-- محمد الشمالي --

بسم الله الرحمن الرحيم
السلام عليكم ورحمة الله وبركاته
اعزائي الكرام
هذي قصيده لشاعر المحاوره -- محمدالشمالي --
وهي في والدي -- راشدبن سالم ابوشهاب--
وحبيت اهديهالكم
----------------------------------------------------------------------------------------
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الليله الليله الطاروق يبغاله =نارتوهجم وهاجوس يصاليها
تزاحم الشعر والشاعر على باله = علوم يجهربها وعلوم يخفيها
وطعون غبرالسنين وهرج عذاله = ياكبرهافي عيون اللي يحاتيها
الى تريح فضيخ القلب والداله =عينه من النوم تلقى مايقزيها
نداوي واقع في وسط محباله = يبغى العشا والزمته الناس بيديها
عزيزنفس ونزل في غيرمنزاله = لوان دعواه فيها بعض مافيها
يبغى الفرج من بني عمه ولاجاله = يزهم وربعه ملقيته علابيها
والطيب والموقف الغصاب ورجاله = والله لاعدها الليله باساميها
المدح ماكل من يبغاه يحتاله =يبغى قلوب مثبة كراسيها
يبغى مثل راشدابوشهاب واشكاله = اللي الى قال كلمه مارجع فيها
شيخ الى كبرت القاله رجعناله =وتصغر كبار الامور الى سعى فيها
كلمة نعم عندكل الناس تثناله = ومقدرعندقاصيهاودانيها
حفيدشيخ يقول ويحتمي القاله =عقيدقوم معربة عزاويها
شيخ يفك السجين وطيب فاله = والى درع في جموع القوم يفنيها
كم راس شيخ بحدالسيف يشتاله = من سرجها لين تاطاه بمواطيها
من هيبته مات محد شرب فنجاله = عزمن الله للعلياوراعيها
عقيدنا وانت ياراشدمن عياله = واحفادالاجواد مايختل ماضيها
تكفى ياراشدسهوم الموت قتاله = واظن ماللجروح الامداويها
يامسندي ذاخرك لليوم وامثاله = لاتخلف الهقوه اللي فيك هاقيها
والله ماعذرك ياراشد غيرفي حاله = اللي مايقدر على الوقفه يخليها
لكن ترى الذيب ماله عذر من خاله = اللي علومه علوم ومبتلش فيها
اللي ظروف الزمان تحطم اماله = وايامها كنها عنده لياليها
عيا زمانه يسانع ويصفاله = والنفس ماكل ماتلقاه يرضيها
شافت حبربش زمان المال وانذاله = مراجل الناس صارت في مخابيها
يقدم العبد والصانع لجل ماله = وتهان الاجوادلان الفقر واطيها
وانا اتعجب لميل الوقت واهواله = ولاترى النفس رب البيت مغنيها
والتبع ماشره عليه ولا اتعناله = والديره اللي تظم اللاش ماجيها
افخربربعي هل الردات والطاله = وانصا منازل كبار القوم واجيها
مثل ابوسالم ذرى المحتاج وظلاله = اللي ورانا قدم رجله معنيها
الظاهر انه مخليني على باله = ودعواي عنده من اولها لتاليها
ماغير حر وقع له وسط محباله =وانصاد قبل يتعشا من ثناديها
وابغاك بالجاه تشفع له وترفاله = الحمله اللي يقال انه مسويها
واللي ماياردعلى هداج وحباله = ماشرب من بارد الجمه وصافيها
واللي ليا احتجت تقصردوني افعاله =افعاله اللي على الفاقات ماابغيها
مابغيه في الحشر يعطيني من اعماله = ابغي حقوق العواني عندعانيها
ولبسه من قدم ماطاه لعقاله = منظومة من بحور الشعرجانيها
قصيدة من سمان الشعر وجزاله =من سمعها قال صح لسان راعيها
تنظم على اسمه وتكتب له وتقراله = فريدة النوع زاهيته ويزهاها
[/poet]الشاعر
محمدالشمالي

الله الله

قصيدة رائعة

وقيلت في كفو



لاهنت