مزون الشوق

اخواني واخواتي

السلام عليكم ورحمة الله وبركاته وبعد

هذه قصيده لقيتها في بريدي الاكتروني
وهي للشاعر /عبدالله بن عبد العزيز الحارثي

شاعر توه في بدايته ولكنه اجاد المعنى والوزن
والقافيه التي هي من اساسيات الشعر

اضعها بين ايدكم والحكم لكم انتم وارجو توجيهه
ان كان لديه شي من بعض العيوب المعروفه لدى المبتدي

واعتبروها هديه منه ومني لكم عموم؟

[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="outset,4,gray" type=2 line=200% align=center use=ex length=0 char="" num="0,black" filter=""]
{مزون الشوق}

يامـزون الشوق وينـك..؟ عن دياري غايبات=وين هو برقك ورعدك..؟وين هتان الغفير

أجـدبت أرضي وشانت لين غصن التين مـات=وأنضبت كل العيون وصارت الدنيا هجير

مابقى إلا الصخر صـامت في سـهول النايفات= كل من سيـّر تـذكر نقشـته عند الغدير

يوم ينحت ع الصخر ذكرى السنين الـماضيات=اسمه وعام الكتابة والعمر باقي صغيــر

يـوم للـدنيا طـعم و اذواقـها متـشابهـات=تـمره ودلّـه وخيمة والحمل فوق البعير

والقـلوب الطيبه في ترجي وامنيات=عشق وافراق وتلاقي فالصباح وفالعصير

كلما قلنا ابتدينا شحت اقـلـوب البنـات=وكلما قلنا انتهينا راسلونـي بألـف طير

آه من جـور السنين وجـور فرقى المترفات=من سبايبها بكينا واشتكى منها الضميـر

ومن سبايبهـت نسينا عمرنا واصبح شتــات=ومن سبايبها سهرنا نرقب البـدر المنير

ومن سبايبها قصدنا البـحر بـعـد الـباديات=يمكن امواجه تخفف لـوعة الحب المثير

ومن سبايبهـا تعلمنا الصـبر فــ النازلات=ومن سبايبها كتبنا الشعر وزن ونثير

يامزون الشـوق وين ام العـيون الفـاتنات؟=غابت وغـبتي وحبي مندفن في وسط بير

وين عشق التضحيات؟؟ ووين عشق الوافيات= في زمان الهم و الاحزان و الياسر عسير

وفي ختام الشعر وابياتٍ جديده محكمات=العذر لأهل الشعر من كبير ومن صغير

ثم صلوا ياعرب عـد ممـشا الـعـاديات=ع النبي المصطفى خير البشرواعظم بشير
[/poet]


الشاعر/ عبدالله عبد العزيز الحارثي

حسين الحارثي


الطيب مايجيب الاالطيب


صح لسان قائلها وذا كانت البدايه

فهو موهوب وأنصحه بالاستمرار

والله يكثر أبناء العم شرواك

وبلغه تحياتي وشكرا علي النقل الجيد

كماهي عادتك


والسلام عليكم

الشاعر /خالد بن فراخ

جزاك الله الف خير

وتراها فعلاً البدايه والانطلاقه

والله يسمع منك

وابشر سوف اوصله سلامي

لاهنت على المرور

{سهيرالليل}

حسين

صح السان شاعرها

وتسلم على النقل


اذا كانت هذي البدايه عليه الاستمرار

لانه فعلا عرف يحبك القصيده


لك تحياتي

أنا أقول إذا كانت البداية كذا
فأتمنى انه يواصل ولكن لازم يقرأ يقرأ كثير وكثير

وصح السانه والسانك ولاهنت

جميل ما طرحت والاجمل ما تضمنته هذه القصيده .

رياض الاحمري ,,,,,

ولا اروع من الشاعر





الا من نقل لنا ابداعه



لاهنت ياسمي

السلام عليكم


الاخ الشاعر حسين الحارثي


انا ما اقدر اقول ان هذا شاعر مبتدي

وبصراحه طريقة الكتابه وتداخل الافكار والسرد بهالطريقه مايقول ان اللي كتب القصيده مبتديء


صح لسان قايلها وتسلم يمناك على النقل



دمت بكل الود




اخوك
ابوطارق

سلمت الايادي على النقل الرائع

لاهنت ياسمي ولاهان الشاعر




شكرا على تواجدك ولاهنت

الاخ الشاعر حسين الحارثي 0

اسعد الله اوقاتك --------- قصيده مميزه في سرد الاحداث وجزله في المعاني
لكن عندي ملاحظه وهي سرد احداث الماضي لشاعر مبتدي امر عجيب وكأنه عاش حياة العرب
الاولين -------- وصفه للماضي وهذا شيْ طيب من شاعر مبتدي , يمكن تكون نهاية البيت الاول
( الغثير ) والله اعلم وايضا هذا البيت ( من سبايبها كتبنا الشعر(( من)) وزن ونثير )--- التوفيق له بمستقبل واعد
تقبلوا وجهة نظري ------------------------------------------------------------------ اطيب التحيات 0

لي عوده ان شاء الله

لجميع ودي وتقديري