أبيات من ذهب

أبيات من ذهب

الفكرة رائعة جدا وستكون دافعا جيدا لبذل المزيد من الابداع.

هذه بعض الأبيات التي اردت المشاركة بها:


أشره على اللي يشوف الرقم ويكبه ********** وأنا ليا شفـت رقـمـه بسـت جـوالي
يـقــول نـايـم وهــو بــيـديـه يـلعــبه ********** هو ما درى انه جفا ويحز في بالي

____________________________________________________________
النوم نوم القــــلوب ودمهـــا يجـــري

مسكين قلبٍ ذبحـــه النـــوم ويمـــاري

إلحق زمانك تــرى في تاليه تــــزري

ترى ربيع العمر بــه ورد وأزهــاري

والورد به شــوك واللي يقطفـــه يدري

يازين قطفـــه لمــن بالبيت متـــواري

____________________________________________________________

حافظ على الدين لايدخلك ذرة جحود ***** دنياك مهما زهت .. مصيرها بايده

احذر على والدينك لايجيهم صدود ***** وابوك لبه ليا ناداك ... لا تعانده

لأشتد عضد الفتى عليه يرقى سنود ***** يرقى بروس الطوال وكلن يشاهده

أخوكم/ مهدي بن حباب

أحييك يا أبو ناصر على هذه الفكرة


وأتقدم بهذه الأبيات مما قدمته في المنتدى:


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الـعين تنـظر للجـمـال وتـنـقـله=للقلب ويا ويـل الذي قـلبـه ضعيف

حرارته تزداد مع زود الولـه=لين المحاجـر دمعـها يذرف ذريف

ترى دموع العين ماهي مشكله=لـكـن دمع الـقـلب يا عـالم نـزيـف
[/poet]

الاستاذ سعيد الحمالي مشكور على هذه الجهود الطيبه والا الامام

1 ياهل الخليج اليوم فالوقت ميلات## اخذو حذركم والعداء لاتغدرنا
توحدو ياشعبنا للملمـــــــــــــــات ## اليوم كلٍ طامعٍ في رغدنـــــا
2

...............اررررحب يا سعيد...............

فكرة رووووعه يابعدي...تشكر عليها وهذي مشاركتي المتواضعة بين قلوبكم:

هزتني دموعك على هجعة الناس()هزة (غريب الروح) لا سمع تكفى
.......................
تدري ذكرتك ياهوى بالي ازمان()مدري تذكر عاشقك لو ثواني
.......................
احس اني من الحرمان حادي خلفته العيس()او فالبرد حطاب(ن) بليله ضيع الفاسي
........................
قلت احبه وقالوا: لو حجاجك يفله=انت امير الهوى و (القلب للقلب شاهد )
.........................
غربتي لو هي معك ماني غريب()دام صدرك لي وطن واغلى تراب
........................
لي عزة(ن) كنها حوت بعض الاشجار()اموت واقف ما انحني للهواني
انا عريب الجد من نسل الاحرار()بين الجدي وسهيل هذا مكاني
.......................
احبك كثر مايهوى الحيا بالقيظ حادي العيس()الى حل الجفاف وكل عشب(ن) في شعابه يبس
.........................
سلامـتـك تـشـرى...يـا يـمــه بـالالـمـاس()وش فـايـدة عيـنـي لــو اقـفـى نـظـرهـا؟
ياللي "مثل" فـي طهرهـا تضـرب النـاس()تمشي وينبـت عشـب مـن تحـت اثرهـا!
..........................
جيتك..وانا تحتـي مـن الخـوف زلـزال()يقـولـه الـلـي خطـوتـه مــا حسـبـهـا
خايف..وانا انطح حول خمسين رجال()خايف..لاامـوت بفرحتـي لــو سلبـهـا
.........................
لـبـا قليـبـك يـاهـوى الـــروح والـبــال()لـبـا العـيـون الـلـي ذبحـنـي هـدبـهـا
ذيك الرموش ان سلهمت تذبح ابطال()كـل الجـروح بسهمـهـا مــن عطبـهـا
انـا اشـهـد ان العـيـن تـذبـح وتغـتـال()"ســادات" يمـكـن اغتيـالـه سبـبـهـا
........................
ليـتـنـي ويــــاك يــاخــل بـجـزيــرة()ماوطـاهـا انـسـان.. ياحـبـي بـعـيـد
.........................
الـبـيـض يـامــا نـاشــدن طـيــب مـمـشــاي()يـاحـظـهـا الـلـي لامـســت قـلــب "خـالــد"

[align=center]مرحبا يابو ناصر ..


فكره جميله واقتراح اجمل ..

انا عندي ملاحظه بسيطه المفروض ان كل واحد يجيب ابيات اعجبته من غيره لان كل واحد عنده ان قصيدته جميله والا كان ماقالها ..

وعلشان كذا تلاحظ ان كل واحد جايب ابيات له وقليل جدا من قال انا اعجبني البيت الفلاني للشاعر فلان والشي الثاني ماهو ضروري يكون ثلاث ابيات حتى لو بيت واحد يكفي لانه اكثر لاحيان تجد قصائد ما فيها الا بيت واحد او بيتين والباقي تكمله عدد

انا اشوف ان الطريقه الان شكلها ما رايح نستفيد منها لانها سرد مطول من غير فائده المفروض ان كل واحد يرسل ما يعجبه من الابيات لغيره وتعرض على اللجنه وكل اسبوع او كل شهر يثبت منها مجموعه لمده محدده حتى يستفيد منها الجميع وانا وجهة نظري انها ما تتجاوز 15 بيت وكل اسبوع تستبدل بغيرها ..


تقبل تحياتي وتقديري [/align]

الله يعطيك العافيه يابو ناصر

فكره طيبه ومفيده


يسلم راسك اللي جابها


ولك مني كل الود واطيب التحايا

[align=center]بسم الله ,,

اخوي سعيد الحمالي

فكره رائعه

ولشرف المشاركه اليكم بعض الابيات [/align]

[poet font="Simplified Arabic,4,black,normal,normal" bkcolor="transparent" bkimage="" border="double,4,deeppink" type=0 line=350% align=center use=ex length=0 char="" num="0,black" filter=""]
ياخي ارحمني ترى ملّيت من كثر العذاب = لاتجاهلني وجرحك فالضلوع يشدّني
ولاتجرعني كؤوس المر وازداد اكتئاب = يكفي انّ الحظ عن شيٍّ بغيته ردنّي
ويكفي اني قمت اسأل ليه طوّلت الغياب = وانت صرت اقسى عليّه من زمانٍ هدّني

******

من ثلاث شهور مرّت كنت انا سادع ووادع = مستريح البال مايطري عليّه أي طاري
لين غاب اللي غيابه خطب جَمّ وامر فاجع = واحدٍ ماغيره اللي ذقت به طعم انتصاري
حاتميٍ في حنانه يوسفي الحسن فارع = ابدويٍ فيه طبع البدو والمظهر حضاري

****

ورد فيه من البياض وفيه من احلى الوصوف = مكتسي بالعز ويدلّك أنيق قيافته
مرتبك وليا تكلم يمتلي وجهه كسوف = من خجل ,والا كلامه للفصاحه لافته
لبّا قلبه وارتباكه والرموش اللي وقوف = ولبّا ذيك الشيله اللي نور وجهه حافته

******

تدري وش اكبر مشكله واجهتني = اني أعيش وْكلّي احلام وامال
عنها ظروف الوقت غصباً حدتني = والحظ لامن مال ياصاحبي مال

******

عزِّك الله يابلادي والوطـن غالـي ترابـه = والمساس بأمْنك اكبر واعظم من اية جريمه
والنفوس المطمئنّـه قتلهـا جُـرْمُ وْحِرابـه = والغدر من طبع ناسٍ مالها حشمـه وقيمـه

****

ويارب يارب الملا يالواحد الفرد الجليل = تنصر شعوب المسلمين اللي لبابك طارقه
ويارب نطلبك العفو شيٍّ(ن) حصل ماهو قليل = مليار مسلم والوهن فينا علامه فارقه

******

مسرفه في حب نفسك مافْتكرتيني بجيّه = لين شفتيني أموت من العذاب اللي طواني
وجيتي ابْنظرة شماته تلعبين السامريه = فوق جرحٍ من سبايبك ابتليته وابتلاني
ودامك انتي ماعرفتي قدْر نفسٍ لك وفيّه = ارحلي عنّي ترا يكفيني اللي منك جاني

*****

وتدري وشنهي المشكله والمطمّه = لاصرت ابيك وعنّي الوقت يبعدك

*****

عنها حدوني جامعيـن الملاييـن = وانا خذلني فـي هواهـا معاشـي
[/poet]

فكره رائعه

وكل الشكر للاخ سعيد

مشاركتي هي

يالادمي لا ترفع الــــراس وتهون .. هدي شويه لا يضــرك حماسك
ما زادت الدينار كرعان ومتـــون .. عشان يرهب فاقد المال باسك
مثل البشر عظم ومعاليق وعيون .. مقياس واحد لا تكابر مقاســـك

ان جيت ترمي الذيب حذراك تخطيه .. لا تظـــــرب الا ميقنٍ بالاصابه
فكر ثلاث امرار وشلـــــــون ترميه .. حتى تحاشا ما لا يحمد عقابه

................

لا تلحق الدنيا وتركـــض وراها .. تدخل مداخل ما لها مخرجيه
اقنع بحالك يستـــــر الله حالك .. كب المناوي واتبع الواقعيه
واعرف ترى ما كل شيٍ محقق .. بعض الحقايق ما بها مقدريه

................


اقبل بتصــــريف الولي سبحانه .. والنفس لا تاتي مع الوقت بايحه
فالرابح اللي حكمة الله رضاها .. وكلٍ يواجه ما كتــب في لوايحه

.........
صافي الايـــــــام تتليه انقلابه .. وان صفا لك غيث الايام ارتويه
والفتى لو كان ما يغنم شبابه .. لا كبـــــــر بقعا تراها بتحديه

..............

حتيش لو قصـر الهداني مشيد .. وهـــــو هماليل السحايب تروعه
اصعب عليه من الهنا لقمة اليد .. واسهل عليه من الغنا حب كوعه

..............

الوقــــت ما كل داخل قبةٍ قاسه .. ولا يفتهم في قياسه كل هوجاسي
احدٍ ليا من دخل في قبته حاسه .. واحدٍ دخل له سوات المركب الراسي

................

القول عز وزايد الهرج نقصان .. ومن لا يثمن منطق الهرج عابه

..........

من لا حفظ للطيب الجود حقه .. لا خير في قوله ولا في قرايره


اخوكم محمد الميع

[align=center]بسم الله ,,

اخوي سعيد الحمالي

فكره رائعه لاهنت يالقرم يابن القروم

ولشرف المشاركه اليكم بعض الابيات[/align]

[poet font="Simplified Arabic,4,black,normal,normal" bkcolor="white" bkimage="" border="outset,3,gray" type=2 line=200% align=center use=ex length=0 char="" num="0,black" filter=""]
البارحه نامت العالم وانـا صاحـي =من كتمتٍ بالصدر والهـم متحـدي
شفت الغني لو*** ويدنه اشحاحـي =كلـنٍ يعـزه معـزه مالهـا حـدي
المال يرفع رخمت القوم لاطاحـي=والفقر حيل السنافـي منـه ينهـدي
-----------------------------------------------------------
كـلا يـقــول انــه عـلــى درب الاسـنــاع = حـتـى الــذي مـمـشــاه كـلــه خـطـيــه

وان كـان بـيـدي صـعـب تـغـيـيـر الاوضـاع = اضـعـف لـيـمـان بـداخـل الـقـلـب نـيــه

مـانـي رسـول الـحــق قــدام مــن ضــاع= الــهــادي الـمـعــبــود رب الـبــريــه
----------------------------------------------------------

انا شاعر واشب النار لدله واحـب الـذود=واحب الخيل والصحراء روابي نجد غاياتي
واحب اشوف مزنٍ فيه برقٍ يلتعج ورعود=يسيل السيل والزملوق تشبع فيـه نوقاتـي
ولامن الخزامى والنفل عطر هبوب النـود=الى هبت علي تبعد هموم الصـدر ماتاتـي

الشاعر اخوكم نعير بن شلوان
--------------------------------------------------------

[/poet]

ابو ناصر الله يسعد جميع اوقاتك بالخير

مشكور عل الفكرة الممتازة

[poet font="Simplified Arabic,5,black,normal,normal" bkcolor="white" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
ياروح روح الروح ياروح من راح= ياروح روح الروح ياروح روحي
ياروح روح الروح ياروح مضواح=روحي وانا باروح وان رحت روحي

****

لصار مالك من رفيقك موده=خله ولاتتعب على شان ترضيه
اللي معك ساعة وينساك مده=وزيارته لك يوم تفضى مخابيه


****

صديقٍ في الشدايد مانفعني=انا وقت الرخا ياويش ابي به
ليا مني زهمته ماسمعني= وليا منه زهمني قمت اجيبه
[/poet]

[align=center]السلام عليكم ورحمة الله وبركاته

اخي سعيد الحمالي الف شكر على جهودك وافكارك الرائعه في خدمة المنتدى

بصراحه انا كل ماادخل اشوف البنر ولا يلفت انتباهي لاني احسبه اعلان موقع او منتدى اخر وخصوصا انه في بنر الاعلاانات

لو يعمم الموضوع على كل الاقسام ويثبت يكون افضل في تصوري وراح يكون فيه تجاوب واقبال اكثر

وخصوصا انه متعلق في افضل الابيات وهذا مايبحث عنه الجميع

بقي ان اشكرك على الايميل وابارك لك ولكل الاعضاء والزوار بحلول شهر رمضان المبارك

تحياتي واحترامي[/align]

[frame="2 80"][poet font="Times New Roman,5,darkblue,normal,normal" bkcolor="transparent" bkimage="" border="none,4,darkred" type=0 line=200% align=center use=ex length=0 char="" num="0,black" filter=""]

مشاركتي الاولى ابيات من قصائدي

.
.

°ˆ~*¤®§(*§*)§®¤*~ˆ°
.
.
للهوى طاروق به ربي بلاني=ولا بتليته لين شفته مبتليني

له لحونٍ ماتجي مثل الاغاني=ان سكت موّال وان سولف هجيني

.
.

°ˆ~*¤®§(*§*)§®¤*~ˆ°
.
.

حتيش لو انك حدث وتصير ضمن الصايرات=منهو يقول انك مثال احداث قبلـك صايـره؟

شفت النجوم بحكمة الله في فلكهن سايـرات؟=عليك بسهيل اليماني ,, كان تقـدر؟ سايـره

.
.

°ˆ~*¤®§(*§*)§®¤*~ˆ°
.
.

انتي قبيله خـاب منهـو يعاديـك=وفارسك ذيـب ولايهـاب الذيابـه

.
.

°ˆ~*¤®§(*§*)§®¤*~ˆ°
.
.

تحياتي

[/poet][/frame]

[align=center]الفكره اعجبتني وشدتني


والحقيقه انت اشترطت شرطا للاسف لا يمكني المشاركه به

ولكن سأشارك ان سمحتوا لي بدونه


وشرطك ان يكون قد نشر في النداوي

وانا حديث عهد بالنداوي

لذا اقول ان سمحتوا لي بها ونعمه وان لم تسمحوا فهذا شرطكم ولن اتجاوزه[/align]




[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
انا ابغى العمر ما ابغى دقيقه=انا ابغاك ما ابغى رساله
[/poet]










[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
انا صغير العمر والعقل كامل= والواهب الله ما شحذته من الناس
[/poet]




[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
اتعبت رجليني بكثر المشاوير=حتى وانا نايم اسير بمنامي
[/poet]

لا هنت يا ابو ناصر

دايم سبّاق للتميز

أنا أؤيد الأخ مشرف الفكر والنقد

حكيم الجامعة / جعيثن العرجاني

أن على كل مشارك أن يرشح لغيره وليس من انتاجه

وللجميع تحياااااااتي

مساكم الله بالخير .. عز الله انها خووووش فكره



الأبيات ............




إلا حاجتين (ن) تبحث اللي مداه إبعيد === لا طال المرض ولا ليا طالت الطرقه

هذي والله اللي يظهرن الردا والجيد ==== ومن فاز بالثنتين هذي ظهر فرقه

ســـــــــــــــــــــعد بن جـــــــــــــــــدلان


+++++++++++++++++++++++++++++++++++++++++++++++++++++





ليتني يوم أنحر الطيب لحاجه === أنصرف م القاه أو يقظي لزومي


حيث ماني باتلفت للعواجه ==== ما يسب الطيبين الا الرخومي


ســـــــــــــــــــــعد بن جـــــــــــــــــدلان


================================================




يوم اني اشر على صدري وعينك تويق === واقول انتي هنا وتقولي انته هنه

اهاء فاااخر كلماتك بصوت رقيق ==== تشطب على ذاكره سمعي وتستوطنه



ســـــــــــــعد بن عــــــــــــلـــــــوش


===============================================






والله ان اااحر من دمع اليتيم === دمعه الرجال من فرقا مره




مــــــحمــــــد بــــن حــــــمد



======================================




اآلآدمي لولا المكارم والاخلاق === كالحنظله من عرقها لاورقها




ســـــــــــــــــــــعد بن جـــــــــــــــــدلان


===========================






والابيات الزيييييننه والله انها واجد بس ذي اللي تحظرني الان . . وسامحوني على القصور