Warning: session_start(): open(/var/cpanel/php/sessions/alt-php56/sess_ca034842934cd4a0c9afb8f88d1a9033, O_RDWR) failed: No such file or directory (2) in /home/alnadawi/public_html/vb/includes/vb5/frontend/controller/page.php on line 343 Warning: session_start(): Failed to read session data: files (path: /var/cpanel/php/sessions/alt-php56) in /home/alnadawi/public_html/vb/includes/vb5/frontend/controller/page.php on line 343 الشاعرالعذب والحزين صالح الشادي (سلام الله على الاوطان - منتديات النداوي الشعبية

الشاعرالعذب والحزين صالح الشادي (سلام الله على الاوطان

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • خلف المهيلان
    " نــداوي "

    • Feb 2004
    • 1801
    #1

    الشاعرالعذب والحزين صالح الشادي (سلام الله على الاوطان

    نقلت لكم قصيده للشاعرالمعروف صالح الشادي

    نقلت من موقع نجديه


    [frame="9 80"][align=center]سلام الله على الاوطان





    سكون..
    ولاضجيج إلا صراخ أطفال باكستان..
    ومدافع تقصف (الجيران )..
    وجوع يصيح في السودان.

    هدوء..
    وثكلى مالقت جثت ولدها..
    وطفلة تنزع أظفار المنايا روحها..
    وتهجر مهدها.
    وصداع يهدم الجدران ! .

    سلام..
    وناس تنام ..
    وناس مالقت مرقد ثلاث أيام..
    وعين تودع الفرحة ..
    وعين تعانق الأحزان .

    سلام الله على الأوطان .

    (*)

    بعد أيام عيد الفطر..
    تهانينا بعيد الفطر يا أهل العيد .
    تهانينا بنهار الزاد والسكر ..
    وطعم العيد .

    يقولوا عيد ..
    وأقول الله يعين العيد ..
    إذا هو بيحتفل فينا ..
    وحنا مو معاه .. بعيد ! .

    يقولوا عيد ..
    وأقول أرجوك ياجاري ..
    تحمل كشرتي لوما قدرت أكْذب صباح العيد.

    ولو ماقلت لك مبروك
    وجيتك حامل همي على وجهي ..
    بلا ضحكة و لا تغريد !

    وش التغريد ..؟
    لاصار الظهرومكسور ..
    ولاصار الفرح محذور
    ولاصرنا وسط حزن الفراغ ندور ياجاري ..
    وش التغريد ؟! .



    وش التغريد ..
    وانت مو جسد واحد ..
    كثير أجساد!
    بعضك في يد الجلاد
    وبعضك في هرب وطراد
    وبعضك عايش الغربة
    وبعضك عايش التشريد ياجاري ..
    وش التغريد ؟!

    تجاوز كذبة التغريد والالحان ..
    تجاوزني ..
    وتأمل وش يصير الآن ..؟
    سلام الله على الأوطان .

    (*)

    تعالي ..
    وين حضنك وين يا الراحة
    تعالي ..
    واخطفي هالياس من حضني .. ولميني .

    تعالي ..
    وامطري فوق اليباس اللي فدع فيني
    وخذيني فوق بهطولك..
    ألين الشعر يضويني.

    أبيه العالم اللي مابعد شفته ..
    أبي وجه الزمن الأبيض ..
    وحلم مابعد عشته ..
    ولا متعت به عيني .

    أبي صبح مثل وجه الحبيبة غير ..
    يسابقني عليه الطير ..
    يبعثرني ..
    وأبعثر به دواويني .

    أبي أرتاح من دوامة التفكير في التفكير
    من الساعة ..
    من الواقع .. من التفسير وأوجاعه ..
    وأبي أرتاح من نفسي ..
    ومن ويني !؟ .

    تعالي ..
    وأدري إنك لوتجي ، بيخونك العنوان
    لأنه مابقى عنوان للراحة ..
    ولا انسان ..
    سلام الله على الأوطان[/align][/frame]
    التعديل الأخير تم بواسطة حسين الحبابي; الساعة 11-17-2005, 04:44 AM.
    الكلمات الدلالية (Tags): لا يوجد
    • حسين الحبابي
      " الامبراطور "

      • Nov 2004
      • 5739
      #2
      ياهلابك ياخلف




      حيه وحي ماجاب



      تقديرا لك وتقديرا لشاعر القصيده تم التثبيت

        تعليق

        • صالح آل شنيف
          " وسام الاداره "

          • Feb 2004
          • 3459
          #3
          السلام عليكم


          الاخ خلف المهيلان


          حيه وماجاب شرفتنا في الاهداءات بعد الشعبي




          الاخ حسين الحبابي


          دايم تسبقني على الطيب



          كل الود




          اخوكم
          ابوطارق


          [poet font="Arabic Transparent,4,sienna,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
          جــار الزمــان ودار والتــف حــولي= ودارت سنينــي في زمــاني وجــارت
          [/poet]


          [align=center]أبـــــــــو طـــــــــارق[/align]

            تعليق

            • ابراهيم بن مريع
              " وسام الاداره "

              • Jan 2002
              • 1439
              #4
              السلام عليكم


              الاخ خلف المهيلان


              حيه وماجاب شرفتنا في الاهداءات بعد الشعبي

                تعليق

                السابق template التالي
                يعمل...