المفقاعي..يتغزل في ذوده !!!

[gl]أخواني أعضاء وزوار منتدى النداوي....... تحية طيبة وبعد/ مع هذه الأجواء الممطرة والمثيرة لإحساس وخواطر الشاعر..... تذكرت قصيدة هي من أفضل ماسمعت في وصف ( المغاتير ) والمرباع ولعلكم تشاركونني الرأي في ذلك ........ للشاعر الكبير خلقا ً وشعراً : غازي بن محمد بن درمان المفقاعي ...أليس كذلك وهو ابن رجل أنظر له كأب إن لم يكن كذلك .... أليس كذلك وهو ابن عم للشاعر الكبير : منصور المفقاعي والذي يقول في قصيدة يوجهها للأمير سعود بن بندر "رحم الله الجميع " و شدا بها مطرب العرب ومنها : ليت من ينهبه ياسعود هاك الغزال ********** ثم يزبن عليكم مثل زبنة رشيد المهم نستمتع سويا ً بهذه الرائعة///// [/gl]


أفرح ليامني توجهت للذود
...................ويستانس الخاطر ليا شفتهنه

ذودي مغاتيرٍ ولا طبهن سود
..........................لو كان مافي السود شكنة وظنة

مير الوضح عندي هن الكسب والفود
........................والطيب والتقددير يستاهلمنه

باسعى لهن وبذل لهن كل مجهود
.............................أبذل لهن بالطيب مافيه منة

قنيتهن من دون غاية ومقصود
....................إلامحبة في الحشى مستكنة

أحبهن حبٍ له ثبوت وشهود
.............................وأول شهوده لو حكن هرجنة

في عيونهن غلاي حاضر وموجود
...........................وفي قلوبهن لي الوفا والمحنة

لهن طبع ماهوب في باقي القود
..........................ولو طالت الأيام مايخلفنة

في راس مفلاهن ثقيلات وركود
................................مقهورهن لايمكن يفارقنة

مرابطات حوله مرابط جنود
...........................تقول ذولي شغلهن يحرسنه

وان روحن وصيح الراعي بزود
............................زأسبق من اللي يكضمن الأعنة

تسمع ترازمهن تقل غابة وسود
.............................لو قدمهن موج البحور ضربنه

واوصافهن لطبوعهن قد وقدود
..............................لو سابقن كاس المزاين خذنة

خشوم ووجيهن حسينات وخدود
................................وكنها تعلق في السماء ارقابهنه

وسنام فوق الردف ووروك وعضود
.............................مصبوبةٍ مثل الذهب من مغنة

والذيل شبر ونصف والغارب سنود
............................فجح المواخر والخطا يبعدنه

مفرودهن تقول ما هوب مفرود
............................كنه ثني بالجرم والوصف كنه

صيوان حكامٍ بالأطناب مشدود
..............................من كبره يتعب يدينٍ ٍ بننه

لو ان ماردهن على أبيار وعدود
.........................ما حال قدم نحورهن يدحمنه

ذودي ليا طاح الحيا واخضر العود
.............................ما اردهن عن خايع ٍ يشتهنه

ما ازين معشاهن ليا هبت النود
.......................مع العصير وصار للعشب بنه

والبرق يبرق والمزن جالة رعود
........................إن كان برق الوسم وإن كان كنة

ذودي على حفظة موصيني العود
..............................وان كلام العود ماصد عنه

الشايب اللي ماكسب علم منقود
........................... من شبته باد ٍ على راس قنه

هو مسندي لا عود العلم مردود
..............................وانا امشي بشوره ورايه وظنه

والطيب في اجواد العرب ماله حدود
...............................مااقول ملكي وابعد الناس منه

واختامها بالمسك وبريحة العود
...........................صلوا علىاللي سنته خير سنه

سفر

بيض الله وجهك ووجه راعي القصيده

خشوم ووجيهن حسينات وخدود
................................وكنها تعلق في السماء ارقابهنه

وسنام فوق الردف ووروك وعضود
.............................مصبوبةٍ مثل الذهب من مغنة

الله الله

لاهنتوا كلكم


الولهان

يعطيك العافيه يا سفر

وصح لسان كاتبها


لك مني خالص ودي


أخوك \ بدر المشاعر

لاهنت لاهنت


ومن منا لا يعرف الشاعر منصور المفقاعي

صح لسانك ولسااااانه

تقبل تحياتي

لاهنت




يا سفر


وبيض الله وجهك





.







والشااعر معروف

ابوسعد بيض الله وجهك علي نقل هذه الرائعه

مبدع ومتابعك

لك طابع ثاني

سعدت بوجودك بيننا

سلملي عليك يالقرم

اخوك علي الحبابي

صح لسانك ياسفر ولاهنت


قصيده .. في القمه كصاحبها .. العلم


لاهنت ياسفر

والوضح يستاهلن ..



ولا تحرمنا حضورك



لك خالص تحياتي

سفر
سلم الله فكرك

وصح قلبك ولسانك

ولاهنت

دمت برعاية الله وحفظة