس = يزن من قصيدي حول خمسة عشر درّه
فلا يالله إني عايذٍ بك من الوسواس = ومن شر ماحبّب ومن شر ما كرّه
أنا داري إن الناس ماهم سوى وأجناس = فذا راعي البكره وذا عالم الذرّه
ولكنّ تقوى الله هي الفرق والمقياس = مع إن ذا ولد قينه وهذا ولد حرّه
فيا أيها الناس إستعيذو من الخناس = وللدين عودو وأجمعو كل منثرّه
يا أحفاد ابو القاسم ومصعب وابن عباس = لخير البشر جره فسيرو على الجرّه
كتاب الله وسنة محمد تروها الساس = وذا الساس في الدنيا هو العين والقرّه[/poem]


وله أيضاً :

[poem=font="Simplified Arabic,5,firebrick,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
وإذا راس مال التاجر النقـد والمشـروع=فأنا راس مالي مرعـزي فـوق بسّامـي
وإذا كلّ حبّة خشـم تلقـح بحبّـة كـوع=فمن حب كوعه صار في خشمه عْرامـي
كذا حكمت الله تجعـل الحايمـات وقـوع=ولافرّقـت هـذا يمـانـي وذا شـامـي
دروس الزمان الصلف من كل صنف ونوع=وطامي خذا سحمي وسحمي لحق طامـي
وبابـك يانجّـار البلـد نعرفـه مخلـوع=ونعرف نظـام ومِصـدره ماهـو نظامـي
ولكن بشـر كـلٍ ولـه منهـجٍ وطبـوع=وخير الدوى من لذعـة الميسـم الحامـي
ورى كلّ غلطه مطبعيّـه خطـا مطبـوع=وبيض الورق تشره على روس الأقلامـي
أنا آقفّل الموضوع والاّ أفتـح الموضـوع=إشارتـك يـا سبّابتـي تحـرج إبهـامـي[/poem]


حفظكم الله

[سعد بن شليه السبيعي]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
موطئ قدم رجل الرسول الشريفة=تسوى بلاد الشرك واهل الدانمارك[/poem]



سعود الردعان

وهذه الابيات لشاعر المعنى والنداوي العزيز : عبدالله الطلحي .


[poem=font="Simplified Arabic,5,#0300FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قال المثل من سار في الطرقه وصل=واللي يريد النايفه يرقىلها
والنايفه دايم على قمة جبل=تختار من بين الجبال طوالها
كم عشت مابين السعاده والملل=رحله لها غايه وانا رحالها
بغيتها بالهون جتني بالعجل=وورتني الدنيا وشفت احوالها
وش عاد لو إنا سكنا بالفلل=وإلا تحت شجره يميل ظلالها
ننزل بدارٍ غيرنا فيها نزل=ومن قبل ننزلها رحل نزالها
ولابد مانرحل سواة اللي رحل=وعيالنا تحكي الخبر لعيالها
واللي تمدّيه الليالي في المهل=ويصارع ايامه وسود ليالها
لابد بعد العلم يرجع للجهل=وخزاين اسراره يفك اقفالها
ماضيع إبن آدم كما طول الأمل=ولاطوّل الآجال طول آمالها
نعمل بهالدنيا وإذا حان الأجل=نفس الفتى مرهونةٍ باعمالها
في ساعةٍ فيها حساب ولاعمل=توزن خفاف أعمالنا وثقالها[/poem]

وله : أيضاً

[poem=font="Simplified Arabic,5,#0033FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
صباح الخير ياللي صلاة الصبح مبداه=وقبل إشراق نور الصباح اشرق جبينه
جلس من عقب صلى يسبّح في مصلاه=يشع النور وجهه وتغشاه السكينه
لقيته تنظم الذكر والتسبيح يمناه=مثل نظم الجواهر عسى تسلم يمينه
نظمها في يمينه وجمّعها بيسراه=وتبسّم بعد حاز الكنوز براحتينه[/poem]

وله أيضاً :

[poem=font="Simplified Arabic,5,#0033FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ترى الوقت مايعطيك متعه بلا ثمن=ضياع العمر لابد تدفع قسايمه
وبكره تلوم الوقت وتقول غرني=ومن وين لك صبرٍ يقاوم هزايمه
زمان الرخا حلوٍ طعامه ومشربه=يغر الفتى لامن غرق في نعايمه
ينسّيه وشلون المراره وطعمها=ويغفل ويحسب حلو الأيام دايمه
والإنسان في حاجه لهمٍ يذكره=ونفسٍ بلاهمٍ في الأحلام هايمه
ووقت الشقا كلٍ يذمه ويكرهه=لكنّ التجارب والحكم من غنايمه
يبيّن لك الصاحب ويكشف لك العدو=ويمكن يوريك الفتن وين نايمه
وللصبر مامثله معلم ومدرسه=وخريجها تطلع قويه عزايمه[/poem]
حفظكم الله

[align=center]وهذه الأبيات للشاعر والنداوي الجزل / عبدالرحمن بن بديع[/align]


[poem=font="Simplified Arabic,5,#5F2C08,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الناس والدنيا 0منازل بـلا سـاس=رحيلهـا وان طولـت مقتفيـهـا
ومن هي رصيد له تواليه لفـلاس=وبيموت ماشاف الغنى من حديهـا
هذي هي الدنيا 0وهذي هي الناس=خسران من علـق هقاويـه فيهـا
غرارة ٍ فيها الرجا كنـه اليـاس=حتى ولو جـادت فمنهـا واِليهـا
اللي يلاقي وجهه الشيـن ينـداس=واللـي يلاقـي زينهـا يهتويهـا
كم من رفيع ٍ خلته يرخي الـراس=وكم من وضيـعٍ خلتـه يعتليهـا
يشوف فيها العاقل اشكال واجناس=يزهدبها 0ويراقـب اللـي يليهـا [/poem]
وله أيضاً :

[poem=font="Simplified Arabic,5,#5F2805,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
العمر يمشي ويطوي ويوم بعـد يـوم=وان قضا ماينفع الشخص جهد ٍ يجمعه
الجمايل دايمه 0والمناصـب ماتـدوم=والكفو لو يندفن مااندفن ذكـره معـه
وان نصيت الطيّب اللي له العليا تروم=وجهه وجاهه وحالـه ومالـه يدفعـه
لازهمته قال حاضر تريـح ومخـدوم=والردي حتى ولو قالها صـد ودعـه
الردي ماقسمه الا من اهزال القسـوم=غير قالوا كان ماطاعك السوق فطعـه [/poem]

[align=center]وله أيضاً :[/align]

[poem=font="Simplified Arabic,5,#5B2C05,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياحسرتي ياما مضـى مـن سنينـي=والله يستر لايجـي الطـاق مطبـوق
اللـي مـن الله كاتبـه فـي جبينـي=سبحانه اللي دبر الرزق مـن فـوق
امـن العـدم لـو اتوسـد يميـنـي=في ذمتي ماهييـن نفسـي لمخلـوق
وكرامـةٍ منـهـا تـعـدا يديـنـي=والله ماحظـاهـا ولا اذوقـهـا ذوق
ووالله ماجـي واحــد ٍ مايبيـنـي=لو كان يلحقني من الوقـت ملحـوق
ولاني وراء غرات ربعـي ادوينـي=وادخل على الله ماعرف الغدر والبوق [/poem]


[align=center]حفظكم الله[/align]

فكرة جميلة جداً


أبيات من قصيدة نشاد للمبدعة أبعاد التركي
والتي أرى إنها تكتب بأحساس عالي
وأبداع لا يوصف


دريت انه لغيري واقتنعـت ولابقـى مقعـاد
تفارقنـا ويامكثـر غـلاه وكثـر تقصيـره


خذا كل العمر واقفى بلاعـذر وبـلا ميعـاد
وانا قفيت ما والله في قلبـي سكـن غيـره




كل الشكر لصاحب الفكرة

أبيات جميلة جداً من ثورة حزن للشاعر محمد بن حسان

أحيان أرتّـب جملتـي وأرجـع أحتـاس

وألقى حروفـي بعثـره وأجمـع حكـاي

أضماك وأشرب غيبتك وأكسـر الكـاس

وأتبع سرابك .. وأرتجي شربـة المـاي

موضوع قيم وراائع
سأعود من بعد التصفح
شكرا يابن شايع

سافرت ناوي أترك الضيق لحظات
لقيت طيفك بالسفر محترينـي.?!
حاولت أببعد عن خيالك مسافـات
الله حسيبك وين مارحت فينـي.?!
غيرك نسيته ماطرى كل حـزات
الا أنت دايم بالدقايـق تجينـي.?!

لــ مناور بن هاجد

موضوع رائع

لاهنت اخي

هذه أبيات اعجبتني للأخ الشاعر الرائع\ قديم الشوق


دامـك معـي تحـرم عليـك الاهـانه
.................... والـلــي نـواك بضــر والله لضــّره


سـرك حفظتـه مثـل حفظ الأمـانه
.................... وقدرك رفعتـه فوق حبـل المجـّره

دوك امسـكي قلبـي وشـدي عنـانه
.................... وانتي ترى في اللي تسوين حــّره

وعمري خـذيه اليـوم عنـدك رهـانه
.................... ودامـــــه رهـيـن يـديـك لـلـه درّه

ميــانـتـك أكــبـر مـن ايـــة مـيــانه
.................... حـتـى لـو ان اغلى الأوادم تشــّره


تحيتي

وهذه للرائع / سالم بن جخير


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يالله انك تستر الحال وتعز الفقير = يامعين الصابر اللي على الشده صبر

يامغيث المستغيث ومجير المستجير =من عذابك مالنا لا مكان ولا مفر

جعل تسقى قبور الاجداد بالوبل الغزير =وتصبح القيعان من حولها عشب وزهر

يوم كان الناس للناس والدنيا بخير =والبدو منهاجهم غير منهاج الحضر

ويوم كانت شبت النار فالثلث الأخير= والدلال الصفر والنجر وبيوت الشعر

ياوجودي وجد شيخن قضى عمره كسير =لابرى جرحه وكسره جبر ولا جبر

كان قايد جيش والموت لامن جا يغير .=ايتحزم للثنادي وضربه فالصدر

لين جاته ضربة الغدر من كف الحقير= سود الله وجه راعى الخيانه والغدر

وين ابلقى لي رفيقن على الشده نصير =لا نخيته صار زبده مثل زبد البحر

لاتعزوى سل سيفه وطلوح بالجفير =وقال وين ؟ وقلت لعيون براق النحر [/poem]


الى أن قال :

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
راكب الي كن جنحانها جنحان طير =كنها حرن تعلى عن القاع وشهر

اسبق من الصوت وامضى من السيف الشطير =واسبق من السمع وابعد من حدود النظر

واثقل امن طويق واخف من حب الشعير =واللطف امن الورد واقسى شوي من الصخر

شوفها غير .. وركوبن على الكشنات غير =ولا بغيت الجد كنك تمشى في قصر

ليت عباس ال فرناس شاهدها عصير =كان ماخاطر بنفسه وحاول وانتحر

كلها هيبه وعزه وتطمح للأمير =ماتجي عند الخرافي ولا عند الصقر

لا استدارت كن ذا الكون كله يستدير =ولا استقامت تسحر عيون وقلوب البشر

ولا اعلن الكبتن وقال استعدوا للمطير =شلعت في رمشة العين وبلمح البصر

من ديار العز والطيب والخير الكثير =انطلقنا من الكويت وهبطنا في قطر

جيت من واقع محبه ومن قلب وضمير =لجل عين اللي غلاها تمكن واستقر

في شراييني وقلبي وفكري والنظير =كل ماطولت عنها يجي دمي فقر

واتفقنا فالمحبه وتقرير المصير =واختلفنا في المبادي و وجهات النظر

ماهقيت ان المحبه تبي دهنات سير =لين قالت " ويش ابي فيك ياوجه الفقر

كان تبغيني على طول يا سالم جخير =لا تعزوى بالعذارى وحسكات الوبر

خيلا الحرشا بصوتن يشيب بالغرير =ارس ياقلب المعنى و وقف ياشعر

واهني الي من الحب قلبه مستخير =ما اشتعل قلبه من الحب لين اصبح جمر

والمحبه تشعل القلب نبضات وسعير =كلها حزن ومعاناه واشواق وسهر

والمحبه كنها الحزن في وجه الأسير =لاقضى صبره ودمعه على خده حدر

والمحبه كنها العلم في وجه النذير =لا ارتفع صوته ودقت مزامير الخطر

المحبه حمل والحمل في ظهر البعير =والبعير شعيل يااما رغى ولا هدر

والمجرب في المحبه يسمونه خبير =يستشيرونه ويعطي مواعيظ وعبر

وان ذكرت العلم الأول بقى العلم الأخير =حالفن ممشي ورى النفس والقلب الخضر[/poem]


الله يرعاكم

سعيد بن مقبل للــه دررررررررررره
يقول



[poem=font="Simplified Arabic,6,#0D020A,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
واحد صديقٍ لي تجوّز وحدةٍ متغطرسه= حاول يعَدّلها ولاكن فشْلت المحاوله
قال اعطنا ياصاحب الافكار حلٍ ندْرسه= يوم انك مسوّي على كل الحلول مقاوله
قلت الهوى ياصاحبي ماهوب شيٍ تفْرسه= ان جاز والا اترك بلنتيّه وطنّش فاوله
قد قلت لك منذو البدايه لاتجيب مدرّسه= ولا استمعت لكلمتي كنك من النخـا...
واليوم عان الكنز عندك حاول انك تحْرسه= والا ترا بيجيك من يقْلب عليك الطاوله
انته تبي جني الثمر والغرس مانت بتغْرسه= ويوم استوا البستان ودّك تاكل الفراوله
ماجيت طابور الصباح ولا اتعبك دق جْرسه= لكن تبي تالي الشهر شيكٍ يجيك مناوله
لاياطويل العمر خصمك شايبٍ ما اشرسه= والله انه ابعد لك من المندق ومن لاطاوله
الشايب اللي تو بنته قبل عامٍ معْرسه= ماغمضت له عين من يوم الهنوف مشاوله
واليوم ودك تاخذ الصفري لحالك تمْرسه= هذا الكلام اللي على طول الطويل مطاوله[/poem]

وهذه الابيات الجميله للنداوي القدير : سعد بن مناحي بن شفلوت


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
واعنا قلب ٍ من الوقت عيّـا لايطيـب =الضـروف أحتدتـه والهمـوم أحتلّتـه

بين راس ٍ مايسلّم وحـظ ٍ مايصيـب =ياكثـر ماعـزّرت بالضميـر وملّـتـه

اشهد انها شيّبت بي قبل وقت المشيـب =غلطة ٍ هـزّت ضلوعـي وقلبـي تلّتـه

وأتظاهر بالسلامه وأنا قلبـي صويـب =وأجتهد في مسح دمـع ٍ عيونـي هلّتـه

وكل جرح ٍ للدوى يمكن انّه يستجيـب =البلا فـي الوقـت عيّـت تـداوا علّتـه

وأن نويت أجحد وأكابر ياذاك أني طبيب =أستجد الجـرح والوقـت غيّـر ملّتـه

مابقى للصبر طاقه ولا للطيـب طيـب =والسكوت أصبح وجوده يشابـه قلّتـه

وش يفيد الصمت والصد مايرضي قريب =شَلّتـه سـود المشاريـه والاّ خَلّـتـه

جعل ظني في قلال البصايـر مايخيـب =عالـم ٍ لاشافـت الطيـن زادت بلّـتـه

دمت لي ياهاجس ٍ لازهمتـه مايغيـب =من هجوس ٍ لانـوت بالقصيـد أندلّتـه

خابرك لاصرّم العلم والموقـف صعيـب =تنثني فـي شـف قلبـي وتحمـى حِلّتـه

اعسف مهار المثايل وجيب اللي تجيـب =من خفوق ٍ جاد هيضـه وفاحـت دلّتـه[/poem]


حفظكم الله